Republic of the Philippines
Department of Education Regional Office IX, Zamboanga Peninsula
Filipino
Ikalawang Markahan - Modyul 2:
Dula mula sa England
Zest for Progress
Zeal of Partnership
10
Name of Learner: ___________________________
Grade & Section: ___________________________
Name of School: ___________________________
Bumuo sa Pagsusulat ng Modyul
Manunulat: Angelica M. Rodriguez at Marietta R. Engcol
Editor: Arnie P. Taclap
Tagasuri: Sheryl Cuevas-Deocadez
Tagaguhit:
Tagalapat: Wilvin H. Inding
Tagapamahala: Virgilio P. Batan, Jr., CESO VI- Schools Division Superintendent
Lourma I. Poculan - Asst. Schools Division Superintendent
Amelinda D. Montero - Chief Education Supervisor, CID
Nur N. Hussien - Chief, Education Supervisor SGOD
Riela Angela C. Josol - Education Program Supervisor- Filipino
Ronillo S. Yarag - Education Program Supervisor, LRMS
Leo Martinno O. Alejo - Project Development Officer II, LRMS
Filipino – Ikasampung Baitang Support Material for Independent Learning Engagement (SMILE) Ikalawang Markahan – Modyul 2: Mga Akdang Pampanitikan ng Bansang Kanluran -
Dula mula sa England Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anumang akda ang Pamahalaan ng Pilipinas. Gayunpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng mga tagapaglathala at mga may-akda ang karapatang-aring iyon. Ang anumang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito.
Walang anumang parte ng materyales na ito ang maaaring kopyahin o ilimbag sa anumang paraan nang walang pahintulot sa Kagawaran.
Inilimbag sa Pilipinas ng
Department of Education – Region IX – Dipolog City Schools Division
Office Address: Purok Farmers, Olingan, Dipolog City
Zamboanga del Norte, 7100
Telefax: (065)212-6986 and (065) 212-5818
E-mail Address: [email protected]
1
Maligayang bati sa iyo minamahal kong mag-aaral! Nakahanda at sabik ka na bang mag-aral at matuto? Batid kong oo, kung gayon ikaw ay maghanda na sa mga
sumusunod na araling ating pag-aaralan.
Ang modyul na ito Aralin 2 ay naglalaman ng “Sintahang Romeo at
Juliet” na hango sa Romeo at Julieta ni Gregorio C. Borlaza sa orihinal na akdang Romeo at Juliet ni William Shakespeare. Bahagi rin ng aralin ang
pagtatalakay sa kultura ng lugar na pinagmulan ng kuwentong-bayan, paghahambing sa kultura ng bansang pinagmulan at alin mang bansa sa daigdig, pagpapaliwanag sa kahulugan ng salita batay sa etimolohiya nito.
Aalamin mo rin ang katangian ng mga tao sa bansang pinagmulan ng kuwentong-
bayan batay sa napanood na bahagi nito at panghuli ikaw ay susulat nang
wastong sariling damdamin at saloobin tungkol sa sariling kultura kung ihahambing sa kultura ng ibang bansa.
Mga Pamantayan sa Pagkatuto: Pagkatapos mapag-aralan ang modyul na ito, ang
mag-aaral ay inaasahang;
MELC (Week 2) Sa pag-aaral sa modyul na ito, inaasahang matatamo mo ang mga sumusunod:
Mga Pinakamahahalagang Kasanayang Pampagkatuto (MELC)
1. Nailalahad ang Kultura ng lugar na pinagmulan ng kuwentong-bayan sa napakinggang usapan ng mga tauhan. (F10PN-IIa-b-72)
2. Naihahambing ang Kultura ng bansang pinagmulan ng akda sa alinmang
bansa sa daigdig. (F10PB-IIa-b-75) 3. Naipaliliwanag ang kahulugan ng salita batay sa pinagmulan nito
(etimolohiya) (F10PT-IIa-b-72) 4. Naipaliliwanag ang katangian ng mga tao sa bansang pinagmulan ng
kuwentong-bayan batay sa napanood na bahagi nito. (F10PD-IIa-b-70)
5. Naisusulat nang wasto ang sariling damdamin at saloobin tungkol sa
sariling kultura kung ihahambing sa kultura ng ibang bansa. (F10PU-IIa-b-74)
Kaya kung nakahanda ka na, maaaring ka nang magsimula sa mga
gawain at aralin.
Gawain 1: Balikan Mo
Panuto: Suriin ang elementong taglay ng binasang mitolohiya sa
pamamagitan ng pagsagot sa mga tanong sa graphic organizer.
Alamin
Balikan
2
1. Ilarawan ang taglay na kapangyarihan ni Thor.
2. Ilarawan ang tagpuan at panahon na pinangyarihan ng akda.
3. Saan nakatuon ang mga pangyayari o banghay?
4. Ano ang paksa o tema ng binasang mitolohiya?
Aralin
2
Dula Mula sa England
(Romeo at Juliet)
Ang England ay isa sa bansa na bahagi ng United Kingdom. Kahangganan nito ang Scotland sa hilaga at Wales sa kanluran. Sakop ng bansa ang higit sa gitna
at katimugang bahagi ng pulo ng Gran Britanya na nasa Hilagang Atlantiko at higit
sa 100 maliliit na pulo gaya ng Isles of Scilly at Isle of Wight. Si William Shakespeare ay isang Ingles na makata, manunulat at dramatista.
Siya ay itinuturing na isa sa pinakamahusay na manunulat sa Wikang Ingles at prominenteng dramaturgo ng mundo. Madalas siyang tinatawag na pambansang
makata ng Inglatera, at tinaguriang "Bardo ng Avon". Itinuturing siyang maestro sa paggawa ng mga soneto at dula. Sinulat niya ang tanyag na dula tulad ng Julius
Caesar, at Anthony and Cleopatra. Marami sa kaniyang mga likha ay pawang
tungkol sa trahedya at isa na nga ang akdang “Sintahang Romeo at Juliet” na pag-aaralan mo sa modyul na ito.
Tuklasin
Para sa pagsisimula ng iyong pagkatuto mabuting malaman mo
muna ang ilan sa mga mahihirap na salita nakapaloob sa nasabing dula nang sa
ganoon ay lubis mong mauunawaan ang akda. Magagawa mo ito sa pamamagitan ng
pagsagot sa gawain sa ibaba.
Gawain 1: Pagpapalawak ng Talasalitaan
Panuto: Basahin nang mabuti ang bawat pangungusap. Hanapin sa kahon ang
kahulugan ng mga salitang sinalungguhitan. Isulat lamang ang letra sa patlang
bago ang bilang
1. Bumili si Romeo sa isang matandang butikaryo ng mabagsik na lason.
2. Bago pa man dumating ang mga tanod ay nakakita si Juliet ng isang balaraw
sinaksak ang sarili at nagpakamatay. 3. Si Fray Lorenzo ang siyang tumulong sa pag-iisang dibdib ng magkasintahang
Romeo at Juliet.
4. Sina Tybalt at Mercutio ay naglaban at dahil dito nasawi si Mercutio
ang pagkamatay ni Mercutio ang naging dahilan ng kanyang paghihiganti.
5. Ang lason na binili ni Romeo mula sa butikaryo ang siyang kikitil sa
binata.
a. namatay b. kutsilyo/punyal o isang bagay na matulis c. kasiyahan
d. isang taong gumagawa at nagbebenta ng gamot e. papatay
f. pagpapakasal g. pagmamahalan
3
URI NG PANITIKAN
Ang dulang “Romeo at Juliet” ay pumapaksa sa isang matinding pag-iibigan nina Romeo na isang Montague at Juliet na isang Capulet. Nakadama sila ng
matindi at walang kapantay na pag ibig sa isa't isa sa kabila ng katotohanang ang mga pamilyang kanilang kinabibilangan ay may malalim na hidwaan o alitan.
TEMA/PAKSA Isa itong kwentong romansa. Na pumapaksa sa namagitang pag-iibigan nila
Romeo at Juliet. Ang kanilang pagmamahalan na nauwi sa malagim na kamatayan dahil sa pagtutol ng kani-kanilang mga magulang na namamagitan sa kanila. Kung
kaya sa huli ang kanilang buhay ay piniling wakasan.
MGA TAUHAN
Romeo - ang kasintahan ni Juliet. Isang mapagmahal na binata, ang anak ng
Pamilyang Montague.
Juliet - ang kasintahan ni Romeo. Isang mapagmahal na dalaga, ang anak ng
Pamilyang Capulet.
Paris - ang karibal ni Romeo. Masugid na manliligaw ni Juliet.
Tybalt - pinsan ni Juliet
Baltazar - pinagkakatiwalaang kaibigan ni Romeo
Fray/Padre Lawrence - ang paring nagkasal kina Romeo at Juliet. Paring
handang tumulong sa dalawang nagmamahalan.
Fray/Padre Juan – ang maghahatid sana ng mahalagang liham kay Romeo.
Nars - ang tagapag-alaga ni Juliet
Butikaryo - gumagawa ng lason.
Pamilyang Montague at Pamilyang Capulet - ang dalawang pamilyang may
alitan.
Ang pag-ibig na dapat sanang makapagpapahilom sa lahat ng mga
suliranin sa pagitan ng kanilang angkan ang nagdulot ng mga pangyayaring
humantong sa kamatayan. Sundan mo kung paanong ang dalisay na
pagmamahalan ay nauwi sa masaklap na trahedya. Basahin at unawain ang
dula nang sa gayo’y matuklasan mo rin kung paano nakatutulong ang dula sa
paglalarawan ng tradisyon at kultura ng isang bansa.
Ang Romeo at Juliet ay isang dulang isinulat ni William Shakespeare
tungkol sa dalawang maharlikang mga angkan na nagkaroon ng alitan kung
kaya’t naging magkaaway. Nakabatay ang balangkas ng dulang ito sa isang
kuwento mula sa Italy na isinaling wika upang maging taludtod bilang The
Tragical History of Romeus at Juliet (Ang Kalunos-lunos na Kasaysayan nina
Romeus at Julieta) ni Arthur Brooke noong 1562 at muling isinalysay na nasa
anyong tuluyan prosa sa Palace of Pleasure (Palasyo ng kaluguran) ni William
Painter noong 1567. Ang dulang ito ni William Shakespeare ay isinalin naman
ni Gregorio C. Borlaza sa wikang Filipino para mas lubusang maintindihan at
mapahalagahan nating mga Pilipino.
Alam mo ba na…
4
TAGPUAN
Ang pangunahing Tagpuan sa Romeo at Juliet ay sa Verona, Italy. Ngunit, sa kabuuan ng storya, tatlong tagpuan ang namamayagpag.
Sa bulwagan ng mga Capulet kung saan may nagaganap na kasiyahan.
Sa tahanan ng mga Capulet kung saan palihim na nagpunta si Romeo.
Sa simbahan kung saan kausap nina Romeo at Juliet ang pari.
Sintahang Romeo at Juliet Hango sa Romeo at Juliet
na Isinalin ni Gregorio C. Borlaza (Buod)
Sa ganitong paraan nagsimula ang kwento, si Romeo, na anak nina Senyor Montague at Senyora Montague, ay naaantig sa angking kagandahan ni Rosalina,
isang dalaga na may panatang maging dalaga habang siya ay nabubuhay pa.
Sa pagnanais ng kanyang pinsang si Benvolio at kaibigang si Mercutio na maaliw ito, inaya nila ito sa isang sayawan sa bahay ng mga Capulet. Pumayag naman
si Romeo nang mapag-alaman nitong dadalo rin si Rosalina. Sa naganap na sayawan sa bahay ng mga Capulet, nakita ni Romeo si Juliet na anak nina Senyor at Senyora
Capulet kaaway ng kanilang angkan na kung saan may malalim na hidwaan o alitan sa pagitan ng dalawang pamilya.
Sa unang araw ng kanilang pagkikita ay nahulog na sila sa isa’t isa. Kapwa nila batid na sila ay mga anak ng magkaaway na pamilya, ngunit nagkaunawaan pa rin
sila. Dahil dito nagkasundo silang magpakasal kinabukasan, sa tulong ni Fray
Lozenzo, ang padre kumpesor ni Romeo. Pagkatapos ng kanilang pag-iisang dibdib, sina Tybalt at Mercutio ay naglaban
at dahil dito ay nasawi si Mercutio. Nalaman ni Romeo ang pagkamatay ni Mercutio at naging dahilan ng kanyang paghihiganti, dahil sa kanyang paghihiganti napatay ni
Romeo si Tybalt, nagmamakaawa ang mga magulang ni Romeo ngunit ang naging hatol ni Prinsipe Escalo sa kanya ay ipatapon sa labas ng Verona.
Sa pamamagitan ng alalay ni Juliet ay muli silang nagkita at nangyari ang
unang gabi nila bilang mag-asawa. Ngunit sa gabi ring iyon ay ipinagkasundo nina Senyor at Senyora Capulet si Juliet kay Konde Paris upang sila ay mapag-isang
dibdib. Tutol si Juliet dito kung kaya’t humingi siya ng tulong kay Fray Lorenzo upang hindi matuloy ang nasabing kasalan. Binigyan ni Fray Lorenzo si Juliet ng likidong
pampatulog upang ang naghihinagpis na binibini ay magmimistulang bangkay sa loob ng apatnapung oras.
Naipabalita kay Romeo na si Juliet ay isa nang bangkay, sa tulong ni Baltazar.
Dahil dito bumili si Romeo sa isang matandang butikaryo ng mabagsik na lason na siyang kikitil sa kanyang buhay at bumalik sa Verona. Ngunit sa kasamaang-palad,
hindi naihatid ni Fray Juan ang liham ni Fray Lorenzo na nagsasabing hindi patay si Juliet. Nang mabili ni Romeo ang lason, agad siyang nagtungo sa puntod ni Juliet at
nang makita ni Romeo ang inaakalang bangkay ng minamahal ay ininom niya agad ang lason. Bago nangyari ang pagpanaw ni Romeo ay nagising si Juliet at
natunghayan niya ang pagpanaw ni Romeo. Sa paghihinagpis ni Juliet ay dumating si Fray Lorenzo, ngunit hindi na niya
naabutang buhay si Romeo upang sabihin ang katotohanan. Pilit na isinasama ni Fray
Lorenzo si Juliet dahil may mga tanod napaparating, ngunit hindi niya magawang iwan si Romeo. Bago pa man dumating ang mga tanod ay nakakita si Juliet ng isang
balaraw sinaksak ang sarili at nagpakamatay.
5
http://blogngromeoandjuliet.blogspot.com/2018/11/sintahang-romeo-at-juliet.html
Maaaring panoorin ang link na ito para sa karagdagang kaalaman:
https://www.youtube.com/watch?v=fNdw5ouT7zM
Ang dula ay isang uri ng panitikan? Nahahati ito sa ilang yugto na maraming tagpo. Pinakalayunin nitong itanghal ang mga tagpo sa isang
tanghalan o entablado. Gaya ng ibang panitikan, ang karamihan sa mga dulang itinatanghal ay hango sa totoong buhay maliban na lamang sa iilang
dulang dulang likha ng malikhain at malayang kaisipan.
Samantala, ang trahedya ay isang dulang ang bida ay hahantong sa malungkot na wakas o sa kabiguan. Mayroon ding mga uri ng ganitong dulang
malungkot ngunit makabuluhang wakas. Nagsimula ang ganitong uri ng drama mula sa Sinaunang Gresya.
Mga Uri ng Dulang Pantanghalan Ayon sa Anyo
Ang dula ayon kay Aristotle ay isang sining ng panggagaya o pag-iimita
sa kalikasan ng buhay. Ipinakikita nito ang reyalidad sa buhay ng tao
gayundin ang kanyang mga iniisip, ikinikilos, at isinasaad. Ito ay isinusulat at itinatanghal upang magsilbing salamin ng buhay na naglalayong makaaliw,
makapagturo, o makapagbigay ng mensahe.
Ang dula ay isang sining na nagpapaabot sa mga manonood o
mambabasa ng damdamin at kaisipang nais nitong iparating gamit ang masining na pagsasatao ng mga karakter ng dulang pantanghalan. Ito ay
maaaring mauri ayon sa paksa o nilalaman. Nagkakaroon din ito ng iba’t-ibang anyo batay sa damdaming nais palitawin ng may-akda nito. Ang epekto
ng damdaming taglay ng dula ay nagdudulot ng higit na kulay at kahulugan di
lamang sa mga manonood kundi maging sa mga taong gumaganap nito. Narito ang ilan sa mga uri ng dula ayon sa anyo:
1. Komedya – katawa-katawa, magaan ang mga paksa o tema, at ang mga tauhan ay laging nagtatagumpay sa wakas.
2. Trahedya – ang tema o paksa nito’y mabigat o nakasasama ng loob, nakaiiyak, nakalulunos ang mga tauhang karaniwang nasasadlak sa
kamalasan, mabibigat na suliranin, kabiguan, kawalan, at maging sa
kamatayan. Ito’y karaniwang nagwawakas nang malungkot. 3. Melodrama – ito y sadyang namimiga ng luha sa manonood na para
bang wala nang masayang bahagi sa buhay kundi pawang problema at kaawa-awang kalagayan na lamang ang nangyayari sa araw-araw. Ito
ay karaniwang mapapanood sa mga de-seryeng palabas sa telebisyon. 4. Tragikomedya – sa anyong ito ng dula ay magkahalo ang katatawanan
at kasawian may mga tauhang katawa-tawa tulad ng payaso para magsilbing tagapagpatawa, subalit sa huli’y nagiging malungkot dahil
sa kasawian o kabiguan ng mahahalagang tauhan.
Alam mo ba na…
Suriin
6
5. Saynete – itinuturing na isa sa mga dulang panlibangan ng mga huling
taon ng pananakop ng mga Espanyol sa Pilipinas. Ang paksa nito ay tungkol sa paglalahad ng mga kaugalian ng isang lahi o katutubo, sa
kanyang pamumuhay, pangingibig, at pakikipagkapwa. 6. Parse – dulang puro tawanan at halos walang saysay ang kuwento. Ang
mga aksiyon ay slapstick na walang ibang ginawa kundi magpaluan, maghampasan, at magbitiw ng mga kabalbalan. Karaniwan itong
mapapanood sa mga comedy bar. 7. Parodya – anyo ng dulang mapanudyo, ginagaya ang mga kakatwang
ayos, kilos, pagsasalita, at pag-uugali ng tao bilang isang anyo ng
komentaryo o pamumuna o kaya’y pambabatikos na katawa-tawa ngunit may tama sa damdamin ng kinauukulan.
8. Proberbyo – kapag ang isang dula ay may pamagat na hango sa mga bukambibig na salawikain, ang kuwento’y pinaiikot dito upang
magsilbing huwaran ng tao sa kanyang buhay.
Mga Elemento ng Dulang Pantanghalan Ang dulang pantanghalan, katulad ng malikhaing kuwento at nobela ay
nagtataglay rin ng mahahalagang sangkap o elemento. Kung ang katawan ng tao ay may bahagi, ang dulang pantanghalan ay nagtataglay rin ng
mahahalagang bahagi. Ito ay ang simula, gitna, at katapusan.
Sa simula matatagpuan ang dalawang mahalagang sangkap o elemento. Makikilala sa bahaging ito ang mga tauhan at ang papel na gagampanan na
maaaring bida at kontrabida. Ipakikilala rn dito ang tagpuan o ang pangyayarihan ng mga eksenang naghahayag ng panahon, kung tag-init o tag-
ulan, ng oras, at ng lugar. Sa gitna naman ay makikita ang banghay o ang maayos na daloy o
pagkakasunod-sunod ng mga tagpo o eksena. Dito rin nakapaloob ang
pinakamahalagang bahagi ng dula, walang iba kundi ang diyalogo. Ang diyalogo ay ang usapan ng mga tauhan. Mahalagang maging natural at hindi artipisyal
ang diyalogo. Kagaya rin ng sa nobela, sa gitna rin ng dula makikita ang sumusunod na katangian:
saglit na kasiglahan – na nagpapakita ng panandaliang
pagtatagpo ng mga tauhang masasangkot sa problema; tunggalian – tahasang magpapakita ng labanan o pakikibaka ng
tanging tauhang maaaring kanyang sarili, kapwa, lipunan, o kalikasan;
kasukdulan – pinakamadulang bahagi ng dula kung saan iikot ang kahihinatnan ng tanging tauhan, kung ito ay kasawian o
tagumpay.
Sa wakas naman ng dula, matatagpuan ang kakalasan at ang wakas bg
dula. Sa kakalasan unti-unting bababa ang takbo ng istorya. Sa kakalasan makikita ang kamalian o kawastuhan at pagtanggal sa mga bahaging dapat
tanggalin. Sa pagwawakas naman mababatid ang resolusyon na maaaring masaya o malungkot, pagkatalo o pagkapanalo.
May mga dula na hindi winawakasan sa dalawang huling sangkap.
Iniiwan na lamang itong bitin sa kasukdulan at hinahayaan na lamang ang
mambabasa o manood na humatol o magpasiya sa kahihinatnan.
Ang huling elemento ng dulang pantanghalan na sadyang mahalaga rin ay aspektong teknikal. Mahalagang bahagi nito ang:
7
(Sanggunian: *Panitikang Pandaigdig Filipino Modyul para sa Mag-aaral *Pinagyamang PLUMA 10 (K to 12))
Kumusta! Madali lang ba? Ngayon mayroon ka nang ideya tungkol sa dula, mga uri ng dulang
pantanghalan, at mga elemento nito. Upang lubos na maunawaan ang mga mahalagang kaisipan sa unahan, pagyamanin natin ang ating kaalaman!
Simulan na ang pagsagot sa mga sumusunod na gawain at higit sa lahat huwag kalimutan ang iyong mga natutunan.
Maligayang paglalakbay ng iyong isipan!
epektong pantunog – sapagkat ang dula ay ginaganap sa harap
ng madla, kaya’t kailangang malinaw na maipabatid ang bawat
linya ng dula sa maayos na tunog. Kasama dito ang sound effects, musika at iba pang kaugnay na tunog sa pagtatanghal.
pag-iilaw – upang higit na mabigyang-buhay ang mahahalagang tagpo ng dula.
mga kagamitan – higit na magbibigay ng buhay at pagkamakatotohanan sa itinatanghal na dula.
Dahil ang dula ay isang sining, ang bawat bahagi nito ay mainam na pinag-aaralan ng may-akda at maging ang direktor nito. Hindi ito basta-basta
isinusulat at sa halip ito ay pinag-aaralan batay sa balangkas nito, kung saan ang mga bahagi ay malinaw na nahahati sa yugto (act), tanghal-eksena
(scene), at tagpo (frame). yugto – kung baga sa nobela ito ay ang kabanata. Ito ang malalaking
hati ng dula. Ang isang dula ay maaaring magkaroon mg isang yugto
lang, dalawa, tatlo, apat, o higit pa. Sa tanghalan ang bawat yugto ay
maaaring gamiting panahon upang ihanda ang susunod pang mga
yugto, upang ayusin nag tagpuan, upang makapagpahinga sandal ang
mga gumaganap at manonood. Ang pansumandaling pamamahingang
ito ay maaaring tumagal hanggang labinlimang minuto na nagagamit din
ng mga tagapanood upang maisagawa ang personal na pangangailangan
tulad ng pagkain o pag-inom, o pagbisita sa palikuran.
eksena – ang bawat yugto naman ay binubuo ng kung ilang eksena,
kaya ang panahong nagugugol sa isang yugto ay hindi pare-pareho.
tagpo – kung ang yugto ay binubuo ng mga eksena, ang eksena naman
ay bunubuo ng mga tagpo. Ang eksena ay maaaring magbadya ng
pagbabago ng tagpuan ayon sa kung saan gaganapin ang susunod na
pangyayari. Ang tagpo rin ay ang paglabas at pagpasok ng kung sinong
tauhang gumanap o gaganap sa eksena.
8
Gawain 1: Tayo Na’t Maglakbay
Panuto: Ilahad ang kultura ng lugar na pinagmulan ng dula sa pamamagitan ng pagbibigay impormasyon tungkol sa bansang England batay sa sumusunod na
aspekto. Gamitin ang grapikong representasyon sa pagsagot sa gawain.
Pagyamanin
ENGLAND
Turismo
Kultura/Tradisyon
Relihiyon
Mga Tao
https://www.tes.com/lessons/k19APAVS0VNw2Q/english-civilization
https://www.kissclipart.com/church-clipart-destiny-church-christian-church-ixmlv1/
________________________________
________________________________
________________________________
________________________________
https://www.clipartmax.com/middle/m2K9A0b1i8N4N4H7_free-open-book-clip-art-open-book-clip-art/
Panitikan
https://www.vectorstock.com/royalty-free-vector/landscape-london-cartoon-the-
vector-27012915
________________________________
________________________________
________________________________
________________________________
https://www.thinglink.com/scene/1073387541777874946
________________________________
________________________________
https://www.clipart.email/clipart/english-people-clipart-97450.html
9
Tandaan Mo
Ang Romeo at Juliet ay isang dulang isinulat ni William Shakespeare tungkol
sa dalawang maharlikang mga angkan na nagkaroon ng alitan kung kaya’t
naging magkaaway.
Ang dula ay isang uri ng panitikan? Nahahati ito sa ilang yugto na maraming
tagpo. Pinakalayunin nitong itanghal ang mga tagpo sa isang tanghalan o
entablado.
Samantala, ang trahedya ay isang dulang ang bida ay hahantong sa
malungkot na wakas o sa kabiguan.
Mga Uri ng Dulang Pantanghalan Ayon sa Anyo
1. Komedya
2. Trahedya 3. Melodrama Balangkas ng Dula
4. Tragikomedya - yugto 5. Saynete - eksena
6. Parse - tagpo 7. Parodya 8. Proberbyo
Mga Elemento ng Dulang Pantanghalan
-simula
-gitna -saglit na kasiglahan
-tunggalian -kasukdulan
-wakas -resolusyon
Gawain 2: Ihambing Mo
Panuto: Ihambing moa ng bansang tagpuan ng dula(England) sa ating bansa
(Pilipinas). Gamiting pamantayan sa paghahambing ang mga gabay sa unang hanay.
Paghahambing batay sa: Bansang Tagpuan ng
Dula (England)
Bansang Pilipinas
* Pinuno ng Estado
* Uri ng Pamahalaan
* Tawag sa mga Mamamayan
* Kalagayan sa buhay ng mga
nakararami sa mamamayan
* Tirahan ng pinuno
* Iba pang kultura at kaugalian ng
dalawang bansang nabanggit
Isaisip
10
I. Panuto: Ilahad ang kultura ng lugar na pinagmulan ng dula batay sa sumusunod na mga pahayag sa bawat pangungusap. Isulat sa sagutang papel ang sagot.
1. Nagmamakaawa ang mga magulang ni Romeo ngunit ang naging hatol ni Prinsipe
Escalo sa kanya ay ipatapon siya sa labas ng Verona. Ipinapakita ng pahayag na ang umiiral na uri ng pamahalaan sa bansang ito ay__________________.
A. monarkiya C. demokrasya B. parliamentarya D. dikatadura
2. Sa naganap na sayawan sa bahay ng mga Capulet, nakita ni Romeo si Juliet na
anak nina Senyor at Senyora Capulet kaaway ng kanilang angkan na kung saan may malalim na hidwaan o alitan sa pagitan ng dalawang pamilya.
A. masaya at at nagkakaunawaan ang dalawang pamilya B. may mga pamilyang nag-aagawan ng kapangyarihan/lakas at dangal
C. may nais magparaya sa alitan ng dalawang pamilya D. ang dalawang pamilya ay nagmamahalan
3. Ipinagkasundo ng ama ni Juliet na si Senyor Capulet na ikasal ang anak kay
Konde Paris. Sa pangyayaring ito ipinapakita na? ____________________ A. malayang nakapipili ng mapapangasawa ang anak
B. may mga magulang na nagdedesisyon sa buhay pag-ibig ng anak C. a at b
D. b lamang 4. Sa kabila ng hindi mabuting relasyon mayroon ang dalawang pamilya, ang
magkasintahang Romeo at Juliet ay nakatagpo ng pag-ibig sa isa’t isa. Ito’y nagpapakita lamang na ang, pag-ibig ay _______________________
A. nadarama at dumarating sa puso ng dalawang taong nagmamahalan
B. kusang dumararting sa dalawang taong itinadhana C. walang pinipiling tao/angkan ng pamilya bastat ito’y tunay at dalisay
D. lahat ng nabanggit 5. Sa pag-aakalang namatay ang kasintahan ay ininom ni Romeo ang lason mula sa
butikaryo at nang magising si Juliet patay na si Romeo kaya sinaksak nito ang sarili ng balaraw. Ipinapakita ng magkasintahan ang…
A. mababaw na pag-iibigan B. masaklap na pagmamahalan
C. wagas na pagmamahalan hanggang sa kamatayan D. madugong pag-ibig
II. Panuto: Ihambing ang kultura ng bansang pinagmulan ng akda sa alinmang bansa sa daigdig (partikular na sa Pilipinas)
(5 puntos).
Tayahin
Pilipinas England
11
III. Panuto: Ipaliwanag ang pinagmulan ng mga salita (etimolohiya) sa ibaba.
Isagawa ang hinihingi sa bawat bilang. (Maaaring magsaliksik sa diksyunaryo o sa internet.)
1. Ang salitang senyor at senyora mula sa pahayag na “Si Romeo ay anak nina Senyor at Senyora Montague” ay hiram natin sa ibang wika. Ano kaya ang
orihinal na anyo o baybay ng salitang ito at ano kaya ang kahulugan nito? Orihinal na baybay: ___________________ Kahulugan: _______________________
2. Ang salita bang konde ay salitang hiram o likas sa atin? Magbigay ng
paliwanag kung saan nagmula ang salitang ito. ___________________________________________________________________________
3. Ang salitang prinsipe mula sa pahayag na “Napatay ni Romeo si Tybalt, nagmamakaawa ang mga magulang ni Romeo ngunit ang naging hatol ni
Prinsipe Escalo sa kanya ay ipatapon sa labas ng Verona.” Ano kaya ang orihinal na anyo o baybay ng salitang ito at ano kaya ang kahulugan nito?
Orihinal na baybay: ___________________ Kahulugan: _______________________
4. Ang salita bang likido ay salitang hiram o likas sa atin? Magbigay ng paliwanag kung saan nagmula ang salitang ito.
___________________________________________________________________________ 5. Ang salitang paghihinagpis mula sa pahayag na “Sa paghihinagpis ni Juliet ay
dumating si Fray Lorenzo, ngunit hindi na niya naabutang buhay si Romeo upang sabihin ang katotohanan.”
Orihinal na baybay: ___________________ Kahulugan: _______________________
IV. Panuto: Ipaliwanag ang katangian ng mga tao sa bansang pinagmulan ng dula
batay sa napanood na bahagi nito. Panoorin ang video clip sa ibaba kaugnay ng
bansang naging tagpuan ng dulang “Sintahang Romeo at Juliet.”
Video Clip: https://www.youtube.com/watch?v=BHGdBsRmPys
Ang mga tao sa England ay... ____________________________________________________________________________
___________________________________________________________________________________________________________________________________________________________________
V. Panuto: Marami ang pagkakaiba ng ating bansang Pilipinas sa bansang England
kung saan nagmula ang dulang iyong nabasa. Mag-isip ng tatlo o higit pang
pagkakaiba ng dalawang bansa pagkatapos isulat ang sariling damdmain at saloobin
tungkol sa sariling kultura kung ihahambing sa kultura ng ibang bansa. Dapat ito’y
magkakaroon ng 5 higit pang pangungusap. Ang rubriks ay nasa ibaba. (5 puntos)
“Ang Pagkakaiba ng Pilipinas at England”
________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
12
RUBRIKS
Mga Kriyterya 2 3 4 5
Organisasyon
Hindi maayos ang
organisasyon ng
mga ideya
May lohikal na
organisasyon
ngunit hindi masyadong
mabisa
Maayos ang
organisasyon,
pagkabuo ng pangungusap
Mahusay ang
pagkakasunod-
sunod ng mga ideya sa
kabuuan ng
pangungusap
Paggamit ng
wika at
mekaniks
Kailangang baguhin dahil
halos lahat ng
pangungusap ay may mali sa
gramar,baybay at
gamit ng bantas
Mga kahinaan dahil maraming
mali sa
gramar,baybay at gamit ng bantas
Mahusay dahil kakaunti lamang
ang mali sa
gramar, baybay at gamit ng
bantas
Napakahusay dahil walang
mali sa gramar,
baybay at gamit ng bantas may
mayamang
bokabularyo
Pagkakasulat
Mahirap basahin dahil sa hindi
maayos at malinis
na pagkakasulat
May kahirapang unawain ang
pagkakasulat at
ng pangungusap
Malinis ngunit hindi lahat ay
maayos ang
pagkakasulat at ang mga
pangungusap
Malinis at maayos ang
pagkakasulat ng
pangu-ngusap
Puntos: Kahulugan:
13 – 15 – Natatangi
10 – 12 – Natutupad
7 – 9 – Nalilinang
4 – 6 – Nagsisimula
Gawain 3: Paghambingin Mo
Panuto: Ipakita ang pagkakatulad at pagkakaiba ng kulturang nakapaloob sa
dulang Romeo at Juliet sa iba pang dulang iyong nabasa.
Sanggunian: “Koleksyon ng mga Istratehiya
sa pagtutura at Iba’t ibang uri
ng Rubriks”
Karagdagang Gawain
13
BALIKAN
Nakadepende sa sagot
ng mag-aaral ang sagot
at pag iiskor ng guro.
TUKLASIN
1. d 2. b
3. f 4. a
5. e
PAGYAMANIN
Nakadepende sa sagot
ng mag-aaral ang iskor
batay sa pag ebalweyt
ng guro
ISAISIP
Nakadepende sa sagot
ng mag-aaral ang iskor
batay sa pagwawasto
ng guro
TAYAHIN
I.
1. A
2. B 3. B
4. D. 5. C
II-V
Nakadepende sa
sagot ng mag-aaral
ang sagot at pag
iiskor ng guro.
KARAGDAGANG
GAWAIN
Nakadepende sa sagot
ng mag-aaral ang iskor
batay sa pagwawasto
ng guro
Susi sa Pagwawasto
Sanggunian: Aralin 2
Aklat: Ambat, Vilma C., et al. 2015 Panitikang Pandaigdig Filipino Modyul para sa Mag-aaral. Quezon City, Metro Manila: Vibal Publishing House Inc. (pahina: 201 - 213) Alma, Dayag M., et al. 2016 Pinagyamang Pluma 10 (K to 12). 9287 Quezon Ave., Quezon City, Phoenix Publishing House Inc. (pahina: 173 - 193)
Internet:
* Rhom
Published on: December 08, 2015
Published in: acadsplace.blogspot.com
Link: https://acadsplace.blogspot.com/2015/12/kaligirang-pangkasaysayan-ng-inglatera.html#
* Gregorio Borlaza
Published on: Wednesday, 28 November 2018 Published in: blogspot.com Link: http://pangkatzinc201819.blogspot.com/2018/11/sintahang-romeo-at-juliet.html
Youtube.com
* Michael Ian Bartido Published on: Jan 17, 2018 Published in: youtube.com Link: https://www.youtube.com/watch?v=fNdw5ouT7zM
* Wandering Ravens Published on: May 19, 2019 Published in: youtube.com Link: https://www.youtube.com/watch?v=BHGdBsRmPys
* Marwell's Persona Published on: January 24, 2017 Published in: youtube.com Link: https://www.youtube.com/watch?v=wh5gl81SOK8