BLESS Share faith and unselfishly give and serve.

Freely you have received; freely give. -Matthew 10:8

Jesus called His disciples to give, forgive, teach, and heal in His name. We are empowered by

the Spirit to bless everyone we meet, practicing generosity and

compassion, and proclaiming the Good News of God in Christ with hopeful words and selfless actions. We can share our stories of blessing

and invite others to the Way of Love.

FRÈ M YO AK SÈ M YO,

Mwen ekri lèt sa a pou m envite nou vin sipòte apèl nou fè chak ane nan Legliz Episkopal la. Apèl sa a legliz la fè a se yon fason konkrè pou w apiye ministè ak temwayaj Chemen renmen Jezikri anseye nan tan pa nou an epi sou tout latè a. Kite m montre w sa m vle di.

Nan premye syèk la Jezi de Nazarèt te ankouraje yon mouvman. Se te yon mouvman moun lavi yo te konsantre sou Jezi epi sou sa ki te vle viv tankou li, nan modèl lakwa a, jan Bondye renmen yon renmen san kondisyon, san egoyis, dakò pou l fè sakrifis, epi yon renmen redanmsyon.

Paregzanp, Apèl sa a ede nou non sèlman koute demann nou tout pou nou kontinye ‘resevwa etranje’ atravè Ministè Migrasyon Episkopal la, men sa ede nou agrandi nouvo rezo nou fèk lanse a ki pote non angle “Partners in Welcome” Patenè nan Akèy”; kote nou mete yo ansanm pou nou bati yon gwoup sipò ak solidarite pou nou akeyi moun ki fèk vini nan peyi nou an. Gen 2 anplwaye ki va dirije aktivite sa a kote y ap ede nan pèsepsyon, nan devlopman aktivite sa a epi yo va pataje li ak tout legliz la. Lè yo fè travay sa a, n ap temwen Chemen Renmen an.

Apèl sa a ap ede 37 Jèn ki manm nan pogram “Young Adult Service Corps” la ak lòt manm ak lòt misyonè k ap bay sèvis yo epi ki la kòm temwen Chemen Renmen an nan 17 lòt peyi apre Etazini. Travay sa va chaje ni misyonè k ap fè travay la ni kominote kote misyonè sa yo ap bay sèvis yo.

Apèl sa a ede sipòte 110 omònye federal k ap sèvi gason ak fi ki nan sèvis militè, ki swa nan rezèv, swa nan lame oksilyè (Patwouy sivil nan avyon epi Gadkòt), swa nan lopital Administrasyon Veteran lame yo, epi swa nan prizon Federal yo. Omònye sa yo la pou bay sòlda ki abò bato lame oswa sòlda ki atè sipò espirityèl ak sipò yo bezwen chak jou. Omònye yo la tou pou sèvi veteran lame ki bezwen swen medikal, epi yo la pou sèvi moun ki nan prizon. Temwen yo temwen Chemen renmen an, antan chemen Jezi a, chemen yon Kretyen, sa vle di yo se yon temwen an patikilye epi yon temwen enpòtan. Epi yo toupatou sou latè a, toutbon vre.

Konvansyon General nan legliz nou an ban nou kòm objektif pou nou ranmase yon milyon dola pandan twa ane sa yo ant 2019 a 2021. Nou va sèvi ak tout kòb sa a nèt pou nou sèvi nan tout ministè yon Legliz k ap resevwa refijye toupatou nan peyi Etazini, pou ouvè nouvo legliz, pou fè evanjelizasyon bon nouvèl Jezikri a, pou poklame Chemen renmen an pou anpil anpil moun, epi mennen anpil lòt aktivite. Tanpri vin met men avè m nan travay sa a. M ap mande asistans nou onon plizyè milye gason, fi, ak timoun kote, nan abitye yo abitye fè don, yo jwenn benediksyon nan jan ou renmen yo ak jan ou pran ka yo. M ap envite nou bay nenpòt sa nou kapab, nan lapriyè pandan n ap konsidere Bondye ap gide lafwa nou nan Legliz la.

Nou kab pran pa nan aktivite sa a plizyè fason, nou kab retounen ak sistèm anvlòp la, nou kab fè don nou sou entènèt la an sekirite nan adrès sa a episcopalchurch.org/give/annual-appeal, oubyen nou gen dwa voye don nou pa tèks ‘APPEAL’ nan 91999. Mèsi. Travay n ap fè ansanm nan fè yon gwo diferans – nonsèlman nan lavi pa nou men nan lavi lòt moun sou latè Bondye a.

Frè nou nan Kris,

The Most Rev. Michael B. Curry Evèk Anchèf la

SANDRA T. MONTES, EdDPale n de wou. Ki jan ou fè travay bondye nan Legliz la?

Mwen nan Legliz Episkopal la depi mwen gen 16 an. Mwen te fèt nan tradisyon Alyans Misyonè Kretyen “Christian Missionary Alliance (CMA, evangelical)”. Papa m se te yon moun ki te konn òganize gwoup moun pou ouvè legliz pou CMA apre sa li te vin Pè Episkopalyen. Nan fen ane 80 yo papa m te envite nou nan Legliz Episkopal la. Lè m te gen apeprè 30 an, yo te envite m antre nan ekip mizik legliz la pou Festival Jèn yo nan Legliz Episkopal la an 2002, akoz de sa, mwen vin gen plizyè opòtinite pou w chante nan plizyè Legliz Episkopal. Apre sa yo te envite vin pale, pou m antre nan ekip dirijan legliz la, epi pou m ekri pou legliz la.

Mwen rive fè travay levanjil la atravè mizik, edikasyon, ekri, medya sosyal epi ak aktivite administratif. Mwen panse tout bagay nou fè kab vin yon benediksyon – kit se yon gwo aksyon kit se yon ti aksyon. Yon bon pòsyon nan ministè mwen an (se pòsyon sa a ki mwen popilè) se aji an moun ki gen kouraj, yo pa ankouraje patisipasyon plizyè kalite moun nan tèl aktivite, epi lè aktivite legliz nou yo manke otantik, nan aktivite mizik yo tou, epi nan gwoup lidè yo. Se yon bagay ki fè moun pè, epi ki fè moun santi yo poukont yo, men mwen santi m beni lè lòt moun di m mèsi paske mwen ouvè bouch mwen pou m pale lè yo menm yo pa santi yo ka pale. Se benediksyon mwen pote pou legliz la lè m mete legliz la okouran kèk bagay epi n ap espere legliz la va gen plis kalite moun ki pran pa nan aktivite li yo.

Kouman epi ki kote benediksyon desann nan legliz ou a?

Benediksyon desann chak jou nan travay misyonè mwen antan mizisyen, ekriven, konsiltan, evanjelis dijital, epi kòm edikatè. Mwen beni paske m gen chans travay ak yon ekip moun estwòdinè nan legliz la. Pi gwo travay misyonè mwen, se travay mwen kòm manman, manman yon gason ki yon benediksyon pou mwen. Li pran pa nan anpil aktivite nan legliz la tou, epi sa a se yon benediksyon mwen ede bay legliz nou an.

Kouman w te santi w pou w ap bay benediksyon?

Mwen beni paske mwen se yon benediksyon. Lè moun di m gen yon chante, gen yon atik, gen yon bagay mwen te ekri sou medya sosyal, bagay sa a se te yon benediksyon pou yo, se beni yo beni m. Mwen priye anvan m fè prèske tout sa m ap fè epi m priye tout tan, lè m priye mwen se yon benediksyon, mwen pa yon anpechman.

Ki sa ki ba w espwa sou avni legliz ou a?

Mwen priye pou Bondye kontinye pèmèt mwen bay benediksyon, epi pou m resevwa benediksyon atravè mizik, atravè sa m ekri, epi nan lavi mwen. Mwen gen bon paran yo nan laj 70 an kon sa epi y ap kontinye ap bay lòt moun benediksyon, se poutèt sa mwen swete m ap kontinye bay benediksyon jiskaske m mouri.

Chemen renmen an se vizyon Evèk Anchèf la pou Legliz Episkopal la. Ki sa Evèk Anchèf la gen nan li ki ba wou espwa?

Mesaj renmen Evèk la ap bay la se sa ki ban m espwa. Sa te si tèlman yon benediksyon pou wè se li ki premye Evèk nwa kòm Dirijan anchèf epi li te gen yon mesaj ki enkli tout moun epi se yon mesaj renmen pou tout moun.

Èske gen okenn lòt mesaj sou kesyon Benediksyon an ou ta renmen pataje ak nou?

Mwen swete nou tout pare pou nou wè benediksyon toupatou. Nou kab bay benediksyon swa ak yon souri, swa ak yon pawòl, swa ak silans nou, swa ak priyè nou. Nou kapab resevwa benediksyon lè nou ouvè bra nou bay lòt ak kèlkeswa sa yo pote- paske se Bondye kap vanse pre nou.

REVERAN CHANDLER WHITMAN IRWIN, CRMDOfisye pou Divizyon, USS GEORGE WASHINGTON(CVN 73) LTJG (Lyetnan grad kadè), Omònye nan Lamarin Ameriken

Ki kalite relasyon ou genyen ak Legliz? Pale n de wou. Nan ki aktivite legliz ou pran pa ladan?

Mwen grandi nan katolik; mwen kòmanse mache nan yon Legliz Episkopal ki nan Memphis, Tennessee, gras a yon envitasyon yon bon zanmi m te fè m. Mwen antre fon nan aktivite legliz la etan yon jèn; Mwen tonbe damou pou legliz la ki te gen pawòl mwen te abitye tande, pawòl ki akeyan epi Pwogram pou Lajenès la te djanm. Pandan m nan legliz la etan yon layik, mwen santi mwen jwenn yon apèl pou mwen v in pè.

An Sektanm 2018, gras a sipò eklezyastik Evèk Carl Wright, yo te òdone m kòm Lyetnan Grad Kadè nan Lamarin Peyi Etazini.

Kouman epi ki kote benediksyon parèt nan ministè moun?

Nan kad ministè tradisyonèl, benediksyon te plis sanble ak yon sakreman pou mwen.

Pandan m ap chanje pozisyon pou m al nan nouvo travay mwen kòm omònye militè, mwen santi benediksyon ap tonbe sou mwen nan yon kad ki pi laj. Lè m ap gade jan benediksyon parèt nan sèvis pou lavèy Nwèl pou moun ki nan travay e ki pa gen fanmi yo bò kote yo jou swa sa a: Mwen wè tout okazyon sa a se yon okazyon ki fasil pou moun ki pa gen menm lafwa avèk mwen e ki ap pran swen maren yo ki ap chache yon kote ki an sekirite kote yo kapab jwenn konsèy. Malgre travay ede maren pa pami youn nan sèt sakreman yo, pou jan travay sa a sakre, yon travay k ap fèt pou sèvi tout moun m ap travay kòtakòt ak yo; sa fè travay sa a sakre pou mwen.

Ki jan ou te santi w lè w tap beni moun?

Mwen santi mwen nan abondans epi mwen sakre. Men sa m vle di, kesyon beni lòt moun nan nan kontèks pa m nan sa pa janm gen limit oubyen m ta santi se sa sèlman m ka bay. Kounye a m ap ede plis pase 2500 maren ki abò batiman USS GEORGE WASHINGTON, e mwen gen kapasite pou m sèvi kòm yon benediksyon pou chak nan yo, lè yo bezwen sa. Malgre se Legliz Episkopal la ki te andòse mwen, ministè m nan al pi lwen pase sila ki pataje lafwa yo ak mwen rive sou sa ki mete menm inifòm nan.

Ki sa ki ba w espwa konsènan avni ministè pa w la?

Mwen travay kòtakòt ak lòt pastè, lòt omònye ki nan Lamarin Amerikèn – kounye gen yon reprezantan Leglizdedye, yon Iman, ak yon pastè Legliz Batis nan Sid Etazini. M ap sèvi bondye ak lòt moun ki pa gen menm kwayans avè m, malgre sa Lesprisen an fè apèl a nou tout pou n desèvi maren parèy nou, sa a se yon bagay ki ban m anpil espwa pou n ouvè chemen renmen an.

Chemen renmen an se vizyon Evèk Anchèf la pou Legliz Episkopal la. Ki sa Evèk Anchèf la gen nan li ki ba wou espwa?

Pou jan Evèk Curry chofe sou kesyon vizyon Bondye a, epi abilite li pou li konsantre epi travay vizyon sa a, se sa ki ban m espwa. Sa bay nou menm kòm Episkopalyen yon fason pou n pale de sa nou te toujou kwè, pandan n ap re-anime jan moun ap chofe pou Jezikri. Renmen te toujou nan mitan relasyon mwen ak Legliz Episkopal la, epi mwen byen kontan li vin ak pawòl sou sa epi li kreye espas pou moun kapab viv nan renmen sa a.

Pale n de wou. Kouman ou fè travay bondye nan legliz la?

Mwen se yon misyonè pou legliz Episkopal Asiamerica Ministries (EAM) nan Legliz Episkopal la. Rezo nou an gen legliz ki soti nan 7 Konvokasyon Etnik: Chinwa, Japonè, Koreyen, Filipin, Azi di Sid, Azi Sidès, epi Zile Pasifik. Gen plis pase 150 kongregasyon kon sa nan tout peyi a. Mwen se yon Sitwayen Ameriken ki gen rasin nan Filipin.

Mwen abite nan 3 peyi, mwen etidye nan 3 peyi, epi mwen sèvi nan 3 peyi: Filipin, Sigapou, epi Etazini. Mwen travay kòm anplwaye pou twa Evèk: +Frank Griswold, + Katharine Jefferts Schori, epi kounye a +Michael Bruce Curry.

Kouman epi ki kote benediksyon desann nan legliz ou a?

Antan yon misyonè Azyatik-Ameriken, mwen ede legliz la nan travay evanjelizasyon, nan ouvri nouvo legliz, nan devlope kongregasyon an, nan fòme lidè, sitou pou Episkopalyen ki Azyatik-Ameriken. Youn nan modèl ministè mwen an se ANDREWS (Asiamerica Network of Disciples, Revivalists, Evangelists, Witnesses and Saints). Objektif nou pou pwochen twa ane yo se pou nou prepare omwen 70 konseye ki byen fòme, ki byen ekipe, se va konseye ki gen bon jan pouvwa (pè ak lidè layik) ki va prepare omwen 2 jèn lidè.

Kouman sa te fè w santi w pou w ap bay benediksyon?

Nou beni paske nou se benediksyon. Bondye sove nou pou 2 rezon: premye a, se yon gwo rezon – se pou nou kapab mennen yon vi ki abondan sou tè a epi pou nou gen lavi etènèl nan syèl la; epi lòt rezon an, pi gwo rezon an – se pou nou vin sèvi kòm chemen ki pote vi abondan sa a ak lavi etènèl sa a bay lòt moun.

Ki sa ki ba w espwa sou avni legliz ou a?

Mwen kwè se Bondye ki kòmande chak etap nan lavi mwen. Mwen kwè “kote Bondye gide, li bay sa ki nesesè.” Mwen resevwa benediksyon kon sa deja pandan m te met espwa m sou gras Bondye. Nan tout benediksyon yo, mwen bay bondye glwa. Mwen gen anpil espwa pou ministè m nan Jezi epi pou avni Legliz Episkopal la, mwen renmen anpil la.

Chemen renmen an se vizyon Evèk Anchèf la pou Legliz Episkopal la. Ki sa Evèk Anchèf la gen nan li ki ba wou espwa?

Pami Evèk k ap dirije yo, ni sa ki vivan ni sa ki mouri, Evèk Michael Curry se petèt moun ki pi popilè epi se li moun plis wè an piblik. Teyoloji Chemen Renmen l lan kreye yon estanda ki wo ki ap petèt kite yon mak sou lavi nou toulejou epi sou aspirasyon nou pou plizyè dizèn ane. Li se yon pwofèt an menm tan tou li se yon evanjelis. Mwen panse nan moman kon sa, lè popilasyon Ameriken an divize kon sa politikman, sosyalman, ekonomikman epi sou kesyon relijyon, Evèk Curry ap anvi pran devan kòm yon lidè Episkopalyen ak pawòl ki pote inyon ak bon jan rezònman ki fyab.

Èske pa gen okenn lòt lide konsènan fason nou bay benediksyon nou ta renmen pataje?

Branch Episkopal nan Mouvman Jezikri a se sa nèt!

THE REV. CANON WINFRED (FRED) B. VERGARA, DMIN, DDMisyonè pou legliz Episkopal -Asiamerica Ministries

THE REV. CORNELIA EATON CANON TO THE ORDINARY Misyon zòn Navajoland nan

Pale n de wou.

Mwen se manm Navajo Nation epi mwen fèk diplome nan Seminè Teyoloji Vijini. Mwen abite nan Farmington, nan New Mexico epi se la mwen travay tou, se la tou mwen renmen al okipe mouton.

Ki koneksyon ou ak legliz la? Ki jan ou fè travay bondye nan Legliz la?

Travay mwen nan Legliz Episkopal la evolye atravè aktivite priyè sa ki pi granmoun pase m yo. Manman m ak Papa m te aktif anpil nan legliz la. Mwen te leve pandan tout vi m ap koute istwa moun ki gen lafwa epi jan y ap fè chemen yo nan lavi a. Mwen te deside fè yo òdone mwen pou m kab ede pèp mwen an kontinye konekte ak istwa sa yo epi pou yo wè kouman yon relasyon ak Jezi kapab ede kominote nou yo geri epi pou yo fleri.

Kouman epi ki kote benediksyon desann nan legliz ou a?

Benediksyon – sa se yon mo enpòtan nan kilti pa mwen. Mo Navajo sa a “hózhó” vle di “Fason pou bay benediksyon” se yon priyè pou pote lapè, pou amoni, epi pou balans. Nan legliz pa m nan, mwen ede moun pou yo kab pataje istwa nou yo kòm “Diné”, pou youn ede lòt nan trajè lavi a, epi pou yo gen yon relasyon ak kreyasyon epi ak Bondye.

Kouman w te santi w pou w ap bay benediksyon?

Pou mwen, lè n ap fè kado bon bagay epi lè n ap resevwa bon bagay sa mete nou nan yon eta pou n grandi epi pou n gen imilite. Lè nou bay ak lè nou resevwa se sa ki makònen nou ansanm- e sa se benediksyon Bondye toutbon vre.

Ki sa ki ba w espwa sou avni legliz ou a?

Gen espwa nan travay legliz nou an ap fè a pou ankouraje gerizon ak rekonsilyasyon. Gen espwa lè nou pataje istwa nou epi lè n kreye koneksyon ki rapwoche nou ansanm nan kad kominote Bondye renmen an. Chemen renmen an se vizyon Evèk Anchèf la pou Legliz Episkopal la.

Ki sa Evèk Anchèf la gen nan li ki ba wou espwa?

Lè m te tande Evèk Anchèf la Michael Curry ap preche sou Pafen Gileyad la, sa te fè m panse de travay mwen nan mitan pèp mwen an, pèp Diné a, epi jan n ap travay nan tèt ansanm pou nou tounen al jwenn poto mitan nou, pou nou al jwenn sa ki fè nou santi nou antye, dezagreman nan istwa nou kraze nou an miyèt moso. Mwen panse Evèk la ap rakonte nou yon istwa nan Chemen Renmen an sou fason pou nou vin gen lafwa, sou fason nou viv an amoni, sou lapè, sou fason pou nou vin fè yon sèl ak bondye.

THE REV. MAURICE ANDREW DYER IIDiocese of El Camino RealEtidyan dènye ane nan Seminè Teyoloji nan Vijini

Ki koneksyon ou ak legliz la?

Mwen rantre nan legliz episkopal la a 19 an. Mwen te fèk kòmanse etid mwen nan inivèsite nan Monterey, Kalifòni, epi mwen t al nan yon gwoup Boudis pou m al fè meditasyon. Te gen yon pè Episkopalyen ki te la nan rankont sa a. Mwen kontinye kominike avè l pandan yon ane anvan m al koute premye prèch mwen.

Pale n de wou. Ki jan ou fè travay Bondye nan Legliz la?

Mwen rantre nan Òganizasyon pou jèn ki pote non Angle “Young Adults Service Corp (YASC) “ epi mwen ale avè yo ann Afrik di Sid epi nan monestè Holy Cross la. Mwen travay nan lekòl yo genyen la a epi mwen te renmen sa m t ap fè a. Mwen pwolonje sejou mwen la epi mwen vin al abite la epi mwen vin al travay nan komisyon rekonsilyasyon an apre sistèm apatid la. Mwen vin retounen isit epi m al rete Vijini pou m kòmanse nan seminè. Kote a pa twò lwen DC epi mwen te santi tout bagay te nouvo nan kote m te ye a. Nan dyosèz mwen an te gen prèske menm kalite moun yo, epi mwen pa t santi mwen te nan yon kominote- kominote Episkopal moun nwa yo oubyen istwa legliz la.

Gen de bagay ki te rive m: mwen te ale nan premye konferans Seminaryen pou moun nwa premye konferans Episkopalyen nwa “Black Episcopalians (UBE)”. Lè m rive nan konferans sa a mwen te santi, “wow, mwen jwenn moun mwen yo.” Mwen jwenn plas mwen.

Kouman epi ki kote benediksyon desann nan legliz ou a?

Premye legliz mwen te travay ladan lè m te fèk al rete DC se te legliz St. Lik, se premye Legliz Ameriken nwa endepandan nan D.C. Se te yon bèl kominote, se yon kominote ki istorik, nan tout fason, nan yon zòn kote anpil blan vin abite nan D.C. Mwen sonje mwen tap pale

ak rektè legliz sa a epi li te òganize sa sou lide sa a, ki sa w ap fè pou w leve tèt kominote w la? Ki sa legliz ou a ap fè pou kominote moun nwa yo? Kouman w ap touche lavi moun, paske si se pa sa w ap fè, ki sa w ap fè? Se atravè kominote a. Nan pale ak moun nan zòn nan, nan jan mwen wè tèt mwen nan lòt moun, nan fason mwen wè menm bagay ki enterese mwen enterese lòt moun tout, epi nan met tèt ansanm pou nou travay sou yon gran lide ansanm.

Kouman sa te fè w santi w pou w ap bay benediksyon?

ISe tankou Lesentespri desann sou wou. Lè m ap preche, m ap gade tout moun, epi nou tout sou menm bit, nou santi Lesprisen an toutbon vre, se tankou nou tout ap flote ansanm epi nou nan pla men Lesprisen an k ap pwoteje nou. Mwen panse menm bagay la rive tou lè m ap bay benediksyon. Se Lesprisen sa a; nou rekonekte ankò, epi n ap fè yon bon bagay.

Ki sa ki ba w espwa sou avni legliz ou a?

Mwen kwè gen anpil travay ki gen pou fèt toujou. Se kontinye travay, epi nan espwa mwen pap kontinye travay la pou kont mwen. Sa ki enterese mwen se bati yon kominote, epi mwen swete kominote sa a va kontinye grandi epi enspirasyon Lesprisen an va kontinye kondi nou alavans.

Chemen renmen an se vizyon Evèk Anchèf la pou Legliz Episkopal la. Ki sa Evèk Anchèf la gen nan li ki ba wou espwa?

Akonpaye moun nan devlopman yo se te toujou yon bagay ki enpòtan pou mwen, epi m ap eseye devlope vwa pa mwen pou m preche. Lè m wè evèk sa a k ap preche nan mitan legliz la san nòt nan menm li sa ankouraje m ouvè bouch pa m tou.

THE REV. P. K. RAYCommander, Chaplain Corps, U.S. Navy (Seksyon Rezèvis) [Kounye a mwen de sèvis tanporè pandan 3 an] Anplwaye kòm Omònye,Federal Penitentiary, Atlanta, GA(Federal Bureau of Prisons) [Kounye a mwen nan konje otorize pandan 3 an]

Ki koneksyon ou ak legliz la?

Mwen se yon pè. Nan Dyosèz Episkopal nan Rio Grande.

Ki jan ou fè travay bondye nan Legliz la?

Antan dirijan relijye nan Lamarin Amerikèn, mwen la pou m guide Sòlda yo, Maren yo, ak fanmi sòlda yo espirityèlman. Mwen travay ansanm ak sòlda yo ak Maren yo, mwen ale tout kote yo ale epi mwen fè sèvis priyè pou yo. Mwen la tou pou m asire yo pwoteje dwa tout sòlda yo pou yo suiv relijyon yo vle.

Mwen te leve kòm yon ate nan yon fanmi ki te sot ann Enn pou l imigre nan peyi Etazini, enn an anvan m te fèt. Lè m kòmanse suiv Jezi, mwen vin santi mwen nan yon kote ki lakay mwen epi mwen gen yon rezon ki fè mwen anndan yon fanmi kretyen. Kòm Krisyanite se yon relijyon adopsyon ak gras, yo bay tout moun valè, yo ouvè bra bay tout moun, tout moun jwenn plas yo!

Nan ministè sa a, sa ban m anpil fòs lè m sispann aktivite mwen pou m koute moun epi pou m pran ka moun. Mwen vin aprann lè m ap koute moun k ap rakonte m istwa pa yo ak sa yo santi nan kè yo san mwen pa jije yo, sa se yon kado ki ra. Anpil fwa koute yon moun se pi bon remèd pou geri moun nan oubyen pou fè l dibyen pase pou w ta ba l yon kèk konsèy oubyen ba l ankourajman.

Kouman epi ki kote benediksyon desann nan legliz ou a?

Nan ministè m nan, “pou w bay benediksyon” sa vle di fò w prezan. Lè m la epi m pa deplase, mwen rekonèt sa ki sen ki deja prezan lakay mwen epi lakay chak moun Bondye mete sou wout mwen. Anpil fwa, moun pa rekonèt ki sa yo vo. Lè m mete m disponib pou m koute yo oubyen pou m onore yo kòm moun yo te kreye pou sanble Bondye, sa ba yo benediksyon epi sa ede yo dekouvri ki moun yo ye yon fason ki pi pwofon. Nan rankont sa yo, mwen jwenn benediksyon. Mwen panse sa dwe rive nenpòt lè imaj Bondye nan yon moun santi prezans imaj Bondye nan yon lòt.

Ki sa ki ba w espwa sou avni legliz ou a?

Mwen konnen Bondye toujou ap travay pou sove lavi moun. Sèl sa m dwe fè se wete kòm nan wout li.

Chemen renmen an se vizyon Evèk Anchèf la pou Legliz Episkopal la. Ki sa Evèk Anchèf la gen nan li ki ba wou espwa?

Evèk Michael Curry enspire mwen toutbon pou m retounen sou idantite fondasyon nou kòm moun k ap suiv Jezi. Jan Evèk la di nan bèl pawòl li yo, “Si yon bagay pap fèt akòz renmen, se pa pou Bondye l ap fèt.” Kòm omònye (epi kòm pè nan Legliz sa a), se nan biznis renmen an mwen ye.

ALLISON DUVALLManadjè Pou Relasyon Legliz la ak Angajman Legliz la, Ministè Migrasyon nan Legliz Episkopal la

Ki mòd relasyon ou genyen avèk legliz la?

Mwen se yon Episkopalyen pandan tout lavi m. Depi m te ti jennfi mwen nan ministè layik nan legliz sa a, mwen te kòmanse travay kòm volontè nan yon ministè nan Dyosèz Lexington nan yo rele Kan Lekti. Lè m te fin diplome nan fakilte, mwen te vin direktè egzekitif Kan sa a. Mwen te renmen travay la epi an reyalite mwen te santi se te travay pa m menm pou m sèvi Legliz la, pou m pran pa nan ministè yo ki sèvi kòm pye ak men Legliz la, pou di laverite kòm pye ak men Jezikri, sou latè a.

An 2012–13, mwen te kòmanse santi Bondye kab made m makònen jan m renmen travay pou legliz la nan aktivite legliz k ap fèt nan lakou Legliz la ak aktivite k ap fèt lwen Legliz la.

Kouman epi ki kote benediksyon parèt nan ministè yon moun?

Benediksyon desann sou nou chak jou, nan diferan fason. Pandan 2 ane ki sot pase yo, pandan sistèm pou plase refijye yo tap fè fas ak yon pakèt gwo defi akoz politik drastik administrasyon peyi a, benediksyon desann sou nou gras a kouraj, gras a detèminasyon, epi gras a angajman kolèg mwen yo nan Ministè pou Migrasyon nan Legliz Episkopal la, ak angajman biwo ki afilye avèk nou yo ak moun k ap ede nou toupatou nan peyi a. Menm lè gen gwo defi, lè gen traka, lè gen dezagreman, lè gen gwo lapenn ak lanmò kolèg mwen yo reponn prezan. Epi lè yo reponn prezan, yo beni lavi refijye yo nou ede al abite yon lòt kote, menm endirèkteman, yo beni lavi plizyè milyon refijye ki nan nesesite toupatou sou latè a ki ap chache azil epi tou yo beni travayè ki ede moun ki ap goumen pou pwoteje epi pou defann refijye yo.

HOW TO GIVE

The blessings that we find for ourselves in The Episcopal Church, we long to provide for others. Please make a gift and support the many ways in which we, together as The Episcopal Church, witness to the loving, liberating, and life-giving way of Jesus Christ.

There are many ways you can participate: • Return the accompanying envelope with your credit card gift or check

made payable to ‘The Episcopal Church,’ with ‘Annual Appeal’ in the memo.

• Give securely online at episcopalchurch.org/give/annual-appeal.

• Text ‘APPEAL’ to 91999 (standard messaging and data rates apply).

• Call (800) 334-7626 ext. 6002 to make your pledge or gift over the phone.

Thank you, in advance, for gifts that do so much!

For information about the work of the Office of Development, or for other ways to make your gift through stocks or securities, contact T.J. Houlihan, Development Officer, at 212.716.6271 or thoulihan@episcopalchurch.org.

Kouman w te santi w lè w tap beni moun?

Se swete mwen kab swete sèlman mwen beni moun! Kolèg mwen yo ak patenè mwen yo nan travay sa a se yo ki beni mwen, yo leve m anlè, yo ban m kouraj pou m kontinye travay la, epi yo ankouraje m pou chemen ki pi devan an. Mwen swete lè m pale ak lòt, lè m ri avè yo, lè pase kèk moman avè yo sa va fè m pataje benediksyon sa a avè yo.

Ki sa ki ba w espwa pou ministè w la pou pi devan?

Sa k fèm gen espwa se paske genyen yon revèy nan Legliz Episkopal sèjousi epi toupatou nan peyi a sou enpòtans ki genyen pou pa annik chita di nou “Dakò” ak chanje y ap chanje kote refijye yo ap rete yo ak kesyon imigrasyon an jeneral, men se pou nou aktif se pou nou pran yon pozisyon pou nou reklame yon wòl nou, epi pou nou antre nan mouvman ki ouvè 2 bra bay moun sa yo. Fòs ak kouraj peyi nou an genyen an, ak Legliz nou an ki ap briye a, ap ogmante kapasite nou pou nou anbrase talan nou yo, fòs nou yo, resous nou yo, kado nou yo nan tout manm kominote nou yo—espesyalman sila ki fèk vini yo, refijye yo, ak imigran yo. Gen anpil moun ki kòmanse kwè nan kòz la tou, epi y ap chache plas yo anndan travay sa a. Sa ban m anpil espwa.

Chemen renmen an se vizyon Evèk ki Anchèf Legliz Episkopal la. Ki sa ki ba w espwa lakay Evèk Anchèf la?

Renmen se rasin tout sa nou fè, epi tout sa nou ye. Mesaj Evèk Anchèf la kab ankouraje moun, men tou se yon mesaj ki gen yon gwo pwofondè pastoral ladann. Li fè nou sonje kilès nou ye, epi li ban nou fòs pou trajè a. Benediksyon mande bòn entansyon, sa mande tan, epi sa mande pou n kreye espas pou l abite nan nou. Mwen panse sa ta ede nou tout pou n ta jwenn bourad Lesprisen an tanzantan pou ralanti nou; pou n pran souf nou, epi pou louvri je nou, louvri zòrèy nou, epi louvri kè nou pou nou resevwa tout benediksyon sa yo ki antoure nou.