Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlatUN (april) 26, 2019 ZirtawpNi (friday)

Hmasawnna Thar Vol - 34/194 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

GAS NEWS

Agency : KIM JOECUSTOMERS WITH SINGLE CYLINDER MAY REPORT FOR DBC AND AVAIL THE SAME.(instantly) 19KG & FTL NDNE 5 KG REFILLS AVAILABLE

Assessment on Issuance of Dis-ability CertificteCCpUr: Hung tlung ding April 27, 2019 (Inrinni), 10:30AM to 1:00PM inkar sung khin District Fam-ily Welfare Office, District Hospital, CCPur-ah “ As-sessment on Issuance of Dis-ability Certificate” nei ning a tih. Hi huna ding hin pieng-punga harsatna nei/ruol-banlo, Disability Certificate la nei lohai chun April 26, 2019 chen hin DFWO Office le Centre for Community Initiative (CCI) Office haiah form lak thei zing a nih tiin District Medical Board (Dis-ability), Churachandpur, Manipur chun inhriettirna a siem.

Anti-Rabbies Vaccination campCCpUr: “World Veteri-nary Day’ hmangnain April 26, 2019, 7AM hin District Veterinary Office, CCPur le \hangruolin Eimi Dog Lovers Club chun One Day free Anti-Rabbies Vaccina-tion Camp huoihawt an tih. Hi huna hin Ui nei han

a thlawnin Ui invet dangna damdawi inkaptir thei ning a ta, Mengte khawm inkap-tir thei ni bawk a tih. Ui le Mengte damdawi kap ding hai chun thir khaidiet (chain) a thlung puma \huoi ding le puitling pakhat bekin an fe pui \ul a

ta, Ui date of birth, sex, a neitu le khuo hming hai le-khate-a zieksaa chawi ding a ni bawk. Ui thla thum a inthawk a chungtieng hai kum kha-tah vawikhat bek Anti-Rab-bies damdawi inkaptir \ul hlak a nih.

Graduation an hmang ding

CCpUr: Rayburn College chun April 26, 2019, 11AM hin an college chapel, He-bron Veng, N. Lamka, Cc-Pur-ah Graduation 2019 hmang an tih. Hi huna hin Best student award khawm sem ning a tih.

Thingtumin pasal 1 a del

hlumimphal: Zanikhan Tengnoupal-ah pasal pak-hat thingtum (beam) in a del hlum. Thingtum (beam) lien takel Truck-a inthawk load thlak a ni a, hi huna hin changsuol palin pasal pak-hat thingtumin a del hlum a nih. Thingtumin a del hlum hi Khamkholet Lhungdim, s/o Ngamson Lhungdim a nih. truck neitu chu letkho-thang Baite, chief of Char-son, Tengnoupal a nih.

Gypsy suksietimphal: Inner Manipur Parliamentary Constituen-cy-a Independent candi-date, RK.Somendro alias kaiku security personnel-hai hmang lai Maruti Gyp-sy var MN03B 1438, Kaiku in gate, Thangmeiband Sinam leikai-a innghat chu zani hmasa zan dar 11 vel khan suksiet a nih. A hmatieng darthlalang suk-kawi a nih. Gypsy suksetu hi CCTV-ah a hmel an lang chieng hle. Ngaidam an hni chun a hming hrillang lova a ngaidam ding thu kaiku chun a hril.

Ama that a ni thu a puong

imphal: April 23, 2019 a Irilbung Police Station huop sunga Irilbung Bamon Kampu Leikai-a leilet laia a thisaa hmua um Arun chu ama that a ni thu Pradhan Ravi chun Police kuoma an puongnaah a hril. Prad-han Ravi hin Arun nuhmei an ngaizawngpui a, inthur-uola a pasal hi an that niin a hril. Pradhan Ravi hin nuh-mei dang dang khawm a lo suksiet ta hlak nia hril a nih.

Tlangram Lo le |u

PM Modi in Roadshow nei; vawisun nomination a file dingA vawikhatna dingin Congress nekin BJP in candidate an hau lem

VaraNasi: Khawvel democ-racy sawrkara chu an hawina tak, ‘Festivals of Democracy’ an ti hiel, India rorelna Inpui hnuoih-nung lem 17th Lok Sabha Elec-tions 2019 (inthlangna) fe mek le inzawmin Prime Minister Narendra Modi chun zanikhan a ngirna ding Varanasi khawpuiah Roadshow a nei a. April 26, 2019 (Zirtawpni) hin nomination pa-per file a tih. PM Modi in Roadshow a nei huna hin UP Chief Minister, Yogi Adityanath le UP-a party dang NDA partner Janata Dal (United) hotu Nitish Kumar le LJP le Shri-romani Akali Dal hotuhai khawm an \hang tawl a, BJP rawng eng-sen vei vuoi puon batin Km. 7 zet chu mipui lo hmuoktuhai hmuok malam peiin an nei a nih. BJP Uttar Pradesh Unit hril dan chun, hi Mega Roadshow

hi UP-a Roadshow lai po poah chu a la ropuitak taka, hieng ang Modi Roadshow hi um khawm um nawk ta kher naw nih tiin an hril a. Mipui tam dana inthawkin Prime Minister Modi chu a tling sa a nih tiin an hril. Pu Modi hin UP ah an hrat zie suklang a nuom reng reng leia Roadshow hi an nei a ni a.

Lanka a inthawka Assi ah fe peiin Dashashwamedh Ghat ah a tawp a, hitaka hin BJP President Amit Shah leh Ganga Aarti an thaw/nei. Varanasi a tlung hma kawmin Twitter ah Roadshow thu hi a lo puong hman tah a. “After bumper rallies in Darbhanga and Banda, I am heading to beloved Kashi.” tiin a post a. “There are a series

of programmes lined up, which would give me another excellent opportunity to interact with my sisters and brothers of Kashi. Har Har Mahadev!” tiin Sap \awngin a tweet. Varanasi PC a hin Congress chun zanikhan an candidate din-gin kum 2014-a an party candi-date bawk Ajay Rai an ruot nawk. Ajay Rai hi 2014 khan Varanasi ah a pathumna a ni phak a, ama khawm hin vawisun nomination file a tih. Vawisuna Prime Minister Modi in nomination paper a file huna hin Bihar CM le JD(U) Chief Nitish Kumar, Shiv Sena president Uddhav Thackeray; Shiromani Akali Dal leader le CM hlui Prakash Singh Badal, Lok Janshakti Party chief le Union minister Ram Vilas Pas-wan bakah AIADMK, AGP,

Apna Dal (S) le North-East Dem-ocratic Alliance (NEDA) mem-ber party leader hai an \hang ring a nih. PM Modi hin Zirtawpni 9:30AM hin booth heads le party workers hai hmaah thu hril a ta, 11AM in Kal Bhairav-ah pa-thien biein \awng\aina nei a ta, 11:30AM in Nomination paper file a tih. BJP President Amit Shah chun Republic TV News in in-terview a nei naah, BJP khatin 282 hmung a ta, NDA le chun 320 an hmu ding niin a hril a. BJP khat chauin sawrkar hrat tak a siem ding niin a hril. Hieng laizing hin National Election -ah a vawikhatna dingin 17th Lok Sabha Election, 2019 fe meka hin BJP chun Congress nekin candidate an hau lem.>>sunzawmna phek 4-ah

CCPur College Principal dingin Dr Th. SiamkhumCCpUr: H. Deleep Singh, Commissioner (Hr. & Tech. Edn.), Govt. of Manipur in April 25, 2019 a Order an suo dungzuiin Dr Th. Sia-mkhum, Associate Professor chu interim arrangement in thu thar um nawk hma poa Principal, CCPur College sin chel dinga ruotna Order an suo. February 28, 2019 khan Vanlallawm , Principal i/c chu a sina inthawk a pension ta a, hi hnung hin termina-tion order a suoknaw leiin Vanlallawm hin principal in-charge a chel zawm pei a.

Sienkhawm tulai hnai khan regular principal ruot dinga nawrna leiin \henkhatin college an khar a, buoina um thei ding nia hriet lei le College function suk-buoi thei dinga an lang leiin College teachers fekhawm

hai rawtna le hrietpuiin Pu Vanlallawm chun a senior tak Prof. L. Pangamte kutah Principal in-charge a lo inh-lan a ni a. Chu hnungah hiengang order hi sawrkarin a hung in-suo ta a nih. Order dungzui hin principal dinga ruot nisien khawm regular principal dinga appointment pek a ninaw a, extra remuneration le regularization claim thei chuong naw ding a nih. Tuchena college princi-pal hai hi incharge vawng an la nih.

DIPR Director in a hrilfie

imphal: 1891 Anglo-Manipuri War hrietzingna dinga kum tina hmang hlak zani hmasaa state level Khongjom Day hmang huna DIPR in “Manipur Today” a published naw nasan chu Lok Sabha Elec-tion, 2019 lia Model Code of Conduct (MCC) hmang lei ani thu zanikhan Direc-torate of Information and Public Relations (DIPR) Director H. Balkrisna Singh in hrilfiena a siem. Khongjom War Me-morial Trust (KWMT) in tukum Khongjom Day hmangna hunah DIPR in an suo hlak Manipur Today special insuo loin “Go to Village Mission’ booklet a published chun Khong-jom War history a sukda a, Khongjom umzie neiloin an suo a nih tia zani hmasaa press conference-a KWMT president M. Hemanta in a hril le inzawma Director, DIPR in hiengang hrilfiena hi a hung siem a nih.

Nuhmeite Inhmang thla 3 Hnungah la hmu lo: Ni 15 sunga zawngdawk an phut

imphal: Joint Students Coordinating Commit-tee (JSCC), Imphal East-in a hril dan chun, ni kum December 31, 2018 a in-thawka inhmang ta chu, thla thum neka tam a liem hnunga khawm hmu a la ni naw zing tiin a hril. Tuta inthawk ni 15 sung ngeia nuhmei kumtlin-glo inhmag hi zawng dawk ding le a \huoihmangnaa inrawl hai case siemkhum dingin JSCC chun a ngen. Joint Students Coordi-nating Committee (JSCC), Convenor, Mr Manjit Sa-rangthem in a hril dan chun, nuhmei kum tlanpui (eloped) a um hi tlanpui a ni laiin Class VIII in-chuklai a tlanpuitu hi Md Aslam Khan (21), s/o Md. Zuma Khan of Pangong Makhong, Imphal a ni a, hi taka inthawk hmu taloa la um zing a nih tiin a hril. Manjit chun, police de-

partment hai chu an thaw ding thaw naw intumin, an ngaithana leiin an sungkuo chenin buoina an tuok pha a, an fak le dawn zawngna tieng chenin a tawk pawi phak niin a hril. Manjit chun Police Station a FIR an file da-nah chu ‘nuhmei kum tlin-glo’ ti a ni a. Amiruokchu, naupang kum tlinglohai manna dinga POCSO hnu-oiah ienkhawm zieklut a ni nawh, tiin a lungawi naw thu a hril.

A pa khawmin, a beisei dan chun Imphal West-a Women Police Station ah case hi zieklut le suizui ding niawmtak a nia chu vawisun chenin iengkhawm bawzuina a la um naw hi police hai sin ngaithana lientak a nih tiin a hril a. A naunu chungah iem a nih thil tha lo a lo tlung chun Police hai le Investi-gation Officer concerned in maw po po an phur ding a nih, tiin a hril bawk.

GNM School of Nursing an hung enfel

CCpUr: Ministry of Skill Development and Entre-prenuership, Govt. of India hnuoia New Delhi Institute of Management (NDIM) a inthawk professional pahni zanikhan CCPur-ah an hung a, CMO Complex, CCPur-a GNM School of Nursing enfelna neiin student hai in-pawlpuina an nei. Professional hung hai chu- Nikhil Singh, Dean, New Delhi Institute of Man-agement le Noriko Nasu-kawa, President Nihongo Center, Japan hai an ni a, Functional Recovery Care chungchangah student hai seminar an neipui. Seminar

a hin GNM School of Nurs-ing student hai khawm an \hang. India ram sung chau ni loin ramdang-ah khawm GNM zo hai ta dingin sin tam tak a um chu, Japan rama khawm Nurse sin thaw ding tam tak a um thu hai hrilhriet an nih. India rama Nurse zo hai laia khawm Manipur a in-thawk Nurse zo hai hi sina an titak leiin dit bik an ni a, tukhawm hin Japan rama pitar le putar hai enkawlna hmun hai enkawltu ding India rama inthawk Nurse mamaw le dit a ni thu hai hi huna hin hril an nih.

Songtal khuoah Bawng 6 a thisaa hmuCCpUr: Churachandpur-a inthawk km. 90 vela hla Songtal khuo-a chun kar khat vel liemta sung khan a san hrietloin Bawng 6 a thisaa hmu an nih. Bawng thisa hmua um hai laia 2 hai chu an taksa a mawi ta leiin an thina sawt met ta dinga ring a ni a, a dang 4 hai chu Thaw\anni vela kha thi ni dinga ring an nih. Songtal khaw mipui hai hril danin Bawng 6 hai hi an thi nasan ding awm hriet a ninaw a, lampuia fe han thil thu rim an hriet a, chu taka enfel a ni huna Bawng hai hi a thisaa hmu a nih tiin an hril. Bawng thisa 6 hmu

hai hi an taksaah hliemna hnuhma iengkhawm hmu a ninaw leiin, ramsa sehlum annawleh mi kut tuora thi ni dinga an ringnaw thu an hril. Hieng Bawng 6 neitu hai chu Thianza-

lal (bawngpui); Tungin (Bawngchal); Tualkhan-thang (bawngchal) le Ginkhanmuan (bawngpui) hai an ni a, Bawng pahni hai chu an taksa a lo mawi vawng ta leiin a neitu hriet an la ni nawh.

MEDA hmalaknain Workshop nei

CCpUr: April 25, 2019, 10AM khan Mizo Eco-nomic Development Agen-cy (MEDA) hmalaknain ‘Prospects of Organic Farming in Rainfed Area of Churachandpur District’ ti thupuia hmangin MPC Conference Hall, Hmuia Veng, CCPur-ah Work-shop nei a nih. J.C. Ramthanga, IAS, Principal Secretary, Govt. of Manipur chu Chief Guest a \hangin Work-shop hi a hawng a, Guest of honour in Jamtong Kuki, District Horti. & Soil Con-servation Officer, le Chief

Host in Vanlalrinliana, President, Mizo People Convention, Hq. Manipur a \hang. Technical Session hu-nah K. Jogeshchandra Shar-ma, State Hort. Consultant, MIDH; M. Nabachandra Singh, AAO (MIDH); Dr. Tensubam Basanta, Scien-tist (Soil), ICAR le Dr. L. Jeebit, Asst. Project Offi-cer, (MAMO) hai resource person-a \hangin Organic Farming chungchang hriet dinga pawimaw hai hril-hrietna an nei. Workshop a hin Loneitu \hahnemtawk tak an \hang.

Private-a Tui supply-tu an pung pei

CCpUr: Kum ieman-ichena inthawk khan Churachandpur district le khawpui sung hai chu tlan-gram ni siin tui harsa leiin private-a tui supply-tu an hung um \an a, tu lem hun thu private-a tui supply hi an \hahnem ta hle.

Hieng laizing hin April 15, 2019 a thlisie in elec-tric nasa taka a suksiet lei khan Khuga (Zone-II) a inthawk khawpui sung tui supply-na nasa takin a sukbuoi pha a, nidanga tui regular taka hmu hai khaw-min a hma angin tui an

hmu tanaw leiin tui inchaw nuom an tam leiin private-a tui supply-tu an pung pei nia hriet a nih. Electric siet a inthawk PHE department hnuoia tui supply dawng hlak han tui an hmunaw chu ni 11 vel a tling ta a nih. Khuga Dam a inthawk Pump House in electric mamaw tawk a hmunaw leia tui pump suok theilo a ni el khelah pump \henkhat a sietna um nia hril a ni bawk. Water supply buoi lei hin nitin Khuga Dam left side canal a inthawk private-a tui supply-tu han tui lain tui order-tuhai kuomah an pek hlak a nih.

NERCORMP hnuoia sinthaw hai an en

CCpUr : D. Khuala Vai-phei, District Project Of-ficer NERCORMP (North Eastern Region Commu-nity Resource Management Project), CCPur chun zani khan reporter hai \huoiin District sung hmun tum tuma NERCOMP hnuoia sin thaw hai a enpui. NERCOMP hnuoia sin thaw hai hi North Eastern Council (NEC), Ministry of DoNER) funding vawng, loan ni lo, grant anga hung sanction a nih. Zanita NERCORMP

hnuoia sinthawna proj-ect an en hai lai K. Mol-lum village-a Vawk vaina (piggery project) Fatten-ing Unit 10, Rs. 1.30 lakh seng sanction a siem hai le Rs. 50,000 \hangpuina pea Grocerry shop hawnga um hai an enfel hmasa a. Hi zo hin ST Chullouphai a sinthawna hai le Self-Help Group hai sinthawna, grocery shop; Carpentry Workshop; Penjang khaw mipui hmang ding Com-mon Facility Centre Com-munity Hall puccka a bawl

le Safe Drinking Water Tanky siema um, Drain-age system feet 600 a sei siema um hai en a ni a. Chun, S. Kotlian a S. Kai-dou bula Ar vaina Paultry farm bakah Kangvai Sub-Division sunga Bunglon khuo a kum 2016-17 a Water Tanky Rs. 1,15,00 senga siem le Pineapple Farm hai an en bawk. D. Kuala Vaiphei chun, NERCOMP hnuoia Pig-gery Project hnuoiah Fat-tening Unit 10 a um a, Unit khat peiah Rs. 1.30 lakh sanction a ni a, Fattening Unit hai hi January 31, 2019 khan Shyam Lal Poo-nia, IAS, DC, CCPur in a lo hawng ta thu a hril. Pengjang khuo a Com-munity Hall bawla um hi 2017-18 project contribu-tion Rs. 8,73,600 le com-munity Contribution>>sunzawmna phek 4-ah

Hmasawnna Thar2 thlatUN (april) 26, 2019ZirtawpNi (friday) artiClE/hEalth & EmplOymENt NEws

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUI|awng ki nei hrim ching naw la, Khel hril chu ban dai rawh. I mithai chun hmatieng chau en sienla, i khaw nghat chun hmatieng thlir tlat raw se.

-THUVARHAI 4: 24-25

Naupang le Upa haiPathien thu chun naupang le Upa hai hi a ngaihluin a sie pawimaw hle. Naupanghai chu van tieng ro ei inkhawm, Lalpa laka ei rochan ni hielin a hril a nih. Lal Isu khawm khan naupanghai nghawk lo ding le a kuoma \huoi dingin a ngen a nih. Upat le dam-sawt chu Pathien malsawmna a ni leiin ngirhmun inzaumah siein a chawimawi hle a nih. Hnam var le ram changkang taphawtin naupang le Upa hai ngirhmun a sie pawimaw a, tarhai enkawlna kawn-gah hma a lak nasa a, an ngaisak em em el a nih. Tienlai huna khan Zohnathlakhai khawtlang nunah khan naupang han ngaipawimaw an hlaw naw hle. Puitling laia naupang hung um hai chu hnawksakah an lo ngai a, in ri a sie, suok unla tuo-lah van hnel ro ti an ni hlak. Enkawl fai an ni naw leiin naupanghai chu uite rim in innam an lo ti hlak. Hril nuom an nei a, an hang \awng tam deu chun, naupangte te, i \awng thei taluo tiin khap dei an ni hlak. Tulai \awng takah an right kha namnul le sirde pek an ni hlak. Amiruokchu, thiemna le varna hai a hung in-sang pei leiin, tuhin chu naupanghai chun ngaisak an hlaw ta hle. Nuhai phing sunga an um laia in-thawk enkawlna \ha pek an nitah. Nautesen an ni laia inthawk hri dangna chi hran hran pein fak ding bu \ha le thil dang dang pek an ni tawl tah. Du-thusam la tlingzo naw sienkhawm ei insung le puo-tieng haiah khawm a lailum an hluo phak ta a nih. An nuom zawng ei inthawtir a, a fe nuomna haiah ei infetir a, an dit zawng le an nuom zawng chu ei hniel tanaw a ni deu tak an ta hi. Hieng laizing hi Upa le tar hai chu, “ ve ringawt che chun, i thu a um nawh, i hril ding a um ve nawh”, ei ti a, a kilah ei hnawl an ta an naw maw? Tulai huna thil pawi tak pakhat chu, naupang han an right an hriet hlur a, an duty an hriet nuom tanaw hi a nih. Nu le pa, sung le kuo hai ta ding chun naupanghai right thuah hin harsatna ei la tuok naw a. Amiruokchu, Inchuknain neitu le Zirtirtuhai hin child right thuah hin harsatna namen lo an tuok ta a nih. Police case nei dam, Court-a khingna tuok dam le leichawi dam an um pha ta a nih. Thil hrim hrim hi \ha le an dik zawng, a \ha naw zawng le hmang suol a hung ni pha chun ei sietpui lem hlak. Ei ramah child right hmang suol hi a tam lem an ni ring a um. Mihai \hatpui kha ei ni rawi chun ei sietpui niin an lang. Ei ram sawrkar khawmin mi upa annawleh tar (Senior Citizen) ei tihai a ngaisak ve ta hi lawm a um. sawrkar chun tar pension scheme le Old Age Home bawlna ding scheme hai a nei ta leiin senior citizen han an sawr \angkai tawl a, hieng scheme-hai hi phuisui lemin hung thaw pei sienla nuom a um. India hmarsak bielah chun tar pension hi a tlangpuiin thla khatah Rs.200 a inthawk Rs.250 a nih. Hieng laizing hin Tripura state sawrkar chun tar pension sum hi mi pakhatah thla tin Rs.700/- a pek thei tlat a nih. Ei state sawrkar khawmin tar pension sum hi thla tin Rs.700/- pek an ni ve theina dingin hma hung la sienla nuom a um. India ramah chun tarhai hi Senior Citizen tiin ei ko a, Israel ramah ruok chun “Golden Age” an ti ve thung. An ram a changkang a, mihriem dam chen khawm a sawt a. Israel rama Golden Age an tihai chu, pasal kum 67 le a chungtieng le Nuhmei kum 62 le a chungtienghai an nih. An inpawlkhawmna ding le an insuk hlimna dingin Golden Age Club a siem pek bakah tar pension sum a pek tam a, an fak khawp a tling bakah an khuol inzin theina ding sum an inkhawl thei pha an ti chu! India ramah chun sawrkarin Senior Citizen-a a ngaihai chu kum 60 le a chungtienghai an nih. Tar pension hmu thei khawm kum 60 le a chungtienghai an nih. Ei ram sawrkar khawm hi a \ha ve a, kum 60 le a chungtieng mihai Vuongna, Rel, Bus le lawng haia an inzin chang, chuongman zaah sawmngain a suk hnuoi (Concession) pek hlak. Hieng a ni mek lai hin vantlang le sungkuo tinin Senior Citizen-hai hi iengtin am ei enkawl ve tawl a? Ei nu le ei pa hai hi ei hriet lo hin an lo inthlah-rung ve thei a nih ti hi hrietpui ngei ngei ding an nih. Nauhai chun, nu le pa hai chungah “Ka thaw ve hun a tlung an ta hi”, tia duot taka enkawl hi ei sin le mawphurna a nih. Nu le pa enkawl ding la neihai hi mi vangnei ei nih. Khawvelah hin nu le pa hai baka mi hmangaitu le mi lunginsiettu an um nawh. Thil ei thaw ding haiah rawn ve hlak ding le an mi la dampui sung chu a lailum inchangtir ei tiu. Thil hril thiem le var tak an lo ni naw khawmin ei hri-etzing ding chu, Ngaithlatu an mamaw a nih ti hi a nih. Ngaithla inla, ngaisak inla, ngaipawimaw inla, ditsak inla, duot inla, ei hmangai a nih ti an hriet theina ding kawng hran hranah inlangtir tum ei tiu.

z i o n t h e o l o z i~ Lalkhawlien Pulamte

Sala mi mantuhaiain,“In Zion hlahai laia pakhat mi sakpek ro” tiin an mi ngen a,

Iengtin am singkhuol rama hin Lalpa hla chu sak lul kan ta?

“Aw Jerusalem, ka theinghil che chun,Ka kut changtieng hin a thil thiem hi theinghil ve sienla,

Ka hrietzing naw che a Ka hlimnatak neka Jerusalem ka ditlem naw chun, Ka lei hi ka dangah kawp tlat raw se/

amanih Ka lei hi ka dang leh inmat raw se”.(Sam 137- a inthawka lak suok, ka rem \hat a nih))

Israel hai hin an Zion an hlutsak dan hi a na ngar ngar ngei! Babulon sala an intang hma khan Zion le a chunga Lal Jehovah kha lo ngaihlu kawp hai sien chu hieng lawma inrieng hin chu an um naw ding bah, pawi ta raw seh. Babulon mihaiin ti-ela Zion hla sak dinga an ph<t zet chun an \awng invai naw tawp. Zion hla chu a ieng tak am. ti chu ziekpek ei ni naw a, amiruokchu Jehovah an inphatsan hma khan chu Zion/Jerusalem kha muongna le himna khawpui a ni, ti ei hriet. Chu thu chu an hla a hin matheilovin a \hang ngei ding, ti a chieng. Sala mantuhaiin diriem deuva ‘Zion hlahai laia pakhat mi sakpek ro’ an ti chun an lungsen a keitho a. Ieng inkhawkin am hi kan mikhuolna rama hin sak te r>ng kan ta, tia an dawn kha an ngentuhai thil ngiet leh an rup bak. Chu chu cowboy tawngin an in draw a na, \awng mar pangngai chun “no compromise” a ni tawp. A sap a suon a um nawh. An tlawm der hnunga an inhrosak le an intiemkam na, vow of allegiance to Zion/Jerusalem \awngkam hai hi ava hang inhnu ta de! Zion/Jerusalem zuk theinghil neka mani kut chang tieng thilthiem a hmanga hmang naw chauh ni lova kut thiemna inmang\hapui thlawt el khawm pawisa der lova an tlawm ruoi ruoi hi chu namen an nawh. A dawtah, Zion hrietzing naw le chu khawpui neka ditlem dang an nei pal chun lei hi danga kawp ding chenin an inkh^m hi a va rura deh. Lei ngar hman an \awng thei naw laia danga kawp lem chun \awng thei naw chu thukhat. Fak le dawn nei ngaina a um der naw ding a nih. Chu umzie chu \am leia thi chauh an hmabak, tina a nih. An ti roka chu Israel papui po povin ieng in khawk khawmin Zion chu hrezing hnaisai naw ni hai. Ana chu David le kara Lalpa’n thu a thlung kha a det em leiin Zion theinghiltuhai kha a zangaina tlafuolin an khum ni ngei a tih., chu ni naw sien chu saltang hung kir hai kha danga lei kawp leia Hospitala lei ^t,operation thaw, Hmar nambar dai lo, um naw thei naw ni hai. An Lal, Jehovah kha hrefu hai sien, a thupek khir fahran lohai kha zawm hai sien chu ralkanga Zion ngaia kur-in-kuk \ul der lovin thlamuongin Zion pil kha an ke innghatna a ni ding bah. An address khawm opposite King David’s Palace, ti thei ding an um ring a um. Tuhin chu ‘By the River of Babylon, there we sit’ an ti thei tawk. An khaw ngar chu a nih. Hang sui rala chu Zion ti umzie chu ‘hmun \awl’ tina a ni a, a umna hmun z^wnga sui chun Jerusalem khawpui sung, sim-thlang tienga um a nih a. Tulai hnaia hmun hlui chotuhai ve thung chun Jerusalem saktieng tlang chuon hnuoia um ni dingin an ring thung. Tien thuphung sui dan chun Jebu mihai kul, David-in a hne a khuo chu a zauva, a hnunga David khawpui,. A lal\hungpha innghat hmun, ti a hriet a hung nih (II Samuel 5:6-10). Juda sungkuo ta dinga hmun pawimaw a nina san chu: 1). Hmun nghet a ni a, 2). A umna hmun hi a lai inli, 3). Israel hnam sawm le pahni haiin ram an insem huop baka um a ni bawk a, pahnam bingin ‘kan ta’tiin an inchu thei nawh. Hi Zion hi sukthlarau chun in-en-tir/ tephme tam tak a nei a, Chuonghai chu:ringtu sukchangruollo an ni zie, Ringtu chu Messie inlalna ram a ni zie, Pathien le ringtu karah chatuon thu thlung ani thu dam, ringtu haiin chatuona thlarau le titak zeta Pathien an chawimawi ding thu le a dang dang hril hme ding a tam. Thuthlung Hlui lekhabu \henkhat, hla rawng kaia ziek haia chun ‘Zion’ ti hi mihriem anga duot \awngkam ‘Zion naunu’ amanih Zion nauhai’ tiin Jerusalem khawpui sunga chenghai hrilna a hmang a ni deu tak a. Chuleichun khaw hnunga chun ‘Zion’ chu hmang lar rak a hung ni ta nawh a, Jerusalem ti chu hmang tlanglawn a hung ni tah a. Jerusalem chu ‘Salem’ ti a suktawiin ‘remna’ khawpui’ ti dam, ‘khawpui thienghlim’ ti le a pathumna, tuta ei thupui chai m>k ‘Zion’ ti hi nunghak ngainobei saina \awngkam hmanga duot a hung nih a. Zion amanih Jerusalem hi khawvel sakhuo, ‘Pathien chu pakhat chauh a nih’ ti inchuktir pawl,

‘monotheism’ amanih ‘monoteistic faith’ chel nghettu sakhuo pathum, Kristien, Juda sakhuo le Islam sakhuo hai ta dingin Jerusalem amanih sawrbing bik ‘Zion’ hi khawvela khawpui pawimawtak a ni nghe nghe. Hi lei hin Israel le Muslim haiin an sakhuo innghatna/ hmun pawimaw an ngai leiin an inchu ngat ngat a nih. T^wp–in-t^i nei naw ni a, Armakedon indo zo a, Isu’n hnena hlado an sam pha a neitu indiktak, Israel hai kuomah pek ni chauh a ta,, chu pha chun Israel haiin an Lal dit naw, Messia pawm t^ng an ta, a rawiin Kum sangkhat hnuoia hin ro an la r>l ding a nih. Schofield le Larkin hai kha bauva inbiekpui thei an ni ta naw bak ah, pawm dan, ngaidan a tam leiin ieng ang takin am, Israelhai hin ro an la rel ding, ti chu, ka hmabe leh an kar rak$k leiin inhemhmang san hri’ng ka tih. ‘Hmar hai hi Israel an nih’ tia belrem ka tum hnaisai nawh. Ka themtlawkna z^wng tak a ni nghe nghe awm. Thabova thlak a, Pathien lunginsietna leia Isu ringa sandamna thlawnpek hnawla, taksa insukIsrael a taimak suo hi kei chun ka chem kalpui hlawl nawh. Amiruokchu, Israel hai le Hmar hai hi piengphunga chu in-angna nekin danglam ei nina a thuo a tam lem dai. Chu tieng thu khawm chu sui dingin ka taimakna’n a zo naw nekin ka thabona buk a riklem dai. Anachu mani thaw ding obligation sui nekin mani nina identity suong thua chu ei inthuhmun naw le khawm ei inpindanna hi bang-ar-da nekin a sa lem ring a um nawh. Israel mipui taw-ngong zie chu en hman ro. An Jehovah phatsana hnam dang pathien an biek a, Pathien hring kha hnawlrawpona an nei leia hrem an nih, ti hrefu nuom der lovin Abraham, Isak le Jakob thla an nina an suong tawl a, an khawpui, Zion, Pathienin a mihai a umpui, ti sinsiena, a khawpui le leilung khan lungkham an b^ng lem tlat. Chu umzie chu a chunga Lal \hung si lova lal\hungpha kawrawng an ngaihlu lem tina a nih. Chuleichun Israel mipui hai khan Pa bova in-unauna indin, brotherhood without the fatherhood of God kha an hnawt a ni leiin hnam biling an nih. Zion ropuina chu an Lal Jehovah a nih. Chu Zion chu Jerusalem tiin a hming thlak inla khawm. Vahrit thlang khawma chepa, chepa thlang khawma chepa tho’ ti leh a danglamna a um nawh. Isun \aphla an z^wt a,

Aw Jerusalem, Zawlneihai thattu, Arpuiin a tehai a opkhum angin opkhum ka tum

cheuva, nisienlakhawm in nuom si nawh.

En ro, in In hai chu a ruoka maksanin a um tah”ti hi Zion theolozi-a lungkham b^nghai ngaituo tham a tling. Hi Israel mipui chanpuol, Zion theolozi hi Hmarhai ‘Mansapui b^ng theolozi’ leh an rup bak a, an thuhmun a nih. Zion kh<kin an kh<kpuia chu Zion khawpui chunga Lal Krista kha an pawmsa naw leiin Lal ding um lova Lal-in bawl an la ni hri. Hmar nauhai kui hin Israel rawng ei innam kai a, a pawi ngar e! ti naw thei an nawh. Ka artikul ziek ‘Mansapui Theolozi’ le ‘Zion Theolozi’ hi hnam hni, Hmar le Israel ‘Ekche |hut’ inthawtirtu an nih. Israel haiin Zion Theolozi an thawhla a, Hmar haiin ‘Mansapui Theolozi’ ei buorchuorpui bawk. Mansapui kawrawngin Hmar Kristienhai an mengkaltir a, Zion ‘Theolozi’n’ Israel mipui mit a sukchavai. Hmar nau laia mi, tu am a ni Israel rama zu fe a, an Zion Theolozi leia hnam kawl-^wk an nina zu hrilfie thei ei um naw leiin ei thaw ding umsun chu mani phurrik, ‘Mansapu Theolozi’ bansana ‘Transform lives, Powerful Church’ ni tuma hmalak ei ngai. Israel hai chu ni ruota an la hung har tho tho ding a nih. Chu chu Jehovah thutiem a nih. Hmar hai ruok hi chu ei tawngawng zo tah. Gun kalcharah ei in-awk a, machi khawm siem theilo hai hin indipenden |u khawm bawl nguar ang mawh! Kawngv^r tharin nuhmei phurrik a sawk z^ng chuong der naw angin silai hin ei sawl a min z^ngkh^itir der naw chu tie!

EmplOymENt NEws1. UNiON pUbliC sErViCE COmmissiON (UpsC) has recently released Central Armed Police Forces or CAPF Assistant Commandant Recruitment 2019 Notifica-tion for a total of 323 nos of vacancies in various Forces (BSF, CRPF, CISF, ITBP, and SSB). Both Male and Fe-male candidates are eligible for appointment to the post of Assistant Commandants.post Name:- assistant CommandantNo of posts:- 323 (BSF-100, CRPF-108, CISF-28, ITBP-21, SSB-66)Age limit:- 20- 25 years as on 01-08-2019. Upper age limit relaxable as per Govt rules.salary:- Pay Scale Level 10 of 7th CPC.minimum Educational Qualifications:- Candidate must hold a Bachelor’s degree (Any Graduate) from a recog-nized University/ Institute.how to apply :interested and eligible candidates can ap-ply online only by using the website www.upsconline.nic.in. The last date for submission and withdrawal of applica-tion is 20th May 2019 till 18.00 Hours. application feeFor General/OBC candidates:- Rs. 200/-For SC/ST/Women Candidates:- NilSelection Procedure for UPSC CAPF Exam 2019The Selection Procedure/Scheme of the Examination will be as follows

(i) written Examination:- The written examination to be conducted by UPSC will be held on 18th August 2019 and will comprise two papers. Paper-I will be held from 10 a.m. to 12.00 Noon and Paper-II will be held from 2.00 p.m. to 5.00 p.m. paper i: General Ability and Intelligence – 250 Marks. The questions in this paper will be of Objective (Multiple Answers) Type in which the questions will be set in Eng-lish as well as Hindi. paper ii: General Studies, Essay, and Comprehen-sion-200 Marks. In this paper, candidates will be allowed the option of writing the Essay Component in English or Hindi, but the medium of Precis Writing, Comprehension Components, and other communications/ language skills will be English only. (ii) Physical Standards/Physical Efficiency Tests and Medical Standards Tests:- Candidates who are declared qualified in the written examination will be summoned for Physical Standards/ Physical Efficiency Tests and Medical Standards Tests.100 Meters race:- in 16 seconds for Male and in 18 sec-onds for Female.800 Meters race:- in 3 minutes 45 seconds for Male and in 4 minutes 45 seconds for Female.Long Jump:- 3.5 Meters for Male (with 3 chance) and 3.0 meters for Female (with 3 chance).Shot Put (7.26 Kgs.):- 4.5 Meters for Male and for Female not required. (iii) Interview/Personality Test: Candidates who are declared qualified in the Medical Standards Tests, will be called for Interview/Personality Test to be conducted by the Union Public Service Commission. (iv) Final Selection / Merit: The merit list will be drawn on the basis of marks obtained by the candidates in the Written Examination and interview/ Personality Test. For more details, Please go through the UPSC CAPF Assistant Commandant Recruitment 2019 official notifi-cation or visit www.upsconline.nic.in

2. Indian Army chun a hmasa takna dingin nuhmei hai ta dingin ‘WOMEN MILITARY POLICE’ Post 100 lak a tum.Common Entrance Exam (CEE)- Written exam um a ta, hi taka fethleng han Physical Endurance Test (PET) hma-sawn nawk an tih. Apply thei dign hai chu kum 17 le a chanve-a inthawk kum 21 inkar hai ning an tih. Inhnikna nei han www.joinindianarmy.nic.in a in reg-istered a, fillup \ul le document upload \ul hai upload ding a nih. minimum physical requirement :*Height : 142 cms or 4’.8’’ inchqualification- 10 Pass or SSLC or Equivalent with 45% marks in aggregate & minimum 33% marks in Matric level.4. Fitness : 1.6 km runi) upto 7.30 min - Group-Iii)upto 8 min - Group-II5. Long jump - 10 ft6. High jump - 3 ft

Diesel cars a siem tanaw dingNEw dElhi/bENga-lUrU: Maruti Suzuki In-dia Ltd. chun April, 2020 a inthawk Diesel hmang Car a siem tanaw ding thu Nin-gani khan a puong. Thau-tui man kaisang dan ding hriet thei a ninaw bakah

emission norms khau leia Diesel hmang Car siem hi tawpsan a tum niin a hril. Hi lei hin April 1, 2020 a inthawk chun Diesel cars a zawr dawk tanaw ding thu company thusuok chun a hril .

Doctor In huongsungah bomb a puokimphal: Zani hmasa zan dar 11:40 vel khan Thang-meiband Hijam Dewan lei-kai-a Dr Thokchom Chito (45) In huongsungah bomb a puok a, car pahni darthlal-ang bomb hlekin a deng siet. Dr Thokchom Chito

nuhmei Th.Rojita chun, sum demand-na le vauna iengkham kan dawn gnaw a, iengleia bomb hi kan in huonsunga suk puoka um am a nia ti khawm hi kan hriet naw a, mak kan ti hle a nih tiin a hril.

Gas Cylinder inrutu pahni jail-a thunCCpUr: April 22, 2019 zantieng 2:30PM vela Bijang-a Mr Mangminlen Touthang hai Gas cylinder pahni inrutu Khamkhan-hau (25), s/I Nangkhanlam of Mualsan Village chu April 24, 2019, 7:15AM vel khan Bijang Youth Club \huoitu han manin a cylin-der inrukhai khawm hmukir

a nita a. Mr Khamkhanhau hi CCPur Police Station-ah an peklut hnungin Police han zanikhan Chief Judicial Magistrate, CCPur in jail-a um dinga a rel leiin zan-ikhan Police han Jail-ah an sielut. Mr Khamkhanhau hi Police han FIR No.55 (4) 2019 CCP-PS u/s 380 IPC an file khum a nih.

3thlatUN (april) 26, 2019ZirtawpNi (friday) NatiONal/iNtErNatiONal & adVErtisEmENt Hmasawnna Thar

laKtawi

J&K-ah helpawl pahni kap hlum

JammU: Jammu and Kashmir-a Anantnag dis-trict-a chun Ningani zing-kar khan Bagender Mohal-la hmunah security forces le helpawl hai an inkaptuo a, inkaptuonaa hin helpawl pahni kap hlum an nih tiin official thusuok chun a hril. Helpawl kap hluma um hai chu Safder Amin Bhat (25) of Zipora, Anantnag district le Burhan Ahmad Ganaie @ Saifullah (25) hai an ni a, an ruong bulah AK rifle 1 le SLR rifle 1 le silaimu hmu le man a nih. Bomb disposal squad han hima an puong hma chu hi lai hmuna hin va fe lo dingin Police chun mipui hai an inhriettir.

Congress in Varanasi PC a PM Modi kh-ingtu dingin Ajay Rai an ruot

NEw dElhi: 17th Lok Sabha Election fe mekah Uttar Pradesh a Varanasi parliamentary Constituen-cy-ah Prime Minister Nar-endra Modi khingtu dingin UP East Congress general Secretary dinga ruot thar Ms Priyanka Gandhi Vadra ruot a ni el dim tia mi tam takin an lo thlir laiin Con-gress chun Varanasi PC a PM Modi khingtu dingin Priyanka ni loin Ajay Rai zanikhan an ruot. Rai hi kum 2014 khawm khan Varanasi PC a hin PM Modi a lo inkhingpui tah a, sienkhawm a hne zonaw a, tuta \um hin a vawihnina dingin an khingpui nawk ding a nih. Zirtawpni hin nomination paper a file ring a nih. Kum 2014 khan Rai hin votes 75,000 chau hmupha-kin a pathumnain a \hang phak chau a, AAP conve-

nor Arvind Kejriwal pahni-na in a lo \hang a, Narendra Modi an lo hnenaw ve ve a nih. Priyanka Gandhi Vadra in active politics a hung lutchil hnung khan Varanasi biela hin PM Modi a hung inkhingpui mi tam tak lo ring a ni a, ama Priyanka ngei khawmin party in candidate dinga an ruot chun \itna a neinaw thu a lo hril ta a nih. Rai hi MLA vawi 5 lo nitah, Bhumihar hnama mi

a ni a, Brahmins le Bhumi-hars hai lai thlawptu a hau a hril a nih. A political career chu BJP student wing-ah a lo \an a, kum 1996 le 2007 inkar sung khan BJP ticket in a zawnin vawithum Ko-lasla constituency-ah MLA dingin thlangtling a lo ni a. Kum 2007 khan BJP in ticket an peknaw leiin Samajwadi Party a zawm a, kum 2009 khan Lok Sabha Election-ah a lo ngir

a, sienkhawm a lo tling zo nawh. Hi kum bawk hin Kolasla bielah Independent in a ngir a, MLA dingin th-langtling nawk a hung ni a. Kolasla constituency delimitation thaw a ni hnungin kum 2012 khan Varanasi district huopsun-ga um Pindra constituen-cy-a inthawk MLA dingin thlangtlinga a um nawk a ni a, 2017 khan BJP candi-date Avadhesh Singh a hne zo ta nawh. Varanasi PC a hin Samajwadi party chun an candidate dingin Shalini Yadav an lo ruot tah. Shali-ni hi Varanasi a MP hlui le Union minister hlui Shy-amlal Yadav monu a ni a, SP-BSP-RLD alliance in an thlawp ding a nih. Varanasi PC a phase 7-na le a tawpna tak May 23, 2019 a inthlangna nei ding an nih.

Kum tlinglo suolluitu kum 10 jail intang

dinginthaNE: Maharashtra-a Thane District and special POCSO court judge SB Bahalkar chun, kum 2015-a nuhmei kum tlinglo suol-luitu Shivmani Ramdulhar Jaiswar (33) chu kum 10 sung jail intang ding le fine Rs. 27,000 chawi dingin zanikhan a chungthu a rel. Mr Jaiswar hi Carpen-ter a ni a, July 17, 2015 khan a suollui naupang (kha huna kum 10 mi) hai inah va fein, naupang hi a khat chaua lo um a ni leiin thawluina hmangin a suol-lui a nih.

Telangana-ah ni 7 sungin mani inthat 18 an umStudents nuoi 3 chuong failed hai answersheet re-evaluation thaw ding

hydErabad: Telanga-na a chun April 18, 2019 a Telangana Board of In-termediate Education (TS-BIE) Class XI le Class XII result insuo a ni hunah students nuoi 3 chuong zet failed-a puong an ni leiin students le nu le pa hai chun nuorna nasa tak an nei bakah result puong-a inthawk ni 7 sungin stu-dents 18 zet anni le anni an inthat tah. Hienga protest nasa tak um lei hin state sawrkar chun failed-a puong tah students nuoi thum chu-

ong hai answersheets hai en\hat dingin Nilaini khan Order an suo. Thu dawngnain a hril danin tukum board exam a khan students 9.74 lakh in exam an pek a, hi laia 3.28 lakh hai chu failed-a puong an ni a, sawrkar thupek dungzuiin answer-sheets hai hi en\hat an ni ding a nih. State sawrkar chun board exam enrolment le result processing a ding hin private firm, Globarena Technologies contract a pek a, students le nu le pa

hai chun company system thawsuol leia student tam tak an failed pha a nih tiin an intum a nih. Mani inthat hai laia Narayana College student G. Nagendra chu lekha thiem thei tak le result in-suo naa failed-a puong a nina Mathematics chu a favourite subject a ni thu a pa G. Vivekananda chun a hril a, hi lei hin a fail an ring theinaw niin a hril. Student tam tak an failed le inzawm hin Telangana Parents’ As-sociation chun High Court-ah PIL an file a, hi dungzui hin Court chun thawleni khan TSBIE chu student failed hai answer-sheet en\ha dingin an hri-ettir a nih. State sawrkar chun an-swersheets en\hat el bakah inquiry thaw dingin Order an suo a, hi thila suksuoltu hai chu hremna pek an ni ngei ding thu Telangana education minister G. Jagdish Reddy chun a hril.

Rape victims hai ta dinga hmang a tum

NEw dElhi: Kum 2002 a hnam thila buoina suok huna suolhrawn le a sung-hai 6 zet that peka um Bil-kis Bano chun compensa-tion a dawng ding Rs. 50 lakh laia iemanizat chu suolluina tuok le hnam thila suknawmnatna tuokhai \hangpuina dinga fund siem-naa hmang a tum thu a hril. Supreme Court chun zani hmasa khan Bilkis Bano hi zangnadawmna Rs. 50 lakh, sawrkar sin le In pe dingin Gujarat sawrkar a lo inhriettir ta a nih. Compensation sum a dawng haia inthawk nuhmei suolluina tuok le hnam thila suknawmnat tuor hai \hang-puina dinga fund pek a tum hi a hmingah Saleha inbuk a tum thu a hril bawk. Saleha hi suolhrawn a ni huna that-sa ve laia \hang a naunu a ni a, that a ni huna khan Saleha hi kum 3 mi a nih.

SL a Catholic Churches services

sukchawl COlOmbO: Easter Sun-day ni taka Sri Lanka-a Co-lombo khawpuia Biekin le Hotel haiah a ruola bomb sukpuok a nia inthawk khan Sri Lanka ram sunga Cath-olic biekin haia inkhawmna (church sevices) hrim hrim security ngirhmun a \hat nawk hma poa dingin khar le sukchawl dinga thupek insuo a nih tiin Catholic priest chun a hril. Hi thil hi security forces hai thurawn dungzuia thaw a ni thu a hril a, hi lei hin thuthar um nawk hmapo chu a hawnpuia Pathien biekna inkhawm a umnaw ding thu priest chun a hril. Catholic biekin 2 \han-gin Biekin 3 le Hotels 3 haia bomb kha sukpuok a ni a, tuchenah mi 350 chu-ongin thina an tuok ta a, midang zatelin hliemna an tuok bawk a nih.

Modi le Amit Shah hai dangna dingin ieng secular alliance khawm thlawp a tih: Kejriral

NEw dElhi: Delhi Chief Minister le Aam Aadmi Party (AAP) Convenor Ar-vind Kejriwal chun, gen-eral election zoah Naren-dra Modi le Amit Shah han Centre-a sawrkarna an hung siem nawk ding dangna ding a ni phawt chun ieng “secular mahagathband-han” khawm nisien AAP in thlawp a tih tiin Ningani khan a hril. Hi thu hi zanita New Delhi hmuna Mr Kejri-wal hin AAP manifesto a tlangzar huna chanchin-thar lakhawmtu hai hmaa a hril a ni a, Delhi in state

puitling a hmu theina dinga AAP chun tuta election hi a fight ding thu Kejriwal chun a hril bawk. Mr Kejriwal chun, BJP president Amit Shah in Hindus, Sikhs le Bud-dhists hai ti lo phawt dan loa hung lut hai chu hnawt-dawk vawng ning an tih tia

a hril chu BJP in sakhuo pathum hai ti lo phawt chu India rama inthawk sukbo vawng a tum a nih ti a suk-lang tiin a hril a. Congress president Ra-hul Gandhi khawm BJP peithlakna dinga alliance siem theilo tiin a sawisel a, Modi le Amit Shah han ror-

elna an hung chel nawk a ni chun a mawphurtu Gandhi ning a tih tiin an tum. A hril peinaah BJP chu ram inpumkhatna cho (chal-lenged) in an tum a, general election nei mek chu ei ram sanhim theina a ni thu hri-lin, Shah-Modi duo dangna dinga theitawp a suo ding le ieng grand alliance khawm a thlawp ding thu a hril. Kum 2019 Election hi ram le constitution sanhim-na ding a nih tiin, sakhuona le hnam anga in\hehran loa ei inpumkhat chauin ram sanhim thei ning a tih tiin Kejriwal chun a hril.

PM in vawisun nom-ination a file ding

VaraNasi: Prime Min-ister Narendra Modi chun April 26, 2019 (vawisun) hin Uttar Pradesh-a Vara-nasi PC a ngir dingin nom-ination paper file a tih.

LOST OF M.U. REGISTRATION cARDI have lost my M.U. Registration Card bearing Regd. No. 17071299 of 2017 on my way from M.Ramthar village to C.C.Pur College on the 20th April, 2019. Finders are requested to kindly return the same to the undersigned.

Sd/-El Galeed ZoteAddress - M.Ramthar, c.c.pur

Phone- 9612018152

Ec official a umna hrietloa inhmang Howrah station-ah hmu

KOlKata: West Ben-gal, Nadia district-a Ranaghat parliamentary constituency sung Krish-nanagar hmuna EVMs le VVPATs enkaitu Nodal Officer incharge Arnab Roy chu a umna chin hriet loa an hmang hnungin za-nikhan Howrah station-ah dam le himin CID han an hmu tah. Nishat Parvez, DIG

(CID-Operations) chun Arnab Roy hi dama hmu a nita ngei thu a hril a, Howrah station-a a tower location a inthawk a umna hmun dapsuoka an hmu a ni thu a hril. Thu dawngnain a hril danin Arnab Roy khawmin zanikhan a sung le kuohai chu biekpaw a lo tum nia hril a ni a, sienkhawm ien-ganga inhmang am a nia ti

ruok chu thuruk a la nih. A tarpu hai ina CID hai hin an va hmu a nih. Roy hi Bengal Police-a DSP rank official Nirmal Jash mak-pa a ni a, a nuhmei (Jash naunu) khawm hi District Magistrate a nih. Roy hi April 18, 2019 a Lok Sabha second phase election nei \uma kha a umna hriet loa inhmang a ni a, an hmang el nasan hriet la ninaw sienkhawm West Bengal Special Ob-server Ajay V. Nayak chun Roy inhmang hi election leh inzawmna a neinaw niin April 19, 2019 khan a lo hril tah a, ama mimal thil lei annawleh lungril buoi-na nei leia invak hmang khawm a ni el thei.

Ec in Modi biopic election zoa release chau dingin a hril

NEw dElhi: Prime Minister Narendra Modi chanchin film-a siem Modi biopic release ding chun-gchang thubuoi fe mekah Election Commission chun Lok Sabha election fe lai meka release ding a remti-naw thu Supreme Court a

hril a, Election phase taw-pna tak May 19, 2019 zo hnungah release chau din-gin a hril. Modi biopic-a Modi lem changtu chu Vi-vek Oberoi a nih. Tuta hma khan Su-preme Court chun PM bi-opic release hi a lo remti a,

sienkhawm Election Com-mision in a dang a nih. Hi thua hin Supreme Court chun a film pumpui ena re-port pelut dingin Election Commission an hriettir a. Hi dungzui hin Chief Jus-tice Ranjan Gogoi inrawi Supreme Court-ah Election Commission chun phek 20 a sa report a peklut a nih. EC chun, film scene \henkhatah major opposi-tion party hai corrupt na le \hatnawna suklang a nih tiin, free and fair election a um theina dingin film re-lease sukhnuk a \ul tiin re-port a hin a zieklang.

SL in drones hmang a khap

COlOmbO: Sri Lanka sawrkar chun Easter Sun-day nia Biekin pathum le Hotel 3 haia terrorist han bomb an sukpuok leia mi 350 chuongin an thi pha le midang 500 chuongin hliemna an tuok phana le inzawmin ram sungah drones le unmanned air-craft hai hmang a khap. Hi khapna hi thuthar

um nawk hmapoa hmang ning a tih tiin Civil Avia-tion Authority (CAA) chun a hril. Hieng laizing hin army thlawpnain thuneituhai chun bomb sukpuokna le inzawma inrawlna nei hai umna ding ringhla hai dapna sin a sunzawm pei a, tuchena hin ringhla mi 75 chuong man an nitah.

Russia President -in North Korea |hangpui A Nuom

VladiVOstOK: Russian President Vladimir Putin chun, ni hni cham dinga Russia inzin North Korea President Kim Jong Un chu a \ulna ang ang le pawimaw dan danin, abikin Korean Peninsula laia boruok a deia inremna le muongna a um theina ding le an fak le dawn zawngna kawngah \hangpui a nuom zing niin a hril pek. President Vladimir Putin chun, “Korean Peninsula laia inremna le ralmuongna a um theina dinga inbieknahai chu hlawtling sien ka nuom a. Ei ram pahni bika ding chun, economic relations hmasawnin, development indiktak a um theina dinga

in\hangpui ka hniel nawh” tiin a hril bawk. President Putin chun, “Russia i hung sir hin nasatakin ei ram pahni inlaichinna a sukdet ka beisei a. Korean Peninsula laia muongna a um theina dinga ka thaw thei thei chu mi hril rawh, thaw pei ka tih” tiin Kim a hrilpek bawk. President Kim chun, US rekbetna le UN sanction hai chu tlawmte bek inthlazal pek ni hai sienla a nuom thu le Russia’n a \hangpui theina kawngah a \hangpui thei chun North Korea a lawm hle ding thu a hril a. Ieng iem specific taka a beiseihai ruok chu a hril nawh. (Reuters)

Japan Court-in Nissan Boss Bail-a Insuoktir A PhaltOKyO: Khawvela motor siemtu company inlar le hausa Nissan company Chief hlui Mr Carlos Ghosn chu fakruk le hlepruka intum a nina haiah USD 4.5 million chawia bail-a suok dingin Japanese Court chun a phalpek tah. Hi thutlukna hi sawrkar tieng le hektu tienga Prosecutors haiin nasatakin an kala, Bail-a lan suoktir lo dingin an ngena chu, Court chun ‘Ningani a inthawkin bail-in suok dawk thei tang a tih’ tiin thupek an suo chu a keikir nuom tah nawh. Mr Carlos hi Nissan company chief (hotutak) a ni lai khan, company pawisa tamtak el chu a mimal pawisa dingin a laklut ti le share holder a nina anga a hlawhai khawm a suklang nuom nawh, a rukin tamtak tak a fak hlak tia hek a nih. Japan court insang chun man a ni tira inthawka a chungthu relnaah chun, USD 4.5 million (Japanese Yen 500 million) chawi dinga ti a nih a. Pawisa chawi dinga a ti zat chu sawrkarin a hmu ta a ni el thei tiin official thusuok chun a hril. Court hin an suo zalen el taa jail a lut ta naw ding a nia chu, a chungthu la relfel chie lo,

thubuoi nei laia ram dang lan zin thei lo dinga a hren a nih a. Japan ram suoksan amanih tlan hmang amanih a tum ding an nawh a, evidence hai khawm a suksiet ding an nawh tiin a hril. Hienga intuma a umnahai hi Carlos chun a hnawl vawng a. A Lawyer Junichiro Hironaka chun, “Carlos chun an intumnahai hi nasatakiin a kal a. Sukhmingsiet an tumnaa an thaw a nih a. Thiem a la chang tho tho a beisei a nih” tiin a hril. Thaw\anni bawk khan, a case-a la rik tak ding

ti thei dingin, Oman a Car dealer hai a inhawkin USD 5 million an hung transfer khawm a lo kepet tiin an intum a. A mimal hlaw le share a rengin 90 Million lai khawm a thup hmang niin intum a nih bawk. Hieng baka hin 2018 kuma a mimal investment thaw sietna, a chatnahai po po chu company pawisa inhrukbit tir vawng tumin company pawisa tamtak a keipet nia intum a nih bawk. Nissan spokesman chun , ‘ in te rna l investigation thawin thil tamtak indik lo taka thaw la hmu suok nawk a nih. Carlos chun thil indik naw tamtak, hriet le hmu el neka tam a lo thaw a nih’ tiin thusuok siemin a hril a. Japan Court chu Carlos a suok thei nawna dinga la veng fimkhur dingin a ngen bawk. Ni danga luxury car khala 5 Star Hotel suit haia chau um hlak kha, tuhin chu Japan khawpui kilkhawr pakhata Detention Center ah a um a. Amiruokchu, vangneia siemin chu hmuna inthawka suok dawk theina ding Court-in a pek a. Anachu, khawpui sung hmun inhawina tak a ni nawa chu zalen meta um theina dingin an suo ta a nih.

ChristChUrCh: British kumpinu lalram hlui a nina angin New Zealand chu commonwealth rambung a la ni zing a. Chuleiin, England lal ding Prince William chun a lalram, thla hmasak laia Mosque-a \awng\aihai mi pakhatin 50 a va kap hlumna Christchurch, New Zealand ah ni hni cham dingin an zin a, Ningani zingkar khan a tlung. Prince William hi a khatin a fe a, a nuhmei Duchess of Cambridge Kate ruok chu London ah thaw ding tul a nei leiin a zui thei nawh. Prime Minister Ms Jacinda Ardern chun airport ah lo hmuokin,

Maori hai inchibai danin, an hnar le hnar inchuktuoin mit insim pumin hun iemani chen an uma, hmur le biengah ruok chu an infawp ve nawh. Pr ince Will iam chu Anzac Day hmang dinga fe khawm a ni leiin hi tuk

hin Christchurch silai kap puoknaa mithi sunghai inkhawmna a \hang nghal bawk a. Navy Suit pawl duk hakin nisa suok hlimin Auckland’s War Memorial Museum ah Prime Minister le milien danghai leh zing dei lai

hun iemani chen an hmang. Pr ince Wi ll i am h in Muslim hai Mosque an kap laia police duty hai inhmupui dingin a fe bawk a. Muslim kap hlum 50 hai sunna le \awng\aipekna an nei a. Zirtawpni hin Hospital-a la umhai iemanizat kan bawk a tih. Auckland-a mithihai hrietzingna hunser an neinaa hin New Zealand, Catholic Vicar-General of Auckland, Monsignor Bernard Kiely khawm a \hang a. Sri Lanka Biekin pathum le Hotel 3-a mithi 350 neka tam hai ta ding khawmin an \awngtai.

William hin thu chu a hril naw a. Prime Minister Arden ruok chun thu a hril a. Hieng ang hun hi \hangruol hun le inunauna suklang hun a nizie a hrila. “Ei hringnahai a neka nasa lema ei \hangruola iengkim ei in\awm theina dinga hmalakna ding hunin hmang lem ei tiu a. Intheidana le inhmelmak hai hmang lovin, a mi sukdar tumtuhai chu do tlang ei tiu. Ei zalenna chu rambung pakhat anga chau ni lova mihriem po po pumkhat ei nina sukhratna dinga ei hmang danah a detin a det naw ding a nih” tiin a hril.

prince william New Zealand a tlung, pm ardenin hmuok

Us Vp hlui Joe biden in campaign a \an

washiNgtON: US President Joe Biden chun kum 2020 a US presidential Election hung um ding le inzawmin Ningani khan campaign a \an. Biden hi kum 76-a upa a nita a, international le legislative experience hau takel niin, US politics a hrietlar pawl tak a nih. Mr Biden chun Donald Trump president dinga thlangtling nawk a hung ni chun US character a suksiet

vawng ding a nih tiin a hril. Biden hi Trump neka kum 4-a upa a ni a, presi-dent dinga thlangtling a hung ni chun US president thlangtling hai laia upa tak a hung ni ding a nih.

Hmasawnna Thar4 EntErtainmEnt / SportSthlatUN (april) 26, 2019ZirtawpNi (friday)

sun ZAWMnA.......

Premier League:Man. City chun United hnein a chunghnung an ni nawk tah; Wolves in Arsenal an hnemaNChEstEr: Defending champion Manchester City chun Ningani zingkar (IST) khan an home-ah an \henum Manchester United an mikhuol a, Man. City chun Silva le Leroy Sane hai goal hmanga Man. United 2-0 a hnein league table-ah a chunghnung tak an ni nawk tah. Manchester City manager Pep Guardiola chun 4-3-3 forma-tion hmangin hmatawngah Ser-gio Aquero siein a sirah Bernardo Silva le Raheem Sterling hai siein midfield-ah Fernandinho, David Silva le Ilkay Gundogan hai a sie a. Manchester United chun 5-3-2 formation hmangin hmatawngah Marcus Rashford le Jessie Lin-gard hai siein midfield-ah Andres Pereira, Fred le Paul Pogba hai in-tlantir an nih. First-half chenah goal a lut naw a, second-half minutes 54 naah Bernardo Silva chun Manchester City ta dinga goal hmasa a hung thun a, hi zo minute 66 naah Le-roy Sane chun Man. City ta dingin goal a hung thun nawk a. Inkhel tawp chenah Man. United chun goal an thun naw leiin Man. City in United hi 2-0 in an hne a, games 35 an khel ta haiah Liverpool neka points 1 hmu tamlemin points 89 hmuin a chunghnung lemin an

hung \hang nawk ta a nih. Man. City le Liverpool hi hun ie-manichena inthawk khan a chungh-nung lem insawk zak zak an ni a, tuhin game an khel zat an ang char a, hienganga an fetluong pei ve ve a ni chun Man. City hin Premier League title an hung lak nawk ring a nih. Zani zingkara Manchester City an inkhelpui hi tuta games an la nei laia hawphur um tak an ni a, an fethleng ta leiin Man. City ta ding chun title beseina an sang sawt ring a nih. Chu laizing chun hadamna a la um chuong nawh. Amiruokchu, an chesuol naw phawt chun title chu Liverpool nekin an khan lem deu hri a nih. Liverpool in an game poah hratna an lo chang khawmin an lost naw

phawt chun an ta dingin bela title chu bela suongsa ang a nita a. An chesuol ruok chun Liverpool hi champion hung ni thei zing an la ni bawk. Tuhin game 3 ve ve khel ding an la nei a, Liverpool hin games 35-ah points 88 a hmuta a, games 36 na dingin Inrinni zan-sawthnung khin an home-ah Hud-dersfield inkhelpui an tih. Man. United an hne lei hin City players le fans hai chu an hlimin an lawm hle. Sienkhawm manager Pep Guardiola chun games 3 khel ding a la um a, Champion an la ninaw leiin hlim le lawm dan chin-tawk thiem dingin United an hne zo hin players hai an fui. Hi baka hin players hai chu Pathienni zana Burnley le an inkhel nawk dingah

inpuo cha a, television en lo ding le chawlhadam a, imu khawp taka in dingin players hai an fui bawk niin Pep Guardiola chun a hril. Hieng laizing hin zani zingkar match dangah Wolves chun league table-ah pangana ni mek Arsenal an mikhuol a, Wolve chun Arsenal hi 3-1 zetin an hneban. Goal hmasa minute 28 naah Ruben Neves in Wolves ta dingin goal a thun a, hi zo minute 37 le minute 45+2 haiah Matt Doherty le Diogo Jota han goal an hung thun bawk leiin first-half chenah Wolves chun Arsenal hi 3-0 in an hne a. Second-half inkhel hun bo tawm minutes 80-naah Sokratis Papastathopoulos chun Arsenal ta dingin goal khat a hung thun ve a, sienkhawm inkhel tawp chenah Arsenal hin an goal bat an thungkir zo tanaw leiin Wolves chun Ar-senal hi 3-1 tawpin an hneban ta a nih. Wolves hin Arsenal an hne leiin games 35-ah points 51 hmuin league table-ah 7-na an nitah. Team P GD Pts1 Man City 35 67 892 Liverpool 35 59 883 Tottenham 35 30 704 Chelsea 35 21 675 Arsenal 35 23 666 Man Utd 35 13 64

Spanish La Liga:

Atletico Madrid an hrat; Barcelona in title an la lawm theinaw deu

madrid: Spanish league khel meka pahnina ngirhmun hautu Atletico Madrid chun Nilaini zan khan an home-ah Valencia 3-2 in an hne leiin hma\huoitu Barcelona chun title an la lawm thei nawknaw deu. Goal hmasa minute 9 naah Alvaro Morata chun Atletico Madrid ta dingin goal a thun a, sienkhawm minutes 36 naah kevin Gameiro chun Valencia ta dingin goal a hung thun ve leiin first-half chenah 1-1 in an indraw a, second-half minute 49 na-naah Antoine Griezmann chun Atletico ta dingin goal a hung thun nawk a, minute 77 naah Valencia chun penalty hlawsuokin Daniel Parejo in goal a hung thun leiin an indraw nawk a. Inkhel hun bo tawm minute 81 naah Angel Corea in goal At-letico ta dinga goal a hung

thun leiin Atletico hin Va-lencia 3-2 in an hne ta a nih. Barcelona hin games 34-ah points 80 an hmuta a, anni dawttu Atletico Madrid hin Valencia an hne hnungin points 71 an hmu a, an karah points 9 a tla mek a, games khel ding 4 chau a um ta leiin Atletico Madrid hin Valen-cia lo hnenaw nihai sien chu Barcelona hin season la tawpnaw sienkhawm title an lawm thei ta ding a ni a, sienkhawm Inrinni hung tlung dinga hin Bar-

celona chun Camp Nou stadium-ah relegation thei ngirhmuna um Levante an mikhuol ding a ni a, hi huna Barcelona chun Levante hnein title an lawm thei ta ngei ring a nih. Barcelona hin title lakna dingin hrat kher ngai loin Levante hi an indrawpui khawmin title an lak ta tho ding a nih. Chun, Ningani zingkar matches dang haiah Ath. Bilbao in Leganes 1-0 in an hne a, Levante in Real Betis 4-0 in an hne bakah Espanyol le Celta Vigo 1-1 in an indraw bawk.

Moudgil le Singh han ISSF World Cup gold an lak

bEiJiNg: ISSF World Cup 2019 Beijing, China rama inkhel mekah India mi Anbjum Moudgil le

Divyansh Singh han India ram ta dinga gold medal hmasa tak an lak. Moudgil le Divyansh

Singh hai hin 10m Air Rifle Mixed team event final-ah China mi Liu Ruxuan le Yang Haoran hai hnein gold medal an lak a nih. Bronze medal chu Rus-sia mi Yulia Karimova le Grigorii Shamakov han an lak. Nilaini khan Manu Bhaker le Heena Sidhu hai chu 10m air pistol event-ah final lut zo loin an lo tla v eve a nih.

britney spears-in a dam |hat thu a hril

lOs aNgElEs: Kha hma meta Britney Spears manager Sam Luft i- in Britney chu lungril sawlin damdawi inenkawl anga a hril hnunga, Britney Spears-in ama thu lova hrentangin a um ti thu a puong nawk hnunga fans han nasataka insuo dinga an nawrna le inzawmin, Britney Spears chun a dam \ha a, a perform nawk vat ta ding niin a hril. Bri tney Spears hin Instagram ah video tawite a thuhril suklangin comment sei deu a zieka. Fans tamtakin an hriet nuom le an demand, Ama thu lova hrentanga enkawl a nina inthlasuok vat dinga an nawrna le inzawmin lawmthu a hril a. A hung kir nawk vat ta ding thu a hril. G r a m m y A w a r d -winning singer chun an sungkuo chanchin khawm tlawmte a share a. “Kan insungin tulai hin lungril sawlna le buoina neu neu kan tuok met a. Insiemremna dingin hun tawite ka la dit ding a nih. Anachu, lungngai naw ro hung kir nawk vat ka tih” tiin a post a. Britney spears hin a manager hlui Sam hin a e-mail hmangin ama (Britney) ziek angin e-mail khawm a lo thawndar niin an tum. An intumna le hrildara u m h a i i n d i k n a w z i e

suklangna d ingin t i in video ah chun a suklang a. “Thuvuongva hrila umhai \henkhat chu thunun hne lovin an uma, thudik an lang mek bawka. Kan insungin that dinga vauna kan tuoka hril dam, kei lungril natna inenkawla hril dam, thu mak tak tak a tam taluo!” tiin thu an hril po po an dik nawzie a hrilfie. Fans hai kuomah chun an thu hriet le mi hril po po ring lo dingin an fui a. Thil iengkim chingfel tumin a thaw meka chu a ring nekin hun a lak sawt ding a ni leia pawi a ti thu a hrila. A manager hlui Sam Lutfi chun ama e-mail thawn anga hrilhai kha a lo thawn niin a hril bawk. “Sam hin ka e-mail ang siemin ka pawl (Band) hai kuoma le mi dang dang kuomah keia thawn angin e-mail hai a lo thawn a, chutaka inthawkin thu vuongvahai a hung suok a nih” tiin a hril a. Sam Lufti ruok chun Britney Spears hrilhai po po hi Twitter ah an dik nawh tiin a hrilfie ve. Tuta thla bul lai khan TMZ chun, Britney Spears chu a hriselna a \hat naw leiin Rehab a lut tiin a ziek a. A pa enkawlna a sawl taluo leiin lungril sawlna (depression le anxiety) khawm a nei niin a ziek bawk. H i e n g l a i z i n g h i n Britney Spears ngaizawngpa Sam Asghari (25) chun Britney Spears thuah chu buoina ding le \ithawng ding a um naw thu a hril a. Damin a bulah a um zing nia hrilin a fans haiin @FreeBritney ti protest an nei khawm a lawm hlea chu thil \ul lo ana, insukbuoi ta lo dingin a hril. Sam Asghari le Britney Spears hai pahni chu Beverly Hills-a Montage Hotel ah an um ti hmu a nih.

‘Game of Thrones’ Star Maisie Williams-in Fans Hai DawnletlOs aNgElEs: Mihriemin saruoka uma ei inzaktak chu maktakin ei nu le pahai an ni ve tlat. Naupang laia ei inzak naw tak kha puitling hnung chu ei inzak tak an nih ti hi Game of Thrones a changtunu Maisei Williams a inthawkin a fie awm. Maisie Williams (Arya Stark) hi Game of Thrones season tawpna tak Season 8, episode 2 ah a damsunga a ruol\ha tak Gendry (Joe Demphsie) leh sex an hmang lai, a changna a um a. A zakuo a hlipa, saruoka nupa nun (sex) hmasatakna an nei lai chu tamtakin en inhawi lo (uncomfortable) tiin an comment a. Social media-a hnungzuitu million 2.26 neka tam neitu chun, a nu, a pa hrawn, unaunu pahni le unau pasal palihaiin an hmu ve vawng leia inhawi naw (uncomfortanle) a tizie

a hril a. “Nangni hmanin en inhawi naw in ti a nih chun, ka sunghai, ka nu, ka pa hrawn, ka unaunu pahnihai le unau pasal palihai lem chun iengang lawmin am inhawinaw an ti ding chu?” tiin fiemthu thutakin a hril.

Maisie Williams hi hmelsie an naw a. A hmel chu a \ha a, a nunghak puitling ve vang tah bawk, tleirawl \hat lai tak a nih. Taksa kumah khawm a \hat lai tak le nal lai tak (vanglaini) a nih a, ditum lai tak a nih. A ditumna belsatu chu, nupa

nun hmangna a nia chu nuhmeiin thil iengkim a thunun lemna a nih leiin fans tamtak chun an lawm hlea, an inpak ve thung. Maisie Williams le a ruolpa hin khawvel a tawp ta ding anga thil a hung um chun, vawi khat pieng manah nuhmei le pasal inpawlna (sex) intem \hak lova thi nek chun ‘hun tawite’ sung khawm nisien, ei thi hma ngeiin sex intem sin ve reng reng ei tih, tiin harsatna sumpui hung intur ut ut laia sex an lo thawna scene a nih a. Maisei hin a nuhmei lem a nia chu a ‘control’ vawng a nih. Fans tamtak chun a kum le inhme lovin a lungril a puitlinga, pasal thu hnuoia kun el lova ama (nuhmei) ditdan ang taka pasal ‘guide’ lem angin an lang a, an inpak hle thung.

Selena Gomez-in Album Thar Buoipui Mek

lOs aNgElEs: Hun iem a ni chen damnawna leia a to veng veng hnungin Taxas nunghak Selena Gomez chun album thar a buoipui leiin tu le khawm inpawl lovin ama khat chauva hun iemani chen hmang a nuom thu a hril a. Mihaiin a ni ang angin pawm el hai sien a nuom thu a hril bawk. Dream It Real ti podcast ah Nilainia interview a peknaa chun, a ruolhai chu a harsat lai tak khawmah bei dawngna tawpkhawk a tlung ding venga \hangpuitu an nih tiin, mi tamtakin an nuom dan le ditdana inumtir or innitir an tum hlak chu, a ni dan danin hmangai el hai sien a nuom thu a hril a. A nina ang anga hmangaitu chu a hmangaitak ding a nizie a hril bawk. Hmangaina thu hril tak zarah ngaizawng te la nei a tum am ti an indawn a. Hmangaina indiktak chu a

mamaw zing laiin ngaizawng chu nei a tum ta naw thu a hril a. Vawi khat tleirawl le nunghak laia ngaizawng a lo nei hlak chu tuhin chu huntawk a ti tah hle niin a hril. H o s t H e b e n N i g a t u kuomah chun a lungril tak tak phawrlangin, “Hmangaina thu hrilna zara chun, hmangainaah chun mi ka ring thei taluo a. Keiin mi ka hmangai angin an mi hmangai ve vawng dingah ka ngai a. Anachu, mi tamtakin ka lungril tak tak hi an hrietthiem naw niin ka hriet. Mi tamtakin kan lang dan, ka hmel le puotieng inlang danah an min khi hlak a, chu chu ka dit nawh. Puotienga an lang dan ang vawng hi sungtieng a nih ngai kher nawh” tiin a lungril a phawr bawk. “Mihai chun inkhina hmawl hran hran hmangin an min khi hlak a. Kei ruok chu, ka puotieng inlangna ringawt nih lovin ka sungrila hmagaina

ka nei a inthawk hin min khi hai sienla, ka nina ang ang chun mi pawm el hai sien ka nuom” tiin a hril. “ T u l a i k h a w v e l a changkanga incheinahai khawm a changkang pei a. Nal taka inchei chu a \ha. Nal taka inchei chun inhawi khawm an hawi, amiruokchu, miin ei ni nawna bak deuva ‘i va nal de’ an ti dam hi inhawi ka ti ngai nawh. Ka nina ang angin, nal naw khawma mi pawm hai sien ka nuom tak a nih. Chu chu a nih ka ngai pawimaw chu” tiin a hril. Selena Gomez hi a hril ta angin, vawi khat tleirawl lai Justin Bieber leh an intawng a. Sawt tak chu ‘on off’ in an um a. Chu hnung chun kum hni vel liemtaa khan The Weekend leh an inngaizawnga, kum khat le ti met an inzui hnungin an in\he nawk a. Chu zovah 2018 kum bul tieng khan Justin Bieber leh bawk an inngaizawng nawk a. Anachu, kum chenve velah an hung in\he nawka, 2018 tawp tieng deu chun Justin Bieber-in nuhmei a hung neisan a, lungril sawlin a taksa hriselna \hanaw leh a chau hman hle a. Damdawi \ha taka inenkawlin a hung har suok nawk tah a nih. H m i n g i n t h a n g n a l e inlarnahai hi a zo naw niin a hril a. Taksa le thlarau harsatna a tuok laia \hangpuitu chu a ruolhai Ashley Cook, Raquelle Stevens le Courtney Lopez hai an nih.

FIxture: AprIl 26, 2019

baNKOK: Bangkok khawpuia Asian Boxing championship nei mekah zanikhan Shiva Thapa chun 60kg semifinal ah an kh-ingpui Uzebekistan boxer Bobo-Usmon Baturov a hne zonaw leiin Bronze medal a lak. Shiva Tha-pa hin kum 2015 le 2017 hai khan bronze le Silver medal a lo lak a, 2013 edi-tion a khan Gold medal a lo lak a nih. Chun, Ashish khawmin 69kg category-ah an khingpui Asian Games Champion ni lai a hnenaw leiin Bronze medal a lak bawk. Amit Panghal chun 52

kg category semifinals-ah an khingpui Chinese boxer hnein final a lut.Chun, Puja Rani khawm 81 kg cagegory women’s event-ah Kazakh boxer hnein final a lut. Manipur nunghak L. Sarita Devi chun 60kg cat-

gory semifinals-ah World champion hlui Yang Wen-lu a hnenaw leiin bronze medal a lak. Chun, 54 kg category-ah Manisha Maun khawmin Taipei boxer Huang Hsiao-Wen a hne naw leiin bronze medal a lak.

Shiva Thapa le Ashish han Bronze medal; Amit Panghal final a lut

Sawrkarna siemtu BJP chun Lok Sabha seats 545 um haia dingin candidates 437 an puong ta a, kum 1980 hnunga BJP in candi-date an hau \um tak a la nih. Kum 2009 khan BJP in candidates 433 an nei a, Congress in 440 an nei a, hi kum hin BJP chun seats 116 an lak a, Congress chun seats 206 lain an \hangruolpui hai leh UPA in sawrkarna an siem. Kum 2014 election a khan BJP in can-didates 428 neiin seats 282 lain hrat filawrna

an chang a, Congress chun candidate 464 an nei a, sienkhawm seats 44 chau an lak a nih. Kum 2014 khan Ms Mayawati inrawi Bahujan Samaj Party (BSP) chun candidates 503 an nei a, sienkhawm seat khat khawm an lak nawh. Kum 2009 khan candidates 500 an nei a, seats 21 an lo lak. Tukum (2019) hin BJP chun candidates tuchenah 437 an nei a, Congress chun tuche-nah 423 an nei a, an la puong belsa ring a nih.

PM Modi in Roadshow nei; vawisun nomination a file

Rs. 86,400, a rengin Rs. 9,60,000 senga siem a ni a, Safe Drinking Water Tanky hi project le Community contribution a rengin Rs. 1,15,000 senga siem a nih. Kum 2018-19 sungin NERCORMP hnuoiah CCPur district sunga sin thawna dingin NEC in Rs. 36.63 crore a sanction a, hi laia fund \henkht releaset intak leiin Rs. 25.24 crore hmang a ni a, code of con-duct in a nang hman leiin Rs. 11. 38 crore hmang hman loin a um a, hieng hai hi Car-ried Forward dinga sie a ni a, kum 2019-20 financial year a dingin NEC chun CCPur district-a NERCORMP hnuoia sinthawna

ding Rs. 32 crore approved a thaw ta niin D. Khuala Vaiphei chun a hril. A hril peinaah NERCORMP project hrim hrim kum 6 a ni a, kum 2020 hnung-tieng CCPur-ah NERCORMP project sun-zawm a ni ding le dingnaw hrietchieng ninaw sienkhawm sunzawm pei beisei a ni thu Mr Vaiphei chun a hril a, June 5, 2018 a DoNER, Govt. of India a inthawk Secretary, Naveen Verma le DoNER Joint Secy SN Pradhan han district sunga sin-thawna an hung enfel huna khan sin thaw danah an lung a awi tawk hle niin a hril bawk.

NERCORMP hnuoia sinthaw hai an en

world malaria day senapati-ah hmangimphal: State Healt Society, National Vector Borne Disease Congrol Pro-gramme, Manipur huoihawt-nain zanikhan Mount Ever-est School & College Chapel Hall, Senapati-ah “Zero Ma-laria starts with me” ti thu-puia hmangin World Malaria Day hmang a nih. Hi huna hin Somorjit Salam, IAS, DC, Senapati Chief Guest in a \hang a, Dr. N. I. Singh, Addl. Sr. Regional Director, ROH & FW, Government of India, Imphal, Dr. H. Loli Mao, Chief Medical Officer, Se-napati le Dr. Thangpa Serto, State Malaria Officer, NVB-

DCP, Imphal hai Guests of Honour le functional Presi-dent in an \hang. Dr Thangpa Serto, State Malaria Officer, NVBDCP, Imphal chun, India rama Manipur state chu Malaria control-na kawngah perfor-mance \ha tak a nih tiin a hril. WHO Estimate dungzuiin

kum 2017 khan khawvelah rambung 87 haiah malaria leiin 4,35,000 an thi niin a hril. Manipur chu NE ah Ma-laria tlawmna tak niin kum 2018 khan cases 12 a um a, malaria cases 12 hai hi CC-Pur le Pherzawl district-a hmu an nih tiin a hril.