Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlavul (February) 11, 2019 thaw|anni (Monday)

GAS NEWSAgency : SASBooking :22nd. deC. , 2018 to 16th.Jan.., 2019delivery :11-02-2019 (MOn)Time : 9AM - till stockstOCK : 306 @rate:Rs. 774/-

VANGSEI INDANEK. SalbungBooking 08-12-2018 to 09-12-2018delivery :11-02-2019 (MOn) Time :10AM -12 noonstOCK :306

BUNGMUAL INDANE GV Booking: 20 Nov to 27 Nov. Delivery: 11/2/2019 Time:9:30am - 12pm Stock: 306

Hmasawnna Thar Vol - 34/123 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

March 6-10 sung EFCI 46th General Assembly Rengkai-ahCCPur: Evangelical Free Church of India (EFCI) 46th General Assembly, 2019 chu “Theina po po Insuo” (Unlocking Our Potential) Marka 12:30; Sam 139:14 thupuia hmangin March 6-10, 2019 inkar sung khin EFCI Biekin, Muolhlum Rengkai, CCPur hmuna um a tih. March 6, 2019 in Pas-toral Committee, Central Ramthar Board le Assembly Musical Committee in\hung ning a ta, March 8, 2019 10AM a inthawk Business

session hmasa in\hung ning a ta, March 9, 2019 in Busi-ness session vawihnina in\hung ning a ta, March 9, 2019, 6:30PM in Rev. Lal-hmingthang Famhoite, PS, Saikawt in General Assem-bly Worship Service hawng a ta, hi huna hin Rev. Jes-sai L. Neitham, PS, Dar-chawi chairman in \hang a ta, Rev. John L. Pudaite, President Bibles For the World a inthawk Keynote address ngaithlak a ni ding bakah President, Bibles for The World le President,

EFCI haia inthawk report ngaithlak ning a tih. General Assembly sunga Pathien thucha hril-tu ding hai chu Rev. Dr J. Huoplien Neitham, Mod-erator, EFCI; Rev. Scott Boerckel le Rev Lallien-vel Pakhuongte, President, EFCI hai ning an tih. Chun, Rev. John Serio le Pastor Andrew Yeoman haia inthawk Greetings le Rev James Ramhmun-sanga, Pray For the World Ministry a inthawk report ngaithlak ni bawk a tih.

An duty \anCCPur: Simveng Village Authority in thusuok an lo siem ta angin Feb. 10, 2019 zan dar 7 a inthawk khan Simveng Village Au-thority inrawinain Simveng Youth Club bakah SYO GHQ thlawpnain Simveng Area sungah zan duty thaw \an a nih. Simveng area sun-gah Zu le damdawi in-ruithei hrim hrim zawr le inpeksawngnaa hmang an khap a, hi le inzawma duty hi an insiem \an a ni a. Duty hi an sunzawm pei ding a nih.

Th Shyamkumar an boycottiMPhal: MAHUD, Town Planning, Forest & Envi-ronment, Horticulture & Soil Conservation Minister, Th.Shyamkumar chu Manipur People Alliance Commit-tee chun an boycott thu le hi committee kuomah thupha a chawi hmakhat chu social boycott an thawna hi an hlip naw ding thu zanikhan an puonglang. CAB, 2016 an dodalna le inzawma mipui hmaa a thuhril an dit naw leia social boycott hi MANPAC chun an puong niin an hril.

Tiddim Road bandh thaw an tumiMPhal: Bishnupur District sunga Thinungei hmuna Bird Sanctuary siem dinga state sawrkarin thusuok a siem chu February 15, 2019 chena a hnukkir naw chun Feb. 16, 2019 a inthawk Tiddim Road bandh an thaw tum niin Thinungei hmuna Bird Sanctuary indin dit naw pawlhai \huoitu, Naorem Nabachandra Singh chun zanita chanchinbumihai an hmupui huna a hril.

CM Khuollien dingCCPur: February 14, 2019, 11AM khin 1st Zenhang Lamka Meet-cum-Cultural Exhibition’ um a ta, hi huna hin Pu N. Biren Singh, CM, Manipur Chief Guest in \hang a ta, Guest of honour in V. Hangkhan-lian, Minister (Agri. Vety & AH le Meet Pa in Letk-hochinthang Valte, Chief of Zenhang Lamka \hang a tih.

|hangpuina an pek

CCPur: February 8, 2019 khan India le Myanmar ramri zula um Suangphu khuo-ah Mr Nengkhankap In chu meiin a kang a, in-sung hmangruo tam tak a kangsiet. Hi le inzawm hi chun, ZYA GHQ fethlengin bieltu MLA Pu Ginsuan-hau Zou chun Bufai bag 2, Alu Bag 1, Dal kg. 10, An\am thau litre 2, Chini kg. 20, Thingpuife packet 2,

Rangva 28mm bundles 5 an inhlan. Hi baka hin P. Sianza-dong, Ex-MDC, Singngat le a worker han zanikhan Suangphu khuoah fein In kang neitu hai \hanguinain Bufai bag 1, bur le bel le thuomhnaw a pek bawk. Chun, bieltu MDC Hausuanthang chun Rs. 5000/- bakah bufai bag 1, Bel, blanket le thuomhnaw dang dang a pek bawk.

Mipui ditnaw zawng sawrkarin Iengkhawm thaw naw nih: ShyamkumarNP School chu Sunday ni loin Friday Holiday lem Ding

iMPhal: Forest and En-vironment Minister Mr. Thounaojam Shyamkumar chun state sawrkarin mipui lungril natna le ditzawng a hriet a. Tulaia CAB thua mipui dodalna nasatak karah mipui ditnaw zawng sawrkarin iengkhawm thaw naw nih tiin a hril. Hi thu hi February 10, 2019-a Yairipok Ningth-ounai, Andro Assembly Constituency, Imphal East district-a Multi-sectoral Development Program (MsDP) hnuoia bawl Ningthounai Primary School building thar a hawngna huna Citizenship Amendment Bill 2016 thu le inzawma a hril a nih. Sawrkar thlungpuiin January 8-a Bill a pass, Pak-istan, Afghanistan le Ban-

gladesh a inthawka Hindu, Buddhist, Sikhs, Parsis le Christian, suknawmnatna leia India hung lut, Decem-ber 31, 2014 hmaa mihai po chu India khuo-le-tui (citi-zen) nina ding hnina kum 7 an um tah chun an siem theina dinga a pass Citizen-ship (Amendment) Bill, 2016 chu North East mipui-

in an dit naw em em a. Feb-ruary 12-a Rajya Sabha-a pass \al a tum chu dang \al tumin nuorna le nawrna chi hran hran a la tawp naw a. Manipur, Assam le Naga-land hai lem chu Bandh le strikes le protest a zuolkai deu deu a nih. Manipur khawm Feb-ruary 12 le 13 darkar 36

sung Total Shut-Down pu-ongin BJP sawrkarin Bill hi a keikir naw chun a neka nasa lem buoina a suok ding a nih ti hielin mipui an \hang ruol tah a. Assam, Tripura le Mizoram khawm dodalna protest a nasa hle. Mizoram ah lem chu Feb.10 khan Kohran po po-vin Bill hi pass a ni nawna dingin an lo \awng\ai ruol a nih. Assam le Tripura ah Prime Minister vote zawng inzin nasatakin Flag dum phar khumin esel deuvin Par-te/Lotus-in an lo deng bawk. Nagaland ah BJP sawrkar thlawptu Naga People’s Front (NPF) chun Bill an keikir naw chun BJP an thlawpna hnukkir dingin an hril a. Meghalaya le Ma-nipur ah khawm National Peoples’ Party (NPP) han

BJP an thlawpna hnukkir an tum bawk a. Mizoram khawmin NDA a inthawkin inhnuk dawk a tum bawk. Assam ah AGP an hnuk-dawk tah. Manipur chu BJP sawrkarin dodalna thu iengkhawm a la hril naw a. Clause hran siem ding or Manipur People’s (Protec-tion) Bill, 2018 President as-sent inpektir ding ti chau a ni a. Mipui lung a awi naw hle leiin nuorna a nasa bik a nih. Hieng laizing hin Min-ister chun, zani laia CM thuhril le inzulin, state sawrkar chun mipui ditza-wng sukpuitlingna dingin a \ul ang ang thawng a tih tiin a hril. Mipui chu sawrkar thilthaw thlawp pei dingin a ngen a. Roreltuhai hi an >>sunzawmna phek 4-ah

Biekin thar hawng

CCPur: Evangelical Baptist Convention Church (EBCC) Khominthang in Biekin an bawl thar chu zo a nita le inzawmin zani zantieng 2PM khan hawng a nih. Biekin thar hi Rev. Paukhanmang, General Sec-

retary, EBC in ribbon chep-tanin a hawng a, \awng\aia inhlanna a nei nghal bawk. Biekin bawlnaa hin a rengin Rs. 71,79,631/- vel seng a nih. Hi biekin a hin sungkuo 336 a inthawk members 2013 an um.

Hmasawnna Thar2 thlavul (February) 11, 2019thaw|anni (Monday) artiCle/health & eMPloyMent newS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

Inthlakthlengna

VAWISUN THUPUIChuongchun, Pathienin ama angpuiin mihriem a siem a, Pathien angpui ngeiin a nih a siem chu, pasal le nuhmeiah a siem a nih. -GENESIS 1: 27

Hmasawnna le changkangna hai hi inthlakthlengna (change) hung ra suok a nih. Um dan pangngaia um hai le ngirhmun pangngaia umzing hai chu mi hma-sawn lo tina a nih. Mi hmasawnhai chun ni danga an nei ngai lo thil hai an hung nei a, ni dang nekin an khawsak a hung zieum hlak. Hmasawn le changkang ei nuom a ni chun ei inthlakthleng a \ul. Mi suol ei ni chun ei suol ei sim, mi thabo ei ni chun mi taima ei hung ni, khel hril ching ei ni chun khel hril ei bansan, mi hlem hmang ei ni chun mi hlem ei bansan, faru hlak ei ni chun fakruk ei tawpsan, thamna la hlak ei ni chun thamna la ta lo ding, lungril hrisel lo le lungril thienghlim lo nei ei ni chun lungril hrisel le thienghlim ei put a, ei insiem \hat le ei inthlakthleng a \ul a nih. thil iengkim el hi sim, bansan le thlakth-leng a ni naw chun hmasawnna le changkangna ei tihai hi ei ta ding chun vana ra ang a hung ni ding a nih. Kum 2014 Lok sabha election-a khan India mipui han an lungril an thlakthleng leiin Narendra Modi prime Minister nina le BJP \huoina hnuoiah National Democratic Alliance (NDA) sawrkar a hung um a, tuchen hin ro a la rel a nih. sawrkar a hung inthlak-thlengna san kha ieng dang lei a ni naw a, Congress party kha a zawnin kum 10 lai zet an sawrkar ta a, an rorel danah khan mipui an lungawi tanaw a, Con-gress sawrkar kha an nghawk ta leiin India mipui han sawrkar cheltu ding kha an hung thlakthleng el a nih. India mipui han sawrkar pangngai nekin sawrkar thar hung um sienla \hatpui lem ei tih ti ngaidan le dit dan an nei a, hotu le \huoitu thlakthleng an nuom bawk leiin BJP kha an hung vote lal el a nih. Ram le hnam hmasawn le changkangna ding chun inthlakth-leng hi a pawimaw a nih. May, 2014 a inthawk khan Narendra Modi chun India Prime Minister nina a hung chel \an a. sawrkar fed an, sawrkar thil thaw dan le in\huoi dan nasa takin a hung thlakthleng ngei a. Hi lei hin India mipuihai chun BJP \huoina hnuoia NDA sawrkarah beiseina le ringna an hung nei a. Amiruokchu, a \ha tiengpang le a se tiengpang haiah hril ding le sawiselna ding a hung tam em em a, a bik takin sawrkar sunga Auton-omous Body- Reserve Bank of India (RBI), Central Bureau of Investigation (CBI) tihai \hangsain NDA sawrkar nasa takin a hung inrawl a, India ram \hatna ding le hmasawnna dinga sin a thaw nisienlakhawm BJP rorelna hnuoiah “India democracy” ram a ni-naah indawnna a hung tam em em pha a nih. Sel-kaltu pawlhai chau ni lovin an ni (NDA) sung ngeiah khawm ngaidan a hung inkawkal pha a nih. Goods and Service Tax (GST) khawm hi mi hausahai ta dinga \ha, sienkhawm mi retheihai ta dinga harsatna a ni leiin sawisel a hlaw em em el a nih. Modi PM nina hnuoia NDA sawrkarah hin inthlak-thlengna thil tam takel a um ngei el. Amiruokchu, PM in thaw dinga a hril hai hi mipui ringzo ang le beisei anga thaw le sukpuitling a ni naw leiin NDA sawrkar chungah hin India mipuihai chu an lawm naw a, a ninginnuor le a lungawi naw pawl hi an tam hl eta niin an lang. A tawi zawng takin NDA sawrkar hin mipui lo beisei ang chun thil a thaw nawh. Hi lei hin ei hmaa Lok sabha election hung um dingah hin India mipui han an lungril thlakthleng nawkin Central-ah hin NDA sawrkar ni lo, sawrkar thar (party dang \huoina hnuoia mi) a hung um el dim ti chu mi \henkhat lo thlir dan le ngaidan a nih. Kum 2014 a Lok sabha election-ah khan chu BJP an hrat filawr zak a, an Party mal khaw-ma sawrkar siem thei an nih. Amiruokchu, ei hmaa Lok sabha election hung um dingah hin kum 2014 Lok sabha election an gem em khan chu BJP hi an hratzo ring a um ta nawh. BJP ngirhmun ding hi hunin a la hung hril chieng ding a nih. Manipur a BJP \huoina hnuoia Coalition Govern-ment khawm hi mipuihai lo beisei ang chu a tlingzo nawh ti chu a hmutu le a hrie chiengtu seng ei nih. thil thar le thil danglam chi tum tum chu an thaw ngei el. Amiruokchu, ram le hnam hmasawnna le chang-kangna kawngah chun Congress sawrkar leh dan-glamna em em an nei bik chuong naw niin an lang. Project lien, mipui le ramin a sawr \angkai ding lem chu thaw em an nein aw a, a lien thama inlang chu national Sports University a hring inhroa an indin hi a ni el thei. Thamna le fakrukna thil haiah khawm an fihlim bik naw niin an lang. An dik taka hril chun ei ram sawrkarah inthlakthlengna a um nawh. Sawrkar hmasa nekin sum le pai thuah khawm ei harsa lem niin an lang. Ei ram sawrkarah inthlakthlengna a hung um theina dingin ei hmaa Lok Sabha election hung um dingah hin chu mipui, vote neihai ei fimkhur hle nuom a um. sawrkar \ha siem theitu le \huoitu \ha thlang theitu chu mipuihai ei nih. Ei ram sawrkarah inthlakthlengna a um thei hmakhat chu hmasawnna le changkangna tluontling a um thei naw ding a nih. US President hlui Barack Obama in a hun laia in-thlathlengna a ngaipawimaw ang khan India mipui-hai khawmin Lok Sabha election hung um dingaha hin inthlakthlengna ngaipawimaw seng inla nuom a um.

employment news1. Manipur a chenghai ta dingin March 7, 2019 khin Matiani, Assam-ah Army Recruiting Office, Rangapa-har huoihawtnain Army Recruitment Rally for SEPOY PHARMA a um ding a nih. Hnina lekha hi online in March 5, 2019 chenin peklut thei ning a tih. Thu chieng lem www,joinindianarmy.nic.in ah hriet thei ning a tih. 2. ICICI Bank hnuoiah Branch Manager sin a ruok a, thu chieng lem www.icibank.com ah hmu le hriet thein ning a tih. 3. Delhi Subordinate Srervice Selection Board (DSSSB) chun Junior Engineer/Assistant Engineer posts 264 lak a tum. Thu chieng lem www,delhi.gov.in ah hriet thei a nih. Last date 01-03-2019. 4. Departemnt of Biotechnology, Govt. of India hnuoiah Executive posts a ruok \eu. Thu chieng lem www.dbtindia.nic.in ah hriet thei a nih. Last date 28-02-2019. 5. Army Ordinance Corps (AOC) hnuoiah AFV Driver Grade-II posts tam tak a ruok. Last date 19-03-2019. Thu chieng lem www.cocrecruitment.gov.in ah hriet thei ning a tih. 6. Commissionerate of Health & Family Welfare, Govt of Andhra Pradesh hnuoiah ANM/MPHA (F) posts 1900 a ruok. Last date 20th February. Thu chieng lem http://cfe.ap.nic.in ah hriet thei a nih.

Lt. Gen. Dhilon in 48th Corps CommanderJaMMu: Jammu and Kashmir a chun Lt. Gen. Kanwal Jeet Singh Dhillon chun Inrinni khan Srinagar base-a um 15 Corps a 48th Corps Commander sin a chel \an. Lt. Gen. Dhillon hin Lt. Gen. AK Bhatt kuta inthawk charge a lak a nih. Lt. Gen. Bhatt hi Delhi-a Army Headquarters a Military Secretary dinga sawn a nih.

Suolhrawn leia naupai in a nau pieng suok hmain a zawr

ranChi: Jharkhand-a Ranchi khawpui bul laia um Narayanpur Soso vil-lage a cheng hmeithai pak-hat chu pasal \henkhatin an suolhrawn leiin nau a pai a, a naupai hi pieng khawm a la piengsuok hmain nupa nau nei thei lo hai kuomah a zawr nia hril a nih. Hi thil hi mi pakhatin Ranchi hmuna Child Wel-fare Committee (CWC) an hriettir hnunga hrietsuoka hung um niin Police thu-suok chun a hril. Hi le inzawma local police le CWC han an sui-zui hnungin naute hi Zir-tawpni khan hmuin an lak-kir a, tuhin CWC chun an kawl mek niin CWC Chair-person Rupa Verma chun a hril. Naute inchawkna din-ga inremna hi thla 5 mi a ni laia an lo sukfel ta nia hril

a ni a, naute inchawknaa party pahni hai chungah ac-tion lak a ni ding thu Rupa Verma chun a hril. Thu dawngnain a hril danin inremna an lo siem dungzuiin Naute hi a pieng hlimin nikum December thla khan nau nei theilo nupa hai hin an lak nghal nia hril a nih. A naute zawrtua in-tum nuhmei chun, naute enkawlna ding pawisa a neinaw leia nupa tuok hai kuoma an enkawl dinga an hlan niin a hril. Nupui hi nau nuhmei kum 12 le naupasalte pahni kum 4 le kum 6 mi nei mek, nitina inhlawfa a ni a. Ni-kum March thla khan mi pahni Lalku Kumhar Mun-da le Rajkumar Munda han an suollui a, chu taka nau pai a nih.

Zu \halo dawn leia thi mi 100 chuong tah

luCknow: Uttarakhand le Uttar Pradesh haia Zu \halo dawn leia mihriem thi-na tuok chu 100 an chuong niin report chun a hril a, Zu \halo dawn leia inrik taka \hahnemtawk tak hospital dang dang haia enkawl mek an la ni bawk a. Cases 297 registered a nita bakah mi 175 man an nitah tiin offi-cial thusuok chun a hril. Chun, hiengang thil tlung le inzawma police han state pumpuia dappui thaw a ni hnungin Zu \halo tam tak dapdawk le man a ni ta bawk.

Uttarakhand le Uttar Pradesh haia Zu \halo dawn leia mi 100 chuong zetin thi-na an tuok chu a ngaimaw hle chu Uttar Pradesh (East) Congress general secretary Priyanka Gandhi Vadra chun Pathienni khan a hril a. Thina tuok sungkuo hai a sunpui thu a puong bakah Uttarakhand le Uttar Pradesh sawrkar hai chu Zu \halo dawn leia thina tuok sungkuo hai sin pe dingin a phut a. Hi thila mawphurtu hai chu hremna natak pe dingin hieng state pahni sawrkar hai a ngen bawk.

Sumdawngtu \huoihmang tum, hlawsamudalguri: Assam-a Udalguri district-a chun In-rinni zan khan Bike pathu-ma chuong mi 6 han Pan-ery district-a sumdawngtu pakhat \huoiohmang tumin grenade an deng khum a, sienkhawm grenade hi a puok naw leiin sumdawngtu \huoi-

hmang an tumna a hlawsam tiin Circle Inspector Durga Kingkar Sarma chun a hril. Mi \huoihmang tumtu hai hi All Adivasi National Liberation Army (ANLA) ni dinga ringhla an nih. Mi \huoihmangtumtu hai laia 3 chu man an nih.

vanraM ei tlung Pha ~Rev Dr V Lalnghakthang

Kristien Hlabu a hla langsâr le sak hlaw êm êm laia mi, ‘Vânram ei tlung pha’ ti hla hi kum

1898 a Eliza Hewitt in a phuok a nih. Isu hmangaina le ṭhatna hin inpâk a phua, hi hmangaina famkim ziet hi vânram ei tlung pha leh ei la hrietchieng tak tak ding thu hla in a hung ziek suok ngat a nih. ‘Ama a hung inlâr pha, ama angin ei um ding a nih’ (I Johan 3:2), ti hi Pathien Thlarauin fietakin alo inhriettir angin, vawisûnni chena thlarau nun châwmtu a tling a nih. Eliza Hewitt chanchin hi hei sui zâu deu inla, ama hi kum 1851 khan Philadelphia, Pennsylvania, USA hmuna pieng a nih. An umna tak Willow Grove Schoolah kai in, graduate chen in a zo ve a. Inchûktirtu sin inhnik ani leiin, an chûkna a zo hnung chun an vênga bawk chun inchûktirtu sin a thaw a. Nikhat chuh a naupanghai inhnel (Sports) enkai a, khelmuol hmun pakhata a um laiin, a ruongzâng a hung na thut el taa, chu natna lei chun tuol khawm suok thei lovin a hun tamlem chuh khumah a hmang tah a. (Hi khelmuol - playground hi Pathien le kohran zârin kei ngei khawmin ka zu sir ve phâk ta kha tie). Natna leia tuolsuok theilo le ruol tak ngiel khawm pâwl phâk ta loa, a um hnung chun, Pathien thu chu ruolṭha taka neiin, nitin ṭawngṭai le Pathien thu tiem chuh sin takin a nei tah a. Chuong lai chun, lekha ziek le ṭawng (literature) chuh um hmunah an chûksa bawk a. Hienga hun a hmang lei hin a natnahai khawm theinghil châng a nei rawp hlak. Hun hung fe peiin, a natna khawm chuh tlâwmin a zie a hung um met met a, um hmuna chun lekha ziek tieng chun ṭhang a hung lak sau a, sermon tawi tamtak a zieksuok bawk a. Natna khum a’nthawka Pathien thu le an inpâwlnahai tiem thei dingin tamtak a hung ziek suok pha bawk a nih. Ama in a chanchin a zieknaa a târlang angin ‘hi natna hi natna hlâwk a nih, Pathien ringtu chun a tlawnin a tuor ngai nawh, hieng hih ani maw Pathienin mi buotsai dân chuh ’ ati hiel a nih. Tlawma a hung changkâng deu hnung ṭumkhat chuh, mi ṭhangpuina zârin Ocean Grove, New Jersey a Nipui Camp a chun a lût ve a, hi tum hin nasatakin Pathien Thlarau pâwl tharna a chang a. Ruolṭha tak Emily D Wilson an hmupuia, ama le chun ruolṭhaa in siemin, Pathien thu tiem tlângin, an ṭawngṭai tlâng rawp hlak. Kum 1898 a Pathien thu a inpawlna an nei laiin, Pathienin hi hla hih a pek a, awlsamtakin a châng indawt hin a hung ziek suok nghâl a. Kohran hmasahai sak lâr le hriet hlawtak a hung ni tah a nih. Hi hla a phuok hnung khawm hin a ruongzâng natna chuh zuol tieng a hung pan nâwk a, khum le in a bawk chun a hun tamlem hmangin, vânram a tlung ni in, hi natna hin an ṭhepui cho a nih. Hi hla thu hih ei hei suizâu chun, a phuoktunu Eliza in a hringnun a hmang dân fietakin an lang thei a. Chângkhatna hin, ringtuhai tadinga hmun inhawi le ropuitak buotsai pêk ei ni thu, chu khawm chuh hmangaina lei chau a ei chang ani ziet fietakin a târlang a. Isu ngeiin, ‘in ta dingin hmun siemin ka fe ding a nih (Johan 14:2) a tina hi hla thu hin a hung sukchieng hle in ka hriet. Chânghnina ei sui nâwk chun, vânram ei tlung hma chun harsatna sûmin a min kieng san naw ding zie a hril ruol ruolin, hi hnuoi ram ei fe khêl hnung pha chun thimna hrim a um ta naw ding leia, ringtu nun thlamuong um zie in a hei sunzawm nâwk nghâl bawk. Eliza chun, ringtu haiin ringum le feltaka Pathien rawngbâwltu ding ei ni

zie le, a ropuina ei chang ve theina dinga, damsûnga thaw pei ding ei ni zie hla thu hmangin amin fui a. Hi lai chang thu ka ngaituo laia ka lungrila hung inlang chuh 1 Korinth 4:2 a Paula lekhathawn ‘…enkawltu chu mi ringum a ngai a nih’ ti hi a hung inlang veng veng a, Pathien rama hin ei la ringum tâwk zing am ti hi ngaituo tham um in ka hriet. Pathien ropuina chang zo ta lo ni inlakhawm, hmangaina le lunginsietna zâra ei inhmang ta hnung nei nâwk thei ei nih. Hi ropuina famkim hih vânram ei tlung pha leh a pumhlûmin ei la chang ding a ni nâwk nghâl, nghâkhla ava um de maw! A châng tawpna taka hin, vânram beiseina cho niloin, a ropuina ei chang ruol ruola, ei changsa ve ding mi nghâktu, lâwmman a um thu in a hei sunzawm a. Ringtuhai hi damsûng cho a Pathien ropuina chang ding ni loin, vânram ei tlung pha leh a famkim cho ding ani thu hih a hmu chieng hle. Hi lai hla thu ka ngaituo laia ka lungrila hung inlang chuh, Pathien thu in ami hril ringtuhai ta dinga Lallukhum ding chi dang 5 haiin ami hung dêng nal a, hieng Lallukhumhai hih a ropuina ei chang ve huna ei chan dinga siem hai chuh an nih -

(1) Hringna Lallukhum (Jakob 1:12), thlêmna tuor muolsuotu le Isu hmangaituhai chan dinga ti chu a nih

(2) Lallukhum setheilo (1 Korinth 9:25), inruolsiekna a mâni inthununna leia hnetuhai

(3) Lâwmna Lallukhum (1 Thessalonika 2:19), thlarau bohmang Pathien kuoma ṭhuoilûttuhai chan ding bîk

(4) Felna Lallukhum (2 Timothe 4:8), a hung nâwkna nghaktuhai, hi hi chuh ringtu popo chan ding a nih

(5) Ropuina Lallukhum (1 Peter 5:4), Pathien berâmhai ringumtaka enkawltuhai chan ding bîk.

A hla châng tlar tâwpna tak hin ei lûtna ding kâwtkhar ropui zie chu lungmantam leh a hei tekhi a, ka ngaituo peia vânram kâwtkhar chu Isu Krista hi a nih a, nakie vânramah Ama anga ei um huna ei mawi dân ding ennuom ei um dân dinghai dam a min hmu chieng tir pha chu tie! Vawisûna ei tuol lêngnahai hi chu a bal êm êm a, tulai lem chuh ṭhâl lai, vairik thli vir in ami hang mût lem chuh ei pang po po hi a ṭawl ṭik ṭek el hlak chu ani hih, vânram ei tlung pha ruok chun rângkachak tuol lai lêng tâng ei ta, pollution tam ding vêngtu ding control board khawm ngai ta lo ding ei na, ava thaw veng âwm de maw! Ruol dittak, hi hla hi i sak pha, iengtin am i um hlak aw? Kei chuh ka sikhlim hi a puor hiel hlak a nih. Chanchinṭha leia ei hamṭhatna le ei chan ropui ziet hi inhmei ruol loin amin sak tir a, damlaini a ei mawphurna ei in sak khum ruol ruolin, hmatieng a mi keitu beiseina ei in sak khum sa hin tha a suk fân a, thla a suk muong hle a nih. Eliza Hewitt ang hin nangkhawm tuolsuok pui theilo khawp natna neiin khum nghâk khawm ini thei, hrâtnawna rûk leia nuom anga mi lai ṭhang theinaw châng tamtak khawm ilo nei thei, Pathienin kha hmang khan inpâwlpui ve che a nuom a, danglam deua hmang nuom dân che a nei khawm ani thei, ni lâwmum hlimna ropui a tlung hma khat chuh a sûm zing hlakin a min kieng san âwm si naw leiin, ei hmaa lâwmman hnawt peiin a mawina thlîra, ringum le fela a rawngbâwl dingin Pathien Thlarauin hi hla hmang hin tha thona thar mi pe mawl raw seh.

Dated Children’s Home Saikawt, 9th February 2019,

CAB fethleng nawna dinga \awng\airuol an nei

aizawl: Mizoram Ko-hhran Hruaitute Commit-tee (MKHC) ngenna angin Mizoram-a Kohran hran hran hai chun Citizen-ship (Amendment) Bill, 2016 Parliament-ah a feth-leng nawna dingin In-rinni zana inthawk khan \awng\airuolna an nei \an. Inrinni zana \awng\airuolna hun hmang lo han zani zan khan hi thua hin \awng\airuolna

hun an hmang bawk niin ei thu dawngna chun a hril. Citizenship (Amend-ment) Bill hi Parliament Winter Session huna khan Lok Sabha-a chun passed a lo nita a, Budget session fe meka hin February 12, 2019 khin Rajya Sabha-ah pass dinga phar nawk tum a ni a. Hi le inzawma Rajya Sabha a fethleng nawna dinga \awng\airuolna hi nei a nih.

Leishok Part-I ah bomb hmuiMPhal: Noney Dis-trict sunga Leishok Part-I ah bomb la puok lo hmu a nih. Tuta hma deu khawm khan Leishok khuo rama lo laia bomb a puok leiin unau nunghak pahni an thi bakah an nu na takin a lo hliem ta

a nih. Chun, zani zing dar 5:30 vel khan Porompat Police Station huop sunga Kshetrigao-ah IED ang deu hmu a ni a, Police han an va enfel a, bomb chu a lo ni naw a, bomb (IED) ang deuva siem a lo nih.

CAB dodalna a la fe peiiMPhal: Citizenship (Amendment) Bill, 2016 dodalna chu a la fe pei a, pawl tum tum han lampui hraw, lampui dang le \hun-gbuma nuorna an nei tawl. AMSU \hangsain Student Organisations 6 hai chun CAB, 2016 dodalnain in tinah flag dum tar ding le Feb. 12, 2019 ah Hindi text book-hai Manipur Gover-nor le CM hai kuoma sur-render dingin an rel niin zanikhan Sarangthem Man-jit, President, AMSU chun

a hril. Chun, Manipur a Po-litical Party hran hran 11 \hangruola indin Mani-pur Democratic Alliance (MDA) \huoituhai chu CAB, 2016 chungthua PM inhmupui dingin zanikhan Imphal suoksanin New Delhi an pan. CAB, 2016 dodalna bawkin Khawram-band Bazar a \hung nuhmei ruol chun an dawrhai an la khar bawk. Dawr hawnghai dawr thuomhnaw zaikhan an deng chek pek.

Jet Airways in Aizawl le inkar service a suktawp; Air India chau a service tahAIzAwl: Jet Airways chun Pathienni-a inthawk khan Mizoram le India ram hmun dang vuongnaa infepawna Vuongna \um-hmun a nei sun Lengpui Airport le Guwahati inkar-a flight service a suktawp tah. Hi lei hin Lengpui Airport (Mizoram) le India ram hmun dang inkar vu-ongna service umsun chu Air India chau a nitah. Jet Airways hin Guwahati ti lo India hmarsak state sunga flight service a lo suktawp vawng ta a nih. Aizawl – Guwahati le

Delhi Jet Airways Flight tawpna tak chu Inrinni khan Aizawl a inthawk a vuongdawk ta a nih. Lengpui Airport le Imphal Airport inkar Jet Airways

service a lo tawp ta bawk a nih. Hieng a ni lei hin Lengpui Airport le Kolkata inkara Air India flight chau a um ta leiin Mizoram mi

hai ta dingin, a bikin dam-naw inrik le mithiruong phur nuom huna khawm harsatna nasa tak an tlun pha ring a nih. Civil Aviation-a Prin-cipal Consultant Wing Commander Joe Lalh-mingliana chun, company hai sumdawngna a ni leiin vuongna service suktawp chungchangah sawrkarin thaw thei a nei tlawm thu a hril a. Jet Airways in fligt service a suktawp lei hin Indigo le airlines dang hai indawrpui mek an ni thu a hril.

STC Diamond JubileeCCPur: Simte Tribe Council (STC) Dimond Jubilee chu March 8-9, 2019 inkar sung khin Simte Inn, Simveng, CCPur-ah hmang ning a tih. STC/SNC Diamond Ju-bilee lawmna ding le inza-wma insingsatna hi kum 2016 a inthawk an in\an ta a nih. Diamond Jubi-lee lawmna ding hin J.K. Simte, IRS, Addl. Com-

missioner; B. Dongzalian Simte, President, STC GHQ le H. Ginzamang Simte, Chairman, STC Di-amond Jubilee Celebration Committee han siel puitling pakhat seng an thawlawm bakah Th. Jamchinthang Simte, EM/ADCC chun Rs. 1 lakh le Simte hnam sunga Govt. officer dang dang han thawlawm an pek bawk a nih.

NL UPS Renovation le extension zo

CCPur: ADCC enkawl-na hnuoia um New Lamka Upper Primary School Room siem\hat le building extention thawa um chu zo a nitah. School room siem\hat le suklienna hi bieltu MDC CT Lian Guite le Chair-man, Dorcas Veng VA le

principal hai hmalakna hn-uoia thaw a ni a. Naupang tamlem an inleng theina dinga extension hi thaw a nih. Kum 2018 khan student 333 an um a, tukum 360 an um a, regular class Feb. 12, 2019 a inthawk \an ning a tih.

3thlavul (February) 11, 2019thaw|anni (Monday) national/international & advertiSeMent Hmasawnna Thar

laktawi sIelMAt CHrIstIAn HOspItAl & reseArCH Centre

*** Specialist doctor (urologist) pan nuiom hai chun dated 13 th (wednesday) or Saturday February, 2019 zing dar 10AM hin Sielmat Christian Hospital-ah pan thei ning a tih. Zunlam tienga harsatna neihai ta ding khawmin pan thei ning a ta, operation a lo \ul khawma thaw thei nghal ning a tih. Registration Fee Rs. 300/- ning a ta, ticket booking khawm 7:30AM -6:30PM chen thaw thei ning a tih.

registration Contact no. : 9862853047(10,11,12)

TMC MLA kap hlumna thuah mi 2 man, FIR-ah Mukul Roy hming \hangsa

kolkata: Inrinni zan Saraswati Puja programme hmangnaa Krishnaganj (Nadia district) TMC MLA Satyajit Biswas kap hluma a umna le inzawm khan mi 2 man an nita bakah police officer pak-hat a sina inthawk sus-pended le midang pakhat thu indawnchieng dinga hrentang a nih. Mana um hai chu Sujit

Mondal le Kartik Mondal hai an nih tiin Pathienni zingkar-a Police thusuok chun a hril a. Hi thil tlung le inzawm hin Hanskhali Police station-a Officer-in-charge Anindya Basu le MLA security guard hai chu suspended an ni a, de-partmental inquiries thaw mek a nih tiin Police thu-suok chun a hril. Kap hluma um Satya-

jit Saraswati kha MLA vawikhat a tlingna chau a ni a, kap hlum a nina le inzawm hin mi 4 hai chunga FIR file a ni a, FIR a hin TMC leader hlui le tuta BJP leader hung nitah Mukul Roy hming khawm a \hangsa. TMC chun Mr Saras-wati thinaa hin BJP an in-tum a, Matua hnam hai lai vote an hmu theinaw leia a thatna dinga thu phier-rua hieng thil hi an thaw a nih tiin an intum a. BJP ruok chun hi tuolthat-naa hin BJP inrawlna an neinaw thu state BJP president Dilip Ghosh chun a hril a. TMC sunga buoina leia Mr Saraswati hi that a nih tiin an intum ve thung.

Kum 2017-19 sung sin 3.79 lakh an lak niin an hril

new delhi: India ra-mah sin neilo nasa takin an pung nia hrilna le inselna nasa tak a um laiin Modi sawrkar chun kum 2019-20 interim budget phar-a um dungzuiin kum 2017-2019 sungin establishment hran hran haiah sin 3.79 lakh chuong siem niin a hril. Budget dungzui hin kum 2017-2018 sung khan central government es-tablishment hnuoiah sin 2,51,279 siem a ni a, March 1, 2019 chenah 36,15,770 a hung tling phak dinga riru-ong niin Finance minister Piyush Goyal in February 1, 2019 a interim budget a phar-a khan an ziek.

Thla 2 hnungah khawm Telangana Cabinet la suklien lohyderabad: Telan-gana Assembly Election neia um result chu Decem-ber 11, 2018 a puong a ni huna khan sawrkarna siem lai mek Telangana Rashtra Samithi (TRS) chun seats 119 haiah seats 88 lain hrat-na an hung chang nawk a. Sienkhawm Chief Minister K. Chandrasekhar Rao chun sawrkarna a siem nawka in-thawk thla 2 a liem hnung khawmin home minister portfolio a pek Mohammed Mahmood Ali ti lo a cabi-net-ah midang ruot le laklut a la neinaw zing a. Ama le

Ali hai chau cabinet-ah la umin mi pahni chauin thla 2 lai ding sawrkar an la \huoi mek a nih. Telangana a hin min-isters 18 an um thei a. Ien-gleia tuchen chena cabinet a la suklien naw zing am ti chu mi tam tak indawnna a nitah. Cabinet-ah mi pahni chau an la um bawk leiin Cabinet meeting nei a la ninaw a, Chief Minister Rao chun review meeting chau neiin tuhin sawrkar a la enkawl zing a nih. TRS spokesperson Abid Rasool Khan chun,

Telangana-ah Departments 60 a um a, sienkhawm CM tiemsa loin ministers 17 chau an um thei leiin department inkungkaina nei hai ministry pakhata siekhawm vawng tumna lei-in IAS Officers hai umna Committee chun hi thil hi an buoipui mek a, sukfel a ni hun hunah Cabinet hi suklien ni dingin a hril. AICC spokesperson Sravan Dasoju chun, Cabi-net suklien loa sawt tak a um hin KCR sawrkar chu one-man show a nih ti a suklang tiin an intum.

RS MPs, MLAs ni lai le an sunghai ticket pek ninaw nihai: Rahul Gandhinew delhi: Congress president Rahul Gandhi chun Inrinni khan state tina party presidents le legislature leaders hai meeting neipuiin Lok Sabha Election hung um ding le inzawma thil thaw dan ding hai an hriltlang a. Lok Sabha Election hung um dinga hin Rajya Sabha MPs le MLAs ni lai le an sungkuo member hai party ticket pek ninaw ni-hai tiin a hril. Party chun alliances thuah state unit hai ditna a zawm ding thu a hril bawk. Thu dawngnain a hril danin state ministers \hahnemtawk takin an naupasal le an nau nuh-

mei hai in luttir an tum a, sienkhawm hi thil dangna dinga Congress president in hieng thil hi a hril a nih. Madhya Pradesh Chief Minister Kamal Nath naupa Nakul chu Chhindwara Lok Sabha constituency-ah Con-gress candidate ni dinga hril rik a nih. Hi seat hi

Mr Nath in CM a ni hnun-ga ân thla/sukruok a nih. Rajasthan Assembly Election huna khan Ra-hul Gandhi chun, election tawma party zawm hai chu ‘parachute leaders’ an nih tia hrilin chuon-gang mi hai party ticket pek an ninaw ding thu a lo hril rawp ta sa a ni a,

sienkhawm Manvendra Singh le Harish Chandra Meena hai \hangin chu-ongang parachute leaders tam tak party ticket pek an la ni tho. Hi lei hin tuta Rahul Gandhi in a hril hi suk-puitling thei a ni dim, election tawmah party leader lien hai a suk hel pha el dim ti chu ngaituo tham a ni ve. State Unit tin hai chu February 25 chenah Lok Sabha seat tinah candi-date pathum pei hming list pelut dinga inhriettir an ni a, candidate list hi February thla tawp che-nah sukfel vawng an tum a nih.

ieS officer inkhaihlum saa hmunew delhi: South-west Delhi-a Vasant Vi-har hmunah Indian En-gineering Service (IES) officer Pranav Tiwari (25) of Rewa, Madhya Pradesh chu Ceiling Fan \hangsana inkhaihlum saa hmu a nih. Preliminary investi-gation dungzui chun Mr Pranav Tiwari hi Civil Services exam a hlawtling

theinaw leia lungril beidawngna nei niin Police chun an hril. Flat-a a chengpui pathum- Dheeraj Pandey, Devender Patel le Vivek hai khawm IES Officer vawng an ni a. Dheeraj le Devender hai chu Zir-tawpni zantieng khan an umna bula Mall-ah an fe a, Vivek chu an khuo tieng

an zin a, Pranav hi a khat chauin an flat-a hin a um a. Dheeraj le Devender hai hi zan dar 9 velin an umna Flat an kir a, chu hunah an kawt an kal lei-in leilak dawin an umna sawng chunga hin an lut a, chu hunah Pranav hi inkhaihlum saa an hmu niin police thusuok chun a hril.

UP Congress in ropui taka lo

lawmlut an tumluCknow: February 11, 2019 (Thaw\anni) hin Uttar Pradesh (East) Con-gress general secretary in-charge Pi Priyanka Gandhi Vadra le leader dang dang hai chu Uttar Pradesh-ah an inzin ding a ni a. Ut-tar Pradesh Congress chun ropui taka lo lawmlut an tum. Hi le inzawm hin Uttar Pradesh Congress Commit-tee (UPCC) chief Raj Bab-bar inrawinain Congress workers hai chu nasa takin an insingsa. Priyanka hi Congress president Rahul Gandhi le UP (west) incharge Jyoti-raditya Scindia hai khaw-min an zui ding ni a hril a ni a. Priyanka hi maw-phurna pek a ni hnung le charge a lak hnunga Uttar Pradesh a lutna hmasa tak ding a nih.

J&K-ah terrorist 4 kap hlum

JaMMu: Jammu and Kashmir-a Kulgam dis-trict, south Kashmir a chun Inrinni zana inthawk Kel-lam village lai security forces han dappui an thaw-naah inkaptuona a tlung a, terrorist 4 kap hlum an nih. Security forces joint team han dappui an thaw-naa inkaptuona hi tlung a nih. Inkaptuona tlungna hmun le a sevel haia chun mobile internet services that a nih.

PM Modi hnuoiah ramin kawng tin

rengah hma a sawn: Shah

PanaJi: Prime Minister Narendra Modi hnuoiah India ram chun kawng tin-rengah hmasawnna lampui a hraw mek a nih tiin BJP National President Amit Shah chun a hril. Hi thu hi Inrinni-a Pan-aji khawpui bul Bambo-lim stadium-a Atal Booth Karyakarta Sammelan hmuna BJP workers hai hmaa thu a hril huna a hril a nih. Party workers hai chu Lok Sabha election hung um dingah seats pahni haia hratna chang ngei dinga hma la dingin a hril.

Rajasthan sawrkarin mem-ber 3 umna Com-

mitteeJaiPur: Gujjar hnam han sawrkar sin lakna le edu-cational institutions haia seats 5 percent huol pek dinga ngenna an siem le Railway blockade an thaw mek le inzawmin Rajasthan sawrkar chun inbiepuitu dingin member 3 umna Cabinet Committee an din. Reservation ngena nuo-rna nei hai hin Malaria Dung-er, Sawai, Madhopur dis-trict-ah Mumbai-Delhi Rail lampui an dang mek a nih.

an thil ngen sukpuitling a ninaw chun bJP thlawp talo an tum

luCknow: Uttar Pradesh-a BJP \hangruolpui Suheldev Bharatiya Sama Party (SBSP) chun, Febru-ary 24, 2019 chenah Social Justice Committee recom-mendation sukpuitling a ninaw chun BJP an thlaw-pna an hnukkir ding thu Pa-thienni khan an hril. SBSP general Secre-tary Arun Rajbhar chun, Lok Sabha Election hma thla 6 la umah Committee recommendation hi suk-puitling ni dingin an intiem a, sienkhawm tuchen hin ngaisak a la ni nawh tiin a hril a. February 24, 2019

chena sukpuitling a ninaw chun lampui dang hraw kan ta, Lok Sabha Election hung um dinga hin a hrana ngirin Lok Sabha seats 80 haiah candidate kan siem vawng ding a nih tiin Arun Rajbhar chun a hril. Mr Rajbhar in a hril pei-naah, a \ul a ni chun BJP khingthlak dinga \hangruol anti-BJP alliance (SP le BSP alliance) khawm an thawtlangpui el thei niin a hril a, hi thua hin vawi iemanizat inbiekna an lo neipui ta niin a hril bawk. Nikum May thla khan Committee chun backward

castes hai chu categories pathum- ‘pichda’ (back-ward); ‘ati picchda’ (very backward le ‘sarvadhik picchda’ (most backward) haia \hedar dingin recom-mendation a lo siem a nih. Uttar Pradesh a voters 44% vel backward classes a um an ni leiin election ah an buk a rik hle a nih. Kum 2017 Uttar Pradesh Election a khan Assembly seats 403 umah BJP in seats 312 le SBSP in seat 4 an lak a, an \hangruolpui dang Apna Dal (Sonelal) chun seat 9 an lak bawk a nih.

IAF in United States-a inthawk Chinook Heli-copters 4 Pathienni khan a hung thak tlung

new delhi: Septem-ber, 2015 a India sawrkar le American aerospace major Boeing han Indian Air Force hmang ding Apache Helicopters 22 le Chinook Helicopters 15 inchawkna

dinga mega contract an lo siem dungzuiin Boeing chun first batch in tuta kar bul khan Mudra port, Guja-rat hung thak tlingin Indi-an authorities hai kutah an hlan ta niin Pathieni khan

Boeing chun a puong. Chinook Helicopter hi multi-mission, thil rik tak tak phurlawnnaa hmang chi a ni a, Helicopters 4 hai inhlantuona ‘India-Chinook Transfer Ceremo-

ny’ a hin Indian Ambassa-dor to US Harsh Shringla khawm a \hang. Helicopter hi Indian Air Forces han sipai thak-lawnna, thuomhnaw le ralthuom chi tum tum hai thaklawnna dinga hmang ding a nih. CH-47F (I) Chinook hi advanced multi-mission helicopter a ni a, Chandi-garh tieng phur nawk ning a ta, formal takin tuta kum tawp tieng hin Indian Air Force hmang dinga laklut a

ni ding a nih. Chinook Helicopter hi ralthuom le sipai thak-lawnna hai chau ni loin khuorel sietna tlung hun haia khawm mihriem phursuokna le supply thaklawnna haia hmang hlak a nih.

Kum 3 sungin Sai helin mihriem 1,713 an that

new delhi: Kum 2015-2018, kum 3 liemta sung khan India rama chun Sai helin mihriem 1,713 an that a, sapeltu hai kap hlum le electric manhlum \han-gin sai 373 that an nih tiin Ministry of Environ-ment and Climate Change (MoEF) a minister of State Dr Mahesh Sharma chun parliament an hriettir. Dr Sharma report dung-zui chunk um 2018 sung ringawt khan India ram states 16 haiah Sai helin mi 227 an that niin a hril. Sai thi tamna tak chu Electric man hlum an ni a, Sai thi hai laia 226 chu electric man hlum an nih tiin data chun a hril.

ISIS Hai Mi 500 Vel Chauh An Um Tah: ReportsdaMaSCuS: Syria le Iraq haia Muslim lalram ‘caliphate’ indin thar nawk tuma ISIS han 2014 a inthawka ram an lakluihai a tam lem chu sawrkar sipaihai, US le Russia \hangpuinaa an do hrawn hnungin, tuhin chu ISIS han mel 5 vel chauva lien biel an awp tah a, mi khawm 500 bak an ni ta nawh, tiin official report pakhat chun a hril. Sy r i an Democra t i c Forces (US \hangpui) le Syrian Defence Forces (President Assad \antuhai) c h u n a n r a m a I S I S helpawlhai an la do char char a. Kha hma po chu 2016 kum bul tieng chenah khan ISIS hai chun UK tiet vel, mihriem maktaduoi riet vel umna an lak hman a nih. Iraq le Syria ram kei kawpa ‘Celiphate’ indin tum an nih a. Amiruokchu, US le Russia \hangpuinaa vuongna le ground forces an hei bei tak tak chun an tuor naw deu chu a nih. Iraq chu an lakkir nawk vawng tah a. Syria khawm a lien lem chu an lakkir tah. Lo thlirtu le inchiktuhai hril dan chun, tuhin chu ISIS

fighter mi 500 vel chauh, hmun kilkhawr deu mel 5 square vel chauvah an intawm tah niin an hril. IS helpawl la umsunhai khawm chu Syria saktienga Deir al-Zour biel, Iraq le ramri lai chauh an nih tah. US sipaihai \hangpui Syrian Democratic Forces hai hotu Mustafa Bali chun, “Kan sipai chu ISIS hai dona final thaw dingin an inpei zing tah a. Kan bei hun huna chu IS hai ta dingin ‘final battle’ ni tang a tih” tiin a hril. Hieng hi thil umdan a ni leiin President Donald Trump khawmin Syria rama US armyhai chu hnuk dawk vawng ta ding a tih a. Damte te an inhnuk dawk \an mek a. Iraq le ramri hnai laia mihai chu la suok naw hai sienla Kurds hai chun an nuom hle. Iraq le Syria inrina lai

vela umhai hi abikin Kurds hai biel a nih a. Kurds hai hi Turkey leh khawm an inri nawk a. IS helpawlhai a do bakah Turkey sawrkarin helpawl anga a hmu ve nawk an ni leiin US army han an \hangpuia an do naw mei mei a nih. Hi lai biel po hi US sipaihai \hangpuinain an lak a. IS hai la umna biel chite hi chu Russia sipai le President Assad sipaihai umna, an dona hmun laia mi an ni tah. Senior SDF official Redur Xelil chun, February thla tawp tieng khin chu an hnaw suok vawng thei tah a beisei thu a hril a. Amiruokchu, IS helpawlhai hi khawvel khawlai lai khawm mi hnawksak le tibaium, mi sukthlabartu chu la ni pei tho an tih, tiin a hril. Islamic State in Iraq and Syria (ISIS) hai chun 2014

khan map lim an ziek thar a. Chutaka chun Iraq ram iemzani zat le Syria ram iemani zat chu keikhawmin ‘ C e l i p h a t e ’ ( M u s l i m Kingdom) an tih a. Sakhuo khawpui Mosul le Raqqa le a dang dang an lak vawng a. Amiruokchu , Syr ia sawrkar le Iraq sawrkarhai chun an bei let a. US le Russia sipai han anni interest nei vein an lo ‘\hangpui’ve a. An ralthuom thar tharhai hmang sinna a ni bawka a remchang pek hle. Kum thum vel an indo hnungin 2017 khan Mosul le Raqqa hai hi an lakkir nawk a. ISIS hai hotupa Abu Bakr al-Baghdadi umna chin khawm hriet a ni ta nawh. Mosul khawpui lem chu helpawl kap hlum ruong inhlawm lo a tam taluoa a rim sie veng vunga, thla tamtak an inthielfai a nih. ISIS helpawl 500 vel chau an um tah leiin US khawmin sipaihai an sawl tah tiin ground forces le attack haiah a hmang nuom ta naw a. President Trump chun “Ei nauhai hung kir a hun tah” tiin a hnukkir mek a. Logistic support le training chu la pe zawm pei an tih.

China Lunar New Year Lawmna Raw\ek Leiin Mi 5 ThibeiJing: Thuawinaw man hi chu an sang a nih, hringna chenin a tuor thei. India hmun tamtak Churachandpur lai ang thovin Kum Thar lawmnaa raw\ek le puok thei bomb te zawr ruk le raw \hat nawzie chu hmu ding a um pei. China ram simtienga Guanxi biela khawm Lunar New Year hmangna le inzawma bomb te le raw puok zawr le raw an khap zing laiin

mi \henkhat dan pawisa lova zawr le rawtu an um a. A ruka rawpuok zawrna hmunah an bomb sie lai a puok leiin mi 5 an thi. Pathienni-a report le official sources hai hril dan chun, rawpuok siem le zawr le raw hi khap a nih a. Amiruokchu, a man khawm a \hat bakah Lunar New Year an lo lawmna tak hlak a ni leiin a ruka siem le zawr an um zing thoa an tuor pha tah a nih, tiin a hril.

Nuhmei MP Zakuo Hma Inhawng Taluo Leiin Suollui Tum

rio de Janeiro: Brazil-a Santa Catarina biel aiawtu nuhmei Member of Parliament (MP) Ms Ana Paula da Silva chu a tling lawmnaa an chei dan a zakuo hak a awm lai an hawng lien taluo leiin a nene bal bul \hut lai an lang vawng a. Social media ah an lang ‘sexy’ taluo leiin an suollui ding thu le thu \ha lo tamtak a dawng pha leiin a lung a sen hle. Report hril dan chun Ana Paula da Silva (43) hi January khan vote 50, 000 neka tam hmuin Legislative Assembly, Santa Clara ah thlangtling a nih a. A hma chun Bombinhas town Mayor a nih. Member tharhai laklutna hunser an nei khan zakuo sen nal deu coat ang deu a hak a. Anachu, a awm lai a kil nawa an hawng lien taluo leiin bra khawm a hak naw ti hmu theiin a nene bal an lang \hut leiin mi tamtak mit le lungril a lak hle a nih awm. A zingah chun social media haiah an lar tah em em a. A account ah direct message le comment tamtak a hmu a. A thu dawng tamtak chu ‘suollui ding’ thu a nih a. Chu

chun a sukthlaphang deu a nih. Mi tamtak, abikin nuhmei hai tienga inthawkin dan siemtu (legislator) nuhmei um ngainawna hmuna nuhmei hmel an hei hmu chu thil lawmum tak a ni laiin \henkhat mit a lo kham deu a ni awm. Comment tamtak chu an chei dan (dress) hmu naw tehlem thawin Parliament-a nuhmei \hung an hmu a. Pasal tamtak chun a awmbawr lai chauh an lo hmu a nih. Brazil media hai ziek dan chun, direct message le comment a dawng rawntak chu, ‘thungrulnain suollui a nih ding’ ti thu a nih a. Thawntuhai direct taka hriet le hmu an la ni naw leiin action lak el khawm a la thei naw niin an hril. Social media-a an pholang tak a thlalak hi coat sen haka titak deuva a nghei tle bawta thuhril a ngai lai a nih a. Zakuo hnuoi dang a haka chu a awmlai inhawng bawk a ni leiin Bra a hak naw ti hmu thei a na. A \hi awr khawm hmu thei a ni bawk a. A sam inkhai thla hnienga a phei zawnga mi a enlai a nih. Hi thlalak hi vawi 6, 200 zet share sawng a nih a. Comment khawm 8, 500 a hmu a. A lan dar pei niin www.http://gl.glob.com chun a ziek. Ama chun dawnin, zakuo low-cut a hak zie thu a hril a. Inlang lo dinga thup ding po chu a thup ve vawng niin a hril. Brazil khu a lum leiin thuomhnaw an inbel tlawm thei reng a nih. Ana chun, ‘harsatna tamtak le lungril natna tamtak a tuor’ tah niin a hril a. Amiruokchu, an in\hina lei ringawtin a zam naw ding thu a hril a. “Ka nina chu thleng chuong nawng ka tih. Hlim deua um zing ka nuom a. Ka nina ang anga midang hai laia inlang ka tum a nih. Political khawvela chu pasalhai in an mi delchil hne taluo a. Nuhmeihai khawmin rawl ei insuo ve a hun tah” tiin huoisen takin a hril. (AP)

PM in aP, tn le karnataka haiah project tum tum a hawngguntur: Prime Minister Narendra Modi chu Pathi-enni khan Guntur, Andhra Pradesh-ah an zin a, video conference fethlengin sin Andhra Pradesh, Tamil Nadu le Karnataka haiah project tum tum thawna ding a hawng. PM Modi in project a hawng hai lai Guntur (AP) hmunah 1.33 met-ric tons sekkhawl theina Visakhapatnam Strategic Petroleum Reserve facil-ity ; km. 10 a sei Chennai Metro Rel lampui; khum 100 um theina ding ESIC

Hospital; Chennai le Trichy airport terminal sukchang-kangna ding; khum 470 um theina ESIC hospital a hawng bakah Karnataka-a Indian Institute of Tech-

nology – Dharwad bawlna ding foundation lung le Indian Institute of Informa-tion Technology – Dharwad bawlna ding lungphum le Dharward hmuna City Gas

Distribution project hai a hawng bawk. PM Modi chun project hawng a um le thaw ding hai chu state ta ding chau ni loin ram pui mamaw a ni thu hri-lin hieng project hai hin sin tam tak a siem bawk ding a nih tiin a hril. Guntur hmuna PM Modi in thu a hrilnaah Opposi-tion parties hai chu thu khel thedar in an tum a, Andhra Pradesh CM le TDP chief N. Chandrababu Naidu chu Central fund hmang in-diknaw leia NDA thlawpna hnukkir a nih tiin an tum.

Hmasawnna Thar4 EntErtainmEnt / SportSthlavul (February) 11, 2019thaw|anni (Monday)

sun ZAWMnA.......

Premier League:

Liverpool chun Bournemouth an hne; Man. City leh a chunghnung an ni insawkanField: Manchester City manager Pep Guardiola in tukum Premier League title latu ding goal difference hmanga en/zawng khawm a ngai el thei tia a lo hril an-gin Manchester City in ni 3 liem-taa Liverpool lekhel-a goal differ-ence leia a chunghnung tak nina ngirhmun an hau hnungin Liv-erpool chun Inrinni zan khan an home Anfield Stadium-ah hnesaw taka Bournemouth 3-0 in an hung hne nawk leiin games 26-ah point 65 hmuin Liverpool chu a chungh-nung tak an hung ni nawk tah. Goal hmasa Sadio Mane in minute 24 naah Liverpool ta din-gin a thun a, hi zo minute 34 naah Georginio Wijnaldum chun goal a hung thun bawk leiin first-half che-nah Liverpool chun Bournemouth hi 3-0 in an hne a, Second-half min-ute 48 naah Mohamed Salah chun

Liverpool ta dinga goal a hung thun nawk bawk leiin inkhel tawp che-nah Liverpool chun Bournemouth hi 3-0 in an hne a nih. Tuta hmaa a chunghnung an lo ni insawk ang bawkin Liverpool in iemanichen hma a \huoi hnun-gah City in hma an hung \huoi a. Pathienni zan khan Manchester

City chun an home-ah Chelsea an mikhuol a. City in hratna an hung chang nawk chun a chunghnung tak ngirhmun an hung hau nawk thei ding leiin City le Liverpool chu a chunghnung insawk nawk thei ngirhmuna an um mek. Tuhin Match 13 vel khel ding a la um a, title la tum hai ta ding

chun tha inthla thei a ninaw a, vawikhat hratlo khawmin umzie a nei deu deu ta ding a nih. Inrinni zan match dangah Man-chester United khawm minute 14 le minute 65 (penalty) a Paul Pog-ba goal thun le minute 23 naah Anthony Martial goal khat thun hai hmangin a mikhuoltu Fulham 3-0 in an hne leiin games 26-ah point 51 hmuin a palina an nita a. Pathi-enni inkhel hunah Chelsea in City an hne Man. United hi pangana-a tla thla in Chelsea hi palina hung ning an tih. Chun, Inrinni zan match dang haiah Watford in Everton 1-0 in an hne a, Arsenal in Hudders-field 2-1 in an hne a, Cardiff City in Southampton 2-1 in an hne a, Crystal Palace le West Ham 1-1 in an indraw bakah Burnley FC chun Brighton 3-1 n an hne bawk.

Spanish La Liga:

Real Madrid chun Atletico Madrid hnein pahnina in an \hang tahMadrid: Points 44 hmua league table-ah pahni-naa \hang Atletico Ma-drid chun Inrinni zan khan pathumna Real Madrid an mikhuol a. Real Madrid chun Casemiro, Ramos le Bale hai goal hmangin a mikhuoltu Atletico Madrid 3-1-a an hne leiin Real Madrid chun games 23-ah points 45 an hmu ta a. A pahnina hau mektu Atlet-ico Madrid lekhelin Real Mardid chu a pahnina in an \hang ta a, hma\huoitu Bar-celona le an kar-ah point 5 char a tla. Sienkhawm Thaw\anni zingkar (IST) khan Barcelona chu Ath. Bilbao in a mikhuol nawk a. Barcelona in hratna

an hung chang nawk chun an karah points 8 hung tla nawk a tih. Atletico in Real Madrid a mikhuol huna hin minute 80 naah Thomas Party chu a foul leiin Red Card a hmuh. Goal hmasa min-ute 16 naah Casemiro chun

Real Madrid ta dinga goal hung thunin hma an \huoi a. Minutes 25 naah Antoine Griezmann chun Atletico Madrid ta dinga goal hung thunin an goal bat a hung thungkir a. Amiruokchu minute 42 naah Sergio Ra-mos chun Penalty a hung

petlut leiin first-half che-nah Real Madrid chun 2-0 in Atletico Madrid an hne a. Second-half minute 74 naah Gareth Bale in Real Madrid ta dinga goal a hung thun nawk leiin inkhel tawp chenah Real Madrid chun Atletico Madrid hi 3-1 in an hne ta a nih. Inrinni zan match dang haiah Valladolid le Villar-real 0-0 in an indraw a, Ge-tafe in Celta Vigo 3-1 in an hne a. Espanyol chun Rayo Vallecano 2-1 in an hne bakah Huesca chun Girona 2-0 in an hne bawk. Getafe chun Celta an hne lei hin games 23-ah point 35 hmuin pangana an nih.

Indian Super League:A mawngdap Chennaiyin FC chun hma\huoitu Bengaluru FC 2-1 in an hneChennai: League fe mekah a mawngdapa um Chennaiyin FC chun Inrinni zan khan an home Jawa-harlal Nehru Stadium-ah a chunghnung tak ni mek Bengaluru FC an mikhuol a. Ringnaw tieng takin first-half sunga Jeje Lalpekhluah le Gregory Nelson hai goal hmangin Chennaiyin FC chun an mikhuol Bengaluru FC chu 2-1 in an hne. Goal hmasa Jeje Lal-pekhlua in minute 32 naah Chennaiyin FC ta dinga goal a thun bakah minute 42 naah Gregory Nelson chun Chen-naiyin ta dinga goal thunin first-half chenah Chennaiyin

FC chun Bengaluru FC hi 2-1 in an hne a. Second-half minute 57 naah Sunil Chhe-tri chun Bengaluru FC ta dingin goal a hung thun ve a. Sienkhawm inkhel tawp chenah Bengaluru FC chun an goal bat an thungkir hne tanaw leiin Chennaiyin FC

chun Bengaluru FC 2-1 in an hne ta a nih. Chennaiyin FC hi de-fending champion an ni a, sienkhawm tuta season a hin an che naw hle a, Benga-luru FC 2-1 a an hne chena hin games 15 an khel ta a, sienkhawm vawi 11 zet an

lost ta leiin points 8 chau la hmuin a mawngdap (10-na) in an la \hang a, tuta season-a match an khel ta poah vawi-hni an hratna chau a la nih. Bengaluru FC hin games 15-ah point 31 hmuin hma an \huoi a, Mumbai City in games 15-ah point 27 hmuin pahnina an ni a, Goa FC le Northeast United han games 14 le 15 an khel ta haiah points 25 le 24 hmuin pathumna le palina an ni a, Jamshedpur chun games 15-ah points 23 hmuin pangana an nih. Pathienni zan khan Pune City le ATK 2-2 in an indraw.

UFC 234: Israel Adesanya chun Anderson Silva a hneMelbourne: Taksa hrisel nawna leia Whit-taker an hnukdawk leiin co-main event a khel dinga ti Undefeated Middl-weight Israel Adesanya (29) le Anderson Silva hai chu Melbourne, Austra-lia hmuna main event-ah an inhnek a. Nigeria-born Adesanya chun unanimous decision in Brazil legend Silva a hne. Main event a hin Aus-tralian UFC middlweight champion ni lai Robert Whittaker le Kelvin Gaste-lum hai inhnek dinga ti a ni a. Sienkhawm Whittaker hi a taksa hriselnaw leiin hospital panpui le emergen-cy surgery thaw a ni leiin,

Whittaker in a title defence dinga Gastelum le an inbei ding hi cancelled a hung ni a. Hi lei hin co-event-a inhnek ding Adesanya le Silva hai chu main event-a hlangkaiin an inhnek ta a nih. Adesanya hi kickbox-ing state hlui niin, an beipui Silva (43) hi middleweight

champion hlui a nih. Chun, Co-main event-ah Lando Vannata chun Marcos Mariano submis-sion in a hne a, Ricky Si-mon chun Rani Yahya chu unanimous decision in a hne a, Main card a inbei hmasa takah Jimmy Crute chun technical knockout in Sam Alvey a hne bawk.

Angelina Jolie Pa Jon, An Sungkuo Ta dingin |awng\ailoS angeleS: Angelina Jolie pa Jon Voight chun a naunu a pasal Brad Pitt leh an in\he hnungin, ni dang a hrana umin lo inngaisak bek bek naw hai sienkhawm, an kar a sukhnai deu deuva, a tuhai leh a pan deu ran tah a. Tuhin chu Brad leh inmakna ding court thubuoi nei hai sienkhawm ‘sungkuo’ angin an ta dingin a \awng\ai zie hlaka, a \ha zawngin iengkim a hung um a beisei thu a hril. Us Weekly a hril dan chun, kum 80-a upa Jon chun, “An sungkuo ta dingin ka \awng\ai hlaka, Brad ta ding khawmin. Angelina hi nu tumru tak le ‘investment’ ngaina mi a nih a, sum le pai bakah mihriem khawm. Nau a lakna san khawm hi a nih, aman pathum a nei bakah. “A nauhai a hmangaiin a enkawl \ha thei em em a. A hun po po a nauhai ta dingin a pek ti ding a nih. An sungkuo

ta dingin \awng\aina bak thaw thei dang ka nei tah naw a. Brad ta ding khawmin ka \awng\aia, iengkim a hung \ha pei ka beisei tlat a nih” tiin a hril. Jon hin Angelina Jolie le Brad Pitt hai lakah tu paruk a neia, chuonghai chu: Maddox, 17, Pax, 15, Zahara, 14, Shiloh, 12 le inphir Knox le Vivienne,

10 ve ve hai an nih. An sungkuo kar thu le chanchin a \hanawa chu an hrilselna chu a \ha hle ti hmu thei a nih a. Jon khawm kum 80 a tling taa chu a la hrat hlea, film khawm a la chang pei a nih. A tuhai chanchin hrilin, special qualities an nei \ha thei em em a. Innui zen zen lo pa khawm an mi suknui zing

zing hlak tiin a hril a. A tuhai hi a hlimna tak an nizie a hril. “Hienghai rawi leh hin kan nui tak tak thei a nih. Nuizat um tak an nih. Fiem ngawt a nih an mi thaw. Sun ni thlakin anni le um chun an \awng peia, kei khawm ka \awng pei a nih” tiin a tuhaiin an sukhlim zie a hril. Tuhaiin nauhai nekin lungril an lak lem ti po a tawnghriet ve tah niawm a nih. Angelina Jolie hin a pa le an kar thu buoi po po chu December 2017-a The Hollywood Reporter interview ah khan a hril tah a, an inrem tah niin a hril. A chin laia inthawka nu le pa enkawl lova seilien, a pa khawma a ngaisak bek lo a nih. Brad Pitt leh an in\he 2016 hnung khan a pa leh an inhmu nawk chau a nih. “Harsatna tamtak kan lo pal tlang ve ve a. Tuhin chu tuhai khawm a nei ve tah a. Kan kar thubuoi po po chu phum hmang kan tum tah a

nih” tiin a hril. Angelina Jolie le a pa Jon hi an buoi \anna chu 2002 lai kha a nih. Jon-in Access Hollywood a hril dan chun, a naunu Jolie chu a pasal hmasa Billy Bob Thorton le an in\he leiin a lungril sawl taluoin a buoi met leiin ‘mental health treatment’ khawm a thaw niin a hril. Hieng thu interview-naa a hril leiin Angelina Jolie chu a pa chungah a lungsen a. A hming khela sungkuo hming ‘Voight’ a sie hlak khawm a lakdawk tah a nih. A sinthawna profession haiah khawm Angelina Jolie Voight ti ta lovin ‘Angelina Jolie’ chauvin a sie tah hlak. Jon chu Angelina Jolie leh an inhmu a, a tuhai bazar dam a kaipui a. An taksa hriselna a \haa an thlarau hriselna khawm a \ha pei tah ding thuhai a hrilpek a. Ni danga naw ang takin hun an hmang a nih.

Taylor Swift le Joe Alwyn London ah Hmu An Nih

london: Ni kum khan a album ‘Reputation’ promote-na dingin Taylor Swift (29) chu khawvel an zin kuol nasa leiin a ngai em em pa Joe Alwyn (27) leh inhmuna hun an nei meu nawh a. |um khat char restaurant-a bu an fak khawp hmu an nih. Taylor hin a ngaizawngpa actor Joe hi a ngai hle chu ning a tih. Hun awl a nei met chun a pan nghal el a nih. Zirtawpni khawm khan London ah, ruo sur chur chur hnuoiah The Spaniards Inn, Hamstead a inthawka inchel puma an hung suok lai hmu a nih. ‘Bad Blood’ saklartu Taylor chu dei a la ti hle ning a tih, zakuo lum le kekawr tluon lum tight deu bakah jacket lum chi khawm a hak a. A lu ah

scarf a khum (tuom) bawk a. A mimal hmangruo le incheinahai chu personal handbag chite hmangin a pai a. Booth eng a bun bawk a. An chei dan a casual-a chu nal danglam tak a nih. Joe khawm kekawr lum dum bunin T-shi r t pawl chungah yellow-print coat a hak a. Jean kekawr dum le Jumper uk a bun bawk a. A sam inbuk thalin Taylor-in a chel ran bawk leiin a veng deu niin an lang. Joe le Taylor hai chanchin hi Joe chun January khan hrilfiein, mi tamtak an kar thu chu ‘strangely private’ (mak taka thup/minal taluo) an ti ang chu an naw thu a hril a. The Journal a interview ah chun, “Mi lampuia in tuokpui taphawtin an chanchin iengkim hril vawng nghal ngai naw ni hai che. Chuleiin, iengleiin am kei khawmin hril ka ta?” tiin a hril. “Chu chu a nih ‘strangely private’ ti chu. Thil pangngai tak niin ka hriet, nunghak tlangvalin an kar thu vantlang hmaa an thup tlat chuh. Keini khawn tlang hrieta inlar kan nuom nawa tina a nel” tiin a hril. Taylor Swift hin Joe Alwyn hi a thlawpin a lo \an nasa thei em em a. Joe film changna ‘The Facourite’ khawm Award iemani zat a lak tah a. A co-star Olivia Colman, Emma Stone le Rachel Weisz hai khawmin Best Actress le Best Supporting Actress award an lak.

Mac Miller-in $4.48m le Facebook Share Sunghai Pekl o S a n g e l e S : Hlasakthiem le Ariana Grande ngaizawng hmasatak Mac Miller (26), September 2018-a a chengna in Studio City, California-ah OD-a thi chun a rothil USD 4.48 million man ding le a Facebook share US 32, 000 vel chu a sunghai le a unaupa kuomah a pek vawng. Mac Miller a hming tak Malcolm James McCormick khan rothil insawn theilo, inhmun etc California takah a nei nawa chu saving hran hran sum fai le market accounts haiah USD 4 million vel a nei phak a. Facebook ah share 200 (stock) USD 32, 000 a nei bawk. Miller hin California state puotieng chu inhmun a nei ring a nih a. Tuta a rothil hisapa hin a car le artworks or collection a lo thawhai a la \hang nawh. Ama khata a um laia thi Mac Miller hin a thi hmain a rothil neisun sun le sum lamsuokhai chu a nu Ms Karen Meyer, a pa Mark McCormick le a unaupa Miller McCormick hai hmingin a lo sie diem a nih. A nu le pa khawm hin an

naupa ‘legacy’ tiin sukhring zingna dingin The Mac Miller Circles Fund ti an lo siema, Pittsburgh laia naupang retheihai \hangpuina dingin USD 1 million neka tam an lo hmusuok tah a. Tuta Mac Miller rothil an hminga a siehai khawm hi ama hminga Fund-ah an sie el thei niin a hril bawk. Mac Miller thina san chu drugs chi hni Fentanyl le Cocaine a chawkpawl (mixed) lei niin an hril a. Ariana Grande le an in\he zo lungril sawltaka a um lai a nih. Miller kha Ariana Grande leh August 2016 a inthawka May 208 chen an inzui a. Chu zovah Ariana-in Pete

Davidson a ngaizawng san nawka chu an \hepui nawk tah. Pete le an in\he hnunga a hla thar a suklang dang le a \awngbau ngeia hril dan chun Mac Miller kha a la ngai hle niin a hla pakhat ‘Ghostin’ ah ngaina thu hlain an zawt a nih. A hla thu a hrilfienaa chun, mi ei la hmangai zing an um a, ngaizawng dang ei nei tah si, ei ngaizawng (thar) pan a hlui pa ei la hmangai zing a nih ti hre si lova inpawl zing hringnun rinum zie a nih tiin a hril. “Ei ngaizawng pa’n a hlui pa ei la hmangai hre si lova ama le um nun a nih” tiin a hril. Mac Miller kha rap music thiem le hlasakthiem a nih a. Ariana Grande UK, Manchester City concert hmasatakna, bomb a puoknaa khawm khan a \awiawmtu le Ariana US tienga hung vuongpuitu le umpuitu le enkawltu a nih. A thi hnungin a album Grammy Award – Best Rap Album nominated a la nih a. Pathienni-a puong ding result ah ei hriet hman ta naw chara, kar thar tieng inhriet tang a tih.

Bollywood actor Mahesh Anand a thisaa hmuMuMbai: Bollywood ac-tor Mahesh Anand chu In-rinni khan Andhere West, Yari road-a a chengnainah a thisaa hmu a nih. Police chun ama le ama inthat ni dinga an ring thu an hril a, sienkhawm lekhaziek maksan a nei

nawh. Kum 57-a upa Anand hi a film chang nuhnung tak Govinda le an inchangna ‘Rangeela Raja’ chu thla hmasa khan release a nih. A ruong hi post-mortem

thaw dingin Cooper Hospi-tal-a thawn a nih. Anand hi Zu dawn leia harsatna nei nia hril a ni a, a nuhmei Moscow khawpui-ah a um a, ama hi a khata um nia hril a nih.

Hero I-League:February 10, 2019 a Hero I-League Real Kashmir in East Bengal an mikhuol ding le Gokulam in Aizawl FC a mikhuol ding hai chu harsatna um leiin postponed ve ve an nih. Real Kashmir home TRC ground-ah vur a tla nasa taluo leia Real Kashmir le East Bengal inkhel ding hi \hul a ni a. Gokulam Kerala le Aizawl FC inkhel ding khawm Srinagar-a Vur tlak nasa taluo leia Kerala hung kir na ding flight an missed leia inkhel postponed a nih. Feb. 11, 2019, 2:00PM hin NEROCA chun Chennai City mikhuol a tih.

\awng naw naw in\awngtir or an hril naw naw inhriltir lo dingin ngen bawk. School in thar a hawngna le inzawmin, sawrkar chun sawrkar school hai siem\hat a tum thu a hril a. Ei ram hmasawnna ding chun education a pawimawtak leiin, sawrkar mission hlawtlingna ding chun mipui thlawpna a pawimaw a nih, tiin a hril. School Committee hai chu an pawimaw maw concerned official hai inhriettir vat vat dingin a hril a. Sawrkar dan angin school mamaw po po chu pek ning an ta, a kawl vela chenghai chen sawr thei ding tui dawn ding khawm a pek ding niin a hril. Student hai ta dingin discipline le nungchang \ha siemna ding chun \awng\aina a pawimaw leiin hi Ningthoumai Pri-mary School ta ding chun Pathienni (Sun-day) aiin Zirtawpni (Friday) chawl ning a tih, tiin a hril.

Hi school-a hin Urdu le \awng dang danghai inchuktir an nih ding leiin student hai chun an khaw nghat khawm an suklien thei deu ding a nih tiin a hril bawk.Mr. Ng. Uttam Singh, Director, Minor-ity Affairs, Government of Manipur chun, ‘Go to Village’ mission hlawtlingna za-rin sawrkar chun mi hnuoihnungtak le kilkhawr taka chenghai chenin a tlung phak vawng tum thu a hril a. Hi dinga sawrkar hmalakna chu ‘School Fagathansi’ mission hi a nih a. Sawrkar school hai hmangruo le mihriem thiemna le varna, inchuktirna sukchangt-lungna ding niin a hril. Ama chun, MsDP tuta Pradhan Mantri Jan Vikas Karyakram (PMJVK) ti tah thil-tum chu, hnam hnufuolhai education tieng, hriselna le skill development hma an saw-na national average bek an tlung ve theina ding a nih, tiin a hril. (DIPR)

Mipui ditnaw zawng sawrkarin Iengkhawm thaw

Education Minister-in 1st Inspire Cup 2019 A HawngiMPhal: Education Minister Mr. Thok-chom Radheshyam chun Manipur mipuihai chu an nitin hringnun le sports hi inkawp tlat a nih a tih. State chite nisien khawm national le international levela hnena nopui tamtak a dawm tah thu a hril bawk. Hi thu hi zani ta 1st Edition of Inspire Cup 2019, U-17 Youth Football Competi-tion (Inter School Boys Football Tourna-ment) a hawngna huna a hril a nih. Minister chun, Manipur tlangval mi 8, FIFA Under-17 World Cup 2017 a \hang thei an hei um ngat dam kha Manipur ta

ding chun uongna tham a ni thu, Sports chun thiemna insangtak (high professional-ism) a \ulin a mamaw ta leiin ei state ah khawm ei khel sang ve ta hle niin a hril a. Club tamtak chu Manipur ah khawm an hung lut ve tah a. Professional football players hai chun facility \halem le thiemna insang lemin an khel tah a. Tamtak ta ding lem chun hausakpuina khawm a tling tah. A bikin Under 17 players hai thlangsuokna le enkawlna a inthawk hin \halaihai ta dinga sports (football) career siemna ding chance \ha tak a hung pieng ding niin a hril. (DIPR)

Russian Nupui Vawkbu Pek Lai Tlu, Vawk Han An FakMoSCow: Ran vai khawm hi hausakna nekin thina dam a lo ni thei lem a. Bu ei pek ranhai bua \hang dai thei khawm a lo nih ding a nih, vangduoia natna nei pum lem chun. Russian nupui pakhat k u m 5 6 m i k h a w m epileptical natna, khawng thuta tluk thut a nei a. Ni khat chu, zantieng hnungin vawk bu pein a fe a. A vawk bu pek laia natna hri (epileptic) a hung suok thuta hnuoiah khaw hre lovin a tlu a. A vawk haiin coma a um sung hin an lo fak a nih. Hi thil t lungna hi Russia thlang tieng ram Malopurginsky district ah a nih a. Kum 56 a upa Udmurtia chu zantieng vawk vai dingin a fe a. Vawk in lai chun bu a pek

tawmin a lu an hai thut, a natna’n a man a, vawk in sungah chun khaw hre lovin a tlu a. A zingkar a pasalin vawk ina zal zing chu a va hmu chun vawk haiin a lu le bieng/hmai hai an lo fak tah a. A nakawrhai an se thlak ta bawk a. A kut le ke hai chu an se pawp na thisen a suok zel zul bawk. An lang dan chun a thisen suok rawn taluo leia thi tah ni dingin an ring.

Hi ni hin a pasal khawm a damnaw leiin zantieng a inthawkin khumah a zal tah a. Thokang ta lo, amain a enkawl el ngaia damnaw a ni ve a. Vawk bu peka a zu tluk khawm hin a hriet nawh a. Zan khawvar khawmin a kawla a hung zal le zal naw khawm a hriet nawh a. Zing tieng a hei har chun a kawlah a lo zal nawa, a zawng tah niin a hril.(Reuters)