ITO TI ALU TRO

Story by: Opelli StephenAdebasiku DominicVundru Tomson MapkweMaiku Damiano.Droma Draci

UGANDA LOCAL LANGUAGE FOLK STORIES

Produced with support from in partnership with

UGANDANATIONAL COMMISSION FOR UNESCO

1

Andrani eze, Alu ti Ito tro ozi kwirili rii.Kaki aci alu. Kaki aia tatii sa uba alu.

Ayi ido dii rii, Alu ojo Ito ni, “mozi Ito kinya endru ale amvu soka nza. Disi dru, nye jo mani ‘ba ta soka mori si ri ba ti kate mudiri”.

2

“kiya dile mani ideka adu” Ito o‘jo i. Alu oko o‘jo “ jo nye ji mani ‘ba di ‘ba tii ra, ma anyi ni lonya ‘di nza anyi nyaa kpo dru tri tri”. Ba ‘di bati ecaki ‘dii rii, Alu ti Ito tro oji ki ai amvu ni a. Ebe Ito ka aia dri ni ndre. Alu le engwi baru lonya ti ubare.

3

Alu uba iza mgbonzo rii Cupe monigo a, kodi tula tula. Asi ebwe si, Alu i‘do ta ngo ka :

“Alu aru kpo osa mbiri –mbiri kpo osa”“Alu aru kpo osa mbiri-mbiri kpo osa” koji omvu si Cupe ni laga

Ito oce ani keri longo ‘dii ‘di, eya umia ‘di a’du ka ru ide ni ya i. Oce ani kondre ta ru ide di rii dii, ongwi ciri ciri ni amvu

4

ni a pi. Lonya odi ra di rii, onzi amvu a. ‘ba mudiri di onya ki ta kpo tri tri. Aia ongwi re baru rii, ka ki vu anzo si, ka ki joa, “Alu nya Anya ni konga pelere, vua ko’wa nza”.

“ I yee! Ito ura ana ngasi ‘ba mudiri di ka adu dinia?”

5

Ito eya Alu dri ojo “ ka! mozi Alu, nyi sa nye ‘jo mani ‘ba mudiri kevu ki maa amvu sore. Alu ura ana nga si “gba mozi Ito ni dii ka ‘ba mudiri ni lonya kwe ko ca raa?”.

6

Alu ai ra, eji ba mudiri dii ra oko o’ji ki ai amvu aa. Ito ebe Alu ni amvu a ka aia dri ni ndre. Ito oce ani kengwi baru dii rii, asa Cupe ni aci dri. Cupe oce ani koka loro dii rii, ito ido longo ngo ka.

7

“Ito aru kpo osa. Mbiri-mbiri pko osa”“Ito aru kpo osa. Mbiri-mbiri pko osa”

Ito ka longo ngo sa kwa ta cupe nia iyo. Oko onvu cupe nia egwe lo-u.” oza ere”.

8

“Nzee!, nzee! Nzee! Nzee!” andrani Alu nyi de nyi dri rii ingoni yaa? Ito ubi vu amgbu sa kpe.

9

Ungwe ana ozi Alu ni keya ani ikonyi re. Alu ai ra, eji iza gaa dru tro oba cupe ni a. odi ra dii rii, oko oji amvu ni a ‘ba mudiri dii obe ki lonya dii caka nu nu.

Alu alu o’du ana aco ni tro, ka ki vu ‘jo sia “ Ito nyi le nya anya ni konga lopere bi yoo!”. Alu a anya ni onga pelere ki Ito

10

dri le onga palupalu. Anga la si Ito ti eru ru Alu tro pi.Ozi ai dri aca ra.

Oda omba di pi.

11

12

Produced by:

Literacy and Adult Basic Education (LABE)Plot 18 Tagore Crescent, Kamwokya, P.O. Box 16176, Kampala, Uganda. Tel:+256-41-532116, Fax:+256-41-534864, Email: labe@africaonline.co.ug

And: Madi Language Board