Lesson 2 for July 11, 2020

Memory Verse for July 11, 2020

Dawivei-mipa tecipanna

Upngam huai lo teci

Mary tecipanna

Teh theih loh lungdamna

Peter le John tecipanna

Dai in om theihlohna

Paul’ tecipanna

Nisim kikheelna

A vanglian mimal tecipanna

Mimal tecipanna acih bang hiam?

Tecipanna acih in i nuntakna sungah Jesu in koi bangin na hong sem in, koi banginhong kheel hiam cihte midangte kiangahhopkhiatna hi. Pasian i a lamdanghehpihna thu, leh Ama gupkhiatna in bangzah in lungdam huai huai cihte mite kiangah gensawnna hi. Jesu in eite hongkoici it a, eite in zong Amah koici it cihtegenna ahi hi.

Mark 5:15-20 ziv15 Amaute Jesu kiang a tun uh ciangin dawi legion khat a lutna pa, tua lai-ah

tu-in puan silha, a lungsim pila om a muh uh ciangin a lau uh hi.

16 Tua thu a musate in dawi lutpa tunga piangte le vokte thu zong mite

kiangah a gen uh hi.

17 Tua ciangin mipite in Jesu in amau kual a nusiat nadingin a thum uh hi.

18 Gunkuang ah Jesu a kah laitakin tua dawilut ngei pa in amah a zuih

nadingin a thum hi.

19 Jesu in phal loin, “Na innah ciah inla, Topa in nang tungah bangzahtak

bawla, nang bangzahtakin hong lainat cih thu na innkuanpihte kiangah gen

in,” a ci hi.

20 Tua ahi ciangin tuapa paikhia a, ama adingin Jesu in bangzahtak bawl

cih thu Decapolis ah a gen hi. Mite khempeuh in lamdang a sa mahmah uh

hi.

“Tua ahi ciangin tuapa paikhia a, ama adingin Jesu in bangzahtak bawl cihthu Decapolis ah a gen hi. Mite khempeuh in lamdang a sa mahmah uh hi.” (Mark 5:20)

Decapolis acih in Galilee tuipi gei a om khuapi sawm kigawm khuapi khat ahi hi. Greco-Roman te ngeina zangkhawm uh a, Judah te ngeina zang lo hi.

Jesu hong tun ciangin dawilut mipa bekinAmah na dawn hi. Amah a gimsakdawiteng Jesu in hawlkhiat sak hi. Hih mipa in pumpi, lungsim, ngaihsutna leh

kha lam ah damsiangna ngah hi. Jesu tawhom khawm nuam hi. Ahi zongin, Jesu in lungdamna thu a puak masapen dinginamah na teel hi. Ama gen ding thu in baihmahmah a, Jesu in ama tungah bang semhiam cih agen khia ding ahi hi.

Ama tecipanna hangin, mihon tampite in tawlkhat sung Jesu thugenna ngai dinginhong ki kaikhawm uh hi. (Mark 8:1-10).

Mr 16:1 Sabbath ni a bei khit ciangin Mary Magdalene, James nu Mary le Salome-te in

Jesu luang a zut nading uh gimnamtui a keng uh hi. 2 Nipikal ni masa ni zingsang

tung ni suah khit phetin amaute hanah hawh uh a, 3 "Han kongvang khakna suangtum

kuan hong likkhiatsak ding hiam?” ci-in khat le khat a kikum uh hi.

4 Ahi hangin a daktoh uh ciangin a lian mahmah tua suangtumpi a tukkhia khin zo a

mu uh hi. 5 Amaute han sungah a lut uh leh, puantualpi pak silh tangval khat, a

taklam-a tu mu uh a, amaute a patau uh hi.

6 Amah in, “Patau kei un, a kikilhlum Nazareth mi Jesu a zong na hi uh hi. Amah tho

kik zo hi! Amah hih lai-ah om lo hi. A kisialna mun en un.

7 Ahi hangin pai unla nungzuite le Peter kiangah, “Note mai Galilee ah amah na pai

ding hi. Ama hong gensa bang tektekin, tua lai-ah amah na mu ding uh hi,’ ci-in va gen

un,” a ci hi. 8 Tua numeite lungmang le ling kawmsa-in han pan paikhia-in a tai uh hi.

Amaute lau uh ahi manin kuama kiangah bangmah a gen kei uh hi.

9 Nipikal ni masa ni, zingsang tung, Jesu a thawh kik khit ciangin a sung pana dawi

sagih a hawlkhiatna nu Mary Magdalene kiangah a kilang masa pen hi.

10 Tuanu pai-in amah tawh a omkhawm ngei, adah a kap laite kiangah thu a gen hi.

11 Jesu nungta-a amah in mu khin zo cih thu amaute in a zak uh ciangin a um kei uh

hi.

“Tuanu pai-in amah tawh a omkhawm ngei, adah a kaplaite kiangah thu a gen hi.” (Mark 16:10)

Thawhkikna Sunday ni in, Mary pen lungdamnading dahna, nuam nading kahna, lametnading lungkiatna cihte galkah hi.

Tua ni a Jesu a muhna in, Mary lawpna tawhkidimsak hi. Ahuh theih aom loh hangin tai khiaa, lungdamna thu miteng kiangah gen hi.

Eite zong Jesu tawh i kimuh khit ciangin tai in ituah thute i gen ding ahi hi. Ahang in lungdamna thu pen genkhiat ding kilawm hi.

Ahi zongin, kuamah in Mary thugen na um lo hi (Mark 16:11). I genkhiat thute mi khempeuh in um pah dinginlamen kei in. A tawpna ah um gai veve uh hi!

Sawltak 4:13 Amaute in Peter le John a hanna mu uh a, lai siam lo mi

mawkmawk ahilam uh thei uh ahi ciangin lamdang sa-in hih mite Jesu

tawh a om khawm uh hi, cih a phawk uh hi. 14 Ahi hangin cina a

damsakpa uh amau tawh ding khawm a muh theih manun bangmah a

gen thei kei uh hi. 15 Tua ahi ciangin Sanhedrin panin kihemkhia dinga thu

a piak khit uh ciangin, amaute thu a kikum uh hi. 16 Amaute in, “Hih mite

bang cih ding i hi hiam? Jerusalem a teng mi peuhmah in lah, nalamdang

thupi khat a bawl uh thei uh a, i nial nading lah a om kei hi. 17 Ahi hangin

tu-a ban, hih thute milakah a kizelhbeh nawn loh nadingin kham ni. Hih min

tawh mi khatpeuh tungah thu a gen nawn loh nadingun i vauhilh kul hi,” a

kici uh hi. 18 Tua khit ciangin amaute sam kik uh a, Jesu minin thu gena, a

hilh nawn het loh nadingun thu a pia uh hi. 19 Ahi hangin Peter le John in

“No le no kingaihsun dih un, Pasian mitmuhna ah Pasian thu sangin no thu

kong man ding uh, koi maanzaw ding ahi hiam? 20 Ahang in, ka muhsa uh

le ka zaksa uh thu gen loin ka om thei kei uh hi,” ci-in a dawng uh hi.

“Ahang in, ka muhsa uh le ka zaksa uh thu gen loin ka om thei kei uh hi” (Sawl 4:20)

Sawltakte kikheelziate in lunglut huaimahmah hi. Amau a langpangtenangawn in Jesu tawh om khawm ngeiahih lam uh mu thei uh hi (Sawl 4:13).

Peter Amah le amah dinna Christ tunga kinga

John Vanging tapa Itna sawltak

Thomas A um theilo mi thu-um mi

Sawltakte khat sim i a phutkhak thute uh kibang lo a, amau mimal phutkhakte leh a lamdang tecipannate gen khia thei uh hi.

Jesu in eite nunzia zong hong kheel hi. Haksat hun sung nangawn ah ei mimalphutkhak thute i hopkhiat ding ahi hi.

Paul’ kikheelna in pianthaknateng lak ah mithong la pen khat ahi hi. Sihna pana thokik Jesu a muhna in a nuntakna bulpi kikheel sak lian hi.

A tecipanna a gen ciangin a nuntak sungah khat vei kikheelna thu genziau lo hi. Pasian in a nuntakna ah nasem lai a hihna hilhcian hi. Ama kikheelna in nisim thaksuah den a, “Nisim in ka si hi” ci hi (1 Corinthians 15:31).

Tecipanna in ei thu genna hilo a, Pasian’ thu ding hizaw hi. Ama mawhmaisakna, a nisim thupha-te, tehpih omlo Ama hehpihna, Ama tawntung itna cihtehopkhiatna ahi hi (Late 103:3; Kah. 3:23; John 1:16; Jer. 31:3).

1 John 1:1-3

A tunga omsa, kote in ka zaksa uh, ka mit uh tawh ka muhsa uh, en-a ka

khut uh tawh ka lawnsa uh, hih nuntakna Thu tawh kisai kong tangko uh

hi.

2 Tua nuntakna hong kilang zo a, kote in mu khinin teci ka pang uh a,

Pa tawh a om khawm ko kianga hong kilak tua nuntak tawntungna no

tungah kong tangko uh hi.

3 Note zong kote tawh na kipawl theih nadingun, ka muhsa uh le ka

zaksate uh no tungah kong tangko uh hi. Kote kipawlna ahileh Pa le

ama Tapa Jesu Christ tawh kipawlna ahi hi.

“Jesu tawh ka kikilhlum zo a, kei ka nungta nawn kei hi; ahi hangin ka

sungah Christ a nungta hi. Ka pumpi sunga ka nuntakna pen, kei hong

it-in, kei ading amahmah a kipia pa Pasian Tapa upna-in a nungta ka hi

hi.” (Galatians 2:20)

Sawltak 26:12 "Hih banga ka khualzinna khat-ah siampi makaite thuneihna le

thupiakna tawh Damascus zuatna lampi ah ka pai hi.

13 Sun pawlin Kumpipa aw, ka paipai laitakin van panin ni sanga tangzaw khuavak

khat ka mu a, kei le ka tonpihte kimkot a tanzal hi.

14 Ka vekpi un lei-ah ka puk uh a, aw khat in Aram pau in kei kiangah, ‘Saul, Saul,

bang hangin kei hong bawlsia na hi hiam? Na khe tawh tulzum na suih ding, nang

adingin haksa hi,’ hong ci hi.

15 ‘Tua ciangin, ‘Topa aw, kua na hi hiam?” ci-in ka dong hi. “Topa in, ‘Nong bawlsiat

Jesu ka hi hi; 16 tu-in tho inla, na khe-in ding in. Nang ka nasem ding le kei tawh kisai

na muhsa teng le kong lah lai dingte ah teci dinga hong seh dingin na kiangah kong

kilak hi. 17 Na mipihte lak le Gentile-te panin kong hukhia ding hi.

18 Keimah hong upna hangun mawhnate maisakna le sian thosaksate lakah mun a

ngah theih nadingun, amaute mit honsak ding, khuamial pan khuavak ah a hei ding,

Satan vangliatna pan Pasian lam a ngasak dingin nang kong sawl ding hi,’ hong ci hi.

26 Kumpipa in hihte teltaka a theihsa hi-a, ama tungah ka ut bangbangin ka gen thei

hi. Kong kawmlak peuha kihih hi lo ahi manin a theih loh om lo dingin ka kipsan hi.

27 Kumpi Agrippa aw, kamsangte na um hiam? Na up lam ka thei hi,” a ci hi.

28 Tua ciangin Agrippa in Paul kiang ah, “Hih hun tomno sungin Christian suak

dingin hong zol zo a ki-um na hi hiam?” a ci hi.

“Tua ciangin Agrippa in Paul kiang ah, “Hih hun tomno sungin Christian suak dingin hong zol zo a ki-um na hi hiam?” a ci hi” (Acts 26:28)

Rome gam sunga Emperor Claudius kepna nuai ah Herod Agrippa II khangkhia hi. Clalcis ii gam neu khat amah kipia a, Jerusalem biakinnpi a sai dingin thu kipia hi. Agrippa II in mite kiangah Judah te ngeinate zui a hihna lak hi.

Hih a um theilo gam-ukpa kiangah Paul in migitna lianpi lak hi. Agrippa in ama mi-mal tecipanna a gen nading hunpia ahih manin Paul in lungdam ko hi.

Paul a thugen laitak ki-paumelh ahih manin, amah in Agrippa mimal dotna nei a, “Na um hiam?” ci hi (aneu 27).

I nuntakna sunga Pasian hong sepsak sate in midangte tungah huzap nei mahmahthei hi. Jesu saanna leh tatkhiat sa hihna in bang tawh kibang hiam cihte mite kiangah i lak thei a, Jesu kiangah mite a ki-ap dingin i makaih thei hi.

“Pasian thu hoihna le hong tung ding

khanghun vangliatnate a ciam khin mite

(Hebrews 6:5) in amau inn sung ding leh a

vengte lak-ah sep ding nei uh hi.

Gupkhiatna lungdamna thu midangte

kiangah genkhiat ding ahí hi. A hong

kheel Pasian’ vangliatna a phawk thei

mite in lungdamna thu puak ding

ngaihsun thei ding uh hi. Pasian’ itna a gen

theih nading mite om ding hi. Amah in

Topa leh mimal Honpa, i ompihna biakinn

sunga gen thei a; tecipanna baihno takin a

gen pen dangnal in thugen siampente

thugen sangin hoih zaw thei ding hi.”

E.G.W. (Counsels on Health, p. 32)