Mokokchung, May 5 (TYO):Political party kecha tebendangmelii Aor legislator par punguiMay 5 nü Mokokchungsemdanga Ao Senden, Watsü,Ao Kaketshir Mungdang, AllWard Union Mokokchung,Mokokchung Town LanurTelungjem aser distr ictadminis tra tion den sendenbalala mena Covid19 daksentakba nung tensa tiaasadanga sensaksem kaogo.
Senden nung legislator katijembidang, asenok ya green-zone sangdonga a linungrongsenkettsüng renlokbawadangtem kangabomenokdangtsüla saka lokti
nungi pilaa a litsü asoshibangdaki tetuyuba kechisaagüja lir, itemjibo kanga jungaanitaka inyaksangshitsüla tatebilemba ka lemsatep. Tangya party politic jembitsübamapang ka masü, anungji,telok ajaki bendanga agütsübashisatsü dener kati kanungittepa inyaktsü asoshipaisa shisem.
Tasümang aremtsüba daksentakba nung yim ajaklirumedem kati arutettsüsalenmang kar inyakdaktsülaaser iba mapaji Ao Sendeni anirWatsü Mungdang aser AKMlungjemer inyakdaktsünür, tapaisa mepishia ashi. Covid19wara anema raratsübaji rulinggovt.-i dang inyaktsü ta mali,iba ya alima sünga aoba waraka lir, anungji, ruling-opposit ion ta kecha meliilungjemer inyaktsü asoshipaisa ayongzük.
Ao Sendeni anir lokti balaladen senden mener külenji parpunguisa Mokokchung districtadministration den mensembalaka mena tensa tia indangasadangtepa teinyaktsü ishikalemsatepa liasü.
Aor legislator par pungui Mkg semdanga telok balala den mensem aka
Abelen nungi: Advisor Dr. Longri, MLA Dr. Imtiwapang Aier,minister Metsübo Jamir, MLA Imkong L. Imchen aser MLAAmenba Yaden nungertem angur.
Dimapur, May 5 (TYO):Nagaland COVID-19 HelplineToll Free Number - 1800 3450019 lapokba ajanga tangahelpline numbers ajak agiener,anungji iba number ajanga dangCOVID mesüra non COVIDosangtem tongteprateptsümetetdaktsür, ta PrincipalSecretary Home, Abhijit Sinha-itanü ashi.
Iba Helpline ya yashiNagaland Chief Minister-i lapokjaliasü aser state sorkari ProjectStep One den tesentaktep yangluriba ajanga Tele-medicine dak
sendakba teyari agütsütsü, tapaisa ashi.
Iba Helpline ajanga AllNagaland CounsellorsAssociation (ANCA) den yaritepaTelephonic Counselling, nonCOVID health onüktemasüngdangyatsü, COVIDinformation Centre, nCOVIDNagaland Visitors App aserCOVID-19 dak sendakbaGrievance Redressal onüktemlemsateptsü akok ta PrincipalSecretary-isa metetdaktsüogo.
Dimapur, May 5 (TYO):Nagaland sorkari totzü nungCOVID-19 cess agitsü lemtetbaatema sasa bilemer kechiyong ibaajanga state nung alirtemi timtemajurutsü ta Naga Hoho-imetetdaktsüogo.
State sorkari COVID-19azüoktsü atema kanga dangmeranga inyaka arur aser ibaatema tenüngsang agütsür.Ajisüaka ajungben lockdownajanga nübortem timtemba asoshiyariteptsü melena sorkari totzünung jenjang atuba ajanganübortem ang tali timtemtsü, taparnokisa ashi.
Iba telemtetba yamebilemdangi agiba ka lir. Totzüjenjang atuba ajanga shishilembarkari tim mesüi osettem miimaayuba mapa inyaktsü akok aseriba ajanga jenjang atutsü. Covid-19 anema raraba tenüng amerstate sorkari nübortem anema ibaama mapa meinyaktsüayongzüker, ta CommunicationCell sangdong ka nungmetetdaktsü.
Anungji, Naga Hoho-i Covid-19 cess agitsü lemtetba meyipaagiang ta state sorkar dangayongzüker, ta sangdong nungsashia lir.
Dimapur, May 5 (TYO): Dimapurnung ki kiburtemi shishilembartemdang nungi ki para magiba atemakanga pelar, ta Dimapur Chamberof Commerce and Industry(DCCI)-i metetdaktsüogo.
Iba ama tensa nung akokbatashi nisung kati ka yariteptsüla
aser onoki ki kiburtem dangshishilembar dang nungi dokanaser godown indang ita ka paramagitsü atema mepishir, kechiyonglockdown ajanga shishilembartemkanga timtemer, ta parnokisametetdaktsü.
DCCI-isa DMC, DAN dangparnok indang buildings, market,aser complexes nung alirtem dangita ka indang para magitsü atemamepishiogo.
Dimapur, May 5 (TYO):Kohima aser Dimapur nung CivilSecretariat aser Directorate temaser district ajak nung sorkaroffice tem lapoktsü atemaNagaland sorkari tetuyuba kaagütsüogo.
Secretariat nung DeputySecretary aser temabaketdangsertem, Directorate nungDeputy Director aser temabaketdangsertem aser District officetem nung HOD den immediate
junior tem office-i aotsüla, taMongulbarnü sorkar sangdong kanung metetdaktsüogo.
Tanüngba ketdangser aserstaff tem atema roster system kayanglutsüla aser hopta shia staff50% melentepa mapa inyaktsülata sangdong nungsa shia lir.
Iba tetuyuba sülen anidaktsüatema administrative heads ofdepartments, heads of departmentaser heads of offices-i mapainyaktsü metetdaktsür ta sorkarisa
Dimapur, May 5 (TYO):Mokokchung nung shishilembartemajaki ketdangsertem den amaliteptsüaser COVID-19 atemabangdakpurtemi ashiba ama inyaktsümetetdaktsür, ta MokokchungChamber of Commerce and Industry
Shishilembartemi timtem karajurura MCCI nem metetdaktsütsülaaser shishilembar kari MCCI dangmemetetdaktsüi jenjang turyokyayokji süra, iba tebilemtsüji pai/lai dang abentsü, ta parnokisametetdaktsü.
Amsterdam nung July 11,2002 nü Government of Indianungi teshimtet nübutem aserNSCN lenirtem sendenamendang Naga nunger putiotsü aser tensa ajitetbaotsüsütsü overnment of India-isangdongba atema tang tashiDutch sorkar dang NSCNsentsüh lir, ta sangdongajangasa ashi.
Dimapur, Monupii/May 05(TYO): Padma Shree aserArjuna Award angur, aser Indianunger football asayar tejenaser taoba Indian football teamnung captain alisang, BaichungBhutia-i Zunheboto Districtkübok Suruhuto Sub Divisiontask force nem COVID-19tashidak wara den rarabamapang amshitsü atemasenotsü teyari agütsü.
Baichung Bhutia-ia yaktaSuruhuto Sub Divisionsemdangtsü, ta shia liasü.
Baichung Bhutia-i Suruhuto TF nem senotsü teyari agütsü
Baichung Bhutia (File photo)
Dimapur, Monupii/May 05(TYO): Ministry aser Statesorkari tang tesüsa May 04,2020 nü totuyuba agüja alibaden repsema, Kohima DistrictTask Force (DTF) on COVID-19 senden ka DeputyCommissioner, Kohima indangoffice chamber nung May 5,2020 nü senden ka menadistrict nung tajungtiba nunginyaka aotsü atema guidelinetem reprangshia liasü.
Iba senden nung DTFzüngsemtem den Minister,Housing and Mechanical,Tongpang Ozukum aser MLAKhriehu Leizietsu na denaliasü.
Hombarnü cabinet sendennung jembiba indang MinisterTongpang-i iba senden nunglemsatep aser district nungtang teinyaktsü tongtipangtibamapaji district telungtet nungsenzütsü totuyuba agüja aliba
ama pei kidangi moteti alirtemanepalua pei ki/districttongtsütsüba ya lir, ta ashi.
Tanabuba nung sorkaritotuyuba agütsüba nungajemdaker sta te a lema orralirtem district-i arutsü alibatejangja meteta meratemagitsüla, ta pai ashi.
Ministry of Health & FamilyWelfare, GoI ajanga benokbatelemsa nung Nagaland Stateajunga Green Zone-i aiter,anungji Nagaland telungzüknung aliba district tem nunginisungtem Kohima districtkübok yimtsüngtem aser jilatemi aitdaktsütsü melatsülaaser anogo 14 home quarantineasütsüla , ta MinisterTongpang-isa ashi.
TIR YIMYIM, DIMAPUR RASEMNÜ (WEDNESDAY) MONOPII (MAY) 06, 2020 REGIONAL 33ASTC-i bus service tenzükshitsüogo
Medical mapa inyakertemi protective gear agir mapa inyakba angur. Kamrup Metropolitandistrict administration-i medical mapa inyakertem dang COVID Care Centre (CCC) aserDedicated Covid Health Centre (DCHC) nung yariteptsü atema tenüng agütsütsü mepishiametetdaktsüogo. (Kamrup, May 5)
Guwahati, May 5(Agencies): Lockdowntetuyuba kar agienba sülen,nüburtem senzüsenbongdaktsütsü atema,Assam Transport Department-i achaayanga Assam StateTransport Corporation (ASTC)den longjemer city bus servicetem tenzüktsüogo.
Guwahati yimti telungtetnung senzüsenbongtsü atemaHombarnü city bus 100 senzütsüasoshi temelaba agütsü. Iba denkülemi Assam telungtet nunginter-district maparen atemabus 214 yoka liasü.
Bus service tenzükshitsübaden külemi, COVID-19 daksendakba nung tetuyubatemtalisa nüburtem iba wara nungi
Bus tem senzüsembongbaden bus ka nung danga seatshilem 50 dak tema nungpassanger memendaktsütsü aserpassenger abenba taxi gari nungpassenger ana dak tema manitsüasoshi tensa asadangtsü atemateam tem yokogo.
Guwahati, May 5(Agencies): Assam nung anonisung ka dak COVID 19 alibaputetogo aser iba nisungzüngsema nisung ajak agi 43jungogo.
Iba nisung ya Goalpara nungilir saka petsaprong masütsüla
kechiyong pa containment zonenung lir, ta Assam HealthMinister, Himanta BiswaSarma-i tanü metetdaktsü.
Tang tashi nung Assam nungnisung 43 dak COVID-19 alibaputetba nungi nisung 32 taneptsünguogo aser ka asü.
NE state tem nungi nisung284 Meghalaya tongogo
Assam nung nisung ka dak COVID 19 putet
Agartala, May 5 (Agencies):Hombarnü Tripura state kübokDhalai district ya 'red zone' kalir ta osang metetdaktsüogo.
Tesüiba anogo ishikatejakdang, Dhalai tesem yagreen zone district amasangdonga liasü, saka Deobarnüdistrict nungi BSF jawan 14 dakCOVID-19 wara tejangjatendangtetba sülen, sorkari ibadistrict ya red zonekümdaktsüogo.
India aser Bangladesh arrtsüsendaka security layer asemamenoka lir. International arrtsüajungalen shibangtsüogo. Ajiasünung, BSF jawan tem yaBangladesh nungi iba tashidakmena alitsü ama masadangteter.
Arup-i ULFA(I) a jangainyakba mapa aika nungshilem agi aser iba nungNovember 27, 2019 nü Joypuraser Naharkatia nung wakoasongba dena lir ta osang kaajanga ashi.
inyakdang ajurushiba kar- S. T. Yapang Lkr. Kohima
Tenzükshitsüba mapang Ni shishilembaba mapa inyaka chiyunga alir ano nübur temeten asoshia inyakdanger,ana ya ni asoshi nok o nokleptsü na ama tepila mali, anungji item maparen inyakdangajangshiba kar lemsateper, iba lemsatepba ajanga shirnok Kohima telungzük nung jangotsü(grocery) dokan shishilembaba mapa inyaker mesüra inyaktsü bilemer parnok asoshitangazüktsü alitsü ta imlar. Anosa shirnoki nübur temeten asoshi aria bilemer mesüra loktitentet dak mulung masüba mesüra nübur asoshi inyakertemi junga meinyaker ta bilemerparnok asoshia iba ya tajaba shiti ka mesüka alitsü.
Shishilembaba mapaji ni meinyaknüba mapa ka, saka kodamasü tensa ka ajuruashishilembaba mapa nungji pongsemtsüsa aküm, 18 Jan 2016 nungi dokan lapoktsü tenzük,18 Dec 2016 yimdaki Christmas amungi aotsü züngdangdang Dokan nung akaba oset, senaser paki ajak senteper 97,000 shi dang liasü, saka medemer aser kinunger dang apuadokan nung inokba senjibo lakh 3 shi liasü, ni dokan nung kü kija tera mangmangkoramener bilemdang "anogoshia kanga junga ayoker saka sen tajemba tajemba dang akümer,ya koda asü” iba mapang temulung nung telemtetba ka ayu, aji kobanü tangar dang apuaaliba sen ajak dokan nung sen mesüra oset jaki abensadir, ajangshia aruba aser Tsüngremimoatsüba indangji nübur danga lemsatepdi ta terenemba ka ayu, tanü ibaji lemsateper.
Dokan nung sen ajema akümba kuli kar item ya liasü;1. Jang, alo, pengana amala Dimapur nungi abenba osettem ajak Transport nung abenbaji
parnoki posta shia aser carton shia auyazük, saka ibaji 2017 küm ang puteta kenü indangauyaba menokdaktsüba süngla sen 480 liasü. Joko tesüiba indangjibo memeshili ta sürodang toktsü.
2. Kinungtsü tanur soa anepaluba mapang ni department balala sema senzüdang dokanaiben shibanger senzü, taritep nung secretariat tashi tetsüng agi aiben yili adokli tasenzü, kechiyong bus nung senzübaji talongtsü nongtepa yur moteti anogo mungalentom nung kazür, anungji asema yir adok. Dokan shibanger oset mayokbaji dangmasü senzüsenbongba aser RTI alizükba ajakji dokan sen dang indok. Khenbo departmentka kija nung alizükba senji 13,000 tashi liasü. Kibong nüngdak ajak dokan dakji dangmetaloker alir.
3. Paki ajanga dokan nung sen meindaktsüi sota ayuba dang masü telungi ludaktsü, dokantila nung paki 70,000 nungi 80,000 tashi liasü, item rongnungji asenibo timtemer meimapaki agütsübaji aikati magütsü jena ao aser moaka joko angutsü timla mali. Kohimanung shishiba yimyaji jenjang talangtiba agi yokteper asünungji paki agütsüba nungiaruba tajangzükji 3% shi dang saka asen dokan para nungi shir oliora, sarusaji,department registration balala aika lir, item nung indokbaji dokan sen nungi 4% shi lir,anungji ita nung paki ajak aru nunga süngla tajangzük 3% dang saka aseni parnok sentsühotsübabo 4% ta asübayong meyiper aseniang paki agir sentsüh otsüa kazür amaasübayong rongsenji tajemba tajemba aküm, ibayongji paki tera ajema agütsütsülemtet. Tamakok aika ajuruba kaji Kohima town nung asen Naga nunger jangotsü temejadokan lapoka makaba ajanga tasüngdangdak maka kecha lenmang memeteti tenzükbaajanga liasü.
2017 nungi tapokji meteta shishi, paki tajemba agütsü, aser Kohima nung jenjangjitalangtiba wholesale nung agütsü nung dang alir anungji paki wholesale nung moatsü,saka sen tera timba ta küma yanglushi aser 2018 küm tera tajungba oa aliba mapang 03/08/18 anogo ita tasen nung paki bendenba aser oset ayokba ajak auya bener odaktsü, yangjiATM aser Addhar, PAN card aser kinunger indang ATM kar dena liasü, ano kinunger kaindang Assam car registration card ka liasü, ibaji sen aika indoka yanglutsü merangdangertaoba ita to tatemsa sen 4000 shi agütsü nung ajungtsü ta tzümartem jaki ashi anungji nimagili nenok agiang ta sür yutsü.
2019 tetenzüklen tesamabatemji mapang agia yangluzükli senjuli rangben bener shishiiaoba sen den teyanglushiba oset ajakji tenük mesepshi nung samadok. Yamaji süaka anomedemer dang sen talila apusemer asentenshitsü merang. Nisung aika sen juli samabamesüra auyaba sen menguaka ATM amala Addhar card amalabo lenti nung yutsüa lia shiaarur, saka nibo anaben prong kecha tsüngsü mangutsüsa nübur dang ajurushi. Sentsühmadak sentsüh aliba mapang matong ali nung temtok ama ajurujen ajuru. Asenmekümdangba agi asü tatidangbatem liasüar ashitsü makok, saka tanü item tiatem lepabilemtetdang Tsüngrem tenüng asanger.
Kodangsa rongsen agi timtemdir mesüra senotsü samar tantsü danga kodaka ang mashialiba mapang shitak nung metettepa alir mesüra Department nung sentaka alir rogotemi"timtemra mesüra asenotsü nüngakra shiangma no" ta aser "sensepjuli züngya (Accountno) yokang senotsü tera oda ne nem agütsürba masü, tanur nem tula süoshi ka dangaalitsütsü asoshi sen lakh 10 danga inoktsüdi" ta sa ashi, ni o tajung agi magili ta sa shiryutsü, saka karibo onsarasa mepishi nungji “Nenoki ochimeshi bendena ayuba sen ibameyamenaji ni benzüktsü asü?” ta dang asüngdanger yutsü. Ano department aika semdangasenzüdang shitiseptsü (envelop) nung sen pokra seper “Ya nenok oliora dang totzü inokbasüang, ya nenok mesüzükerba masü, anungji item sen yabo yimlibilema agiang" ta sa ashi,ajakji kasa o dang shir yutsü. Ajisüaka item maparen nung mepongsemdang nungi shiriasen meima yaria arua liasü, parnoki teyari tulu agütsüba ajanga tapok atepa arur.
(Maneni asüng adok nung...)
Alima nung nisungtem asoshi lendong aser takoksatulutibaji tasüba serbo kitsük kirong lendongajuruba ya asütsü. Tasübaji ojang, aji oda Yisui ashi
ama, parnokji tasürtem nem tokjang saka kitsükkironglendong atalokbajibo ojang ta masü ano taküm aser kibongkhen jungjunga tenzükshir aotsüsa akümtsü. Ashiko, kibongkarbo kitsük kirong lendong ajuruba sülenang tajungba liaaoba kibongtema alitsüa akok. Item kibongtemji takabaajak mitsü küma samaer külen ajak tasen küma tenzükshibataküm aser rongsentem asütsü. Ibaji mesüka tang asenokalima ajunga den külemi tashidak wara tesashi arutsübuseta mongtepba tensa mapang ya liayonga aruba pututamajung ka tembangadoker aser tang nungiang putu tasentajung ka tenzükshir ta bilemdi. Tasen ka tenzükshitsübaji,aiben, takoksa aser tamakok tulu ajurur külen tenzükshir,anungji tasen ka tenzükshiba mapa nungji joko aibelenmasütsüsa nisung shiai pei temulungjang nungtenangzükba ka agiadoker. Tanü tashibo asen lima nungboiba tashidak agi asüba osang kata mali, saka asenoki tangalimatem nung tasümang remer merema asüba angur aserangashir. Tanga limatemji ken toktsür, US kija nung ibacovid19 wara yagi nisung lakh kabo asütsü amai tashisaboluseta tir Donald Trump-i ashiba o ji ajak asoshishisabolutsü o lir. Iba wara yagi nisungtem rongnung takarsensaker kecha mebendangi samatsüba angudang, shingaiamajungshiyonga nisung aika memeteti temulung meyiper.Aji oda, iba ama wara agi nisungtem ajungbena pei rongsentulu aser kinunger tajung toktsür aoba angudang, alimanung nisung dangbo rongsenang temeimba meimamorumorua inyakba aser bendenba ajak to amajoka tashingaia nenshia mashiyonga angatetter. Asenok yangialima tilaka nung alirtem asoshia tang tashidak waranokdangtsü asoshi arsangokja inyaktepba mapatem yagiyimsüsürtemi anir nübortem aika pei mapa nung tashimaitaika peisasa reprangteta melenshitsü asoshi tenangzükbaagir asütsü ta amanger.Atangji, ajungbena shingaiamemetetba tashidak mesen agi alima wara kümerarunungji, alima kintem shinga renema mali asü. Ajisüaka,merenemsa asüyonga Nagaland merenemtetba yabokenyongi balaka, kechiyong Nagaland nungbo taneptsüangutsübajibo yutsür, government mozü ki ka nung dangatashidak wara tendangtettsüsa renema makaba agi asenoktalila timtem takoksa aser shisabolu ajurudagi. Iba amatashidak tasen aser tesashi arudang dang masü sakanübortemi temulung lemtettsüsa asen lima nunggovernment mozü kitem meyutetter, ibayongji govt mozükidang inyakertem dena taneptsü nüngdak dangbo tangamozü ki bushia aotsüsa akümer. Atangji, nübortem anemaalitsüba nüngdakji government nung alirtemi kanga jungameteta lir, anungji temulung agüja inyaker amai sakagovernment nung alirtem shirang dang pei mozü kidangtaneptsü angutsü ta temulung melemtettsüsa renemaaliba jenjang jagi asenok anema alitsü asoshi koba tashikarenema aliar sayur. Tanü ama asenok teimla samatsüsaajuruba tensa tia yagi, jokorla asenoki taoba pututem nungmebilemdangi inyakba mapatem kanga jungarejemdaktsüogo ta bi lemer. Ashiko, Covid19 waramarudang taoba putu nungbo asenoki yimkong asoshimozü ki tajung tuluka yanglutsü melen asen kija agitsü aserakatsüang bilema inyaker südi. Aji oda, taoba putu tashinungbo asenokbo meshirangtsü ama bilema mozü ki tajungnüngdakba nung temulung magütsüi arur südi. Ajisüaka,tang Covid wara aruba sülen yabo asenok ajaki asenokkülem taneptsü angudak mozü ki tajung nüngdakba indangkanga junga angatetogo. Aji oda, joko tang nungibo asenokajak temulung meyiper pei akatsü dang bilema masü sakayimkong akatsü bilema pei jakla aser mapa tenzükshitsüimlar. Asenoki tang putu tasen ka tenzükshia aodangmamatsüba tongtibang kaji, asen kija akabaji yimkong akamasü saka yimkong akabajibo asen aka amai asütsü ta asübatangatetba nung asentenshir, lanurtemi Naga lima tasenküma yanglushitsüba mapangji tang tenzüker sangma.
TIR YIMYIM, DIMAPUR RASEMNÜ (WEDNESDAY) MONUPII (MAY) 06, 2020 KHRISTAN TAPAK 55
ONOK DEN LIANG"Nütsüng ana jagi Yisu parnok den alitsü
majungshi asübo, pai parnok sentoktsü, aserparnoki Pa atenba tepela, asser Pai pa sasajungkai asokba zütoker lila. Lessonji asenokasoshi lir. Asenok Yisu asenok den alitsümajungba ajanga pa nungi tepela aika mangur.Ajumgshibaji Pai meimer, Pa atema jangramalidaki Pai maor, Pa atema jangra malidakiPai maor, Pa atenba jangra mebushir ilenjagiPai maor. Asenok dak temeim aki nung dangasenoki pa temeim nung pelatsü akok.
Khrista den telungjem akatsü mejangraba agiasenoki Pa nungi tepela peria mangur. Pai tetiasenok den alitsü mulunga lir, asenok mapanung Pa teti tener, asenok tatidang nungPai tetiasenok den tener, asenok tatidang nung Pai tetiasenok den tener, saka aikati pa den teti alitsü.
Taoba ita tatemlen nungiSouth Korea nung Arogotulutemi Tenla kitem lapokogo,ajisüaka menden ishika dangayuba den tekülem sentongnung adentsü atema arurtemjikanga pilar mendaktsü asermask agidaktsü. Sorkaritamangba dak sendakba loktiadenshiba tsütsü talenba terasalatsüba sülen linük nungTenla kitem lapoker.
China linük nungcoronavirus tashidak mezüngpoktetba sülen linük balalanung proktsü tenzükba mapangnungbo South Korea-ibo kangajunga nokdangtet, saka tesülentenla ki densema lokti balalanung iba tashidak prok tenzük.
US nunga Arogo kari Tenlakitem tanaben lapokogo, itemrongnung Texas nung alibaFellowship Church densema lir;iba Arogo nunga menden shilem25 nungdang nisung menertekülem sentong agitsü melar.
Tesüiba mapangtem nungrevival ji tesem ka nung dangadoka prokshi aser mapangtalangka revival milakji jangrualiasü, ajisüaka tang coronaviruswara mapang nung Khristanministries ji Tenla ki telungnungdang masü saka tangboonline ajanga ajaki Khristanministries kulisüa ngudar; iba
Alima tesem ajaklen asentenshi milak ka arutsü ta aikati amangertetezü internet ajangaasentenshi milak ka jangrubajagi alima ajak kongshitsü akok;aser putiotsü nung tang mezüngalima ajaki iba asentenshimilakji ajangshitsü.
Christ for All Nations nungiEvangelist, Daniel Kolenda-i,"Tang asenok putu balaka nungalir, kong nisung million aikationline ajanga iba tatalokba(revival) ya online ajangaangutsü. Ni lanuwa Laishibaazüngdang 'Yisu Khrista alimaitanaben arudang nisung ajaknük agi Pa angutsü' ta Laishibanung shia aliba ni bilemteter.Ibaji takoktsü na, ta nisüngmanga liasü, saka tangboni ibaji melamela angateter," taashi.
1990s mapang BrownsvilleRevival nungi John Kilpatrick-i ashiba agi, "Tanübo mediaajanga Tsüngremi inyakba ajakalima ayimsünga proktettsü.Internet ya zütsük (net) ka lir,aser Tsüngremia Pai nisungtematsüer arutsü atema zütsük
DABA OFFICE AJANGA SANGDONGERTemeim amangbapurtem ajak dangi asen
Alima tensa agi melara, asenok lokti tekülemagitsü asoshi telemtetba mapang jilia arogoimetetdaktsütsü, saka tensa agi bener marutsübamapang ka tashi, asenok kibong tekülem kesayimya nung dang agitsü asünung, Aonung aserDeobar anepdang Kibong Tekülem nung atentsüasoshi ken number agütsür.
Anogo Tetenzük ken Tatem ken6th May 2020 (Wed.) 270 2749th May 2020 (Sat.) 256 15210th May 2020 (Sun.) 347 34513th May 2020 (Wed.) 43 29816th May 2020 (Sat.) 41 16317th May 2020 (Sun.) 54 12220th May 2020 (Wed.) 249 42623rd May 2020 (Sat.) 120 18624th May 2020 (Sun.) 48 5627th May 2020 (Wed.) 5 18230th May 2020 (Sat.) 296 6031st May 2020 (Sun.) 2 196
Joko ita ka dak tali kidang shibanga ayurasünung lakya alitsü südi, saka ibai mapangtajung ta bilema, asenok ajaki pei kibong aserTsüngrem den tesendaktep tajungba kümayanglutsü merangdi. Shibai metet kibongrangben anogo nung gondha 24 külemi septeperalitsüba maongka yabo ano mangutsüa akok,anungji shisa kaa asenok ajaki mapang tajungalangzükdi. Tsüngremi arogopurtem ajak Patekümzükba teka agi ayabanger tesünep nungyujangma.
Nenok Temeim Kibubar Sannüker,Rev. I. Wati
Pastor,Dimapur Ao Baptist Arogo
DIMAPUR AO BAPTIST AROGODIMAPUR : 797112, NAGALAND
Heidi Baker-i, "Alima nungkanga sensakertemiasmartphone alia amshiteter,aser ibaji ajanga alima densendaktepteter. Anungji tangboPa O ji (Tsüngrem O) kin aserlinük ajaki angashitsü. Iba yaatangji atalokdar," ta ashi.
Morningstar Ministriesnungi Rick Joyner-i, "Ni tanelaimapa inyakba ngudar. Ministrybalala aser denominationsbalala longjemba kulisüangudar. Iba ya Tsüngremermapa lir," ta ashi.
TANG NETFLIX SABANG AJANGA SAYUBA NÜNGTUGU SHOW KAR:1. Never Have I Ever2. Outer Banks3. The Last Kingdom4. Waco5. Ozark6. Too Hot to Handle7. Tiger King8. Absurd Planet9. Coronavirus, Explained10. The Office
TENÜNG : NUKSUNGLONG
Tasoba anogo : May 6
Temeim Tsüngrem küm 5 tashi jabaso Nuksunglong nai
aniogo. Ano maneni nü temoatsü nung aniangma.
- Temeim Oba,Oja,Medem,Otsü aser kinunger ajak.
Kidang Dal aon-i alakba agi kinungtsüdang joko dal aon-i lakogo ta ashi
nung, kinungtsü-i zükti asür, kimaleni odi asünung police-i zùkti asür"
Linük yimtiba nung Delhisorkari totzü ana nung VATajungketba sülen Mongolbarnüpetrol jenjang liter ka nung sen1.67 ajungketogo aser Dieseljenjang sen 7.10 ajungketogo.
Delhi Assembly nungOpposition lenir Ramvir SinghBidhuri-i, VAT saru ajungketbaajanga nüburtem talisa, sensaker,aluyimer, middle class asertransporters tem dak kangamejungi kongshitsü, ta ashi.
"Arvind Kejriwal-i anibasorkari taoba küm 5-6 tsüngdapetrol aser diesel nung saru 2.5ben aser 1.5 ben ajungketogo.State kecha nunga VAT saru
kanga aika ajungketba mali," taBidhuri-i ashi.
Paisa, Kejriwal-i iba saruajungketba ya agintsüla,kechiyong iba ya Delhi nungaliba nüburtem anema lir,shirnok linük mokdanger alibaaser COVID-19 tashidakpokteter aliba ajanga timtemnung lir, ta ashi
Kasa mapang nung eastDelhi BJP MP GautamGambhir-ia AAP sorkar aija,taküm February ita assemblyelection mapang par party-iangati agi power supply aser tzüagütsütsü nangzükba ateshiaparnok indang economics yakecha dena medemdangtsümakok ta ashi.
"Election magi tsüngda- onokiajak angati agütsütsü, sen agianünga mali. Ita ana sülen saruanaben benok, itasen agütsütsüasoshia sen mali. APP indangmedemdangtsü makokbaeconomics," ta Gambhir-i Hindinung tweet asü.
VAT saru ajungketba sülenDelhi nung petrol liter ka nung sen71.26 kümogo, koba taoba mapangsen 69.59 liasü, ta oil industrysources ajanga metetdaktsü.
Kasa mapang nung Dieseljenjang sen 69.39 kümogo kobasen 62.29 liasü.
"Solidarity Trial ajangatemang anepaluba yimya pezütendangtsü aser iba ya Covid-19 tashidak den apet mapet ajitendangtsü," ta World HealthOrganization-i ashi.
Iba temelaba agitsü asoshianogo ishika tejakdang ChiefMinister Vijay Rupani-i UnionHome Minister Amit Shahmatsüngda ketdangser karshima liasü.
"Centre-i BJ MedicalCollege, Ahmedabad nung'Covid-19' virus Solidarity Trialagitsü asoshi temelabaagütsüogo," ta sorkarketdangser kati ashiba den kasatetendangba ya tanga collegepezü nung agitsü asoshi tanginyaktepdar, ta shisem.
Iba hopta college pezü nungiba tetendangba agitsü asoshitemelaba agiba sülen Covid-19agi shirangertem registrationinyakyim aser 'Solidarity Trial'kübok mozü pezü amshiamedical trials tem SVP College,Ahmedabad, GMERS MedicalCollege, Gotri-Vadodara,Government Medical Collegeand New Civil Hospital, Surat,aser PDU Medical College,Rajkot nung tenzüktsü.
"Iba mozü pezü yaRemdesivir, Lopinavir,Interferon (beta 1 a) aserhydroxychloroquine meseraChloroquine lir. Iba tetendangbaajanga Covid-19 tashidaktajungba nung tendangtettsüasoshi mozü takaratiba nungngutettsü. Ibaji dang masü iba
ajanga tashidak mena alirtemtakaratiba nung aneptsü," taketdangseri ashi.
Covid-19 atema internationalclinical trial, 'Solidarity Trial' yaWorld Health Organization(WHO) aser linük 100 dak temasenteper agidar. Kasaji WHOaser Indian Council of MedicalResearch (ICMR) na senteperIndia nung 'Solidarity Trial'agitsü.
'Solidarity Trial' kübokCovid-19 tashidak den kobatapetba aji asadangtsü asoshitang temang anepaluba yimyatoktsür treatment pezümedemdanger. Iba inyakyimkübok linük balala nungshirangertem züngoksemer asermozü ajanga iba tashidaktashimaitba kümdaktsürmekümdaktsür mesera takümkümzüktsü mekümzüktsü ajitakatariba nung metettsü asoshinükjidong yur inyaker. Kulingutetba dak ajemdaker tangamozü tema amshitettsü.
T hi r u v a na n t h a p ur a m,Monupii/May 5 (Agencies):Congress party-i state toktsürpei talidaki aotsü asoshi jangrabaaayangertem nem teyariagütsütsü asoshi maongkaagütsüba Kerala sorkarimagizük.
Alappuzha nung districtCongress committee-i sen lakh10 bener otsü saka districtcollector-i iba sen magizük aserashiba agi, iba sen agizüktsüasoshi kecha temelaba agüjamali.
Alappuzha district collectorM Anjana-i ashiba agi, iba senagizüktsü asoshi sorkari kechatemelaba agüja mali.
Congress general secretaryKC Venugopal-i, Kerala sorkardang parnok ajema malutetbatoktsür sen agizüktsü asoshishiogo.
Party-isa, Bihar-i aotsüasoshi railways puri nisung kanung sen 930 meshir, ta ashi.Bendanglen nungi aayangiarurtemi ticket sen ya taobamapang dang nungi sen 200 agitimba ta ashishir, ta parnokisaashi.
ashiba agi, Congress party-iteyari asoshi teka salabaKerala sorkari magizükba yainyakyim tamajung lir.
Congress tir Sonia Gandhi-iHombarnü, pei kidangi meyipaaoba aayangertem dang trainticket sen meshiba atemasorkari aitsüogo aser lar party-i iba amala aayangertemshirnok linük mokdanga alibaajanga taolen makai lir, parnokindang train ticket senagütsütsü ta metetdaktsü.
Sangdong ka ajanga lai, ibaamala timtem mapang nungcentre sorkar aser rail ministry-i parnok dang sen agiba yaminperongtsüka lir, ta ashi.
Gandhi-i ashiba agi,Congress party kübok state unittemi teyar i nügdaka alibaaayanger aser tanga state nungiaayangi arur alirtem train nungsenzüzenpongba sen agütsütsüasoshi telemtetba agiogo aseriba dak sendakba nung jenjangtapet agidar.
Iba telemtetba ya otsüsütsüinyakyim ka ta shia Venugopalaser Congress' chiefspokesperson RandeepSurjewala-i ashiba agi, partystate unit temi aayangertemtrain nung senzüsenpongbamapang indokba sen, statechief secretaries tem nemagütsütsü.
Congress party-i sen agütsüba Kerala sorkari magizük
Company ajanga iba mozüya vial ka nung sen taka 5000nungi 6000 ($59-$71/per vial)tsüngda jenjang atettsü sentonglir, koba tezü ajanga tuloktsür,ta Beximco indang ChiefOperating Officer, RabburReza-i osangbener dang ashi,koba shiranger kati vial 5 nungi11 tashi nüngdaktsü, ta paisaashi.
"Iba mozüng indangbushisüngdangba maparenrenemba sülenang shirangerkati iba mozü kwi nüngdaker,aji metettsü, ta Reza-i ashi. Ibamozü ya tan ita nungi yanglutenzüktsü aser mezüngbo linüknung dang amshitsü, ta paisaashi.
Beximco-i iba mozü nungjenjang atettsü ashiba ajangasouth Asia linük nung shirangerkati remdesivir course ka
agitsü atema sen $295 nungi$781 (India nunger sen 22,000nungi 59,000) shi asütsü, tasayur.
Iba ajanga nisung takümkümzüktsü teimla aliba mozüjenjang sayuba tangmezüngbuba alitsü, kong alimatesem ajungalen iba tashidakwara azüoktsü merangba nungtimtem balala ajurua lir.
Gilead-i United States nungCOVID-19 agi shirangeryaritsü atema iba mozü vialmillion 1.5 tenlaogo, saka ibamozü jenjang ano mesangdong.
Institute for Clinical andEconomic Review (ICER)ajanga mozüi mapa inyakbaindang asadanga jenjang ateter,aser parnoki anogo ter atemaremdesivir ya sen $10 (Indianunger sen 757 shi) asütsü, taashir. Saka iba mozü yagishiranger dak teyari angubanung ajemdaker jenjang sen$4,500 (India nunger sen3,40,000 shi) tashi meshitsüakok, ta ashir.
Bangladesh nung Remdesivir mozü yanglu tenzüktsü
London, Monupii/May 05(Agencies): Europe nungcoronavirus agi nisung timtibaasüba linükji Britain kümogo,kong nisung 32,000 dak temasüogo, ta Mongulbarnüsangdongba nung shia lir.
Nisung aika asüba yagi AtoKilonser Boris Johnson dangikhuret tali arutsü akok, shibai ibavirus prokshiba azüoktsü mechianempongba ozüng ya dangaEurope lenirtem dang temonuba,March ita agüja liasü.
Asürtem ya yimya balalaamshia züngdang aser dangalinük den medemdangtsü tasak,saka Europe nung tamajungtibalinük ka asütsü ta yimyatejangja sayur. Danga linükaika dang Britain nung
Par sorkari nisung ajaktendangba maparena menurtenzük aser mozüki tem nemiba tashidak nungi jenbutsüasoshi osettsüset balala menurang agütsü, ta opposition temiashir.
Coronavirus agi asür ya ibadang nungi timba alitsü akok.Office of National Statisticsajanga ashiba agi, England aserWales nung April 24 tashinungnisung 33,593 sür alitsü akok,kechiaser nisung 27,365 asübakulikaket nung coronavirus agiasüba ta shia lir.
Alima nung COVID-19 aginisung 251,718 shi süogo, taJohn Hopkins Universityajanga data bendenba nungshia lir. Nisung million 3.5 daktema iba tashidak agi menepogoaser nisung million 1.2 shi
taneptsü nguogo.France nung COVID-19
tashidak ya December ita poktetta osang ka aliba yatesüngmangtsü mali, ta WorldHealth Organization (WHO)ajanga ashi.
"Iba dang tama menabaosanga alitsü akok," ta WHOodongtar Christian Lindmeier-iGeneva nung osangbener dangashi. Pai danga linüktem dang2019 küm tatemlen record temareprangshitsü ajungshi aser ibaajanga alima nem iba waraindang osang tejangjabaagütsütsü, ta ashi.
France mozüki ka nungpneumonia agi shirangertemindang sample tejen bendenaayuba nung COVID-19 agishiranger tebur ka December27 nung anepalua liasü, tangutet, koba linük nung ibatashidak mezüng jangjatetbadang ita ka jungnüa agi jeliaanepaluba ta angateter.
Russia nung tesüiba ghonda24 tsüngda nisung 10,102 dak
UK nung coronavirus agi nisung 32,000 tema süogocoronavirus putet aser ajimasüdang Hombarnü nisung10,581 dak puteta liasü.
Iba ajanga tang Russia nungnisung 155,370 dak virustasenba puteta lir, ta par linükindang coronavirus crisisresponse centre ajanga ashi.
Philippines health ministryajanga ashiba agi, par linük nungcoronavirus agi asür nisung 637lir aser nisung 9,684 dak ibatashidak jangjateta lir. Tangtashinung iba linük nung nisung1,408 taneptsü nguogo.
Novel coronavirus ya Chinanung arem shirurushishilempaba tesem ka nungiadok südi, ta Australia AtoKilonser-i ashi.
Scott Morrison-i ashiba agi,iba tashidak arem shiruruayokba tesem ka nungi poktetta Australia-i angatetbamelentsü kuli kecha mali.
"Ni tamalen ashiba ama itemtatalokba indang tangatetbamemelenshitsü ta meshitet, sakaiba ya 'wildlife wet market' kanungi adok südi," ta Morrison-iCanberra nung osangbener denjembiba mapang ashi.
Kasa mapang United StatesNational Institute of Allergy andInfectious Diseases nungdirector, Anthony Fauci-i, novelcoronavirus ya China nunglaboratory nung yangluba masüta kuli tajungtiba agi sayur, taashi.
Hombarnü NationalGeographic den sendaksembamapang yimten yimsüsürtemrongnung iba tashidak poktetbaonüktem jembiba aitsü.
"Lah dak virus adokbaindang aser tang kechi ali, itemjireprangdangra, scientific tsütsünungibo iba tashidak ya nisungiyangluba masü ta angateter…Mapang süia aoba den iba virusindang asadangra, virus yapasasa poktet aser takümshiruru dak menalok ta sayur,"
Monupii/May 05, 2020(Agencies): COVID-19 tashidakanepalutsü atema mozü bushiayanglur alemtsü asoshi alimanung lenirtem aser lokti tentetbalalai sen billion $8 agütsütsünangzük, saka iba maparen nungUnited States-i shilem agitsümemolung.
Iba sentong ayongertem yaEuropean Union aser EU nungmadenba United Kingdom,Norway aser Saudi Arabialinüktem lir.
Hombarnü iba sentong akabanung Japan, Canada, South Africaaser danga linüktem nungi denaliasü, aser iba virus poktet taamanga aliba linük, China nungiambassador to EU dena liasü.
Sorkar balalai maneni hoptamesüra ita ishika senotsübendentsü sentong lir, kobai WorldBank, the Bill and Melinda GatesFoundation aser takataiter temitenzükba sentong nung yarisemtsü,aser alima nung tashidak warajunga menokdangteti aliba maparentembangtsü.
"Ghonda ishiba tsüngdaasenoki COVID-19 tashidak denraratsü asoshi mozü, diagnosticaser treatment atema sen billioneuro 7.4 ($8.1 billion)nangzüktepogo," ta EuropeanCommission tekolakba, Ursulavon der Leyen-i online ajanga ibasentong agiba sülen ashi.
"Iba yagi alima nung kodangamanguba tesendaktep tenzükbanung yaritsü," ta lai ashi.
Saka iba senotsü bendenbanung küm tetenzüklennangzüktepa aliba inoksemtsüasü masüar ano mejangja, ta EUketdangsertemi ashi.
Tenla agütsürtem rongnungkentener nüngtugu, Madonnadena lir, shibai sen euro millionka ($1.08 million) agütsütsünangzük, ta von der Leyen-i ashi.
Alima nung COVID-19 tashidakya US nung timtiba jangjateta lir, aseriba linük yagi shilem magi, ta EUdiplomats temi ashi.
US-i iba sentong nung shilemmagiba atema US ketdangser kati
tejangja mashi."EU-i merangba sentong
nung onoki busemer. Ibai alimanung senotsü teyari agütsütsünangzükba sentong aikarongnung ka lir aser United Statesya tejakdang lir," ta ketdangseriosangbener dang telephoneajanga ashi.
World Health Organization(WHO) ajanga iba tashidak waraanepaluba nung temolungmasüba agi US Tir, DonaldTrump-i taoba ita WHO nemsenotsü teyari magütsüi atatsü,ta shia lir.
"Onoki American den ishibenka jembiogo aser iba mera tajungnung parnoki shilem agitsü ta niamanger, kecjiaser alima asoshiibai mera tajung ka lir," ta FranceTir, Emmanuel Macron-ia ashi.
Iba sen ajanga bushitetbamozü ya ajak atema asütsüla. Ibamozü ya takar linüktem atemakisüng masütsüla. Mozübushiteter nem taa tajungagütsütsü, saka alima ajungai ibamozü agitettsüla," ta Canada AtoKilonsr Justin Trudeau-i ashi.
UN-i busemba GlobalPreparedness Monitoring Boardajanga tekeratiba nung sen billion$8 nüngdaker ta asadangtet aseriba nungjagi sen billion $3COVID-19 anema mozübushiteta yanglutsü aser alemtsü,ta EU Commission ajanga ashi.
COVID-19 anepalutsüyangluba atema sen billion $2.25,testing kit tem atema sen million$750 aser face mask amalaprotective equipment tem aikayanglutsü atema sen million $750nüngdaker. Tanüngba sen billion$1.25 ya WHO nem agütsütsüaser parnoki kanga timtema alibalinüktem yaritsü.
May 4, 2020 nü China north tsütsü Tianjin Municipality kübok Tianjin Medical University GeneralHospital nung Shen Yuehao-i (tiyong) lar medemertem den sensaksemba noksa ka yangi angur.Arishi küm 37 tain Shen ya Tianjin Medical University General Hospital indang intensive care unitof respiratory aser critical care medicine department nung chief nurse aser May Fourth Medalangur ka lir, koba May 4 nü national Youth Day madongdang küm shia China nunger lanur nemkonang tetushi agütsüba jenjang tematiba lir. COVID-19 tashidak wara poktetba sülen Shen yaHubei Province nung virus agi sünger aliba Wuhan yimti-i Tianjin nungi medical assistancemezüngpur den külemi ao. Shen ya Hubei anasa aliba Hunan province nung soa intet, anungji laiWuhan nunger oshi karbo angateter. Anungji lai shiranger anepaluba kija masü saka lar telokasoshi oshi meyiptsür ka ama inyaka liasü. Wuhan nung anogo 52 novel coronavirus den rarabasülen Shen ya tangbo lar kidangi meyipa shilanger akhi ama mapa inyaker.
TIR YIMYIM, DIMAPUR RASEMNÜ (WEDNESDAY) MONUPII (MAY) 06, 2020 99
Kohima,Monupii/May 05,2020 (TYO): COVID-19 waraagi kanga mejungi kongshir alibatesem tem nung amshitsü atemaDefence Research &Development Organisation(DRDO)-i chemical malibaUltra Violet (UV) DisinfectionTower ka yangluogo, ta PRO(Defence) sangdong ka ajangaLt Col Sumit K Sharma-imetetdaktsü.
Iba tower ya takdangtasazük süklep 12 x 12 atemaminute 10 aser square feet 400atema minute 30 tashi takangtelungtet nung tesem balalamelenshia amshitettsü.
Tower tamshidak nungmemeteti takdang kishi lapokmesüra nisung lira ibadisinfection machine ya pa sasashibanger, ta kasa sangdongajanga metetdaktsüogo.
DRDO-i UV Disinfection Tower ka yangluogo
Dimapur, Monupii/May 05,2020 (TYO): Hombarnü,Directorate of Horticultureindang conference hall nungCovid-19 Horticulture specialDrive District tour lapokbasentong agia liasü, kong AdvisorHorticulture, Mhathung Yanthantongti tesemdanger ama aruagidenogo, ta sangdong ajangametetdaktsü.
Iba sentong nung AdvisorMhathung-i ashiba agi,coronavirus virus wara ajangaNagaland nung tsüsembongtsüyokba/shiruru metsümenabaaser alu nung züsentetbachiyongtsütem ayoktsü asoshitimtem adokdaktsüdar,ajiasünung nübur nemchiyongtsü peria agütsütsü aserr o n g s e n k e t t s ü n gajangzükdaktsütsü atema statenung aonsotsü asersüngjanglijang tem periangudaktsütsü asoshi Covid-19Horticulture Special Drivemapatong ka achaayangtsütsünükjidong lir.
COVID-19 dak sendakbanung Sorkar ajanga agütsübatetuyubatem aser inyakyimbalala tem aluyimer dang
Covid-19 HorticultureSpecial Drive District toursentong ajanga districtheadquarter aser yimtsüng ajakayimjemtsü, kong state nungHorticulture sector tajungbaachaayangtsü atema timDistrict Horticulture officerajanga nüngdakba osang aserdata tem bendentsü, ta paimetetdaktsü.
Iba sentong atema telok pezülemsatsüogo aser Mongolbarnü(05.05. 2020) nungi touringteam-i iba tour tenzüktsü. Kasamapang Advisor, MhathungYanthan-i telok ka,Commissioner aser SecretaryHorticulture-i telok ka asertanüngba teloktemji Departmentindang Director aser Seniorofficer lenisüba kübok iba toursentong achaayanga agitsü.
Horticulture Director, Dr.R.Elithung Lotha-i ashiba agi, statenung aonsotsü asersüngjanglijang lu ayimertemindang database/mapping karayanglutsü aser iba den külemitzünüsembongtsü timba
yokdaktsütsüsa print, electronicaser social media ajangamaparen tajungtiba nunginyaktsü ajungshitsü sentongtemayongzükja aser tekümdangtsüsangdongtsü asoshi Covid-19touring team nükjidong lir.
Iba tour sentong ajangaaluyimer nem alu maparen daksendakba nung trainingagütsütsü tebilemba lir asermapang shitak nung aluyimbamaparen dak sendakba nungnüngdakbatem parnok nemmetetdakja aser mapang shitaknung alu nungi züsentetbaaonsotsü aser süngjanglijang temjenjang tajungba nung ayokstüatema shishilembatsü atematesentaktep yanglutsütsütebilemba lir, ta Dr. R. Elithung-i shisem.
Alu nung tzünesembongtsütimba yoktsü asoshi aluyimernem teyari agütsütsü aser ibaden külemi coronavirus daksendakba nung tekümdangtsümeratem indang sayutsü atema,Department indang frontlinestaff tem ya COVID-19frontline team indang shilem kalir, ta kasa sangdong ajangametetdaktsü.
Covid-19 Horticulture Drive District tour sentong tenzükogo
Hombarnü inter-state arrtsü (Dillai gate) nung surveillance team-i pei pei talidaki motetialir Assam nungertem screening agiba mapang tangokba noksa ka yangi angur. Iba mapangnisung 400 dak tema Karbi Anglong district, Assam ajanga odakja liasü, ta sangdong kaajanga metetdaktsü. (Dimapur, May 05, 2020)
Ajisüaka, cricket asayarmongin ana tsüngda tesüibamapang atalokba ya jokotongtibang ka amamezüngshitsüsa kümogo,kechiyong Hombar nikongdangAshwin indangReminiscewithAsh show nungInstagramlive chat ajangaasayar anaprongla sensaksemaliasü.
Iba mapang asayar anatsüngda kanga dangsüdoksünema sensaksem, kong2000-2001 Australia indangIndia tour asayamung nungHarbhajan-i shilem tajung agibanungi tenzüka kati ka dangPunjab aser Tamil oshi sayuaaser otsü balala lemsatepogo.
tasembuba Test asayabamapang, Sairaj Bahutule-i ballaondang Australia nungerbatsman mongin MathewHayden-i zükloktsübaHarbhajan-i pupetba sülen, paiball aondang Colin Miller-izükloktsüba ball ali matongdangBahutule-i apuba atemaHarbhajan-i pa dang pelaa liasü.
"Chepauk nung ayongzükbaTest asayamung ka nungdangani shilem magidangimali……Iba asaya nung ni-ashilem agi aser mapang karbostand nungi parnok asayabarepranga liasü. Asayatetenzüklen Hayden 'catch out'mesütsütetba atema naiBahutule dangi orr tatokmeshiba ni angu. Iba mapangkübo-i asayar ana tsüngda(Harbhajan aser Bahutule)chichiba asayar tanela sempetaketba tuteta kü nemmetetdaktsü. Ball pupetbajitoktsür asayar temi asayayimya meraksadaktsüiasayatsü aser taruba balltajungtiba nung aontsü atemaasayartem longjemshiba indangkubo-i kü dang ashi. Ibaji ajangakü mulung nung kanga kongshialiasü," ta 2000-01 series test
Alima nung Ashwin ya off-spinner tajungtiba: Harbhajan
Tokyo, Monupii/May 05,2020 (Agencies): Thinentsüraliba Tokyo Olympicsasayamung den kasa mapangnung masayatsü atema,Hombarnü FINA (Fédérationinternationale de natation)/(Intrenational SwimmingFederation)-i 2021 FukuokaAquatics World Championshipsasayamung ya May 2022nungang asayatsü asoshi anogothinentsüogo, ta sangdongajanga metetdaktsü.
Japan yimti nung asayatsüaliba tzüawaba asayamungatema anogo tasenji May 13nungi 29, 2022 asütsü, tajangjatsüogo.
"Iba asayamung den külemsendaktep alirtem dentangatetep nung sensaksemaaser parnok nungi telangzübaanguba sülen, iba telemtetbaajanga asayamung nung shilemagitsüpur ajak atema jenjangtajungba asütsü ta onokitemulung alemer," ta FINApresident, Julio Maglione-i ashi.
"Iba ama kodanga matalokbatensa ka nung, iba asayamungasayatsü anogo tasensangdongba ajanga asayamungbalala den sendaktepa alir tentetajak atema anogo mapang temasadangtsü asoshi lenmang karlapoktsütsü teimla lir," ta Julio-iashi.
Tokyo Games asayamung,
koba COVID-19 wara ajangaanogo thinentsür ibaasayamung atema anogo tasensangdongba denmekongshidaktsütsü atema2021 küm July 16 nungi August1 nü tashi asayatsü alibaAquatics World Championshipsya Lausanne nung amenokaaliba FINA teloki thitsütsülemtet.
Fukuoka indang Mayor,Soichiro Takashima-i ashibaagi, iba asayamung nung yaasaya telemsatem ka dangamezüdoki agitsü.
"Fukuoka City nungCOVID-19 süshia maobatetsübu nung, onokitekümdangtsü meratem yakhen nungbosa agientsümakok," ta pai shisem.
FINA-i ashiba agi,swimming asayamung denatongsema World MastersChampionships asyamung-aMay 31 nungi June 9, 2020 nütashi Kyushu indang tzümekütlinung asayatsü.
National sports awards atemaniomination benoktsü jaoker
2021 Fukuoka world championship thitsür
New Delhi, Monupii/May 5(Agencies): Coronavirustashidak pokteter aliba ajangalinük ajunga mokdanger alibamapang ya taoba mapangasayartem coach ama amshitsüasoshi maongka tajung kaasütsü, ta PV Sindhu-i bilemer.
"Iba wara maneni mesamaiora bendanglen nungi coach temanir arutsü tasak asütsü. Linüknung international jenjang nungasayadanger aliba asayar tajungaika lir aser asenoki parnok yacoach ama amshitettsü," taSindhu-i Mongolbarnü ashi.
Sports Authority of India(SAI) nung tawa shimbaAssistant Directors tem onlinesession nung jembiba mapanglai iba olen shisema liasü.
Lanur ketdangsertem denjembiba mapang Sindhu-isa,takoker ka anitettsü asoshitsürapur, coach, ketdangsertemteam ka ama inyaktsü kangatongtibang ta ashi.
"Ketdangsertemi asayarajak asayaa aruba tera jangjaaalitsüla. Saisapong tsütsü Indiatarutsü nenok amala lanurketdangsertem kapuma nung lir.Nenoki SAI regional centresajak semdangtsüla aserasayartem inyakyim jangjaaalitsü aser parnok tsürapurtemden sendaktepa alitsününgdaker," ta lai ashi.
"Tsürapurtem kangasendaka lir aser parnoktebilemba angatsüla. Itemtebilemba lemsatepba tem
