1
un betonmolen (ku por kubri 4 kruiwá). Pa inf. por yama +5999 511 9911 TA HUR Photo Tours Retail ta buska bendedó fulltime ku eksperensia pa traha den pakus. Trese bo CV na nos TRABOU Photo Tours Retail ta buska trahadó fulltime ku eksperensia di duik i ekiponan di duik, pa nan Duikwinkel na Hato. Trese bo CV na Kaya Grandi # 6. Inf. tel 717- 1139 TA BUSKA pakus den Playa, Kaya Grandi # 6. Tel. nr 717- 1139 KRALENDIJK Empre- sario Roald Boom ta konvensí ku tur hende na Boneiru ta kapas di kultivá su propio bèrdura. Ya pa basta aña kaba Boom ta eksperimentá ku vários método manera per- makultura, akuaponia i hidroponia. Su investigashon a demostrá ku plantamentu di bèrdura ku hidroponia tin ménos trabou intensivo i ku e gastunan pa kada produkto ku ta produsí ta relativamente masha abou mes. Loke speshalmente ta hasi e kultivo hidropóniko adekuá pa Boneiru ta e uso di awa, esta ménos ku 1/10 o parti, ku ta muchu mas efisiente kompará ku e agrikultura konven- shonal. Ku hidroponia, e matanan ta keda kologá direktamente den awa (hidro) òf den gránula hidro. E matanan ta kologá mayoria bes ku nan rais direktamente den awa ku tin nutriente den. Hopi sorto di bèrdura manera kròpsla, amsoi i paksoi por kosechá ya kaba despues di kuater siman. E prèis di un kròpsla òf un otro bèrdura ku bo mes a kosechá por sali solamente USD 0.30. Ademas por planta hopi otro mata ku hidroponia, manera tomati, promenton, promèntè i yerba. E tempu ku ta invertí pa un famia di 4 persona pa kultivá bèrdura via e sistema hidropóniko, ta solamente 10 minüt pa persona pa siman. Benefisionan adishonal ta ku por pone e bakinan hidro- póniko segun e haltura ku bo por para i no tin nodi di eliminá yerba malu. Na 2014 KRIABON den kolaborashon ku Boneiru Duradero, a organisá diferente kurso riba agrikultura. E kursistanan tabata masha impreshoná ku e sistema di hidroponia i nan tabata ke sa mas tokante esaki. Pa e motibu ei Boom a tuma e inisiativa yamá URD Solution i a bolbe drenta un aliansa ku KRIABON i Boneiru Duradero. Den e periodo di mart te ku yüni 2015 URD Solution ta organisá un kantidat limitá di kurso tokante hidroponia. Pa mas informashon òf pa registrá, bishitá e página di facebook di URD Solution òf KRIABON. Tin diferente sorto di sistema hidropóniko ku ta varia den komplehidat i gastu. Boneiru Duradero a puntra Boom si e por traha un baki hidropóniko di mate- rialnan resiklá i barata. Finalmente no ta tur hende tin e plaka pa por invertí den un baki hidropóniko di palu. Pesei ku orguyo URD Solu- tion i Boneiru Duradero ta presentá e konsepto out of the box, un sistema real- mente hidropóniko trahá di entre otro kaha di karton, polistireno, saku di sushi, teip i kùp di plèstik. Boneiru Duradero ta ofresé pa un solo bia e oportunidat na 20 persona pa sigui un kurso out of the box kompletamente grátis. Mira e video promoshonal riba https://www.youtube.com/ watch?v=CZOMs_70- WPU&feature=youtu.be i registrá via e página di Facebook di Boneiru Duradero Portal. Muhé bo man ta bendishoná El a kria mi, sostené mi, yudami, kita mi lágrimanan, laba mi kurpa, drecha mi paña. Muhé bo man ta bendishoná ! Si mi kai den un buraku bo ta saka mi, lanta mi ora mi ta na rudia, karisiá mi, peña mi, karga mi ora mi karga bira pisa, resa ku mi. Muhé bo man ta bendishoná ! Duna mi di kome i di bebe, traha p’ami no falta nada, lucha pa mi tambe por, stret mi ora mester. Tur kos ta den bo man i bo man por tur kos. Permití mi sinta un dia i djis laba bo man. Ten’é, kuid’é, apresi’é. Pa djis un ratu mi ke karisia e instrumentonan mas poderoso den mi bida. Bo man guiá dor di Dios. Paso sin duda: Muhé bo man ta bendishoná ! Sabiduria, perseveransia, determinashon, fe i bondat: tur esei mi ta mira den e kayonan den bo man. Mi ta atmirábo i abo ta mi héroe, abo ta mi: mama, ruman, yu,bisiña, part- ner, prima, subrina, wela, tanchi etcetera. Abo ta esun ku mi ke igualá. Muhé bo man ta bendishoná ! D. Ferero Riba Foto por mira e tim nobo di Radio Digital ku ta operá tur kaminda pa asina por brinda e oyente unda ku e por ta ku informashon al kaso di tur loke ta pasa entre otro na Boneiru. Potrèt ta na momentu ku Zamir Ayubi entrevistando un di e agentenan di KPNC durante un aktividat ku tabatin resientemente. E otro kolega di Ayubi, Geni Ras, tabata sakando potrèt. KRALENDIJK Djasabra awor 28 di mart Mangazina di Rei tin su Marshe Kultural. Esaki ta for di 8or di mainta te 1or di mèrdia. E marshe ta un kombinashon di benta di mata i simia, krio di bestia, arte lokal i charla. Ta bai tin diferente kunu- kero i empresario presente ku nan produktonan fresku i lokal, manera entre otro stropi di kalbas, mata, berdura, zeta di koko, johny cake, kos di boka dushi, kadushi mula i asta galiña krioyo. Alabes e bia aki lo bai tin pakete di fruta barata, barata, pa tur esnan ku ta deseá esaki. Parti di mainta komo desayuno pa inisiá e dia lo tin repá di maishi chikí, djus natural i e famoso pan di fòr- nu traha na Mangazina di Rei. Di 10or pa 11or ta bai tin un charla interesante titulá Nos kosecha, e fruta di nos Kul- tura. Esaki presentá dor di e grupo di grandi Nos Kosecha. Tambe riba e dia aki for di 11or mainta te ku 1or di mèrdia ta bai tin presenta- shon di grupo ESSO bibu. Kushina ta habri for di 9or di mainta pa por kumpra sòpi di kabritu i mondongo, alabes por kumpra diferente platona sukulento manera piská salu, kabes ku higra, galiña stobá, kabritu stobá, steak di wea i karkó stobá, prepará pa Humphrey Gordo Mercera. E platonan ta bini ku tutu, funchi òf aros. Tur ku ta interesá por haña mas informashon tokante di e proyektonan di Mangazina di Rei. Pues bin gosa un ratu i bishitá Mangazina di Rei su marshe kultural djasabra awor 28 di mart for di 8or di mainta pa 1or di mèrdia. Entrada ta grátis. Pa mas informashon por bishitá e Facebook Fanpage di Manga- zina di Rei. KULTIVÁ BERDURA SALUDABEL I BARATA KU HIDROPONIA Djasabra awor MANGAZINA DI REI SU MARSHE KULTURAL
