1
Speech delivered by Chief Justice Maria Lourdes P. A. Sereno during the Revised Small Claims Procedure Information Campaign Kick-Off on June 19, 2017 at Trinoma Mall, Quezon City
Magsiupo po muna tayo lahat mga kaibigan. Mga nakiki-mall po diyan,
makilahok naman ho kayo dito, opo daw sabi nila. Alam ko ho na Seniors’ Day
ngayon dito sa Trinoma Mall, libre nanaman ang inyong sine? Kaya masaya ho
sila dito sa inyong mall kasi pinapakita ng lahat na ang kabataan ay hindi
lamang para sa mga taong nasa edad na kinse hanggang trenta y sinko, kundi
mas maganda pa nga ang buhay para sa mga senior citizens natin, di po ba?
Salamat po at nakikilahok kayo sa amin ngayon mga kababayan. At nais
ko pong simulan ang okasyong ito sa pagbati ng taos pusong pasasalamat sa
lahat ng nakikinig po sa atin ngayon sa araw na ito, maging sa mga kababayan
natin na wala dito ngayon sa atin sa Trinoma Mall, at marami po tayong
mabibigat na panauhin at kasamahan sa ating kick-off campaign na ito.
Nariyan na po ang aking kasamahan sa Korte Suprema, si Associate Justice
Diosdado [M.] Peralta, Justice Peralta tayo naman, ipakita mo ang iyong
magandang — anong tawag diyan — wangis, wangis po ano, Justice [Samuel
R.] Martires? Si Associate Justice Samuel [R.] Martires, maaari lamang pong
tumayo, alam niyo po isa siya sa mga kinakakatakutang dating mga huwes sa
2
Sandiganbayan na ngayon ay sumasama na po sa atin sa Korte Suprema, sa
ating mga information campaigns sa kick-off. Nariyan po ang magandang
asawa ni Justice Peralta, ngunit ang kanya pong katangian ay si Justice Peralta
po ay ang kaniyang asawa. Pakita ko po sa inyong patunay na ang mga huwes
po sa Court of Appeals ay mayroon naman pong maipagmamalaking histura eh
noh, si [Court of Appeals Associate] Justice Fernanda Audrey Lampas-Peralta,
Justice Audrey. At ang kilala ninyo pong lahat na si Court Administrator Jose
Midas P. Marquez. Andiyan din po ang nakikita ninyo linggo-linggo na si
Assistant Court Administrator [Theodore O.] “Teddy” Te, Teddy. Ngunit
babaling na po ako dito sa aking kanang gawi, ano po, pakikilala ko naman sa
inyo ang ilang dayuhan at ilan pang kababayan natin na makikilahok sa atin at
magbubunyi sa araw na ito. Simulan po natin it okay Ginoong Mat Kimberley
— Ginoong Mat why don’t you stand, they like seeing people stand here —
Deputy Head of Mission po siya ng Australian Embassy sa Philippines. Nandito
po siya kasi tumutulong po ang Australian Embassy sa ating mga ilang
information campaigns. Nandito rin po si Ginoong Brandon [Hudspeth], who is
the [Director of the Bureau of International Narcotics and Law Enforcement
Affairs of the U.S. Department of State], please [stand to be recognized], I’m
sorry I will correct my mistake later, Brandon, I promise you somebody has to
slip me the correct paper here. Andiyan din po ba iyong si Assistant Secretary
3
Atty. Michael Christian Ablan, andito daw po, oh Atty. Ablan. Siya po ay
Assistant Secretary for Policy Legislative Affairs ng Presidential
Communications Operations Office (PCOO), ang pinakain demand na opisina
ngayon sa bansa ano po.
Nandito rin po ang aking mga kasamahan sa judiciary na iba, ang aming
mga officers ng [Philippine] Judges Association at ang iba pong mga judges pa,
lalo na sa first-level courts, tayo po kayo para pakita ninyo ang inyong mga
hugis at wangis. Nakikita ninyo naman po noh, magaganda po ang aming mga
judges, at may hitsura naman po ang aming mga male judges, biro-biro lang po
ah (laughs).
And members ng diplomatic corps na nandito; kung mayroon pa hong
galing sa ibang opisina ng iba’t ibang gobyerno ng ibang bansa, nandito rin po
iyong iba, nakatayo na po sila ngayon kaya’t hindi na po sila tatayo para sa
atin ngayon. At nandito rin po ang mga kumpanya at mga civil society
organizations supporting judicial reform, iwagayway ninyo lang po sana ang
inyong mga kamay, nandiyan ho kayo ung mga civil society organizations at
iyong mga kumpanya itaas ninyo po ang mga kamay ninyo. Tingnan ninyo ho
iyong dating Chairperson ng SEC (Securities and Exchange Commission), si
4
SEC Chair Fe [Barin], tumayo ka Fe. Alam ninyo po si Fe, sa lahat ng
problemang dinaanan niya, naghanap pa siya ng dagdag na kosa. At ang isa
niyang napiling kosa ay good governance through the judiciary. Kaya’t Key
Officer po siya na tumutulong ng Judicial Reform Initiative (JRI) and it is headed
by [Sherisa] “Baby” Nuesa. Baby, please. Marami pa ho akong kaibigan diyan,
hindi ko na ho kayo tatawagin isa-isa kasi baka iyong singing lola ay
magsisimula na (everyone laughs).
Aking mga kasama sa gobyerno, aking mga kapwa ordinaryong
mamamayan sa pinkamamahal nating bayan na ito, malugod ko pong binabati
ang mga nagsisisadalo ngayon sa ating kick-off na information campaign
tungkol sa Revised Small Claims Court Procedure.
Simula sa araw na ito, matutunghayan nating mabuhay ang saklaw ng
proteksyon ng batas sa iba’t ibang platapormang ilulunsad natin dito sa
Trinoma. Bukod sa mga nakagawiang paraan pupunta na rin po tayo sa live,
digital, at social media. Alam kong noon ninyo pa ho hinihintay na makita ang
mga kwento ng hudikatura sa social media, sisimulan na po natin ngayon at
ang ating itatanyag ngayong hapon na ito ay ang Small Claims Procedure:
Revised, Expanded, Heightened. Patunay ito po na ang hudikatura ay
5
sumasabay hindi lamang sa paglago ng teknolohiya kundi pati na rin sa mga
makabagong paraan sa larangan ng information, education, and
communication o tinatawag nating I-E-C. Pagpapatibay rin po ito sa panata ng
hudikatura na ilapit ang hukuman sa ating mga kababayan. Kung kami po ay
magtatagumpay, matatapos na po dahan-dahan ang inyong pananaw na ang
hudikatura ay hiwalay sa pangkaraniwang kabuhayan ng ating mga
kababayan. Kundi higit po naming ilalapit sa inyo ang hudikatura, ang
kanyang mga pamamaraan, at ang pusong taglay nito na ang pusong magbigay
ng hustisya sa ating bayan, lalo na sa mga maliliit.
Ang Revised Small Claims Procedure Information Campaign Kick-Off na
ito — mahaba po ano, titiyagain ninyo po ang bawat katagang nabigkas ko,
ipapaliwanag po ng aking kasamahang si Justice Peralta ito — ay
pagpapahayag sa mga repormang ukol sa maliliit na reklamo ukol sa
kaperahan. Oh lahat po magic word po noh ito sa atin, “kaperahan,” problema
sa kaperahan. Paano po ba ipag-iigting ang kalunasan sa mga dispute at
diskusyon ukol sa kaperahan? Mababatid ng publiko, matapos naming
ipaliwanag ang Revised Small Claims Procedure na ito po, ang bilis, efficiency, at
husay ng gulong ng hustisya para sa small claims. Kung ano po ang mga small
claims na ito, lalo pong ipapaliwanag mamaya.
6
Ang Small Claims Procedure ay isang pangunahing tugon ng Korte
Suprema sa libu-libong kasong nasa korte ngayon. Isinailalim sa proseso ng
Procedure ang paniningil sa salaping hindi lalagpas sa Php200,000.
Halimbawa po may pautang kayong hindi ninyo masingilsingil sa inyong
kapitbahay, marami ho kayong ganoon. Paano po tutugunan ng hudikatura
ang problema ninyong iyon gayong ang pagkakaalam ninyo mahirap pumunta
sa hukuman, mahal. Patutunayan po namin ngayon na hindi na po ganoon ang
buhay para sa inyo, ngayong hapong ito.
Kasama na rin po sa coverage nito iyong mga kasunduang ukol sa mga
pagpapaupa ninyo, hirap pong maningil sa pagpapautang, paggawa ng
serbisyo, pagbebenta, [at] pagsasangla — mga ordinaryong hinaing ng mga
taong-bayan na kumbaga hindi nasosolusyunan ng mabilis na solusyon sana,
eh iyon naman po ang hinihingi ng lahat — ano po ba ang mabilis na solusyon
sa ganitong mga klaseng problema, na napakaordinaryo sa buhay ng Pilipino.
Hindi na po ngayon kailangan ng abogado, so wala na po kayong babayarang
abogado. Madali ang proseso, mura ang filing fees kung ikukumpara sa regular
[na kaso], kaya’t abot kaya na po. Kumbaga eh sanay na po tayo sa abot
kayang tingi-tinging pagbebenta, ito po ay abot kaya na hustisya pagkat sa
7
pananaw namin, wala pong maliit na halaga na hindi dapat solusyunan ng
hustisya. Sa small claims, papanatilihin natin na ang batas ay maging simple,
mabilis, abot kaya — iyan po ang ating mga code words ngayon: simple,
mabilis, abot kaya.
Ang tagumpay po ay maidudulot natin pati na rin po sa mga OFWs
(Overseas Filipino Workers) na gusto nating talagang abutin at magbigay ng
panawagan sa kanila. Pagkat karamihan po sa kanila dalawang linggo lang
naman po ang bakasyon, minsan nga po isang linggo lang. Kakaunti po ang
kanilang panahon, uubusin pa po ba natin ito sa paglilitis? Hindi po. Ang
gagawin po nating paglilitis ay napakasimple at maikli lamang; supisyente
upang mabigyan pa ng karagdagang panahon ang OFW na pagtuunan ang
kaniyang pamilya at ang kaniya pang mga ibang problema.
Kaagapay ang Department of Foreign Affairs (DFA), nakapagpamigay na
po tayo ng mga materials sa kanila: briefer, pamphlet FAQs (Frequently Asked
Questions), at flowchart, nasa kanila po. Hihingin po namin ang mga tulong ng
mga embahada at konsulada sa lahat ng bansang naroroon ang Pilipino upang
malaman ng [mga] OFW na ito po ang aming kaunting tulong sa kanilang
mahirap na buhay. Ang hayaan nilang malaman at maramdaman na maaabot
8
nila ang hustisya gaano man silang kagipit ng panahon dahil sa kanilang
pagkakalagak ng trabaho sa ibang bansa. Hindi lamang po para sa OFW ang
outreach naming ito, hindi lamang po sa inyong mga mall goers, kung hindi
pati narin po sa online community, lalapit po tayo, lalapit at sasabihing ito ay
impormasyong napakayaman sa solusyon, gamitin ninyo pagkat meron na rin
po tayong mga iba’t ibang channel: digital, sa Youtube, at may Facebook pages
na po tayo at ipapaliwanag po natin mamaya ito, kung ano itong mga pages na
ito. Mayroon po tayong mga video, na tigda-dalawang minuto lamang po ang
haba. Kaya’t hindi po mauubos ang oras ninyo upang maintindihan paano
ninyo makukuha ang hustisya ayon sa Procedure ng Small Claims.
Kaya’t simula po sa araw na ito masisilayan na rin po ang mga
information campaign booths at places namin at exhibits sa iba’t ibang malls.
Kaya’t nagpapasalamat po ako sa Ayala Malls, sinimulan na po dito sa Trinoma
kasi tutulungan po nila kami na abutin ang publiko kasi kayang kaya na
mabasa ng publiko kung ano ang kanilang mga karapatan under the Small
Claims Procedure. Importante po ito kasi pinaghirapan po naming lahat na
iabot sa inyo ang hustisya. Ngayon, claim what you have: your right to a very
fast procedure.
9
Kaya’t masaya po kami na magkakaroon rin po tayo ng mga L.E.D (light
emitting diode) billboards sa Guadalupe, pero huwag ho hayaan ninyo na
magkaroon kayo ng isang distracted driving incident, ayaw po nating sabihin
na ang Supreme Court po ang nag violate ng Anti-Distracted Driving Act.
Hayaan ninyo pong maging pampabukas lamang ng ating kaisipan ito kung
ano ang kakayahan ng isang sistema na napakabilis.
Patuloy rin po, mayroon po tayong kaibigan mula sa CD Asia, nandoon
po sila, na sa isang information website doon ninyo po makikita ang mga
karamptang kaalaman tungkol sa mga reporma sa hudikatura na napakabilis
na nangyayari po ngayon. At nais ko pong anyayahan lahat na tiyagain ninyo
pong buksan po ang mga links doon, pagkat doon ninyo po malalaman kung
gaano kabilis ang pagilog ng reporma sa ating bayan.
Patuloy po ang aming pagsasanay sa mga huwes upang mabigyan po ng
giya hindi lamang po ang mga huwes na mismong sila ang gagawa ng — ang
magaadminister ng system ng Small Claims Procedure kundi bibigyan rin po
nila ng giya ang bawat partido kung paano po mapapabilis ang pagresolba ng
kanilang mga hinaing sa ating mga Small Claims. Hiningi rin po namin ang
tulong ng PTV4, andiyan po si ASec. Ablan, marami pong salamat, ng PCOO
10
para ibrodkast po ang small claims videos. ASec. Ablan ipinangako ninyo na po
iyan noh? Ang pangako po ng PTV4 at ng PCOO, lahat po ng repormang
ginagawa sa judiciary ngayon ibrobrodkast nila para maging national event,
national celebration itong mga repormang nangyayari ngayong malawakang
sa ating bayan. Salamat, ASec. Ablan, we owe you one!
Ganoon na rin po kay General [Manager] Eddie Monreal, nakipagusap
po kami, si Eddie Monreal po ang tagapamahala ng Manila International
Airport Authority (MIAA). At sinabi po niya na sa lahat ng mga palapagang
internasyonal lalo na po doon sa mga OFWs at iyong mamamalagi po sa ibang
bayan, bibigyan ng information materials para ang ating mga kababayan pag
nagkaproblema sila dito sa Pilipinas, malalaman nila na may solusyon na
puwede silang tutukan pagbalik nila dito. Kaya’t ang OFWs po natin at ang
lahat ng ating mga kababayan, dadaan kayo sa airport, dadaan kayo sa DFA,
dadaan kayo maaari rin po sa POEA (Philippine Overseas Employment
Administartion), lahat po iyan, all points broadcast po ang ating keyword.
Lahat po nang puwedeng pagluklukan ng impormasyon gagamitin po natin
upang ipahayag sa lahat na ang hudikatura gusto pong solusyunan ang inyong
mga problema. Alam po naming napakadami na naming trabaho ngunit sa
aming palagay, iyong inyong pautang na hindi masingilsingil ay kailangang
11
mabigyan ng lunas. Ang inyong mga serbisyong naigawad na na kailangang
bayaran, kailangang mabayaran. Iyan po ang depinisyon ko ng hustisya sa
pang araw-araw hindi lamang sa malalagim na krimen na kailangang
solusyunan at kailangang may kumbiksyon, ngunit pati po sa lahat ng sama ng
loob na ang isang kababayan natin o isang porener ay naglabag ng ating
karapatan na mabayaran. Kayat naririto po, mag reach out din po kami sa DTI
(Department of Trade and Industry), lalo na po doon sa mga training
programs nila at workshops para sa small and medium-sized businesses.
Tutulungan po natin na ang mga negosyo ay magkaroon ng kakayahang
maningil, at maningil ng epektibong paraan.
Maaari pong — alam ninyo sa bilis ng pagpipilit kong makipag-usap sa
inyo ngayon at ayoko naman pong parang binabasa ko ang mga impormasyon
na nakasulat sa papel sa harapan ko — maaari pong mayroon akong hindi
nabigyan ng karangalan sa araw na ito, hindi ko naacknowledge na tulong.
Ipagpaumanhin ninyo na po na ang kakulangan ay nasa sa akin. Ngunit, be
assured na ang Korte Suprema ay taos pusong nagpapasalamat sa lahat ng
mga itinulong ninyo na sa reporma sa hudikatura. Kayat maaari pong makita
natin ang isang ganitong isang klaseng sistema ay magiging isang game
12
changer. Malalaman nila na ang kapakanan ng maliliit ay mahalangang
mahalaga sa puso ng hudikatura.
Mabuhay ho kayong lahat, mabuhay ang bayang Pilipinas!