University of the Philippines Manila College of Arts and Sciences
Department of Social Sciences
T e a c h e r , a n o n g s a y n i n y o ?
Para sa mga pampublikong guro, kailangan nga ba ang K-12 upang maiangat ang
kalidad ng edukasyon ng bansa?
Pagpupuno ng mga Rekisito sa PS 198
Ipinasa ni:
Angelee S. Tabios
2009-56612
Ipinasa kay:
Prof. Clarinda M. Berja
March 22, 2013
© This research paper may be used within the University of the Philippines but copyrights for
open publication remains the property of the author.
T A B I O S | 2
Balangkas ng Nilalaman
I. Abstract ………….3
II. Panimula ………....4
III. Pagsusuri ng mga Kaugnay na Literatura ………....7
IV. Balangkas ng Pag-aanalisa ………....12
V. Pamamaraan ng Pananaliksik
a. Disensyo ng Pananaliksik ………....14
b. Pag-aanalisa ng Datos ………....17
c. Limitasyon ………....18
VI. Pang-etikang Konsiderasyon ...…….....18
VII. Resulta ………....19
VIII. Diskusyon ………….27
IX. Konklusyon/Implikasyon sa Polisiya .….……..30
X. Bibliograpiya ………….33
XI. Apendiks
a. Apendiks 1 ………....34
b. Apendiks 2 ………....35
c. Apendiks 3 ………....36
d. Apendiks 4 ………....37
T A B I O S | 3
ABSTRACT
Tinalakay sa pananaliksik na ito ang bagong programang pang-edukasyon ng
kasalukuyang administrasyon, ang K-12 Basic Education Program na naglalayong
solusyonan ang problema sa kalidad ng edukasyon sa bansa at gawing globally
competitive ang mga Pilipino. Napapalibutan ng sari-saring kontrobersiya ang
implementasyon nito; napakaraming personalidad at grupo ang nais manaig ang
saloobin. Sa gitna ng mga ito, tila hindi masyadong nabibigyan ng pagkakataon ang
mga gurong makilahok sa proseso ng pagpapasya tungkol sa pagpapalit ng kurikulum,
sa proseso mismo ng pagpapalit ng kurikulum, at sa mga nilalaman ng asignatura.
Kung kaya naman ang pangunahing layunin ng pananaliksik na ito ay alamin
kung para sa mga guro ay kailangan nga bang talaga ng Pilipinas ang K-12 upang
maiangat ang kalidad ng edukasyon ng bansa. Inalam ng mananaliksik kung ano nga
bang talaga ang pagkakaiba ng K-12 sa mga nagdaang kurikulum, bukod pa sa mas
mahabang panahong gugugulin sa pag-aaral ng mga estudyante. At panghuli, inalam
rin ng mananaliksik kung ano nga ba ang talagang magiging epekto o kung
makakaapekto ba ang naturang programa sa kalidad ng edukasyon sa Pilipinas.
Lumabas sa pag-aaral na para sa mga pampublikong guro, hindi kailangan ang
K-12 upang masolusyonan ang problema sa kalidad ng edukasyon dahil na rin sa iba’t
ibang dahilan katulad ng kakulangan nito sa kahandaan at hindi pa napapanahong
implementasyon.
T A B I O S | 4
PANIMULA
Sa isang lipunan kung saan ang edukasyon ay labis na pinapahalagahan, ang
kalidad ng edukasyon na tinatamasa ng mga mamayan dito ay lubos na binibigyang diin
ng masa. Dating mataas ang kalidad ng edukasyon sa Pilipinas, ngunit sa paglipas ng
panahon ay unti-unti itong bumaba at lumala sa kasalukuyan nitong lagay.
Ipinakikita ng hindi na pantay na proporsyon ng mga guro at bata, kabilang na rin
ang proporsyon ng mga batayang-aklat at estudyante ang patuloy na paglala ng kalidad
ng edukasyon sa Pilipinas (Hernandez, 2011). Taliwas sa 1:36 na tantos na inilalabas
ng Kagawaran ng Edukasyon, hindi na 1:36 ang proporsyon ng mga guro at mag-aaral;
sa ibang pampublikong paaralan ay gumawa na lamang ng pang-umaga at pang-hapon
na iskedyul ng pasok ang mga paaralan upang kahit paano ay masolusyonan ang
problema ng malaking bilang ng mga estudyante. Dagdag pa rito, bumaba din ang
kakayahan ng mga guro sa larangan ng pagtuturo. Nang dahil rito, kumpara sa ibang
bansa, ang literacy rate at performance ng mga Pilipinong estudyante ay patuloy ang
pagbaba ayon na rin sa iba’t ibang mga pag-aaral at pagsisiyasat. Ayon sa Education
for All (EFA) Monitoring Report of 2006, ipinakita ng International Mathematics and
Science Survey (TIMSS) na 61% ng mga Pilipinong estudyante ay hindi abot ang
pandaigdigang pamantayan ng pagsukat ng kakayahan sa larangan ng Matematika
(Hernandez, 2011).
Habang patuloy na dinaranas ng edukasyon sa Pilipinas ang mga ganitong
problema, ipinatupad ng administrasyong Aquino ang K-12 Program bilang paraan ng
pagharap sa mga ito. Upang maging globally competitive ang mga Pilipino, ayon sa
T A B I O S | 5
Kagawaran ng Edukasyon at Pangulong Aquino, mayroong pangangailangang
dagdagan ng dalawa pang taon ang batayang edukasyon ng bansa. Ayon na rin sa
Kalihim ng Kagawaran ng Edukasyon Armin Luistro, ang K-12 ay isang paraan nang
ayusin ang kalidad ng edukasyon sa bansa at muling mapabuti ang ating global
standing (“The K-12 curriculum”, 2012). Makatutulong din umano ang K-12 sa paglutas
sa mga problema ng lipunan katulad na sa kaso ng mataas na bilang ng mga Pilipinong
walang trabaho.
Gayunpaman, marami ang hindi sang-ayon sa K-12 bilang bagong kurikulum
dahil na rin sa pagiging biglaan nito. Dagdag pa ang katotohanang hindi pa naipapasa
ang batas na may kaugnayan dito ay agad na itong inimplementa sa mga paaralan.
Maging ang ilan sa mga pampublikong guro ay hindi pabor sa pagpapatupad ng
naturang kurikulum dahil sa tingin nila ay kulang pa sa kahandaan ang sektor ng
edukasyon para sa K-12. Ngunit sa kabila ng iba’t iba at magkakasalungat na opinyong
umiikot ukol sa implementasyon nito, ipinagdidiinan pa rin ng Kagawaran ng Edukasyon
ang pangangailangan ng ating bansa sa K-12.
Pero teka, mukhang may nakakalimutan ata ang mga nagbabangayang panig.
Sa dami ng paliwanag tungkol sa kaangkupan at di kaangkupan ng K-12 bilang isang
bagong kurikulum; sa dami ng boses na nais manaig sa mainit na usapin ng K-12; sa
dami ng mga taong gustong maging kasangkot sa pagtaguyod ng isang dekalidad at
libreng edukasyon para sa lahat ng mga Pilipino, hindi naririnig ang isa sa mga
pinakaimportanteng boses sa lahat, ang boses ng mga guro.
T A B I O S | 6
Si Titser na siyang nagpupuyat sa gabi upang matapos lamang ang lesson plan.
Si Titser na siyang namamaos at nangangalay na ang tuhod dahil maghapong nakatayo
at nagsasalita maibahagi lamang ang kanyang kaalaman para sa mga kabataang
itinuring na pag-asa ng bayan. Sa pagnanais ng gobyerno na ayusin ang edukasyon sa
bansa, ilan ng pagbabago sa kurikulum ang kanilang ipinatupad na halos wala namang
pangmatagalang epekto sa pagsasaayos ng sektor ng edukasyon. Sa mga
pagbabagong ito, ang mga guro ang siyang nakakaranas ng impact. Para ba sa mga
pampublikong guro, kailangan nga bang talaga ng K-12? Paano nga ba tinitingnan ni
Titser ang di umano’y pangangailangan sa K-12?
Bilang pagbibigay kasagutan sa mga naturang katanungan, naging layunin na ng
pananaliksik na ito na alamin kung paano tinitingnan ng isang pampublikong guro ang
sinasabing pangangailangan sa kurikulum ng K-12. Kasabay na rin nito ay pag-alam sa
pagtingin ng mga guro sa K-12, mga kalakasan at kahinaan nito, bilang isang bagong
kurikulum na siyang gagamitin nila sa kanilang araw-araw na pagbibigay kaalaman sa
mga kabataan. Kabilang na rin sa mga katanungang ibinato sa mga guro ay tungkol sa
mga bagay na nais nilang baguhin sa K-12 na malaki ang magiging ambag sa kung
anumang maidudulot ng K-12 sa kalidad ng edukasyon sa bansa.
Malaki ang naging tulong ng mga impormasyong nakalap sa mga indibidwal na
panayam sa mga pampublikong guro at sa opisyal ng samahan nila. Gayun na rin ang
mga impormasyong nakalap mula sa iba’t ibang libro at nailathalang artikulo na may
kinalaman sa sektor ng edukasyon sa Pilipinas at sa K-12 upang mabuo ang
konklusyon sa pag-aaral na ito.
T A B I O S | 7
Research Question:
Para sa mga pampublikong guro, kailangan nga bang talaga ng K-12?
Specific Question:
Ano ba ang pagkakaiba ng K-12 sa mga nagdaang kurikulum?
Ano ang tingin ng mga pampublikong guro sa K-12 bilang isang kurikulum at sa
diumano’y pangangailangan ng bansa dito?
Ano ang maaring maging epekto ng K-12 sa kalidad ng edukasyon ng Pilipinas?
PAGSUSURI SA MGA KAUGNAY NA LITERATURA
Pangkalahatang Ideya ng K-12
Ang programang K-12 ng Kagawaran ng Edukasyon ay base na rin sa pagtupad
ng tungkulin ng kagawaran sa mga programa tulad ng Education for All (EFA) at ng
Millennium Development Goal (MDG) na nagnanais na mabawasan ang problema sa
pagkakaroon ng limitadong access ng mga mamayan sa dekalidad ngunit libreng
edukasyon (Quijano, 2012). Ayon kay Kalihim Armin Luistro ng Kagawaran ng
Edukasyon, ang K to 12 o K-12 ay siyang magsisilbing flagship program mula sa iba’t
ibang programang nakapaloob sa Basic Education Sector Reform Agenda (BESRA) ng
kagawaran. Ito ay isang programang inilunsad upang maisaayos ang sektor ng
edukasyon sa bansa. Naglalayon ang programang ito ng kagawaran na sa
pamamagitan ng mga kagalingan at kakayahang napagtibay nang dahil sa edukasyon,
T A B I O S | 8
magkaroon ng mga mas produktibo at mas responsableng mamamayan ang bansa
(Oteyza, 2012).
Ang nasabing programa ay tinawag na K-12 dahil na rin sa modelong K-6-4-2 ng
Kagawaran ng Edukasyon. Nakapaloob sa naturang modelo ang isang taong
kindergarten, anim na taon ng elementarya, apat na taon ng junior high, at dalawang
taon ng senior high (Oteyza, 2012). Sa kabuuan, pagtutuunan ng pansin ang pag-unlad
ng mga estudyante sa tatlong aspeto: (1) basic competency; (2) employment skills at; (3)
community involvement (Quijano, 2012). Ang pag-iimplementa sa K-12 ay nahahati sa
iba’t ibang bahagi (Oteyza, 2012).
Ang unang bahagi ay ang pangkalahatang pagpapatupad ng kindergarten na
susundan ng pagbabago ng mga kurikulum mula una hanggang ika-pitong baitang
kasama na rin ng pag-ayos ng modelo para naman sa ikalabing-isa at ikalabing-
dalawang baitang sa School Year 2012-2013. Sa taong ito rin inaasahan ng Kagawaran
ng Edukasyon na maipapasa na ang batas ng K-12. Sa ikatlong bahagi naman
inaasahang magaganap ang kumpletong implementasyon ng ikalabing-isa at ikalabing-
dalawang baitang sa mga pampublikong paaralan. Kasabay na rin nito ang lubusang
pagbabago ng kurikulum ng elementary. Ang ikaapat at huling bahagi ay ang tuluyang
pagkaka-implementa ng K-12 kurikulum na inaasahang magaganap sa taong 2018-
2023 (Quijano, 2012).
Ang target na pondo ng Kagawaran ng Edukasyon para sa taong 2012 ay 238.9
na bilyong piso at inaasahang tataas hanggang sa 400 na bilyon sa taong 2017.
Binabalak din ng gobyerno na humingi ng tulong mula sa pribadong sektor sa
T A B I O S | 9
pamamagitan ng public-private partnerships para sa matiwasay na pagpapatakbo ng
Senior High sa aspeto ng mga kinakailangang gusali at sa pondo na rin. Ang
pagtutulungang ito ay magaganap sa transition period hanggang sa makumpleto na ng
gobyerno ang lahat ng mga kailangan sa Senior High (Quijano, 2012).
K-12, RBEC at Pagiging Globally Competitive
Sa isang discussion paper na inilathala ng Kagawaran ng Edukasyon tungkol sa
Enhanced K to 12 Basic Education Program, ipinagdiinan ng kagawaran ang
kahalagahan ng K-12 upang epektibong maiangat ang lumalalang kalagayan ng kalidad
ng edukasyon sa Pilipinas. Ito ay sinasalamin ng mga mabababang marking nakukuha
sa National Achievement Test ng mga Pilipinong mag-aaral (Oteyza, 2012).
Nakasaad sa Restructured Basic Education Curriculum ang sampung taong
taong gugugulin ng mga estudyante sa pag-aaral. Ayon sa Kagawaran ng Edukasyon,
sa RBEC, ang mga kaalamang dapat inaaral sa loob ng labindalawa o higit pang taon
ay ipinagsisiksikan sa loob ng sampung taon. Sinisisi ng kagawaran ang maikling
panahong inilalagi ng mga mag-aaral sa paaralan kung bakit hindi sapat ang kanilang
kaalaman at kakayahang harapin ang reyalidad lalo pa’t mas sentro ang RBEC sa mga
asignaturang Ingles, Matematika, Agham, Filipino at Makabayan. Samantalang sa K-12
ay nagkaroon ng integrasyon sa mga leksyon, particular na sa Ingles at Filipino, na
naglalaman ng mga aral na makatutulong sa pagkabuo ng pagkatao ng mga estudyante
(Department of Education, 2010).
Ang sampung taon din ng RBEC ang isa sa mga nakikitang dahilan ng
Kagawaran kung bakit patuloy na lumulobo ang bilang ng mga Pilipinong walang
T A B I O S | 10
trabaho. Aniya, nang dahil na rin sa kakulangan sa kaalaman ay nagiging unproductive
ang mga Pilipinong high school lamang ang tinapos. Hindi rin umano makapagtayo ng
sarili nilang mga negosyo ang mga high school graduate na ito dahil wala pa sila sa
legal na edad upang pumirma ng iba’t ibang mga papeles. Hadlang din diumano ito sa
mga oportunidad ng mga Pilipinong nais magtrabaho o mag-aral sa ibang bansa, lalo
na para sa mga propesyunal (Cruz, 2010).
Sa isang ekonomikong pag-aaral na ginawa naman ng National Statistics
Coordinating Board (NSCB), kung saan inalam nila ang costs and benefits ng
karagdagang dalawang taon sa batayang edukasyon, lumalabas na may positibong
epekto ito sa pagtaas ng sahod ng mga magtatapos sa mataas na paaralan (De Vera &
Tan, 2010). Nang dahil sa mga ito, mariing naniniwala ang Kagawaran ng Edukasyon
na ang K-12 ang susi upang magkaroon ng pagkakataon ang bawat estudyante na
makatamasa ng may kalidad na edukasyong hindi ipinagkakasya sa loob ng maikling
panahon at kinikilala ng buong mundo (Department of Education, 2010).
K-12 at Problema sa Kalidad ng Edukasyon
Ngunit kung gaano katindi ang pagnanais ng Kagawaran ng Edukasyon na
iimplementa ang K-12 ay ganoon din ang mga pagtutol dito. Para sa mga kritiko ng
naturang programa, hindi ang K-12 ang tamang solusyon upang lutasin ang mga
problema sa edukasyon ng ating bansa. Isa pa ay hindi kayang pondohan ng gobyerno
ang dagdag na dalawang taong ito; sampung taon ngang batayang edukasyon ay hindi
na kayang pondohan ng gobyerno, paano pa kaya ang labindalawang taon? Kung ang
kurikulum rin lang naman pala ang problema, mas marapat na ayusin na lamang ng
T A B I O S | 11
Kagawaran ng Edukasyon ang mga subject imbes na dagdagan pa ito. Ang problema
ay wala sa tagal na ginugugol sa pag-aaral kundi sa nilalaman ng mga paksang inaaral
ng mga estudyante (Cruz, 2010). Patunay na rito ang pag-aaral na ginawa ng Trends in
International Mathematics and Science Study (TIMMSS) kung saan lumabas na hindi
porke mas mahaba ang panahon ng batayang edukasyon ay nangangahulugan na ito
ng mas magandang performance ng mga mag-aaral (Oteyza, 2012).
Ayon pa sa pinuno ng PTFE Fr. Bienvenido Nebres, ang karagdagang dalawang
taong ito ay dagdag pahirap din sa mga magulang (Estopace, 2010 na nasipi sa De
Vera & Tan, 2010). Kahit na sabihin pang kaya ng gobyernong makapagbigay ng
libreng edukasyon, ang mga magulang pa rin ang sasagot sa mga baon, pamasahe,
gamit sa eskwelahan at iba pang gastusin ng kanilang mga anak (Oteyza, 2012). Sa
bandang huli, ito ay makabubuti lamang sa mga mamamayang may pinansyal na
kakayahan upang magpatuloy pa ng pag-aaral. Sa halip tuloy na bumaba ang bilang ng
mga kabataang out-of-school ay maaari pa itong magresulta sa mas mataas na bilang
ng mga drop-outs dahil sa dagdag na gastusing hatid ng dalawang taon (Estopace,
2010 na nasipi sa De Vera & Tan, 2010).
Kapansin-pansin din ang tila pagmamadali ng gobyerno na maipatupad ang
naturang programa sa kabila ng katotohanang marami pang aspeto nito ang hindi
handa. Ang isang bagong programang kasing-laki ng K-12 ay nangangailangan muna
ng dry run sa mga piling paaralan bago tuluyang ipatupad sa buong bansa at ang phase
by phase na implementasyon nito ay hindi maituturing na dry run. Malaki sana ang
maitutulong ng dry run na ito upang makita ang mga posibleng maging epekto ng K-12
sa sektor ng edukasyon sa Pilipinas. Kulang rin ang K-12 ng mga pag-aaral o
T A B I O S | 12
pananaliksik bilang patunay na makatutulong nga sa bansa ang mga nilalaman ng
naturang programa (Lacanilao, 2012).
Ang K-12 rin diumano ay isa lamang sa mga neoliberal na polisiyang
ipinapatupad ng administrasyong Aquino tungo sa pagkakaroon ng cheap labor at
patuloy na pagbabawas ng subsidyong ibinibigay nito sa sektor ng edukasyon.
Sinasalamin ng K-12 ang unti-unting pagabandona ng gobyerno sa obligasyon nitong
bigyan ng abot-kaya at dekalidad ng edukasyon para sa lahat (Marasigan, 2012). Base
na rin sa isang pag-aaral na isinagawa ng Philippine Institute for Development Studies
(PIDS), ang madaliang pagpapatupad ng K-12 ay maari pang makasama sa
panlipunang katarungan (Oteyza, 2012).
BALANGKAS NG PAG-AANALISA
Ayon kay Hagos at Dejarme (2008), ang pagpapalit ng kurikulum ay isang
paraan upang makipagsabayan sa mabilis na pagbabagong nangyari sa lipunan at
teknolohiya ang mga paaralan.
MGA SALIK
Problema sa Kalidad ng Edukasyon
Reporma sa Edukasyon
K to 12 Basic Education Program
Ang K-12 at pagiging globally competitive
Ang K-12 at ang mga problema sa Edukasyon
Pagbabago/
Pagpapalit
ng
Kurikulum
PARTISIPASYON NG
MGA GURO SA:
Proseso ng pagpapasya tungkol sa pagpapalit ng kurikulum
Proseso ng pagpapalit ng kurikulum
Nilalaman ng mga asignatura
T A B I O S | 13
Isang complex at dynamic na proseso ang paggawa at pagpapalit ng kurikulum.
Ito ay nangangailangan ng partisipasyon ng lahat ng stakeholders, lalung-lalo na ng
mga guro na siyang pangunahing umaakto at nakakaramdam ng epektong kalakip ng
pagbabagong ito (Philippine Social Science Council, 2006).
Mula sa isang pag-aaral na isinagawa ng UNESCO tungkol sa pagbabago ng
kurikulum, madalas na economically driven at impact na rin ng patuloy na globalisasyon
ang nagtutulak ng pagpapalit na ito. Ngunit madalas na hindi rin nagiging epektibo o
walang epekto ang mga bagong kurikulum. Ayon pa rin sa naturang pag-aaral, ang
kadalasang dahilan ng pagiging palpak ng mga pagpapalit ng kurikulum ay (1)
sentralisadong curriculum decision-making; (2) pagpapabaya ng human values at ng
mga kakayahan sa buhay; (3) masikip at umaapaw na laman ng mga asignatura at; (4)
mababang lebel ng partisipasyon ng mga guro sa proseso ng decision-making
(Philippine Social Science Council, 2006).
Nitong mga nagdaang taon, tungo sa economic rationalism ang pagigting ng
impluwensiya ng mga polisiyang ekonomiko sa larangan ng edukasyon (Barcan, 1996).
Mas nagiging sentro ng usapin ang pagkakaroon ng managerial efficiency at
pagpapatibay ng economic performance kaysa sa mga tunay na pangangailangang
konektado sa edukasyon (Karaolis, 1997).
Sa linyang ito, patuloy na tinutuligsa ang programang K-12 ng administrasyong
PNoy dahil sa ito ay nakaangkop sa mga patakarang neoliberal; “itinutugma sa mga
pangangailangang itinakda ng mga dayuhang multinasyunal na bangko’t kompanya”
(ACT Partylist, 2012). Dagdag pa rito ang paglipana ng mga salitang “trade
T A B I O S | 14
liberalization”, “growing global market”, at “international standards and agreements” sa
tuwing magbibigay ng pahayag ang gobyerno tungkol sa pangangailangan sa K-12
(Ibid.)
Sa bawat pagpapalit na nagaganap, sa mga guro bumabagsak ang
responsibilidad ng pagharap at pakikibagay sa mga pagbabago sa kabila ng mga
kakaunting resources. Sa pamamagitan ng pagkilala sa opinyon at saloobin ng mga
guro sa proseso ng pagpapalit ng kurikulum, mas malaki ang tsansang magkaroon ng
totoo, epektibo at pangmatagalang pagbabago sa larangan ng edukasyon (Cresdee,
2002).
PAMAMARAAN NG PANANALIKSIK
Disenyo ng Pananaliksik
Ang pangunahing layunin ng pananaliksik na ito ay alamin kung para sa mga
guro ay kailangan nga bang talaga ng Pilipinas ang K-12 upang maiangat ang kalidad
ng edukasyon ng bansa. Inalam ng mananaliksik kung ano nga bang talaga ang
pagkakaiba ng K-12 sa mga nagdaang kurikulum, bukod pa sa mas mahabang
panahong gugugulin sa pag-aaral ng mga estudyante. Kasama na rin dito ang mga
kalakasan at kahinaan ng K-12 bilang isang kurikulum. At panghuli, inalam rin ng
mananaliksik kung ano nga ba ang talagang magiging epekto o kung makakaapekto ba
ang naturang programa sa kalidad ng edukasyon sa Pilipinas.
Pinili ng mananaliksik na magsagawa ng anim na key informant interview; lima
sa mga ito ay mga pampublikong gurong kasalukuyang nagtuturo ng Grade 7 at pang-
anim ay mula sa isang mataas na opisyal ng ACT Partylist. Sa ginawang key informant
T A B I O S | 15
interview (KII) sa opisyal ng ACT Partylist, inalam ang kanilang posisyon sa isyu at kung
ano ang mga aksyong ginawa ng naturang partylist upang maipaabot sa kinauukulan
ang kanilang mga opinyon at suhestiyon. Bago makakuha ng panayam ay nagpadala
sa pamamagitan ng e-mail at fax ang mananaliksik sa kanilang opisina ng liham na
humihingi ng permiso upang kapanayamin ang isa sa matataas na opisyal ng partylist.
Ang KII guide para sa ACT Partylist ay nahati sa tatlong bahagi; sa kabuuan ay
sampung open-ended na katanungan ang inihanda ng mananalisik para sa naturang
opisyal (Matatagpuan sa Apendiks 1 ang KII guide). Sa kaso naman ng mga
pampublikong guro ay ambush interview ang isinagawa ng mananaliksik; sa araw rin ng
panayam ibinigay ang liham na humihingi ng permisong sila ay kapanayamin kung
kanilang nanaisin (Nasa Apendiks 2 ang nasabing liham).
Bago ang panayam sa ACT Partylist, inalam muna ng mananaliksik ang
posisyon ng Partylist tungkol sa K-12. Napag-alaman nga ng mananaliksik, ayon na rin
sa kanilang mga inilathalang pahayag, ang negatibong pagtingin ng mga miyembro ng
organisasyon sa naturang kurikulum. Para naman sa mga pampublikong guro, ninais ng
mananaliksik na kumapanayam ng isang gurong nagtuturo sa bawat asignatura ng mga
mag-aaral ng Grade 7. Inalam rin ng mananaliksik kung gaano na katagal nagtuturo
ang mga ito at kung ilang pagbabago ng kurikulum na rin ang kanilang naranasan
bilang isa sila sa mga pangunahing tauhan sa bagong programang ito ng Kagawaran
ng Edukasyon. Ito na rin ay upang malaman kung magkakaroon ng point of comparison
ang mga kinakapanayam tungkol sa magiging epekto ng bagong kurikulum sa kalidad
ng edukasyon sa bansa.
T A B I O S | 16
Talahanayan 1.Pag-uuri ng mga Kakailanganing Datos, Batis na Pagmumulan ng
Datos, at Pamamaraan ng Pagkuha ng Datos
Grupo ng Datos Pagmumulan Pamamaraan
Mahahalagang
impormasyon tungkol sa
nilalaman ng K-12 Basic
Education Program.
Discussion/Position Papers na mula mismo
sa Kagawaran ng Edukasyon
Document
Analysis
Mga nilalaman ng
nagdaang kurikulum, ang
Revised Basic Education
Curicculum (RBEC)
Discussion/Position Papers na mula mismo
sa Kagawaran ng Edukasyon
Document
Analysis
Isyu at kontrobersiyang
umiikot sa
implementasyon ng K-12
bilang bagong kurikulum.
Pahayagan, online news, online journals,
government websites
(http://www.deped.gov.ph)
Document
Analysis
Pagtingin at sari-saring
opinyon ng mga
pampublikong guro
tungkol sa kurikulum ng
K-12 at posibleng epekto
nito sa kalidad ng
edukasyon sa bansa.
Pampublikong guro; Mataas na opisyal
mula sa ACT Partylist
Key Informant
Interview
T A B I O S | 17
Pag-aanalisa ng Datos
Upang makuha ang mga kinakailangang datos, nagsagawa ang mananaliksik ng
serye ng mga Key Informant Interview sa mga pampublikong gurong kasalukuyang
nagtuturo ng ika-pitong baitang at opisyal mula sa ACT Partylist, ang kumakatawan sa
sektor ng mga guro sa Kongreso. Sa kabuuan, nagkaroon ng anim na panayam ang
mananaliksik; lima ay sa mga pampublikong gurong pawang nagtuturo ng mga mag-
aaral na nasa ika-pitong baitang at ang ikaanim naman ay sa isang opisyal ng ACT
Teacher’s Partylitst. Tumagal ang mga panayam sa guro ng humigit-kumulang na
sampung minuto samantalang tatlumpung minuto naman sa Punong Kalihim ng ACT.
Matapos ang bawat panayam ay inilapat ang mga ito sa pamamagitan ng
verbatim na pag-transcribe ng kanilang mga sagot. Ang natapos na transkripsyon ay
ginawan ng coding scheme upang maging maayos at mapadali ang pag-aanalisa ng
mga datos. Nakapaloob sa naturang coding scheme ang mga iba’t ibang kategoryang
makatutulong sa paghihimay ng mga mahahalagang detalye mula sa mga panayam.
Kasama rin sa coding scheme ang mga sipi mula sa transkripsyon ng mga panayam
upang mas mapalalim pa ang konteksto at pag-unawa sa naturang kasagutan ng mga
kinapanayam. Kasunod ng case analysis ay isinagawa ang cross-case analysis upang
mas mapalalim pa ang pag-aanalisa sa mga nakuhang datos. Isinagawa din ito upang
mapagkumpara at makita ang anumang pagkakaiba o pagkakapareho ng kanilang mga
sagot sa iba’t ibang kategorya.
T A B I O S | 18
Limitasyon
Ninais ng mananaliksik na kunin din ang panig ng Kagawaran ng Edukasyon
upang sanay mas magkaroon ng kaalaman ukol sa K-12 mula mismo sa mga bumuo
nito. Bukod kasi sa perspektibo ng mga guro ukol sa pangangailangan sa K-12, nais din
ng mananaliksik na malaman ang pagtingin ng Kagawaran ng Edukasyon sa K-12
upang sana ay makatulong sa pag-aanalisa ng mga datos mula sa mga panayam sa
mga pampublikong guro.
Kung kaya naman sinubukan ng mananaliksik na kumuha ng panayam mula sa
Dibisyon ng Pagbuo ng Kurikulum ng Kagawaran ng Edukasyon. Ninais ng
mananaliksik na makakuha ng mga impormasyon mula mismo sa mga pangunahing
bumuo ng kurikulum ng K-12. Sa pagpapa-iskedyul palang ng naturang panayam ay
nahirapan na ang mananaliksik dahil na rin sa kaabalahan ng opisyal mula sa naturang
dibisyon. Nang dahil na rin sa pagiging abala ng dibisyon ay ilang beses na
naipagpaliban ang naturang panayam. Noong araw nga mismo ng panayam ay hindi
nakuha ng mananaliksik ang inaasahang panayam mula sa opisyal ng naturang
dibisyon dahil na rin sa mayroon silang importanteng pulong na dapat daluhan. Bagkus,
binigyan na lamang ang mananaliksik ng kopya ng isang nilimbag na bersyon ng
presentasyon tungkol sa K-12 na isinulat ng Undersecretary for Program and Projects
ng Kagawaran ng Edukasyon.
PANG-ETIKANG KONSIDERASYON
Sa larangan ng pananaliksik, isa sa mga pinakamahalagang tungkulin ng
mananalisik, bukod sa mangalap ng impormasyon, ay ang pangalagaan ang naturang
T A B I O S | 19
impormasyon at kung sinuman ang pinanggalingan nito. Kaya naman marapat lamang
na ilihim ang anumang impormasyon ukol sa mga nakapanayam na mga pampublikong
guro mula sa isang mataas na paaralan, gayon na rin ang opisyal mula sa ACT Partylist.
Gagamit na rin ang mananaliksik ng alyas upang mas masiguro pa ang proteksyon ng
mga nakapanayam, ito na rin ay upang maalis ang anumang posibilidad na ma-trace
pabalik sa kanila ang mga impormasyong nakalap.
Dagdag pa rito, ang bawat liham na humihingi ng pahintulot upang sila ay
makapanayam para sa KII ay may mga kalakip na consent form (Appendix). Ito ay
upang mabigyang kasiguruhan na ang mga kinapanayam ay kusang pumayag na sila
ay kapanayamin at hindi pinilit sa anumang paraan. Bago rin mag-umpisa ang mga
panayam ay ipinaliliwanag at tinitiyak ng mananaliksik sa mga kinapanayam na ang
lahat ng datos na makukuha mula sa mga naturang panayam ay gagamitin lamang sa
pag-aaral na at hindi sa kung anumang mga bagay.
RESULTA
Ang K-12 bilang isang Kurikulum
Pananaw sa K-12 Bilang isang Kurikulum
K-12 at pagiging
Globally
Competitive
• Isang magandang programang pang-edukasyon na
malaki ang maitutulong sa mga mag-aaral
• Magiging daan upang magkaroon ng mastery ang mga
estudyante.
• Makatutulong maging globally competitive ang mga
T A B I O S | 20
Base sa pag-aaral na ginawa, lumalabas na magkakaiba ang pagtingin ng mga
pampublikong guro sa K-12 bilang isang bagong kurikulum. Mayroong mga positibo ang
pananaw sa K-12, mayroon ding negatibo. May mga naniniwalang solusyon nga ito sa
lumalalang sitwasyon ng edukasyon ng bansa, mayroon din namang hindi.
Kinilala naman ng mga gurong may positibong pagtingin sa K-12 na karamihan
sa mga magulang ay tumututol sa pagpapatupad ng K-12. Aminado rin sila na noong
una nga sila mandin ay may mga agam-agam din sila sa K-12 ngunit malaki di umano
ang naitulong ng mga dinaluhan nilang pantas-aral, pagpupulong, at mga pagsasanay
upang mas maintindihan at makita nila ang mga magagandang epekto ng naturang
kurikulum.
Ayon sa kanila ang K-12 ay isang magandang programang pang-edukasyon na
malaki ang maitutulong sa mga mag-aaral. Para sa kanila, magiging daan ito upang
magkaroon ng mastery ang mga estudyante; mastery ng mga aralin at gawain na
hahantong rin sa mastery ng kanilang mga kakayahan.
Pilipino.
• Malaki ang maiaambag sa pagpapalawak ng pag-unawa
ng mga kabataan tungkol sa buhay.
K-12 at ang mga
Problema sa
Edukasyon
• Hindi ang pagpapalit ng kurikulum ang solusyon sa
problema sa edukasyon.
• Makadayuhan, walang kalidad, at dagdag na pahirap
lamang ito sa mamamayan.
• Maraming kakulangang ang naturang programang
maaaring makasama lamang sa sektor ng edukasyon.
T A B I O S | 21
Dagdag pa rito, sang-ayon din sila sa layunin ng Kagawaran ng Edukasyon na
ang K-12 nga ay makatutulong upang maging globally competitive ang mga Pilipino.
Pagdating sa ibang bansa, magagawa nang makipagsabayan ng mga Pilipino sa mga
banyaga. Ginawa nilang halimbawa ang mga pagkakataon kung saan ang mga
Pilipinong mandarayuhan ay kinakailangan pang mag-aral muli sa mababa o mataas na
paaralan kahit na sila ay nagtapos na sa Pilipinas. Ang K-12 rin diumano, sa
pamamagitan ng mga araling nakapaloob rito, ay malaki ang maiaambag sa
pagpapalawak ng pang-unawa ng mga estudyante tungkol sa buhay.
Kaugnay naman sa K-12 at problema sa edukasyon, hindi ang pagpapalit ng
kurikulum ang angkop na solusyon rito. “Through the years, decades, na
nagpabago-bago ng kurikulum, may nabago ba? Wala.”
Ayon na rin sa isang kinapanayam na nakadalo sa mga pagpupulong sa ibang
bansa ukol sa mga kurikulum, maging sila ay hindi rin napatunayang ang K-12 nga ay
nakatulong na masolusyonan ang ibang problema sa lipunan. “At tsaka kung titignan
naman natin yung graduate ba natin ng 10 year basic education program katulad
namin, katulad nung mga nakaraan, „pag nagpunta sila ng abroad nag-eexcel sila
ah?” Kulang din umano sa konsultasyon ang pagpapatupad sa K-12.“Mayroon daw
silang consultation na ginawa sa mga parents at lahat ng stakeholders pero um-
attend ako minsan ng consultation, controlled. Pinipigil nila yung mga tanong.”
Dagdag pa rito, ang K-12 ay makadayuhan, walang kalidad, at dagdag na
pahirap lamang sa mga mamamayan, partikular na sa mga guro, magulang at
estudyante. Makadayuhan ang K-12 dahil isa sa mga paliwanag ng Kagawaran ng
T A B I O S | 22
Edukasyon kung bakit kailangang iimplementa ang K-12 ay alinsunod na rin diumano
sa mga pamantayan ng ibang bansa pagdating sa sistema ng edukasyon (e.g.,
Washington Accord ng Amerika at Bologna Process ng Europa). Hindi nila
maintindihan kung bakit kailangan nating sundin ang mga pamantayang ito dahil sa
simula pa lamang ay hindi naman tayo miyembro dito. Wala rin itong kalidad dala na
rin ng katotohanang marami pang mga kakulangan sa silid-aralan, upuan, batayang-
aklat, at lalo na sa mga guro.
At dahil na rin sa ipinatupad ang K-12 ng wala pang naipapasang batas kaugnay
dito, wala pa itong sapat na pondo kung kaya’t wala pa ring malinaw na pagkukuhanan
ng pera upang mabili ang mga kinakailangang kagamitan upang ito ay maipatupad ng
maayos. Sa ngayon nga ay nagkaka-problema na sa mga paaralan dahil sa hindi pa rin
kumpleto ang mga kinakailangang modyul para sa kasalukuyang school year.
Ipinunto rin nila ang kakulangan sa tamang kasanayan ng mga guro sa pagtuturo
ng mga aralin na nakapaloob sa kurilulum ng K-12. Ayon sa mga pampublikong gurong
nakapanayam ng mananaliksik, sinanay lamang sila isa hanggang dalawang linggo
bago ang pag-uumpisa ng school year kung saan K-12 na ang gagamiting kurikulum.
Nang dahil na rin sa kakulangan sa kagamitan at pagsasanay ng mga guro, minsan ay
nangangapa sila sa dilim at nahihirapang mag-adjust sa naturang kurikulum.
Hirap rin ang mga mag-aaral sa K-12 dahil sa trial and error na katangian nito;
mistula lamang silang mga guinea pigs ng Kagawaran ng Edukasyon kung kaya’t
karamihan sa mga epekto ng problema ay sila ang nakakatanggap.
K-12 vs Lumang Kurikulum
T A B I O S | 23
K-12 vs Lumang Kurikulum
Kurikulum Kalakasan Kahinaan
Restructured
Basic
Education
Curriculum
(RBEC)
• Mas pokus sa mga
asignaturang Ingles,
Matematika, Agham,
Filipino, at Makabayan.
• Dahan-dahang transisyon
mula sa mga batayang
aralin patungo sa mga
kumplikadong konsepto
• 10 taon (Congested)
• Hindi gaanong nagpopokus sa
paglinang ng kakayahan ng mga
estudyante.
K-12
Curriculum
• 12 taon
• Senior High School
• Grading System (A-F)
• Integrasyon ng mga
araling makatutulong sa
pagpapasya sa buhay ng
mga mag-aaral
• Mas mabigat na workload
• Sa elementarya, dagdag na
asignatura (MAPEH para sa mga
Grade 1)
• “Chinopsuey” na Matematika at
Agham sa Sekundarya
Ilang beses na ring nagpalit ng kurikulum ang bansa sa pagnanais na mapabuti
pa ang sistema ng edukasyon sa bansa. Kaugnay nito, hiniling ng mananaliksik sa mga
kinapanayam kung ano nga bang talaga ang ipinagkaiba ng K-12, bukod sa dagdag na
dalawang taon, sa mga nagdaang kurikulum. Ano ba ang kalakasan o kahinaan ng K-
12 kumpara sa mga nagdaang kurikulum?
Lumalabas na sa ilalim ng K-12, madadadagdagan ang mga asignaturang
kailangang aralin ng mga estudyante, partikular na sa mga nasa unang baitang ng
elementarya kung saan magkakaroon na sila ng MAPEH. Samantalang sa mataas na
paaralan naman, ang Matematika at Agham ay mistulang “chinopsuey” o pinaghalo-
halo; “a little bit of everything” ika nga. Dati, ang iba’t ibang aspeto ng Agham ay hinati-
T A B I O S | 24
hati sa apat na antas ng mataas na paaralan. Sa dating kurikulum, ang Biology ay
inaaral sa ikalawang antas, Chemistry sa ikatlo, at Physics sa huli at pang-apat na
antas. Ngunit sa ilalim ng K-12, ang lahat ng ito ay halo-halong ituturo ng mga guro sa
bawat taon; General Science, Biology, Chemistry, at Physics lahat sa loob ng isang
taon. Ganoon din ang kaso sa Matematika; Elementary Algebra, Advance Algebra,
Geometry, Trigonometry at Statistics ay magkakasunod na ituturo sa loob lamang ng
isang taon. “Parang ibinalik sa SEDP, yung SEDP isang curriculum din bago mag-
BEC o Basic Education Curriculum at RBEC o Restructured Basic Education
Curriculum, ganun na yung ginawa nila na napatunayang palpak at pumalya na.”
Isa sa pinagkaiba ng K-12 at lumang kurikulum ay ang bigat ng workload ng mga
estudyante. Para sa ilan sa mga gurong nakapanayam, kanila itong itinuturing na
kalakasan ng naturang kurikulum dahil ang karagdagang bilang ng mga gawain ay
karagdagang kaalamang makatutulong sa pagharap sa bahay. Sa kabila nito, labis na
inaalala ng mga guro ang posibleng maging epekto ng kombinasyon nang
napakaraming gawain at mga halo-halong aralin sa mga bata. Maaari kasi itong
humantong sa pagiging tamad ng mga estudyante o kaya’y hindi manatili sa isipan ng
mga bata ang lahat ng kanilang inaaral.
Dagdag pang pagkakaiba ng K-12 kurikulum at itinuturing na ring kalakasan ay
ang bagong grading system. Ang grading system na ito ay inilarawan nila bilang mas
descriptive kaysa dati. Sa K-12, hindi na numero ang gagamitin kundi ang mga letrang
A hanggang F. Maging ang porsiyento ng mga components ng bagong grading system
ay nagbago din, ang dating 25% na nakalaan para sa mga periodic tests ay naging 10%
na lamang. Ngunit ang problema lang umano sa grading system na ito ay hanggang sa
T A B I O S | 25
kasalukuyan, wala pang eksaktong numerical equivalent ang mga letrang papalit. At
panghuli, kung masisiguro lamang na maaayos na pagpapatakbo sa Senior High,
napakalaki ng maitutulong nito sa mga mamamayan. “Kung maayos ang
implementasyon at pag-aaralang mabuti, yung sinasabi nilang Senior High
School at kung libre lang ito, accessible sa lahat at hindi pababayaran ng private
school ay malaki ang maitutulong sa Pilipinas.”
Ngunit sa kabila ng pagkakaiba-iba ng mga tinutukoy nilang kalakasan ng K-12,
ang mga gurong kinapanayam ay nagkakaisa sa pagsabing tila hindi napapanahon at
labis ang kakulangan sa kahandaan at badyet ang K-12, siyang mga pinakamatinding
kahinaan nito. Labis ang kakulangan ng K-12 lalo na sa aspeto ng mga kagamitang
kinakailangan,. Para sa kanila, balewala ang mga nabanggit na kalakasan dahil kulang
naman sa mga kinakailangang kagamitan upang makamit ang mga layunin ng K-12.
“Kasi mayroon doong mga nakasulat na ano, wala ka namang materials.”
Dahil sa malaking kakulangan sa mga kagamitan, hindi makapagturo ng maayos
ang mga guro. Ang mga modyul din para sa Grade 7 ay hindi pa kumpleto kung kaya’t
napipilitan ang ilan sa kanila na magbalik na lamang sa mga araling nakapaloob sa
dating kurikulum. Hindi nila mapigilang magkomento tungkol sa kakulangan sa
kahandaan ng K-12 na mas nagiging pahirap sa kanilang mga guro at sa kanilang mga
estudyante. May mga pagkakataon kasi na dahil sa wala ngang modyul, napipilitang
magpa-photocopy na lang ng mga guro para sa mga estudyante; minsan pa nga ay ang
mga estudyante na mismo ang gumagastos sa pagpapa-photocopy.
T A B I O S | 26
“Tsaka sana pinaghandaan muna nang maigi yung implementation nung
curriculum. Sana well-provided yung mga bata sa mga kailangan nila.”
Epekto ng K-12
Ang ayusin ang kalidad ng edukasyon ang pangunahing adhikaing
isinusulong ng K-12. Sang-ayon naman ang iba sa mga gurong kinapanayam na
maganda nga ang K-12 at makatutulong sa pagsasaayos ng sistema ng edukasyon sa
bansa. Ngunit ang lahat ng ito ay nakadepende pa rin sa pagkakaron ng sapat na
kahandaan ng mga kagamita, guro, at estudyante. Nang dahil sa hindi pa handa ang
lahat ay iniimplementa na ito, imbes na makabuti ito ay mistulang kabaligtaran pa ang
magiging epekto ng naturang programa.
Ang kakulangan sa mga kagamitan ay mas nakasasama pa sa kapakanan ng
mga estudyante. Ang mga kulang na modyul ay nagreresulta sa dagdag na gastos para
sa mga estudyante at gurong napipilitang magpa-photocopy na lang. Ang dagdag na
gastusing hatid ng pagpapa-photocopy ay mas binabalikat ng mga mag-aaral. Nang
dahil na rin sa pagkaka-chopsuey ng mga asignaturang sinamahan pa ng mga
sandamakmak na gawain, maaaring mabigla at mahirapan ang mga batang sumabay
lalo na kung wala silang anumang paunang kaalaman tungkol sa mga asignaturang ito.
Gaya na rin ng nauna nang nabanggit, maaaring katamaran na ng mga estudyante ang
mag-aral. Mas mahaba na nga naman kasi ang gugugulin nilang panahon sa paaralan
at tambak pa sila ng kung anu-anong gawain. Maglalaho na lamang na parang bula ang
pagnanais ng Kagawaran ng Edukasyon na magkaroon ng mga produktibong Pilipino.
T A B I O S | 27
Ayon pa sa iba sa kanila, dahil sa labis na kakulangan sa kagamitan, mukhang
wala rin itong magiging epekto sa kalidad ng edukasyon at mawawalan lamang ng silbi.
Kapag nagpatuloy pa ang kakulangang ito, lalo lang nitong papababain ang kalidad ng
edukasyon sa bansa. Sa bandang huli, iminungkahi ng ilan sa kanila na sana ay pinag-
isipan muna ng Kagawaran ng Edukasyon ang K-12 bago ito inimplementa. Dagdag pa
nila, sana ay sinolusyonan muna ang mga nauna ng kakulangan sa silid-aralan, mga
qualified na guro, aklat, upuan at iba pang matagal ng problema ng edukasyon sa
bansa. Nagmistula kasing nadagdagan lamang ang problema ng edukasyon sa K-12.
DISKUSYON
Alinsunod sa mga konseptong nakapaloob sa balangkas ng pag-aanalisa, sa
aspeto ng pagpapasya ukol sa pagpapalit ng kurikulum ay kapansin-pansin ang
pagiging sentralisado nito. Ang mga matataas na opisyal lamang ng pamahalaan ang
gumawa ng pasya, ito ay sa kabila pa ng katotohanang hanggang ngayon din ay hindi
pa rin naipapasa ang batas kung saan nakapaloob ang K-12. Pagkatapos itong iprisinta
nina Kalihim Luistro at ni Pangulong Benigno Aquino sa publiko ay inihanda na ang
implementasyon nito. Walang narinig ang publiko tungkol sa kunng paano isinagawa
ang proseso ng pagpapasyang ginanap. Ngunit sige lang ang Kagawaran ng
Edukasyon sa pagpapatupad ng mga pagbabago sa ilalim ng K-12.
Maging ang partisipasyon ng mga guro sa mismong pagpapalit ng kurikulum at
kung ano ang lalamanin ng mga asignatura sa ilalim nito ay limitado. Ang tanging papel
na ginampanan nila ay ang tagapagturo ng mga nilalaman ng mga asignaturang
T A B I O S | 28
nakapaloob sa K-12. Makikita naman sa mga komento ng mga nakapanayam na guro
ang pag-ayaw nila sa pagkaka-chopsuey ng mga asignaturang Matematika at Agham.
Magmula nang inilunsad ng Kagawaran ng Edukasyon ang kanilang Basic
Education Sector Reform Agenda (BESRA) kung saan nakapaloob ang K-12 Basic
Education Program ay sari-saring opinyon na ang lumutang, pabor at tutol sa
implementasyon nito. Normal lang naman ang pana-panahong pagpapalit ng kurikulum
ngunit ang K-12 na marahil ang isa sa pinakamalaking pagbabagong naganap sa
larangan nito. Ayon sa Kagawaran ng Edukasyon, makatutulong ito sa pagsolusyon sa
mga problemang kinakaharap ng sektor ng edukasyon. Makatutulong rin umano ito sa
mga Pilipino, lalo na sa larangan ng paghahanap ng trabaho abroad; globally
competitive ika nga nila.
Kung susuriin, marami ngang benepisyo ang K-12 para sa pagsasaayos ng
edukasyon sa bansa. Nariyan ang mga araling makatutulong sa pagiging buo ng mga
mag-aaral; araling makatutulong sa pagharap nila sa buhay. Sino ba naman ang
tatanggi sa ganyang mga pagbabago? Ngunit malinaw sa pahayag ng mga
kinapanayam na guro na, kulang pa sa kahandaan at hindi pa napapanahon ang K-12.
Hindi rin ito ang angkop na sagot sa mga problemang kung tutuusin ay matagal ng
kinakaharap ng sektor ng edukasyon. Ang mga hakbang rin na nakapasailalim sa K-12
ay hindi alinsunod sa mga problemang nais nilang solusyonan. Gaya na lamang nga ng
dagdag na subject para sa mga nasa unang baitang, paano na ang kagustuhan ng
Kagawaran ng Edukasyon na mag-decongest?
T A B I O S | 29
Ang wala sa panahong implementasyon nito ay mas nagdulot pa nga ng dagdag
na problema sa mga guro at estudyante. Mas nakompromisa pa ang kalidad ng
edukasyon nang dahil sa hindi pa ito handa. Mga kakulangan (modyul, silid-aralan,
upuan, paaralan), kulang sa pagsasanay na mga guro (para sa elementary at
sekundarya), mga gurong hindi pumasa sa board exams (para sa kindergarten); duda
ang mga guro na ang mga nabanggit ay magreresulta sa isang dekalidad na edukasyon.
Ang pagkaka-chopsuey at mas pinaraming aralin na sinabayan pa ng mas maraming
gawain ay siguradong hindi magbubunga ng mga produktibong estudyante. Gaya na rin
nang nabanggit ng mga guro, malaki pa nga ang posibilidad ng maging tamad ang mga
estudyante. Mas matagal na nga naman ang ilalagi nila sa paaralan, mas mahihirapan
pa sila sa mga aralin.
Kung sana nga ay pinag-isipan muna nang mabuti ang naturang programa
bago ito inilunsad ay hindi sana sila, kasama ng kanilang mga estudyante, nakararanas
ng iba’t ibang problema ngayon. Sa kabila ng pagkakaimplementa ng K-12, patuloy pa
rin ang pagsulong ng ACT Partylist sa tunay na reporma sa edukasyon; mas mataas na
badyet at pagpuno sa mga matagal ng kakulangan sa paaralan, silid-aralan, batayang-
aklat, at mga kwalipikadong guro.
Sa bandang huli, ang kapakanan pa rin ng mga estudyante ang iniisip ng mga
pampublikong gurong nakapanayam. Ang hinahangad na maging solusyon ay naging
parte at siya pang nagpalala ng problema.
T A B I O S | 30
KONKLUSYON
Ang mga impormasyong nakalap mula sa mga ginawang panayam ay naging
daan upang makabuo ng koleksyon ng mga komprehensibong datos na nagsilbing
basehan sa konklusyong ginawa para sa ginawang pananaliksik.
Ating namalas kung paanong pati sa paggawa ng mga batas na may kinalaman
sa edukasyon ay nangingibabaw pa rin ang pagkonsidera sa kapakanan ng ating
ekonomiya kaysa sa pagkakaroon ng mga tunay na reporma. Patunay na nga rito ang
pagnanais ng gobyerno na maging globally competitive ang mga Pinoy pagdating sa
paghahanap ng trabaho sa ibang bansa sa halip na pagbutihin nito ang pagbibigay ng
oportunidad sa bansa upang di na mangibang-bayan pa ang mga mamamayan. Sa
kasalukuyn ay patuloy pa rin ang panawagan ng ACT Partylist at ibang sektor ng
lipunan para sa tunay na reporma sa edukasyon.
Maraming pagkakaiba ang K-12 at RBEC, may kanya-kanyang kalakasan at
kahinaan. Para sa marami, ang labindalawang taon ay makakatutulong upang i-
decongest ang mga kaalamang ipinagsisikan sa sampung taon. Ngunit marami rin ang
pabor sa dahan-dahang transisyon mula sa batayang kaalaman patungo sa
komplikadong konsepto na dala ng RBEC. Hindi bentahe ng K-12 ang pagkaka-
“chopsuey” ng mga asignatura nito, lalo pa’t ang dalawang mahirap na asignaturang
Agham at Matematika ito. Tila salungat din sa gustong decongestion ng Kagawaran ng
Edukasyon ang pagdadagdag nito ng mga asignatura sa elementarya.
Marami rin ang dismayado na sa kabila ng labis na kakulangan sa iba’t ibang aspeto
ng K-12 ay ipinatupad pa rin ito ng pamahalaan. Hindi biro ang mga epekto ng naturang
T A B I O S | 31
mga kakulangan sa kagamitan tulad ng mga modyul at kahandaan ng parehong guro at
mag-aaral sa kalidad ng edukasyon. Kung hindi ito mabalewala at mawalan ng epekto,
maaaring maging daan pa ito upang lumala ang kalidad ng edukasyon. May punto nga
naman ang mga guro sa pagsabing katatamaran na ng mga estudyante ang mag-aral
sa bigat ng workload at tagal ng ilalagi sa pag-aaral.
Samakatuwid, ang kasagutan sa pangunahing katanungang “Para sa mga
pampublikong guro, kailangan nga ba ang K-12 upang maiangat ang kalidad ng
edukasyon ng bansa?” gamit ang mga nakalap na sagot mula sa mga panayam sa
mga pampublikong guro, lalabas na para sa kanila ay hindi kailangan ang K-12 upang
maiangat ang kalidad ng edukasyon sa bansa. Ito na rin ay dahil sa limang (5) mga
dahilan.
1. Kulang sa pondo, kahandaan at minadali ang pagpapatupad ng naturang
kurikulum. Animo’y hindi lubos na pinagisipan ang kurikulum bago ito inilunsad at
ipinatupad sa bansa.
2. Hindi napapanahon ang pagpapatupad dito.
3. Taliwas sa mga nais na pagbabago ang nagiging epekto ng kurikulum. Tataas
ang posibilidad na maging tamad ang mga bata at tumigil na lang sa pag-aaral
dahil sa tagal at dami ng dapat aralin.
4. Dahil na rin sa kakulangan sa mga kagamitan ay mas naging pahirap pa ito sa
parehong guro at mga estudyante. Naging dagdag gastusin at alalahanin na ng
dalawang panig ang madalas na pagpapa-photocopy ng mga leksyon dahil sa
kawalan/kakulangan ng modyul.
T A B I O S | 32
5. Mananatiling hindi ang K-12 ang sagot sa problema ng edukasyon sa bansa
dahil hanggang ngayon ay hindi pa rin nabibigyan ng solusyon ang mga matagal
ng problema sa kakulangan sa paaralan, silid-aralan, kwalipikadong guro, at
batayang-aklat.
Nang dahil rito, ang pag-aaral na ginawa ay maaaring magresulta sa pagbabago ng
mga nilalaman ng K-12. Magkakaroon din ng posibilidad na tuluyan nang ibasura ang
panukalang batas na naglalaman ng K-12 dahil sa mga negatibong epekto nito hatid na
rin ng labis na kakulangan nito sa iba’t ibang aspeto. Dagdag din na sa mga susunod
pang pagrereporma sa edukasyon, hindi lamang sa aspeto ng pagpapalit ng kurikulum,
ay mas paiigtingin ang partisipasyon ng mga guro at iba pang stakeholders, tulad ng
mga magulang, sa proseso ng pagpapasya. Ito ang magiging daan upang mapakinggan
at maikonsidera ang opinyon at saloobin ng iba’t ibang panig na makatutulong sa
desentralisasyon sa gobyerno, lalo na kung tungkol sa mga usaping malaki ang
magiging epekto sa lipunan.
Higit sa lahat, importanteng magamit ang pag-aaral na ito upang mabigyan ng
karampatang atensyon at solusyon ang mga matagal ng problema sa sektor ng
edukasyon na siyang tunay na nakaaapekto sa kalidad ng edukasyon sa bansa.
Hangga’t ang mga kakulangan sa silid-aralan, batayang-aklat, paaralan, at mga gurong
may kasanayan sa pagtuturo, anumang repormang gawin sa kurikulum, pagdadagdag
sa taon at asignaturang maganap, hindi pa rin uusad ang edukasyon sa bansa.
T A B I O S | 33
BIBLIOGRAPIYA
ACT Partylist. (2012). Kritik at Panawagan ng Alliance of Concerned Teachers laban sa K to 12 ni PNoy. Retrieved January 20, 2013 from http://www.act-teachers.com/ Barcan, A. (1996). Attempts to reform Australian state schools, 1979-1996. Education Research and Perspectives. Cresdee, M. (2002). Dealing with curriculum change: How teachers perceive recent curriculum changes and the strategies they employ to cope with such change. Murdoch University. Western Australia. Redeemed March 01, 2013 from http://researchrepository.murdoch.edu.au/30/2/02Whole.pdf Cruz, I. (2010). Pros and cons in the K+12 Basic Education Debate. Redeemed January 20, 2013 from http://mlephil.wordpress.com/2010/10/14/pros-cons-of-the-k12 debate/ De Vera, R., & Tan, J. Private costs and benefits of adding two years to the Philippine basic education system. 11th National Convention on Statistics. Department of Education. (2010). Enhanced K+12 basic education program. Redeemed February 01, 2013 from http://www.deped.gov.ph/cpanel/uploads/issuanceImg/K12new.pdf Hagos, L., & Dejarme, E. (2008). Enhancing curriculum in Philippine schools in response to global community challenges. Editch Cowan University Research Online. Redeemed Februay 10, 2013 from http://ro.ecu.edu.au/cgi/viewcontent.cgi?article=1020&context=ceducom Karaolis, J. (1997) Recent change in Australian education: A view from the schools. Education Research and Perspectives. Lacanilao, Flor. (2012).K-12 most likely to fail. Philippine Daily Inquirer. Retrieved October 09, 2012 from http://opinion.inquirer.net/23251/k12-most-likely-to-fail Marasigan, T. (2012). Key Plas Tsuwelb. Kapirasong Kritika. Retrieved October 11, 2012 from http://kapirasongkritika.wordpress.com/category/edukasyon/ Oteyza, K. (2012). Enhanced K to 12 basic education program: Opportunities and challenges. Economic Issue of the Day. Philippine Institute for Development Studies. Philippine Social Science Council. Seminar-Workshop on the Management of Curriculum Change. (June 7-9, 2006) Retrieved February 18, 2013 from http://www.ibe.unesco.org/fileadmin/user_upload/archive/publications/regworks ops/finrep_pdf/wsrep_philippines_06.pdf
T A B I O S | 34
Apendiks 1
Para sa mga pampublikong guro, kailangan nga ba ang K-12 upang maiangat ang kalidad ng edukasyon ng bansa?
Target: Opisyal mula sa ACT Partylist
Gabay sa KII
I. Pagtingin sa K-12
Paano tinitignan ng ACT ang K-12 bilang isang curriculum?
Bakit ganito ang kanilang pagtingin?
II. K-12 at ang Lumang Curriculum
Bukod sa mas mahabang taon ng pag-aaral, sa inyong pananaw, may ba pinagkaiba ang K-12 sa lumang curriculum? Kung meron, anu-ano ito? Kung wala, bakit?
o Ano ba ang ikinaganda ng K-12 kumpara sa mga nagdaang curriculum?
Kumpara sa nagdaang curriculum ano sa tingin nila, kung meron man, ang kalakasan o kahinaan ng K-12 bilang curriculum?
III. K-12 at Kalidad ng Edukasyon
Sa inyong pananaw, makatutulong nga bang talaga ang K-12 sa pag-angat ng kalidad ng edukasyon sa Pilipinas? Bakit?
Ano sa inyong tingin, ang magiging epekto ng K-12 sa kalidad ng edukasyon?
IV. K-12 at ACT Partylist
Hindi pa naisasabatas ang K-12 ngunit ito’t ipinatupad na, ano ang mga aksyon na ginagawa ng ACT ukol dito?
Sa panukalang batas ukol sa K-12, ano ba ang mga pag-aamyendang gustong gawin ng ACT?
V. Pangangailangan s K-12
Kailangan nga bang talaga ng Pilipinas ang K-12?
T A B I O S | 35
Apendiks 2
Target: Pampublikong Guro (Grade 7)
Gabay sa KII
Key Informant Interview Guide
I. Pagtingin sa K-12
Paano tinitignan ng mga pampublikong guro ang K-12 bilang isang curriculum?
Bakit ganito ang kanilang pagtingin?
II. K-12 at ang Lumang Curriculum
Bukod sa mas mahabang taon ng pag-aaral, sa inyong pananaw, may ba pinagkaiba ang K-12 sa lumang curriculum? Kung meron, anu-ano ito? Kung wala, bakit?
o Ano ba ang ikinaganda ng K-12 kumpara sa mga nagdaang curriculum?
Kumpara sa nagdaang curriculum ano sa tingin nila, kung meron man, ang kalakasan o kahinaan ng K-12 bilang curriculum?
III. K-12 at Kalidad ng Edukasyon
Sa inyong pananaw, makatutulong nga bang talaga ang K-12 sa pag-angat ng kalidad ng edukasyon sa Pilipinas? Bakit?
Ano sa inyong tingin, ang magiging epekto ng K-12 sa kalidad ng edukasyon?
IV. K-12 at mga Guro’t Estudyante
Paano nakikiangkop ang mga pampublikong guro sa mga pagbabagong dala ng K-12?
Paano tinutulungang makiangkop ng mga guro ang mga estudyante sa mga pagbabago?
IV. Pangangailangan sa K-12
Mula sa 1-10, gaano katindi sa inyong tingin ang pangangailangan ng bansa sa K-12? Bakit?
T A B I O S | 36
Apendiks 3
Liham Imbitasyon
To whom it may concern:
Good day! I am Angelee S. Tabios, a Fourth Year Political Science student from the University of the Philippines Manila. One of our requirements for our last semester is to research about an issue in the Philippines wherein we can apply all the theories that we’ve learned for the past four years in the University.
My research is about the newly installed K-12 curriculum as the country’s education system. This research aims to know more about the curriculum, whether the Philippines really need the K-12 to improve the country’s quality of education.
Because of this, I would like to ask for your permission if I could interview you or any concerned officers from your department about this issue in order for me to fully understand it. Your knowledge will be of great help for my research. In case you agree, I assure your privacy and confidentiality. I also assure you that I will use the knowledge that you will share for academic purposes only.
If you have any questions or inquiries, please feel free to contact me at 0915-323-4127 or through e-mail at [email protected]. If possible, I would like to schedule the interview or get a response from you not later than January 30. Thank you and hoping for your immediate response.
Respectfully yours,
Angelee S. Tabios
T A B I O S | 37
Apendiks 4 Consent Form
I freely consent to be interviewed by Angelee S. Tabios.
Signature
Date: