of 12
Cahmai: 1
MOTTO: NA MIPHUN CAAH HMUNTHA VA SER PIAK HNAEST: SEPT 12, 2010 Editor hmurka: A voi 73nak The One Star Journal chuahkhawhnak caantha a kan petu kan Pathian min ka thangthat. Kan hnu zarh dawrkhar ruangah chuah khawh lo a si. Tutan lawng nan sin kan phan than khawh. Hi Cazual nih thatnak pelte a chuahpi ahcun careltu caah si hram she law tlamtlinlonak vialte tawlreltu lei mawh a si. Careltu pakhat cio upatnak he.. VOLUME 1S, ISSUE 73 Daw Su Dawai a tlawng...Ch: 3 FEBRUARY 5, 2012
US nih a ram chung Rul kuatnak a phihJanuary 31, 2012: American ram chung ramtlawng sa harnak tampi a pe kho mi Kawlram sapa-ung Rul telh in a dang Rul phunthum hna cu American ram lei kuat ti lo dingin an phih hna. Kan hnu naite ah poung 76 a ritmi Sazuk pakhat cu pe 16 a saumi sapa-ung Rul nih American ram ah a dolh ti a si. Cucaah Kawlram in an kuatmi sapaung Rul kuat tilo dingin an phih hi a si. American ram ah Kawlram inkuatmi sapanung Rung thong reng lo an zuat ti a si. (Cc: Internet)
Egypt ram pumpaluh chuihnak ah buainak a chuak. 74 an thi ..Ch 9
Boss fapa he aa duh sualmi Africa nu..Ch:
Kachin ram dohnak ah Kawl ralkap 3 an thi, 5 hma an puFebruary 2, 2012: February nikhat ah KIA le Kawl ralkap cu Kachin ram laifang ah sml 6 chung an i kap i, Kawl ralkap 3 an thi, 5 hma an pu tiah KIA lei nih an ti. An i tuknak hmun hi Sinbu myo pawng Lawt Awng le Nlung Shala Hka tiva kar ah a si. Cu ni ah KIA ralbawi bu Maram Haramnan cu Bamoh pawng ah Kawl ralkap nih lampi bawhin an kah i a thi. KIO pawl cu February 6 in 12 tiang tonnak ngeih dingin timhtuah a si tiah Laiza leiin an chim. Kawl cozah he January 18 le 19 Shweli ah tonnak a um nain hnatlaknak a um lo. KIO nih a pakhatnak ramkhel buainak phisin in a hnuah hriamtlai kong ceih dingin U Thein sein cozah sinah an chuah pi. (Cc: KNG)
Mithi he thitumnak a tuah..Ch: 7
Shakira te phaisa an hal hna..Ch: 8
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 2
KANMAH THAWNGTidim ah CNF zung dirhnak Hakha mifir an tlaih cang hna January 31, 2012: kong an dohFebruary 3, 2012: CNF le Kawl cozah hnatlaknak 9 chungah 2nak a simi Tidim pengah pehtlaihnak zung chiah ding timi cu ramchung ramleng Zomi pawl nih an duh lo. Hi kongah Tidim mino cheukhat nih mipi minhtutnak an lak tiah mino hruaitu pakhat nih a chim. CNF minung kan huat hna lo, an bu hi a si. Hlan ah CNF pawl kanmah leiah thil thalo tuah a rak tam. Pehtlaihnak zung an dirh ahcun a lenglei an um lio hmanhah harnak a tam. A chung an um ahcun a zual lai tiah a ti rih. Ramleng um Zomi zong nih internet ah duhlo minthutnak catlap kan ser lai an ti. Tidim peng khua 50 chung minthut kan lak lai i, U Thein Sein le Chin vuncichoh U Hung Ngai sin kan kuat lai an ti. CNF chungntuan (1) Paul Shita nih hriamtlai ruangah mipi harnak an tuar cu a hman mi a si. CNF cawlcangh ruangah Kawl ralkap nih kumsaupi thongthlak mi, hrem mi, thah mi pawl Chinram pumpi ah a um. Ramchung Media thazaang a um lo ruangah kanmah lawng kan tuar tiin ruah a fawi. Thil sining hi Chinram pumpi mit in zoh a hau a ti. 1990 in 2008 tiang Chinram innkip phaisa khawl a si nain a cheu peng cu kan khawl hna lo. Tidim le Tonzang mi zong nih miphun dawtnak he lungtlinlonak vialte ceihti ah a tha. Cutin a si ahcun zei thil poh aa rem lai a ti. CNF hna an tuahsernak ruangah, thihnak a ingmi kan khuabawi upa hna le mipi cheukhat hna nih luman hal ding le, an thahmi hna cingla rualchan hna dihlak an min cazin khuakip ah kan lak lai i Zomi dihlak min in cauk pakhat chuah ding tiin lungtlinnak an ngei ti thawng kan thei (Cc: Khonumthung & internet)
Nawlngeitu hna nih Chinmi umnak inn an hrawh piak dih hnaJanuary 31, 2012: Mizoram Vaphai chungum Saikhumphai khua Chinmi umnak inn 17 cu khuachung palik nih an hrawh piak dih hna. Mizo ram mi sinak card a ngei lomi inn 20 (minung 100) hna cu January 25 ah Champhai palik le Vaphai khuami chuah dingin an rak chim cang hna. Kan hnu zarhte ni ah inn 9 an hrawh. Zarhpi ni ah inn 8 an hrawh piak rih hna. Inn hrawh piak a tongmi chungkhar hna cu khua in mengkhat danah palastic in thlam an ser i an um ti a si. An umnak thlam kan va zoh i, kan lung a tha hrim lo. Thil thalo a tuah mi zong an si lo, ningcang tein paw aa cawm mi an si ko tiah Chin pa pakhat nih a ti. Kawlram ah inn an ngeih lo pinah Kawlram mi sinak hmatpungtin zong an ngeih ti lo caah Kawlram kir an ngamh lo ti zong a chim. Hi hna pawl hi 2008 ah Saikhumphai khua ah aa rak i thial mi an si i, Vaphai khuabawi pawl hnatlaknak in a um mi an si. Saikhumphai khua hi inn 60 hrawng an si i, Kawlram in a peem mi an si. Vaphai chung in kan chuak lai i, khua council a dang tein ngeih an i zuam caah 2010 ah voikhat an rak thawl cang hna. Thlahnih hnuah an lut than i, tutan thawl an ton than hi a si. (Cc: Khonumthung)
Tulio Hakha ah dawrbauh le thiltlau a tam. Star Lakphak dawr, Five Brother dawr, Everest dawr, Everest dawr kiang Store dawr, Han Store dawr, Lyly suimilam Dawr, Peng Kaung, T.V Game Dawr, Thawng Bawi Studio dawr, Sang Luai set thilri dawr, Cingpi dawr tbk.. an bauh piak hna i, thilri le tangka zong tamlak te an fir piak hna. Jan. 29 zaan ah dawr bauh dingin an vak than i, Vazuun hruainak in Hakha Mino Bu nih zaan sml. 1:30am ah Yatana Store dawr bauh an timh bak ah an tlaih hna. Mifir an tlaihmi minung pahnih hna cu Mg Aung Kyaw Moe (13) le Mg Yan Naing San (17) an si. An pahnih in ralkap fa le veve an si. Rungtlang Sit Biuha i a ummi Buhmu pa Camera an rak fir i Buhmu pa nih January thla thawk ka ah thong a rak thlak bal cangmi hna an si. Atu tan thong an tlak hi a voihnihnak a si cang. Jan. 29 zaan ah tlaih an si i, zingka te ah Dawr Thar Myone Auhchokzi zung (ya-ya-kah zung) ah ap an si. Auhka-htah pa nih bia a ceih dih hnu ah Palek zung ah ap an si. Cu zaan i Saikel an i citmi zong cu December 7 lio ah an rak firmi Saikel a si.(Cc: Globalchin)
Ngakchia pahnih nih phaisa Ks 250,000 an firJanuary 31, 2012: January 30, 5:30pm ah Laimi ngakchia kum 12 veve a simi hna nih Ks.250,000 an fir ruangah Hakha Mino Bu nih an tlaih hna. Cawn nikhat ni ah upa pakhat nih a angki zal chungah Ks. 250,000 a sanh i, thlan an cawhnak pin deuh thingcung ah a bah i, cu kar ah an fir hi a si. Cu ngakchia pahnih nih cun thil a phunphun an i cawk dih hnu ah an cawknak dawr le Mino hna nih lunghrinhnak an ngeih hna caah an dawi hna i Hakha Tita lam ah Mino nih an tlaih hna. An tlaih hna lio ah an kut cungah thil an i cawkmi a phunphun le Ks. 155,000 an hmuh. Palek zung ah an ap hna i kumtling lo an si caah an thlah than hna. Pakhat deuh pa hi cu, sianginn a kai liomi a si, thilfir zong a hmang bal lomi a si. A firtu taktak hi cuhlan zongah caw le naa tiang a fir balmi a si tiah an mah khualei upa pakhat nih a chim. A nih tu hi cu sianginn a kai ti lo mi a si. (Cc: Globalchin)
Tamu ah bomb a puak, ngakchia pakhat a thiJanuary 31, 2012: India Kawl ramri Tamu ah January 31 ah bomb a puak i, ngakchia pakhat a thi, pakhat fak ngaiin hliamhma a tuar. Hi bomb puahnak hi Mah Htay te inn ah a si i, kum 3 ngakchia cu a hmun ah a thi, kum 5 ngakchia belte sizung a phan. Innpa pawl chimnak ahcun Kate tupung pakhat cu a puah hlan tein hi inn ah a lut i, a chuah tlawmpal ah a puah hi a si an ti. Cucaah Manipur Kate tapung pawl he pehtlaihnak a ngei ko tiah khuami nih an zumh. Manipur Kate tapung pawl hi Tamu le Kalaymyo hrawngah Kawl cozah nih dawrnak nawl an pek hna caah anmah le mah kahnak le puahnak a caan caan ah a um ton tiah khua mi pawl nih an ti. (Cc: BBC)
Se Se (CNA) kumhra tlin philhlonak DVD hla a chuak laiFebruary 3, 2012: 1988 in CNF ah a lutmi tatciatci Salai Se Se a thih kumhra tlinnak DVD hla phel cu February 20 ah kan zuar lai tiah chungkhar lei nih an chim. Tatciatci Salai Se Se cu Mandalay University ah sianginn a kai lio 1988 rampi buai ruangah Kachin ram lei raltuk a cawng ve mi a si. CNA chung a pakhatnak si lei lutlai zong a si. Hi thil an tuahmi hi ka u Se Se siloin Chinram ca a lu aa pemi CNA ralkap caah a si. Hlaphel chuahnak caah bawmtu vialte kan lawmh hna tiah a naupa C. Vakhaitha nih a ti. Salai Se Se cu October 6, 2002 ah New Dehli a thih hi a si. (Cc: Khonumthung)
Malaysia Chinmi cuaisangtu Victoria FCFree Funeral Service Society (FFSS) Malaysia nih tawlrelmi MalaysiaMyanmar National League pumpalulh chuih zuamnak cu kan hnu zarhpi ni ah final kai a si. Final a kai mi hna cu Chin ai-awh in Victoria FC le Salayang FC (Arakan) an si. Chin ai-awh Victoria FC nih 3:0 in an tei hna i, Champion hrai an lak. Hi zuamnak ah Best player cu Chin Victoria FC in Jonathan Ram Uk nih a hmuh. Victoria FC hi puai 6 chuih ding an si nain teamkhat nih sung an khan caah puai 5 an chuih. Hi puai 5 an chuih mi ah sunghpuai um loin teinak a hmu mi an si. Victoria FC a dirkamhtu hi CRC le CCF (Imbi) an si. Victoria FC Coach ah Pu Bawi Lian, Manager Pu John Kham le Pu Chan Hniang hna an si. The One Star
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 3
KAWLRAM THAWNGDaw Su: Mipi caah a herh lomi upadi kan remh dih laiJanuary 30, Daw Su Dawai a tlawn lio 2012: Hluattaw chung kan phak ahcun 2008 phunghram mipi caah a herh lomi remh kan i zuam lai tiah Daw Su nih January 29 ah a chim. Kan ram chung upadi cheukhat cu mipi zalonnak a hnursuantu upadi a si. Cu hna pawl cu hluattaw chungin hrawh ka duh. Cucaah phunghram tha tein rel uh. Phunghram theih loin thlen ka duh ti cu a si kho lo. NLD chungtel pawl nih mipi fianhter khawh dingin phunghram hlathlai uh a ti hna. NLD thimnak luh kan timh mi cu ramchung daihnak, upadi upatnak le phunghram remh duh ah a si. Kan unau Kachin zeitluk in dah an re a theih tihi philh hlah uh. A si khawh chungin bawmh hna uh. Rampi pakhat ah hmunkhat a daih lo ahcun ram pumpi a dai lo tiin ruah ding a si. Minung pakhat zalon lo hi rampi zalen lo a si. Cucaah NLD chungtel poh nih mipi hlen hna hlah uh. Mipi a hlenmi party cu caan tawite ah a lo than lai. Kan party thimfung nan pek ahcun cucu kan in tuah piak hna lai timi bia zong chim ding a si lo. A sikhawh chungin kan i zuam lai timi bia hi hmandawh bia a si a ti. Mipi thinlung lak nan i zuam lai. Thilri kan in pek hna lai timi biakam pe hna hlah uh a ti. Mipi zong nih nan ngeih mi thimfung in ram remh nan i zuam lai tiah a chim. (Cc: VOA)
Zei ruang ah dah U Khin Nyunt $5,000 a hmuhJanuary 24, 2012: U Khin Nyunt cu a hawi pa Yegaba Khin Shwe nih thlakhat $5,000 (Ks sing 40) thlahlawh ka pek lai a ti. Hi thlahlawh hi Philipine president thlahlawhnak in let 4 a tam deuh. Vietnam president thlahlawh nakin let 20 a tam deuh. U Thein Sein thlahlawhnak in $100 a tlawm deuh nain vice president Tin Aung Miyint Oo thlahlawhnak in a tam deuh. Thailand vuncichoh thlahlawhnak in lethnih in a tam. Hihi ASIAN hruaitu pawl le U Khin Shwe nih an sersiam mi a si. Khin Shwe nih U Khin Nyunt hi kum zeizat dah a pek khawh lai. U Khin Nyunt cu kum 70 a si cang. Hi hnu kum 20 hei pe sehlaw $ sing 12 a dih hnga. (Kum 20 hlan zohah U Khin Ntunt a thi kho). Khin Shwe nih Myah Yeih Nyio foundation hruaitu dingah U Khin Nyunt a thim nain ziah hitluk tam in thlahlawh a pek, biahalnak a um kho mi a si. Hi kongah ramkhel lei lentecelhnak tampi aa tel ti a fiang. U Khin Nyunt cu Khin Shwe nih $5000 thlahlawh a pek tiah zapi theih in thanh a si caah U Khin Nyunt nih nawlngeihnak ning cang loin Khin Shwe tampi a rak bawmh ti a lang. Hi tluk a tam mi US $ cu lakphakti dinnak bantuk in a pek khawh mi nih hin Khin Shwe zeitluk in dah a rum timi nih mipi a lau ter tuk hna. U Khin Nyunt thlakhat $5000 a hmuhnak nih vice president U Tin Aung Myint Oo thin fei bang a chunh lai. U Khin Nyunt thlakhat $6000 pe ning law U Thein Sein thinnuam loin a um lai caah $5000 a pek hi a si kho men. Cankhat lioah ralkap hlathlairian bawi a tuantu U Khin Nyunt thlakhat $5000 a hmuhnak nih lung a tling lomi mibu a karh ter khawh. Bu tanhnak a tam ter khawh ti a si. (Cc: Irrawaddy)
Kawh-Mu khuami a thong renglo nih NLD an don hnaJanuary 27, 2012: Daw Aung San Su Kyi thimnak a luhnak ding KawhMu peng khua 11 nih lemsoinak a tuahmi NLD party hlunghlai tukin an don hna. Daw Su aa tel lo nain chengcheng he bongbong he an don hna ning lung a tling tuk tiah Ko Nge Nge Oo nih a ti. Daw Su zong Kawh-Mu peng Watinkha khua ah inntaungsuh sayin a lut ve cang. Thanchonak leiah hawi a phan lomi Kawh-Mu peng cu Cian party nih mei tung bunh piaknak, lam remh le phaisa cuaihnak tuah piaknak in an rak lem ve hna nain tuah piak ngaingai mi pakhat hmanh a um lo tiah khuami nih an ti. Pegu ramthen ah lemsoinak a kalmi U Kyaw Min nih kanmah hlanah Cian party lemsoinak an tuah nain kanmah thazaang petu an tam deuh a ti. Lepatan peng ahcun Buchoh Aung San le Daw Su hmanthlak inn ah an tar dih i, NLD thimfung pek dingin timhtuahnak an ngei ti a si. (Cc: Irrawaddy)
India University pakhat nih Daw Su Doctor degree an pek laiJanuary 30, 2012: Minthang India University pakhat nih Daw Su Kyi Doctor degree pek an timh. New Delhi um Jamia Mila Islamia University ah nihnih chung tuahmi Kawlram a siloah thlang le nichuah thlang lei pehtlaihnak hlei timi ceihhmainak biahmaithi chim lioah University rian ngei Najiyan nih hitin a chim hi a si. Kan sianginn minin Daw Su doctor degree pek dingah timhtuahnak kan ngei tiah a chim. Daw Su nih a cohlan khawh le kan sianginn ah a rat khawh ahcun degree peknak puai tuah piak kan duh tiah a chimchap. Cu tonnak ahcun NDF, democratic (Myanmar) Cian party, tlanggcung lungrualnak party, Shan National Democratic party, Chin National party, Pa-Oh National convention le Inn party pinah Kawlram chung NGOs, India hluttaw a mat pawl le lamkaltu pawl, University in mifim pawl an kai. (Cc: RFA)
Quintana nih thongtla kong a ceihpi hnaFebruary 2, 2012: Kan hnu nithum ni in Kawlram a tlawngmi UNO nuhrin covo lamkaltu Mr. Quintana cu Naypuitaw ah pyituh hluttaw president Thura Shwe Mann he tonnak an ngei i, ramkhel ruang thongtla thlah rih dingin timhtuahnak a um le um lo kong an ceih. NLD nih min an chuahpi mi cu kan thlah dih ko hna, a tangmi zong NLD nih min an chuahpi rih ahcun ceihhmainak kan ngei lai. Thimnak zong hamn tein kan tuah lai tiah Thura Shwe Mann nih a ti. Mr. Quintana cu thimnak commission president le president ruahnak petu zong a ton hna. Kawlram chung nuhrin covo buarnak vialte ka khawm lai i, UNO ah ka chuahpilai a ti hna. Ni 6 cam dingin Kawlram a tlawngmi Quintana cu ramkhel lei hruaitu cheukhat zong a ton rih hna lai. (Cc: BBC)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 4
KAWLRAM THAWNGMagwe ramthen khua Kawlram democracy lei pahnih thancho ning Daw Su ningcang tein a kal ko January nih a va hlatJanuary 31, 2012: Daw Aung San Su Kyi cu Magwe ramthen Maing peng chungum Pepintaih khua le Citci khua ah NGO pakhat a si mi The Adventist Development and Relief Agency (ADRA) tuahmi thanchonak le dinti laknak a va hlathlai. Hi a khualtlawnnak ah England lamkaltu pakhat nih a zulh ve ti a si. Lamthluan kip in mipi nih an rak don. Lemsoinak khualtlawn a si lo caah biachimnak a ngei lo. Daw Su dam ko seh tiin an au hnawh tiah aa tel ve mi pakhat nih a chim. Phungki pakhat nihcun khuaruah har taktak a si ko. Mipi an i lawmh ning hi nan chuah lo ahcun dantat nan si lai timi he cun aa ralkah tuk a ti. Thih hnangam ka si cang lai, Daw Su ka mit nih a hmuh hnucun ka lung a tling cang a timi zong an tam a ti. Khuachung mino le palik nih humhimnak lei tuanvo an lak a ti. (Cc: DVB) 25, 2012: Kawlram democracy lei thlennak cu ningcang te le duhsah tein a si lai tiah Kawlram ramleng vunci U Wana Maung Lwin nih a ti. Kan thawk mi democracy cu hnu lei a kir than ti lai lo tiah India a tlawn lioah a chim. Hi thlennak ah harnak tampi a um lai nain cu harnak tei dingah timhtuahnak a um cang a ti nain zei bantuk harnak ti bel a chim lo. 2014 ah ASIAN president rian kan i khinhlai caah ramkip he pehtlaihnak thapek deuh kan i zuam lai a ti rih. India ramleng vunci S.M Krishna he tonnak an ngeih lioah ramri tupung dawinak, ramri ritsi le hriamnam phorhnak kan kham ti lai an ti. Inndia zong nih pehtlaihnak lam le chawlet lei simanking kan bawmh lai tiah bia a tian. (Cc : RFA)
Myahyeihngio Foundation upa rian U Khun Nyunt an pekJanuary 23, 2012: Nai teah innthong in a chuak mi U Khin Nyunt nih Myah Yeih Nyio fimthiamnak lei le ngandamnak lei Foundation hruaitu a si lai. Myah Yein Nyio Foundation cu MP U Khin Shwe nih phaisa sing 10,000 hrambunh in nikum October ah a dirhmi a si. Lamhla a um mi siang cachimtu tlamtlinnak ding, sikhan le sizung saknak ding le siangngakchia bawmhnak tiah fimthiamnak lei le ngandamnak lei riantuan dingah hluattaw U Khin Aung Myint lam hmuhsaknak in hi foundation hi dirh a si tiah U Khun Shwe nih a ti. Hi Foundation hruaitu U Khin Nyunt cu thlakhat $5000 pek a si lai tiah U Khin Shwe nihcun a chim. U Khin Nyunt cu innthong a chuah in mibawm rian ka tuan cang lai a ti. Cheukhat nih pakhat khat in ramkhel lei aa mer te ko lai an ti. (Cc: RFA)
EU nih Kawlram phihnak ka thumh lai a tiJanuary 23, 2012: Kawlram thlennak tete thapeknak caah phihnak thumh hram kan thawk cang lai tiah EU bu nih kan hnu nikhat ni ah an thanh. Cu thumhnak ah Kawl bawi pawl EU ramluhnak visa ka pek than cang lai. Kawlram thlennak kan zoh lai i thumhnak hna kan chap rih lai ti a si. Tlangcung hriamtlai pawl tonnak kongah bawmhnak kan chap lai an ti. Ramkip phaisa lei bu IMF zong nih bawmhnak pek dingin EU an forh hna. EU chungtel ramleng vunci pakhat Ms. Catherine Ashton nih Kawlram thlennak hi khuaruah har a si ko a ti. Tukum le hmaikum caah pounds 150 million Kawlram bawmh dingin biachahnak an tuah. Bawmhnak pek rih dingmi tawlrelnak ah Kawlram chung EU zung onnak kong cu April thla chungah EU lamkaltu Ms. Catherine Ashton cu April ah Kawlram a tlawng lai i, Daw Su le U Thein Sein cozah tonnak a ngei hna lai. (Cc: RFA)
EU nih Kawlram Euro 150 Norway ramleng vunci le Daw Su tonnak an ngei million a bawmh laiJanuary 25, 2012: Norway ramleng vunci Janas Gahr Store cu Kawlram a tlawng i, January 25 ah Daw Su he tonnak an ngei. Kawl cozah lei U Thein Sein ho zong a ton hna. Norway ram cu Kawlram ah phaisa hrambunh in rian kan tuan lai lo a rak timi zong hrawh a si cang. Kawl bawi pawl visa phihnak zong kan on than lai a ti. Norway nih thlennak kan tuah mi hna hi Kawlram thlennak kan cohlan caah a si tiah Janas Gahr Store nih a ti. Norway nih thlennak a tuah lai dingmi kongah April thimnak a dik le dik lo a biapi in kan zoh lai ti zong a chimchih. US bantuk in lamkaltu thlah in pehtlaihnak tuah zong kan ruat lai a ti rih. (Cc: RFA)
January 26, 2012: EU nih Kawlram cu Euro 150 million ($197 million) bawmh dingin Belguim ram meeting lioah an ceih. Cu bawmhnak cu fimthimnak, ngandamnak le cinthlaknak lei hman dingin an bawmh hna hi a si. Ramri ralzam pawl caah a bik in hmaithlak mi a si tiah hlathlaitu pawl nih an chim. Kawlbawi pawl EU ram luhnak visa zong pekthan an si cang lai. 2011 chungah Thailand ramri ralzam caah EU nih $30 million a rak bawmh cang. Cun April thimnak ah ramleng lei hruaitu Catherine Ashton zong Kawlram tlawn dingin timhtuahnak a ngei. April thimnak ah a dikmi le ramkhel ruang thongtla a tangmi thlah dingin a forh hna. January 13 zalennak ah ramkhel ruang thongtla 303 chuah an si i, 348 an tang rih ko tiah NLD nih an ti. (Cc: Mizzima)
Pages 11 a phiDoctor pa kha Motor tawh a pek i, a lawng mi thutdan ah tarnu a thut ter. Tlangval pa belte a angki lum in a nungak a hlawm i, khuasik an tuar ti.
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 5
KAWLRAM THAWNGSingapore nih Kawlram a Kawlram thimnak hlatnak Daw Su bawmh lai nawl Mc Cain nih a hal hna tlawngJanuary 30, 2012: Pehtlaihnak lei, vawleicung khualtlawnnak rian lei ah Singpore nih ningcang fimnak lei bawmh dingin U Thein Sein he hnatlaknak an ngei. Cu hnatlaknak ah Kawlram ramleng vunci U Tuna Mg le Singpore ramleng vunci nih January 30 ah min an thut. Kawlram thlennak tete ruangah nitlak lei ram hna nih chawlet phihmi onthan dingin karhlan hram a thawk lioah Kawl cozah Bank lei le khualtlawnnak lei thancho a herh ve ti a si. 2014 ah ASIAN president a tuan cang lai i, ASIAN kong meeting umtuning zong Singpore cozah nih ka bawmh lai a ti. (Cc: RFA) January 23, 2012: American senator John Mc Cain nih Kawlram caankarlak thimnak a dikmi a chuahnak hnga ramkip nih hlatnak nawl pek dingin U Thein Sein a hal. American hluattaw a si mi hna John Mc Cain, Joe Lieberman, Kelly Ayotte, Sheldon Whitehouse hna le Daw Su cu January 22 ah tonnak an ngeih hnu thawngfiannak an tuah lioah hitin a chim hi a si. US nih Kawlram a phih mi vialte zong US nih a duhmi kan zulh ahcun an on ko lai tiah Daw Su nih a ti. Amerian hluattaw pali hna cu U Thein Sein inn ah ramhnih riantuan tinak kong zong ceihhmainak an ngei. (Cc: Irrawaddy)
nih
Dawai
a
Benazir Bhutto democracy laksawng Daw Su an pekJanuary 25, 2012: Democracy caah kum saupi harnak a tuarmi Daw Su cu Pakistan president nih Benazir Bhutto democracy laksawng January 25 ah a pek. Hi laksawng hi mi kut in a thimi Pakistan vuncichoh Benazir Bhutto philhlonak caah tuahmi a si. Kawlram ah nihnih chung a cam mi Pakistan president Asif ali zardari cu January 25 ah Daw Su he tonnak an ngei tiah Daw Su humhimnak tuanvo latu U Khun Ta Myint nih a ti. Pakistan president cu a fa le he Daw Su sinah minutes 50 biaruahnak an ngei. Benazir Bhutto democracy laksawng cu Asif ali zardari a fanu nih a pek. Pakistan president Asif ali zardari cu Naypyitaw ah U Thein Sein zong a ton. Ramhnih chawletti ding kong ceihhmainak an ngei. (Cc: RFA)
Kawlram nih leiba $11,021 million a ngeiFebruary 2, 2012: Kawlram cozah nih leiba an ngeih mi cu $11 billion ($11,021.298 million) a si. Kum 40 chungah a voikhatnak an phuan mi bia a si. Ne Win chanah in leiba an ngeih mi cu January 31 ah tuahmi pyitaingsuh hluattawm eeting piah phaisa lei vunci i Hlah htun nih a phuan hi a si. 1988 hlanah leiba $8408.34 million an rak ngei cang. 1988 hnuin $2641.950 million an ngei than. Hiitn leiba an ngeih mi hi nitlaklei ram pawl nih hnu an chit caah le bawmhnak an phih caah a si tiah vunci pa nih a fainter tiah hluattaw cheukhat nih an chim. 1988 hlan phaisa an bat mi hna cu ADB $356.935 million, IDA $800.59. million, Denmark $53.039 million, Germany $584.782 million, Japan $6388.320 million, Canada $8.056 million, Finland $4.812 million, France $84.006 million, Italy $6.090 million, Netherland $9.756 million, Norway $37.126 million, Australia$37.027 million, England $36.552 million. Azapi 8408.348 million. 1988 hnu leiba Opet $22.648 million, India $110.389 million, thlang Korea $50.277 million, Japan $68.536 million, Thai $63.420 million, Malaysia $150. Million, Tuluk $2131.744 million le Sabia $17.936 million hna a si. (Cc: Irrawaddy & Eleven Media)
January 29, 2012: NLD party president Daw Aung San Su Kyi cu a voikhatnak lemsoinak caah a khualtlawnnak cu Dawai in a thawk. Amah pumpak in a va tlawn caah mipi tamtuk in lam in an rak don. April nikhat tuah dingmi caankarlak thimnak ah Irrawaddy ramthen Dawai zong thutdan a lawngmi pengah aa tel vemi a si. Amah a rak dontu mipi sinah democracy kong, covo kan ngeih mi hi hman tein hmankhawh kan i zuam lai a ti hna. 2008 phunghram remh a herhnak kong, cu hnu lawngah democracy muisam a leng deuh lai ti zong a chimchih. Lemsoinak tuah tikah kan tuah khawh lo dingmi biatian kan pe hna lai lo, mipi kan hlen hna lai lo a ti. Daw Su cu Mandalay le pathein zong tlawn a tim ti a si. (C: CCB)
Mingladun pengah vawlei chungin Gas rim an theihFebruary 2, 2012: Mingladun peng, Patamya khua, Titsa lampial ah vawlei chungin Gas rim a chuak ti a si. Cu Gas rim cu January 27 in a rim theih a si i, nihin tiang an chuak rih ko. A pawngkam inn an chek tikah Gas a hmang mi an um lo ti a si. A hlat lengmang tikah vawlei chungin a chuak mi a si. A hnuah rianngeitu nih a rim an theihnak cu an kulh i, ti an toih nain Gas lei a thiam mi nih an zoh lo ti a si. A tu cu Gas a chuahnak lam an phih i, kuak zuk lo ding le meilah tuk lo dingin ralrinnak ca an tar. (Cc: EMG)
Students Union innpi sak than dingin an hal hnaFebruary 2, 2012: U Ne Win chanah bomb in an rak hrawh mi Students Union innpi cu sakthan dingin Kawlram pumpi siangngakchia bu nih an hal hna. Mirang a dohtu minthang hna hi student union nih a hrin mi lawngte an si. 2007 ah an dirh than mi Student Union zong hlan lio Student Union lam a simi mipi ca, democracy ca, democracy fimthiamnak ca, daihnak ca le siangngakchia covo zohkhenhnak hna a zulh than. Tulio Student Union president Ko Kyaw Kyaw Ko nih bomb in an rak hrawhnak Student union innpi hmunah sakthan dingin ka hal hna tiah FNG sinah a chim. Ne Win chanah Student union innpi cu a hrawh hi Union b upi zong cu a dik lomi bu tiah a rak thanh pinah siangngakchia tampi an rak thah hna. (Cc: FNG)
Kawl cozah le Mon Pyitit party hnataknak 5 an ngeiFebruary 1, 2012: Tlanglawng lei vunci U Aung Min hruaimi cozah lamkaltu hna lei Mon pyitit party hna cu February nikaht ah Mawlamyaing ah tonnak an ngei i, hnatlaknak 5 an ngei. Cu hnatlaknak hna cu pyitaungsuh level tonnak ngeih dingah lamkaltu dirh ding, kahdaihnak ser ding, pehtlaihnak zung dirh ding, rituk mi lenglei meithal ken lo ding le ri tukmi chung lawng ah um ding hna a si. Cu hna a si nain Mon pyitit party nih minthutnak an ngei rih lo, center comitte ah kan tlak pi ta lai an ti. Mon party leiin Mon cacawnnak nawl le thihhlan thongdan pek mi Min Nay Win le Min Myo Tuai thlah piak ding an hal mi hna hnatlaknak an ngei. (Cc: Irrawaddy)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 6
VAWLEICUNG THAWNGMipi kut nawlngeihnak pek hlan lo kan thu laiJanuary 29, 2012: Ezypt president Hosni Mubarak an thlak hnuah ralkap nih nawlngeihnak an lakmi, mipi kut an pek hlan lo Cairo Kasr al-Nile hlei cungah thutnak in duhlonak kan langhter lai tiah biakhiahnak an tuah. Hosni Mubarak thlaktu mipi doh kumkhat tlin ni a thaizing ah mino pawl nih hitin biachahnak an tuah hi a si. Ralkap nawlngeihnak chiah hna seh ti a duhmi mino hna le ramkhel thlen lio teinak a hmumi Islamic karah ruahnak aa dang. Thutnak in duhlonak langhternak hi cu hlanah an rak tuah bal cang nain ralkap nih mipi an then hna aah a rak rawk i, January 25 in an thawk than hi a si. Tulio nawlngeihnak a tlaitu ralkap hna hi Hosni Mubarak nakin mi an hrem deuh hna ti a si. Zei bantui thlennak hmanh a um rih lo tiah kum 23 siangngakhia pakhat nih a ti. (Cc: Reuters)
Bangladesh palik kut American vawlei ah Iran tuknak in minung 4 an thi a karh kho menJanuary 29, 2012: Bangladesh ram nichuah thlang lei ah dotu pawl nih duhlonak an langhter mi cu palik nih mithli bomh in an kah hna, mi an then hna lioah minung 4 an thi, 200 hrawng hma an pu ti a si. Hi kahnak hi kan hnu zarhpi ni ah Chandpur and laksmipur khuaah a si. Canlarlak thimnak a hngak mi BNP party pawl nih duhlonak an langhter. Duhlonak langhtertu pawl nih palik pawl cu tlakrawh in an cheh hna i, palik nih meithal in an kah hna ti a si. Cankarlak thimnak cu vuncichoh Sheikh Hasina nih a hnon. Tulio nawlngeitu Awami League party pawl le BNP party karah buainak biatak in a chuah caah kan hnu zarhpi ni ah duhlonak langhter dingin timhtuahnak an ngei mi a rawk than. (Cc: VOA) phung bantuk in a chuahnak khuaah an vui. A nun Arfa le Bil Gates chungah zapi nih an hmuh khawh lomi hlawhtlinnak, mi nih upatnak pawl a hmuh. Arfa a thih tuan cu Pakistan ram caah sunghnak pakhat a si. Arfa a thi cang ti a theih in Bil Gates nih hitin a Arfa cu hiti hin upatnak an chim. pek Today is Black day of my life and same for Pakistan because I lost my princess colleague and Pakistan loss her Pakistani A nun chung laksawng a hmuh mi hna cu-Fatimah Jinnah Gold Medal in the field of Science and Technology in August 2005, presented by the Prime Minister of Pakistan - Salam Pakistan Youth Award in August 2005, presented by President of Pakistan - Award for Pride of Performance - Ambassador for Pakistan Telecommunication Company - After her death, Lahore Technology Park would be changed to Arfa Software Technology Park (Cc: Internet)
January 31, 2012: American vawleiah Iran tuknak a karh kho men tiah American hlathlaitu pakhat nih a chim. American nih Iran a hro tiah Iran nih a ruah ahcun Iran hruaitu pawl thinlung ah American doh duhnak thinlung a karh kho tiah Clapper nih a ti. American kong Sodi Arabia lamkaltu pahnih hna cu Iran minung pahinh nih thah an timh mi kongah Iran cozah kut aa tel ve tiah American nih biaceih zungah a chim. Iran cu Nuclear sernak lam a on rih ko ti zong a chim. Hitin thil a um lioah seh a rawk mi Iran ngatlaihnak Tilawng pakhat cu American thli ralkap nih an khamh hna. Amemrican ti ralkap tilawng USS Abraham Lincoln nih seh a rawk mi Iran tilawng cu a remh piak i, ngatlai minung 9 nih an rian tlamtling tein an peh than. (Cc: VOA)
American nih Taliban vanlawng in a kah hna
pawl
A liamtuan mi Computer mithiam nuJanuary 30, 2012: Hi nu kong hi mi zaapi lunglut ngaimi pakhat a si. A ruang cu kum 9 a si ah Microsoft nih cohlan mi roca Microsoft Certified Professional, MCP pakhat a si. Kum no bik mifim an timi a si. Software company pakhat a simi Microsoft a dirhtu vawleicung mirum ah telhmi Bill Gates pumpak nih American Washington khua (Washington, American) um Microsoft zung rat dingin a rak sawm bal. Cu lio ahcun kum 10 lawng a si rih nain programming fimnak ah a kum he rup loin a thiam caah zapi an khuaruah a har. Dubai khuaah tuahmi IT (Information Technology) Professionals tonnak ah a kai ve mi nu a si. Microsoft sawmnak in Barcelona khua tuahmi The-Ed Developers Conference zong computer mifim 5000 chungah an sawm ve mi a si. A min cu Arfa karim Randhawa ti a si. Pakistan ram Faisalabad peng khuate pakhat ah February 2, 1995 ah a chuak. An chungkhar ah upa bik a si i, Islam biaknak a biami chungkhar an si. Computer mithiam nu cu kum 16 a si lioah ruah lo piin a thi. A dam lo chung sizung a um lioah Bill Gates nih sizung a um man liam piak dingin a nu le a pa sinah a hal hna. Cun a dam tuannak dingah American lei i thlop ding zong in a hal hna nain a thaw chuah a hman ti lo caah lamhla kalpi ngam loin cu sizungah a nunnak cu a liam. A thih hi January 14 ah a si i, Islam
January 31, 2012: Abaran state thlanglei ah American nih vanlawng in an doh hna caah Taliban 13 an thi tiah Yemen in thawng pakhat a thang. A thimi tam deuh hi meeting an tuah lioah an kah hna caah a si ti zong an chim. Kaadang ah vanlawng in kahnak pakhat ah Taliban pawl Motor pakhat a rawk ti a si. Hi kahnak ah American nih mawngtu ngei lo vanlawng an hman tiah Yemen humhimnak lei nih an chim. Ramkhel lei buainak a um hnuah Araban state hmun tampi cu Taliban pawl kut a phan ti a si. (Cc: BBC)
Bil Gates nih Global Fund caah $ 750 million a hlut laiJanuary 28, 2012: S, TB le raifenh dohnak caah Global Fund ah $750 million ka hlut lai tiah Microsoft dirhtu Bil Gates nih January 26 ah a chim. Chawlet leiah harnak ton a si nain vawleicung mi sifak cungah bawmhnak cahternak caah a si lo, Global Fund ah kanmah pumpak phaisa kan hlut mi hi a tha bik mi a si tiah Dabus khua World Econonic Forum a kai lioah a chim. A luancia kumhra ah Dabus khuaah Global Fund ah $650 million a rak hlut bal cang. (Cc: AFP)
Vok tlik zuamnak ah mi tampi nih thazaang an pek hnaJanuary 29, 2012: American ram ah vok tlikzuamnak cu January 20 ah an tuah. Pe 150 a sau mi ah ri an chiah piak hna i, an per pah in an i zuam hi a si. Hi tlikzuamnak ah sml pakhat meng 20 tluk in an tli ti a si. Minung a thong renglo nih an zoh hna. (Cc: Internet)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 7
VAWLEICUNG THAWNGAfghanistan ram in France Kim Jung Un a upa nih a ralkap tuan in an kir cang lai soiselJanuary 30, 2012: Afghanistan ram ah chiahmi France ralkap 3,600 hna cu tuan tein kirter an timh cang hna. 2013 ah an zapi ka kir ter cang hna lai tiah France president Nicolas Sarkozy nih a ti. Nicolas Sarkozy nih president Obama he tonnak kan ngei lai i, Afghanistan ram chiahmi ralkap vialte hmaikum cun kirter in anmah kutah nawlngeihnak pek dingin ka chim lai a ti. Paris khuah Afghan president Harmed Karzai he tonnak an ngeih hnuah president Nicolas Sarkozy nih hitin a chim hi a si. (Cc: BBC) January 31, 2012: Chak Korea hruaitu thar Kim Jung Un cu Kim Jung Il nih nudang ah a hrin mi a fa upa bik Kim Johnnan nih chak Korea cozah thar hi saupi a hruai kho hna lai lo a ti. Rampi nawlngeinak Kim Jung Un kut a phak hi cu ramdang caah nihchuak pakhat men a si ko tiah January 17 ah DM thanhca sinah a chim. Ka nau pa hi a min lawng a si lai, nawlngeihnak taktak cu a dang upa kut ah a um ko lai a ti. Kim Johnnan cu 2011 ah passport deu in Japan kal aa tim caah an tlaih i, a pa Kim Jung Il lungretheih in a chia tu a si. (Cc: Internet)
Oparasi tlaihmi a cheu an ram ah an kuat hnaJanuary 24, 2012: Kuala Lumpur 6P programme ningin January 23 tiangah Lawakah nih phung loin a um mi ramdang 4,000 le rianngeitu 106 an tlaih hna. Nikum October in humhimnak lei vunci zung nih oparasi voi 3,700 an lut i, ramdang riantuantu 48,000 chungah 4,000 an tlaih hna hi a si. An tlaih mi hna chungah 823 cu biaceih zung phakpi ding an si. Cun an ram kuat than mi 580 an si tiah humhimnak lei vunci zungin chungtuan Tan Sri Mahmood Adam nih a chim. Rian ngeitu 106 chungah 4 cu upadi ningin an bia ceih a si lai ti a si. Riantuantu 257 le rianngeitu 24 hna sualnak cu humhimnaklei vunci zung nih a thanh cang ti zong Tan Sri Mahmood Adam nih a ti. 6P ning cun phung loin a um mi 341956 kutnam mi an si a ti. One step center 8 ah rianngeitu nih riantuantu hna hmatpungtin ter dingin Tan Sri Mahmood Adam nih a forh hna. Humhimnak lei nih oparasi thlathum tuannak ah minung 100,000 an i tel a ti. (Cc: Myatsin Vol 3, No. 5)
Afghanistan le Taliban ceihmainak an ngei laiJanuary 30, 2012: A ra laimi zarhah Taliban le Afhganistan pawl cu Sodi Arabia ram ah tuanbia chimtlak ton biaruahnak an ngei lai ti a si. Avoikhat tonnak ah hlawhtlinnak a um ahcun Afghanistan ram buainak vialte kong a phi an kawl lai ti a si. Tutiangah Taliban lei aw-an theih a si rih lo. President Hamid Karai cozah cu pom mi an si lo an ti. President Hamid Karai nih daihnak kong ceihnak hi Afghanistan hruainak in a si a ti nain American nih Taliban pawl he pehtlaih aizuamnak thawng in a chuak mi a si. Quata ram ah pehtlaihnak zung dirh ding tiang hnatlaknak an ngei cang tiah BBC thanhca nih a tial. (C: BBC)
Mithi he thitumnak a tuah mi paJanuary 31, 2012: Thailand ram ah pa pakhat cu a nungak sin a pekmi biakam lehlonak caah a thimi a nungak nu he thitumnak a tuah. Chadil Deffy (28) cu a nungak Sarinya kamsook (29) he tukum chungah thitumnak tuah dingin timtuahnak an ngei. Ruah lo piin nungak nu cu thitumnak ni phak lai ah Motor accident in a thi. Cucaah a tlangval Deffy nih a biakam lehlonak langhternak caah a thicia a nungak he thitumnak a tuah hi a si. Motor nih a taih lioah hma fak piin a hmuh. Sizung lei an tlikpi colh nain a hma a fah tuk caah sizung ahcun a thi. Thailand ram Surin khua a ruak an vui lioah Duffy nih thitumnak kuthrolh a pek hi a si. Cucaah hi bantuk hi Thailand ah ngaichiat thitumnak tiah an auh i, vawleicung ah a um tuk lomi a si.xx Thihnak nih kan then hlah sehxx (Cc: Internet)
Daw Su khualtlawn ruangah University camipuai ruah lo piin an thanhFebruary 3, 2012: Daw Su cu February 7 ah Pathein lei kal a timh caah Pathein University siangngakchia camipuai phit dingin an thanh. Camipuai ruah lo piin an thanh mi hi Daw Su don khawh hna hlah seh ti an duh caah a si tiah saya/mah te nih an ti. Upadi kum hinhnak a kai liomi nih February 6 cu sianginn nan kai dih lai. Vuncichoh nih sianginn a zoh lai an kan ti tiah a chim. Camipuai caah timtuahnak a um lo, a ho dah a phi kho lai. Nain camipuai khan chung kan thut poh ahcun marks hmuh a si ko lai tiah E Major kumhnihnak pa nih YPI ah a chim. February thla camipuai phit a um bal lo, Feb. 6 cu Irrawaddy vuncichoh le Pathein University sianguk nih biachimnak an ngei lai an kan ti tiah sayamah pakhat nih a ti. Tutan hi Daw Su a voithum khualtlawnnak a si lai. Dawai le Maing a tlawn lio mipi nih an don tuk caah cozah an lau tuk ti zong an chim. (Cc: YPI)
Filipine ralhranghruaitu an tlaih hnaFebruary 2, 2012: Al quada he pehtlaihnak a ngeimi Filipine ralhrang hruaitu minung 3 hna cu Filipne ralkap nih an ruak in an tlaih hna. An um tonnak Julo tikulh ah an kah hna i, hitin an thih hi a si. A thi in siseh a nung siseh a tlai kho mi $5 million an thap mi Malaysia miphun Ma wam zong aa tel ve. Hi ralhrang bu hi kum 20 chung Filipine ah minung tampi a thattu buu an si. (Cc: BBC)
Daw Su Mandalay biachim ding a let thanFebruary 2, 2012: February 4 ah NLD president Daw Su cu Mandalay biachim dingin timhtuahnak a ngei mi cu a let than. Mandalay Ba Htu bualah biachim dingin timtuah a si nain nawlngeitu lei nih nawl an pek lo caah hitin aa let than hi a si tiah U Win Thin nih a ti. Daw Su pumpak zong nih Mandalay um mipi vialte ka ngaithiam rih ko uh tiah Media kut in a nawl hna. February 7 ah Daw Su cu pathein lei kal aa tim i, nawlngeitu lei nih February 7 ah sianginn a kai lomi dantat nan si lai tiin nawl an pek hna tiah a chimchih. Daw Su a khualtlawnnak hi nawlngeitu nih hrawh an duh ko a ti rih. Daw Su Dawai a tlawn lioah mipi nih hlunghlai tuk in an don i, Daw Su biachimnak a ngeih mi nawlngeitu hna thin a chunh ko rua ti zong an chim. Mandalay a khualtlawnnak zong a rawk cang, a tangmi khualtlawnnak hna cu Daw Su nawl a si te lai a ti. (Cc: RFA)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 8
MINLANG HNA THAWNGShakira le Pique sex lei video Boss fapa he aa duh sucaah phaisa an hal hna almi sinum nuJanuary 30, 2012: Shakira le Barcelona hnukham Pique hna cu a thurhnom mi video caah phaisa hal an tong. Hi tluk phaisa a tammi hi Shakira nih a pek hna lo ahcun cu video cu internet in kan thlah lai an ti caah Hips Dont Lie hlasak thiam nu cu a lu a ri ko tiah thawngpang a um. Shakira nih Pique tha tuk in a toitam mi cu video chung ahcun aa tel ti a si. Shakira nih cu thawngpang kongah zei bia a chimmi a um rih lo. Shakira le Pique cu 2010 Wolrd cup hla Waka Waka: This Time For Africa timi MTV an i thlaknak in an i duh hi a si. (Cc: Daily Mail) January 21, 2012: Africa ram in sinum riantuantu nu pakhat cu a riantuannak Arab mirum fapa kum 15 he an i duh i fa a pawi caah United Arab Emirates ram Ras Al Khaimah state biaceih zung nih thongdan thlathum le an ram thawlnak dan an pek. Rianngeitu boss pa nih sinum nu cu a luancia kumkhat ah siizung lei a kalpi i, Doctor te nih fa a pawi tiah palik sinah thawng an thanh. Nu nihcun rianngeitu fapa he kan i duh tiah palik sinah a phuan. Thitumnak tuah loin fa a pawi ruang, theihpi loin fa a pawi ruangah thongdan thlathum le an ram khirh dingin dan an pek hi a si tiah Arabic ca in chuahmi Alkhaleej thanhca nih a phuan. Biaceih zung nih kum 15 pa zong thlathum chung leng chuah lo dingin bia an chah piak. (Cc: emirates247.com)
Nu chiatha pahnih a ngei mi nuJanuary 29, 2012: Kum 27 a simi England nu Hazel Jones cu nu chiatha pahnih, nau inn pahnih le nauinn thahri pahnih a ngei hna. Jones nih ITV ah ka thianhlimnak voihnih a rawk cang tiah zapi theih in a thanh. Hi kong hi a hawikom pawl zong a chimh hna tiah Jones a hawi le ITV a thanhtu Willouhby le Phillip Schofield hna nih an chim. Hi thil hi khuaruah har tuk a si, a thei mi poh nan khuaruah a har lai tiah Jones nih a ti. Cun hi thil hmuh a duh mi nu pohpoh zohter dingah kan thil a rit lo pinah ningzahnak pel te hmanh ka ngei lo ti zong a chim. Kum 18 ka si lioah Doctor pawl he ka rak piah. Cun ka puma nih fahnak nganpi a rak tuar bal a ti. Cu tin Jones a thawngpang a chuah hnuah Vivid Entertainment Mekazin nih $ 1 million in Movie thlak an fial nain a duh lo ti a si. (Cc: Internet)
Vawleicung a thawng bik nuJanuary 29, 2012: A min cu Varya Akulova ti a si. 40 kilogram lawng a rit nain 350 kilogram a rit mi a cawi khawh caah vawleicung a thawng bik nu tiah Guinese bu nih kumhnih tiang an cohlan cangmi a si. Varya hi mi pumrua tha zong a si lo. Thilrit a cawi khawh mi hi khuaruah har a si. Ka pumrua hi ngan deuh seh ti ka duh. 190 centimiter san in poung 100 hrawng rit ning ti ka duh tiah a ti. A tuhi tang 7 a kai liomi a si. A khan chungah a a thiam tukmi a si. (Cc: Daily Mail)
Tuluk ram mirum zohkhenhtu nu trainingJanuary 31, 2012: Tuluk ram ah mirum zohkhenhtu ding nu nih tlamtling thiamnak caah a har tukmi training an pek hna. Hi training hi Hainan state Sanya tikulh ah an tuah. Trainner pawl hi University in degree a la ciami minung 20 an si. Zarhli chung an tuah lai i, Tuluk ram mirum zohkhenhtu ding nu a voikhatnak training a si. Training tuahtu nih thawngpang hlatkhawh, ralhrang dohkhawh, pumvennak ca thiamnak, chawlet vawlei ah pehtlaihnak lei thiamnak pawl thla Training 10 chung an cawn rih. Hi chungah an tuah lio a thiam bik timi cu Isreal ram ah humhimnak lei cawn dingah thlah than a si. Vawleicung kip ahthil a zuar khomi Tuluk ram cu mirum an karh tuk caah zohkhenhtu mitam pi an herh hna. Mirum nih hlan a si ahcun thlahlawh tampi pek a si i, pawcawmnak a si caah hi rian hi tuan an duh cio. Cun pa nakin nu an duh deuh hna. Mirum an zohkhenh hna pinah ngakchia an zohkhenh chih hna. Nu mirum hna le minthang lemcang thiam hna nih anmah zohkhenhtu dingah nu hi an thim deuh hna. Pa thlakhat $1500 an pek hna lioah zei poh a tuah khomi nu hna cu lethnih tam in an pek hna. (Cc: Reuter)
Vawleicung a thau bikmi paJanuary 29, 2012: Vawleicung a thau bik pa cu Dzhambik Khatokhov ti a si. Kum 9 a si ah 150 kilo a si. Amah he thikhat rual he tahchun ahcun let li in a rit deuh ti a si. A thaunak a ruang bik cu a thau aa telmi tamtuk a ei caah a si tiah Doctor pawl nih an ti. (Cc: Online News)
Kum 70 nu nih faphir a ngeiJanuary 27, 2012: Kum 70 a si cang mi Omkari Panwar nih faphir a ngei. A pasal hi kum 77 a simi Charan Singh Panwar ti a si. Fapa an ngeih lo caah fapa ngeih hi kan duh bik mi a si. Tutan zong fapa ngeih dingin timhtuahnak kan ngeih nain faphir tu kan ngei tiah Omkari Panwar nih a ti. Mrs Panwar cu New Delhi sizung pi ah paw khuai in fa a ngeih hi a si. Ngakchia pahnih hna cu pound 2 veve an si i, an ngandamnak a tha ko tiah Doctor te nih an ti. Hi hlanah fanu pahnih le tufa 5 an ngei cang hna. (Cc: Daily Mail)
Vawleicung tungniam bik nuvaJanuary 27, 2012: Douglas Maistre Breger da Silva le Claudia Pereira Rocha nih vawleiung tungniam bik nuva ri thar an chiah. Douglas Maistre Breger da Silva cu September 21, 1969 ah a chuak i, Claudia Pereira Rocha cu September 6, 1972 ah a chuak. An pahnih in Brazil ram mi an si. October 27, 1988 ah Curityba khuaah thitumnak an tuah. An tung an tah hna tikah pakhat cu lehmah 35 a si i, a dang pakhat cu lehmah 36 a si. An pahnih in pe 6 an tling lo ti a si. Hi nuva pahnih hna hi vawleicung tung niam bik rithar a chia mi an si. (Cc: Daily Mail)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 9
CELZUAMNAK THAWNGMan City he buai ruangah Te- Kawlram hmaikal Kyaw Ko Ko Ferdinand nih a mah zohkhenhtu ding ah pailk a chiah hna German vawlei a phan kho men vez pound 9 million a sungJanuary 25, 2012: Man City he buai ruangah Tevez nih pounds 9.3 million a sung tiah Man City lei nih an chim. Dan an tat mi, thlahlawh le laksawng an phiat ruangah hitin a sungh hi a si. Tevez cu Man City nipiah Mansini he buainak a um ruangah Argentina lei a kal. Man City ah dawtnak a ngeih lo ruangah pek dingmi laksawng pound 6 million a sungh pinah le Beyan he michawn a duh lo ruangah poung sing 4 dantat rih a si. Cun Man City nawl peknak um loin Argentina a kal ruangah pound 1.2 million dantat rih a si. Argentina a kal ri in thlahlawh phiat a si caah pound 1.7 million a sung rih tiah Man City lei nih an ti. Tevez Agent pa cu Italy ramah Milan lanhnih he ceihhmainak an ngeih cuahmah lio a si. (Cc: Eleven News) Jannaury 23, 2012: Kawlram hmaikal Kyaw Ko Ko cu Germany ramchung Bundeshliga ah ke test dingin an sawm tiah a chuihnak Zayarshwemyay FC nih an chim. A chuihnak team zong nih Germany kal dingin hnatlaknak an ngei cang. Ke an test mi a awn ahcun min a thut lai ti a si. Min a thut khawh a si ahcun Bundeshliga nih Zayarshwemyay FC sinah $500,000 a pek lai i, zarhkhat $5000 in 7000 kar an pek lai. Zayarshwemyay FC nih Kawlram pumpi pumpalulh bu MFF hnatlaknak cu January 20 ah a hal cang i MFF nih hna a tlak pi ve cang. Kan ram mi pumpalulh leiah hmuhton mi an ngei lai. Thangthar mino caah zohchun awk a si lai an ti. Kum 20 lawng a si rih mi Kyaw Ko Ko cu 2011 Maynmar National League ah kawl tam bik kawltu a si pinah Goal.com nih a thim mi ASIAN a thiam bik minung 5 ah aa tel ve mi a si. Tulio a chuihnak Zayarshwemyay FC ah thlakhat Ks sing 10 an pek mi a si. (Ccc: Irrawaddy)
January 27, 2012: Chelsea he kan chuih tikah ka pumpak zohkhenhtu pailk ka fial hna lai tiah QPR hnukham Anton Ferdinand nih a ti. Cu palik fialnak ah pounds 30,000 ka dih lai ti zong a chim. Anton Ferdinand cu Chelsea hnukham John Terry he vun thleidannak ah kongah buainak an ngei. Terry zong biaceih zung nih an hlat cuahmah lio a si. Hi ruangah Chelsea tanhtu pawl huat a tong. Tutan an chuih dingmi hi buainak an ngeih hnu a voikhatnak puai a si lai. Kum 26 Anton Ferdinand nih palik pinah CCVT zong humhimnak caah ka hman lai a ti rih. Cun kuttlaihnak ah Terry kut tlaih lo dingin biachahnak ka tuah cang a ti. (Cc: Eleven News)
Egypt pumpalulh puai ah minung 74 an thi cangEzypt pumpalulh vawlei ah February nikhat cu tuanbia chimtlak muihnak nih a khuh ni nikhat a si. Hi puai hi Port Said khua ah tuah a si i, al-Masry nih ramchung teinak a hmu bik mi al-Ahly cu 3:1 in a tei. al-Ahly tanhtu pawl nih bual chung an luh hnawh hna i, a dang team celhtu pawl le palik pawl an tuk velh hna. Puai zohnak cheukhat mei an duah chih nain meihmit pawl nih an zuanhnawh manh ti a si. A thimi 74 le hma a pu mi a 246 an si lai tiah AP thanca nih a tial. A thimi chungah palik zong an um nain celhtu pawl cu a thi mi an um lo, hma a hmu mi lawng an si. al-Ahly celhtu pawl cu Port Said khua in ralkap vanlawng nih a zaam pi colh hna. A thi mi hna chungkhar caah ngaihchiatnak kaa hrawm ve. Ka thinlung hi a thimi hna chungkhar pin khoi ka lei hmanh a chuak kho lo tiah FIFA president Sepp Blatter nih a ti. A chuak lo dingmi buainak a si a ti rih. Hi teamhnih hi thisen in tuanbia a rak tial bal cangmi an si. Team tanhtu tukvelhnak zong a chuak tonmi a si. Hi buainak a chuah hnuah Egypt pumpalulh bu nih ramchung League vialte kan khar tiah thawng an thanh. Egypt ram a nganbik pumpalulh buainak a si. Buainak ah a thimi ngaihchiat pinak cu nithum chung kan tuah lai tiah cozah lei nih an ti. Lakhruak hluattaw meeting tuah ding zong an timh ti a si. Buainak a um hnu lakhruak tonnak an tuah i, Ezypt cozah nih Ezypt pumpalulh bu hrawh dingin biachahnak an tuah. Pumpalulh bu president le rianntuantu dihlak phuah dih dingin hnatlak a si. al-Ahly chuihtu pakhat nih palik pawl an kan hum lo tuk. Hnipuan thlennak khan ah puaizohtu pakhat cu ka hmai bakah an thah ko a ti. Ai Ahli ah chuih tilo dingin minung pahnih thum nih biachahnak an tuah colh. (Cc: News Eleven)
Messi hi a thiam bik laksawng he aa tlak maw?January 27, 2012: Vawleiung pumpalulh chuih thiam bik laksawng cu Messi nih kumthum a peh cang. 2011 Barcelona a ceutertu ke thim sisehlaw Messi ke dah ti lo thim ding a um lo. January 9 ah vawleicung a thiam bik thimnak cu Shwezaland ram ah tuah a si i, Messi nih thimfung 48% in a thiam bik a co. Hi laksawng kumthum peh in a hmu hmasa tu zong a si. Tlik a thawng. A thiam fawn. A luancia mithiam pawl he tahchun a si pinah a chuak rih lomi lak zongah a thiam bik a si lai tiah cheukhat nih an ti. A luancia mithiam pawl he tahchun dingah a har ngai mi a si. An mah le chan cio ahcun Arfi rak timi an si ve ko. Sui pumpalulh laksawng timi hi 1995 hlan cu EU chung lawng ah rak thim a si. Pele te pawl Euro ram chungah an rak chuih bal lo caah hi laksawng an rak hmu kho lo. Kum 24 lawng a simi Messi hi hi hnu voithum a si loah voili cu a hmu rih lai tiah phaisa thap in bia aa kam mi zong an um. Khat lei in Messi a ke ruangah biaelnak tete a um ton. Cucu Argentina caah World Cup hrai a hmu pi kho hna lo ti a si. Cucaah a tha bik ti khawh a si lo an ti. Xavi le Aniesta thanwg in Messi a larnak a si an ti. Zei a si zongah Messi cu duh nung mitha le mithiam pakhat a si ko ti cu zapi cohlan mi a si. Minung pakhat a thiam bik timi laksawng hi ka duh ko nain Barcelona he laksawng hmu hi a biapi deuh tiah Messi nih a ti. 2011 chungah La Li Ga, champion League, Supre phala, Euro super phala le World club champion kan hmuh mi hna hi Messi um hlah sehlaw pakhat hmanh kan hmu lai lo tiah Barcelona nipiah pa nih a ti. 20102011 chungah Messi nih Hat Tric voi 6 a hmuh. Argentina le Barelona caah kawl 59 a kawl. Amah pumpak lawng hlah hawi kawl dingin a tuah piak rih hna. Barcelona caah puai 57 a chuih i, kawl 55 a kawl. Naymer umnak Santos he Japan ah World club champion final lioah a mah pumpak in kawl 3 a kawl. A man khiah khawh lomi Messi ke cu Barcelona lawng si loin vawleicung mipi lung di a riam ter. Messi cu pumpalulh vawlei ah a thiam bik a si zong a silo zongah 2012 ca ahcun a thiam bik a si ko.(Cc:Online News)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 10
CELZUAMNAK THAWNGTerry Euro 2012 chuih lo Pele: Barcelona bantuk in Suarez bia i palh lo dingin dingin halnak an tuah Santos hi a rak si bal ve ko mirang ca an cawnterFebruary 2, 2012: July thla lei biaceih piak than dingin an thon mi Terry cu a biaceih hlan lo pumpalulh chuih lo dingin halnak an tuah. England captain banreh Lampard pek ding le ramkip puaiah tel khawh lo dingin halnak a chuah hi a si. Vun thleidannak kong he pehtlai in Terry bia cu February nikhat ah ceih piak ding a si nain July 9 ah an thawn than hi a si. Cucaah 2012 Euro ah captain tuannak caan a ngei rih lai. Pumpalulh he naihniam pawl nih July 9 hlan chung poh Terry pumpalulh chuih ter lo dingin halnak an tuah. BBC ah pumpalulh lei rianngei pakhat nih Terry nih captain a tuan ko ahcun England team thilthlennak khan cu thihsi paih mi a lo te lai a ti. FA rianngei cheukhat nih Terry kong cu Euro puai thawk hlanah dither an duh caah Februry 23 meeting ah an ceih than kho men. (Cc: News Eleven) January 25, 2012: Caankhat lioah ka rak chuihnak Santos hi tulio Barcelona bantuk in vawleipi a rak khuh bal ko tiah Pele nih a ti. Nipiah Pep Guardiola kuttang ah a ceu bik timi Spain le Euro champion Barcelona bantuk in ka rak hruai kho ve ko a ti. Kum 71 a si cangmi Pele cu Santos ah 1956 in 1974 tiangah puai 800 a chuih i, kawl 659 a rak kawl. 1960 kum hrawng Santos teinak a rak hmuh ning minung nih an theih ti lai lo. Kha lio Santos cu vawleipi a rak khuh taktak ko a ti. Messi hi keimah he tahchun ding ahcun a tu nakin thil tampi a langhter rih a hau a ti caah soiseltu tampi a tong. Messi cu a thiam bak mi pakhat a si ko. Bual chung a chuih mi ka zohah ka lung a tling tuk. Ka upat tuk fawn. Messi a si zong Ronaldo a si zongah keimah he tahchun ka duh hna lo. A ruang cu pa khat le pakhat ka ti khawhnak hi ai dang cio tiah Pele nih a ti. (Cc: Eleven News) January 28, 2012: Evra cungah vun thleidannak bia a chim bantuk hrialnak caah Suarez cu Mirang holh a cawnchap ti a si. Suarez cu Nigro timi bia ruangah buainak a chuak i, puai 8 phih a tong. Hihi Mirang holh leiah thazang a der tuk caah a si tiah ti a si i, Mirang holh an cawnter chap hi a si. Uruguay ah Nigru tihi bia sawhsawh a si nain England ram ahcun bia pipa tukah chiah mi a si. 2006 in Euro ram ah ka rak chuih cang nain mirang holh leiah ka thazang a der tuk rih tiah Suarez nih a ti. A hawi le zong nih Mirang ca thazaang pek deuh dingin an forh tonmi a si. Tutan puai 8 an bar chungah Mirang ca biatak in a cawn pinah Liverpool team he can hman tein a cinh ton ti a si. (Cc: News Eleven)
Ferguson: Kan ral nganbik cu Liverpool an si koJanuary 28, 2012: Liverpool hi kan caah a biapi bik zuamcawhtu an si rih ko tiah Man U nipiah Ferguson nih a ti. Liverpool cu kum saupi Premier League champion he aa hla cangmi an si nain kan ral nganbik a si ko. Man City hi mi tam deuh nih an zoh hna nain a taktak ah kan rak ngan bik cu Liverpool hi an si. A luancia kum 3, 4 kan zoh ahcun Liverpool he kan chuih mi hi puai ngan cu a si ko. Kan i tei ning zong aa chang in kan i tei. A lianngan mi pahnih izuamnak a si a ti. Kan hnu nithum ni Liverpool le Man City an chuih mi zong zoh tikah Man City nakin an tha deuh a ti. (Cc: News Eleven)
Man City lei kawl a suttu Spur nih Adebayor auh a duh Gibson cu Ferdinand nih January 31, 2012: Tottemham Spur nih an hlanmi rawl a dangh Adebeyor cu a ke a chuahFebruary 2, 2012: Man City lei kawl a suttu Gibson cu Man U hnukham Ferdinand nih lunglawmhnak zanriah dum a sawm. Man U ah a rak chuih balmi Gibson cu Man City he an chuih lioah a biapimi teinak kawl a suttu a si. Gibson a thazaang chuahnak le aa zuamnak cu Man U caah thatnak a chuahpi. Man City he marks tlukter tu a si caah Ferdinand nih zaanriah ei a sawm hi a si. Ferdinand nih a Twitter ah Rosso rawldawr ah free in raw lei dingah ka sawm tiah a tial. Gibson nih kawl a sut lioah lawmh bia a chim hmasa tu cu Rooney a si. Gibson ke tangah Man City a ril tiah Rooney nih a ti. Gibson hi Man U caah puai 60 a rak chuih balmi a si. Ferguson nihcun ka tuaktan mi ah aa tel ve mi a si a ti. (Cc: Internet) ruangah minthut dingin an hal hna. Man City sinah pounds 8 million an hal hna hi a si. 2009 ah Man City nih Arsenal sinin an cawk lioah pounds 25 million in an rak cawk mi a si. Ruahchannak nganpi a ngeimi Spur nih Adebayor cawk an duh tuk nain a thlahlawh kongah harnak lianpi an tong. Man City nih zarhkhat pounds 170,000 an pek mi cu Spur a chuih chung vialte Man City nih a cheu, Spur nih a cheu in an pek. Spur ah aa thial ahcun thlahlawh tampi a zawr lai. Spur cu celhtu pakhat caah a tam bik zarhkhat 75,000 in ri an tuk. Luka Modric belte zarhkhat pounds 100,000 an pek. Cucaah Adebayor an cawk tak ahcun thlahlawh kong biapi in an i ceih te lai. (Cc: Internet)
Rio Ferdinand: Terry a kut ka tlaih le tlaih lo aa fiang rih loJanuary 30, 2012: John Terry kut ka tlaih le tlaih lo tuzarh chungah biachahnak ka tuah lai tiah Rio Ferdinand nih a ti. Rio Ferdinand nau a simi QPR hnukham Anton Ferdinand cu vuntheidan in a ti caah FA an chuihnak ah Terry kut tlaih lo dingin QPR celhtu pawl nih an ti. Cucaah FA an chuih ah kut tlaihnak programe an hrawh. England captian Terry cu Man U hnukham Rio Ferdinand zong nih kut tlaih loin a um kho ti a si. Tulio hi London biaceih zungah miphun thleidan ruangah Terry cu chekhlai an tuah cuahmah lio a si. (Cc: The Sun)
Rooney chungkhar phaisa haltu thong an thlakJanuary 31, 2012: Man U hmaikal Rooney chungkhar phaisa haltu pa cu Man U biaceih zung nih thongdan an pek cang. May 24, 2012 ah Rooney nupi Coleen cu MEN bual ah Pop hlasaknak pakhat a zoh lioah a Camera Sumsung pakhat a tlau. Cu Camera Memory Card ah hmanthlak cia 400 hrawng a um. Cu Camera a latu pa nih memory Card na duh ahcun pound 5,000 in rak tlanh uh tiah Rooney chungkhar cu a ti hna. Cu phiasa haltu kum 29 pa cu thongdan kumhnih an pek. Phaisa hal dingin ruahnak chuahtu kum 42 pa zong thla 20 thongdan an pek. Phaisa haltu kum 29 pa a nungak pakhat zong aa tel ve caah mipi ca thla 12 chung rian na tuan lai ti a si. (Cc: The Sun)
THE ONE STAR JOURNAL
VOLUME 1, ISSUE 73
FEBRUARY 5, 2012
Cahmai: 11
FAKLANGHNAKThluak tawlnaktein hi casual chungah kawl teMotorola ti ahcun a thei mi tampi um a si. Company riantuantu pawl an hal ton mi hna biahalnak a si. Voikhat cu thlichia fak tuk in a hrang. Ruah nih le ban ngaw in a sur fawn. Ramtlawng sa nih celh lo dingin nikhua a um lioah tlangval pa pakhat cu a Motor in innah a tin. Lam tan Bus stand ah tar nu pakhat, a nunnak a rak khamh bal tu doctor pa le ka thinlung dihlak pek in kan dawt a timi a nungak hna cu thli le ruah nih a rak den hna. A Motor nih minung pakhat lawng thutnak a lawng. Tar nu a zoh ah a thinlung kehkuai aa tim. Doctor pa le ka nunnak a ka khamhtu a si ti fiang tein a hngalh. A nungak cu a zohah a khua sik tukah a hmur a nak dih cang. Kha! A ho dah a phorh lai? Careltu nangmah si law a ho dah na phorh lai? A phi nangmah tein hi Cazual chungah kawl te.
Caan hman tein phaisa kuat khawh a siRangon le Hakha lei phaisa kuat na duh ahcun thlenret hman te le a can hman tein kan in kuat piak lai. Hlamnak ding: Rangon: Hnem Hnem Innphone: 584484 Hand phone: 095052931 Hakha: Cia Cia (Nu Nu Store) Ph. 070-21476 092450497 Contact: Anna (Samping) 0129362709 0122596205
Immanuel Charity Home (ICH)Zu nih a tlaih i a mah tein aa chanchuah kho ti lomi hna caah: Zohkhenh, Kilkawi, Cawmken, Chanchuahnak & Pathian Biatak Cawnpiaknak ICH A trip (4)nak luh caan (Nov 07-15) 2011 inka kan on `han cang Pathian biatak le thlacamnak in cawnpiak awkah siaherhmi poah caah asi. Contact : ICH (Immanuel Charity Hom No. 17 C Jalan Abraham Off Imbi 55100 Rev.R.Lal Iap-ICH Supervisor Ph: 012-3445855 Pu Kawl Bat- ICH Treasurer 017-3381641 Pu Jimmy H.Ling CCCM Chairman Ph. 017-3309027
Vawleicung kum no bik hringtu nuJanuary 28, 2012: Belgium ram in kum 11 nu nih fanu pakhat a hrin. Kum 11 a simi Belguim nu te hi a hawi le he lente an i celh lio namneh ngaiin an tuah lioah kum 19 pa he an i tong i, an i duh hi a si. Pa nihcun nu hi kum 15 minung a si tiin ka ruat a ti. Cutin tonnak an ngeih lengmang i zarhkhat an um ah kum 11 nu te cu fa a pawi. Fa ka pawi cang ti a theih cangka pa he thitumnak tuah ding in an timh. Pa cu kum tling lo he sualnak a tuah caah kum 6 thongdan an pek. (Cc: Internet)
DVD phel a chuak than cang laiTluangzauk Group nih chuahmi Tap lo kho kan si lo timi VCD phel cu kan hnu lei kan ku mi a tlawm deuh caah a tu kan kuu than cang. Tlawmpal ah a chuak than lai. Cawk a duh mi nih hi ka ah pehtlaihnak tuah khawh a si. Saya Ceu, Ph. 0173148415 Nu Par..0172749129
Anti*Fellowship cheukhat Music tumtu pawl cu zurim he pulpit cung an kai i, a poi kho tuk. Kan thlarau ram zong a kan khar. Anmah ca lawng hlah, Fellowship ca zongah tihnung tuk a si tiah aa pum mi cheukhat nih an ti. *CRC, ACR ah card tuah kan kal ah a can ahcun hro le sik a tam i, kan lung a nuam lo ngai. Chin mipi caah pumpek in rian an tuan mi kan upat tuk hna. Lungsau deuh le hmaipanh deuh in an kan chonh ahcun kan i nuam tuk tiah card tuahnak ah sik a tongmi tarnu pakhat nih a ti. * Tutan Chin National Day (CND) pumpalulh puai cu a nuam tuk. Kan Chinmi pasal rual an thiamnak he chuah cio a si. Refree lei belte chambaunak tete a um pah mi a lo tiah a zohtu cheukhat nih an ti. *HPH nih tuah mi paih zuamnak cu zoh a nuam tuk. Kan Laimi pasal rual an rak thiam tuk cio. Uar an um tuk hna. Mah belte kunza he zeilo rim he zalam tlangah keimah aa timi pasal rual belte hrikulh cungah an mui a de lo. Pasal cu kha bantuk ah khan pei chuah ding a si cu tiah Times Squares tuanmi nungak muidawh pakhat nih a ti.
1.Palia, My103611, 05/MLS-01934, Ph..0166897854 (Matupi) 2.Van Cung Uk, My..117062, 09/MLS00268, Ph.0176393674 (Falam) 3.Daniel Thang Lian Kim, MY118047, 09/MLS..00967, Ph..0102585603 (Thantlang) 4.Van Chan Ceu, My.. 121673, 08/ MLS.05857, Ph.0176430821 (Hakha) 5.Sarah Biak Tha Sung, MY..123849, Ph..0122280887(Thantlang)
IOM nih 7.2.2012 ah a herh mi hna
Oparasi an lut1.2.2012 zan 12.00 AM ah Cheras- Carrefour ah operasi an lut i minung 100 leng Pudu Police Station ah an kalpi hna. Passport, UN card a ngei mi cu Police pawl nih tha tein an check hnu ah nazi 4.00 AM hrawng ah an thlahthan hna. Hi Operasi an luhnak a ruang cu a tlanglei he pehtlaih in local minung nih an complain hna ruangah a si.1. Zuding i aukhuan, sikvelh, pawngkam hnahhnawhnak pek. 2. Kunza hang kakip ah chak i pawngkam thurhnawmhter 3.Mah le seremnak paoh ah hnawmhthur hlawnh 4. Mah umnak inn kaa le thlalang ong hna khuai ruangah a si. The One Star
Zarhte zan zoh dingArsenal V Blackburn (9:00) Norwich V Boltan (11:00) QPR V Wolve (11:00) Stock City V Sunderland (11:00) Wigan V Everton (11:00) Man City V Fulham (1:30 AM)
Passport (services) Air Ticketing (Domestic & International) Bus Ticket (Domestic) Hotel Reservation (worldwide) Visa Services Car Rental Guide Services D-Form Services Airport Transfer Services Tours Arrangement Special Tour Services for visit to -Bangkok -Singapore -Malaysia (Chungkhar khualtlawnnak a si ahcun a dang tein tawlrel piak a si) Free Tourist Information & Consultation Note: A hlei in Ram (3) nak a kal ding mi nih nan chung le kal lai ah tlawnter nan duh hna ahcun a rannak in tuahpiak khawh a si!!! Fiang deuh in theih na duh ah cun, Email: [email protected] Ph: 0095-973174717, 0095-95407057 Address: Hlaing Thiri Housing, Hlaing township, Rangon, Myanmar
Zarhpi zan zoh dingNew Castle V Villa (9:30) Chelsea V Man U (12:00)
Phaisa thlenret$1 - Ks838 1RM Ks263
EST: SEPT 12, 2010
VOLUME 1 , ISSUE 73
FEBRUARY 5, 2012
Cahmai: 12
FAKLANGHNAK PAWLMI DAM LO, MIZAW HNA CAAH THEIHTERNAKMalaysia um kan Laimi a dam lomi, a zaw fakmi, thazaang a ngei lomi,Malay siikhaan kal aa harh deuhmi hna caah man fawi deuh le mah le holh tein zohkhenh a duhmi hna caah a tanglei address ah hin nifatin i piah khawh a si (1) Si phunphun cawkkhawh a si (2) Drip, tha umnak chunhkhawh a si (3) Hepatitis B vaccine ( thinphin chuahtertu B rungrul khamhsii ) chun khawh a si (4) Thla 3 khan nau hlatnak sii chunhkhawh a si (5) In chung khar nau ngeih a duh rih lo mi ( Family planning service ) (6) Thithlum, Zunthlum, Thi`um, Thikai tahkhawh a si (7) A dangdang zawtnak a phunphun ca ah man fawi tein si chunh, si cawk khawh a si. 8. HIV/ AIDS zong chek khawh a si. Address: No. 29/A , First Floor, Jalan Brunei Barat (ACR zung a hnu lei, Pudu plaza pawng Sii khan on caan: Nikhat ni in ninga ni tiang, 10:00 AM in 8:00 PM Sunday 2:00 PM in 8:00 PM Sayama Mang Tial @ Tially Contact: No 014 2660 597
MCF STUDIO A DIR VE CANGMIE CHRISTIAN FELLOWSHIP, MALAYSIA nih Laimi caah tiin music le aw khumhnak MCF STUDIO cu an thok cang. Man fawi te le na duh ning tein hlaphel tuah na duh ahcun MCF sinah kal law na saduhthah a tling ko lai. Chan ti luan hoih in music tumthiam hna nih seh an tlaih lai caah le chanthar awkhumhnak software pawl hmang in tuah piak a si lai caah fuh cio hna usih. Malay ram chung minthang Professional Studio pawl zong he pehtlaihnak an ngei ti thawng kan theih. Hlaphel pakhat tuah ah MIXING & MASTERING telh in RM 3,000 si lai. Tam deuh le tlamtling deuh in theih na duh ahcun a tanglei min kan langhter mi pawl sinah hal khawh an si. Recording Engineer : Peter Siang Lian Thang Phone :017 275 6851 5:00 pm -11 : 00pm kar ah chonh khawh, A bawmtu : Chan Awi Sang ..Ph.0178727734 Address : No.66-2 Wisma Mahamewah Jalan Sungai Besi (Farja Lama) KL, Malaysia
Everest Phaisa kuatnakKawlram ah phaisa kuat na duh ahcun Pudu Plaza hmai Sabuti dawr in kuat khawh a si. Pehtlaihnak: Pudu-0163510865/0172128013 Sampeng-(Main Office) 0142631669 Imbi-0173231909 Ampang-0166508073 Maluri 0102640997 Cheras-016348399 Sungai Besi-0147114335/0173725573 Hlam khawhnak : Hakha (Everest) 01721279 Rangon 092450317 Kalaymyo- 07322409
EMANUEL HOME PHOTO & VIDEO EDITINGNa duh ning te le na lung tling tein tuahpiak kan i zuam lai. *Khuai copy *Hmanthlak `awl khawh a si. *Collection ( ) Video Edit le Video thlak Man tlawm tein kan in tuah piak hna lai. Add: 14, 6th floor, Pudu Plaza Ph: 016-6060572 Ph:0146231117
India lei phaisa kuatnakA caan hman te le thlenret hman tein India ram ah phaisa kuat khawh a si. Zankhat te lawng a rau lai. Phaisa kuatkhawhnak hmun hna cu Delhi, Banglor,Culcata, Karela, Aizawl, Lunglei le Saiha hna an si. India in Malaysia lei zong kuat khawh a si. Contact: 016-6783062
Thil thitter khawh asiNu le pa hngakchia angki siseh tawhrol siseh na duhning tein kan thitpiak lai. Address : Pudu Plaza pawng, Chin Tawng Taing cung Ph:0147295047 (Mahpui) Ph:0176871469
A caan hman tein phaisa kuatnakA can hman te le fel tein ( Atu kuat thai zing thoh colh) Kawlram lei phaisa kuat piak khawh a si. Kan kuatnak hmun hna cu Hakha, Thantlang, Falam, Gangaw, Tidim, Kalaymyo, Matupi, Mandalay le Yongon ah a ran deunak in kan in kuat piak hna lai. Cun INDIA ram ah (Aizawl, Lunglei, Lawngtlai, Saiha) ah nihnih rauh in kuat piak kawh a si. Bank ah phaisa thoh a harh deuh mi le UN card a ngei lomi hna ca ah ramthumnak in US, Norway, Aus, New Zaland, Danmark in phaisa kuat an duh mi hna a um ahcun a tang lei ah hin (cantacts) chawnh khawh a si. 017 6914 641Tial Din Sung (Mary Nu) [email protected] 012 9742 594 Ngun Ceu Mang (Mary Pa) [email protected] Zing ka suimilam 8:00PM in Zan suimilam 10:00 PM tiang chawnh khawh a si. Address: Pudu Plaza pawng/ Tuluk Sianginn hmai
The One Star Cazual TawlretuChief Editor : Salai Mang Bik Editor: Jeim V. Thawng Ceu Bawi Mang Thawng Tha Lian Van Biak Mang Ngun Hlei Iang A man RM 2 Copies 500 Kuala Lumpur Malaysia [email protected] : 0126025824 [email protected] Ph: 0172684942 [email protected] Ph.0129752507 A ngeitu: Zophei Student Union Web. www.theonestarjuornal.blogspot. com
Sui pawn le zuar a duh mi caahSui pawn a duhmi le zuar a duhmi nan um ahcun lungtling tein zuar/pawn khawh a si. Pehtlaihnak: Phone: 012-9792719/ 012-2687166 Jln Loke Yew (Hleihlak tang)
Hnipuan/thilri khawh a si
thitter
Hnipuan/thilri na duh ning tein `hitter khawh a si. Kawlram ah cansau pi a `hi cang mi a si. A thiam. `thitman a fawi. `hitter hmanh na ruah ning leng in a `ha lai. Contact: 0172198451 / 0169289446 Hello! Pi Khin Shwe Pudu
