Page 1
Via Transishon | Ministerio di Tráfiko, Transporte i Planifikashon Urbano
1
Nos promé Via Transishon pa 2013! Aña nobo, Bida nobo! Metanan nobo i tambe nos
Via Transishon nobo! Despues di un temporada
largu nos ta bek den nos Via Transishon!
Den e edishon aki nos ke pone bo na altura di
diferente aspektonan importante pa bo ta bon
informá.
Nos ke enkurashá bo pa manda bo preguntanan,
remarkenan i ideanan pa nos pa asina nos por
informá bo mas mihó! Tuma kontakto ku
redakshon di Via Transishon na
[email protected]
E via transishon aki lo kubri diferente tema
interesante manera:
- Mensahe di Minister!
- Desaroyonan rondó di Ostpùnt
- Proyekto Space Port
- Tinchi: Un leyenda bibu ta bai ku penshun
- Domeinbeheer ta kobra erfpacht 2011 i 2012
Edishon # 1
Page 2
Via Transishon | Ministerio di Tráfiko, Transporte i Planifikashon Urbano
2
Mensahe di Minister Balborda:
Un felis aña 2013 ku enfoke riba pas, trankilidat I
prosperidat!
Koleganan di VVRP, maske ta un tiki lat, mi ke
deseá un aña bendishoná pa kada unu di
bosonan ku ta lanta tur mainta pa bini desplegá
labornan pa nos pais por bai dilanti. Manera ya ta
ampliamente konosí kaba 31 di Desèmber 2012
mi a keda huramentá komo minister di Tráfiko,
Transporte i Planifikashon Urbano. Djarason 2 di
Yanüari 2013 mi a kuminsá desplegá labor na e
ministerio ya menshoná huntu ku mi kabinèt.
Ta bon mi konta en breve algu di mi persona. Mi
a studia rekurso humano na Merka i mi a laborá
den diferente empresanan priva. Tambe mi tabata
tin un programa di radio ku tabata gosa di un
bon oudiensia. Debí na mi kompetensianan mi a
wòrdu aserka pa duna mi kontribushon den e
gabinete di profeshonalnan.
Mi ta kontentu ku e oportunidat brinda na mi
persona i mi ta konvensí ku huntu ku kada unu
di boso su aporte individual, nos lo por hasi un
diferensia.
Ta bon pa para un ratu ketu riba loke ta bai ta nos
prioridatnan i nos retonan pa sigur e promé mitar
di 2013. Mi ta pasa den liña grandi den tur e
diferente departamentunan di es manera aki
kada ken por tuma nota kiko ta e prioridat pa su
departamentu.
Hinter ministerio
Ta bon pa para ketu na funshonamentu di e
ministerio. Pa un mihó funshonamentu di e
ministerio lo mester bini un mihó kolaborashon
entre e departamentunan enkargá ku tráfiko,
transporte i planifikashon urbano. Pa kumpli ku
esaki, mester di mas persona kalifiká pa reforsá e
ministerio kaminda mester.
Tráfiko Aéreo i Marítimo
E maneho pa nos tráfiko aéreo i marítimo no ta
funshoná segun reglanan internashonal. Sí por
konstatá ku trabounan ta wòrdu hasi pa mehorá
esaki. Mester sigui ku e trabounan pa asina
kumpli mas pronto posibel, di un forma mas
optimal ku e tratadonan di Aviashon i tratadonan
Marítimo pa asina por garantisá un bon nivel di
nos transporte aéreo i marítimo.
E leinan ku ta konserní haf, CPA i aviashon lo
mester wòrdu aktualisá. Huntu ku esaki mester
optimalisá e ingresonan relashoná ku e registro di
barkunan i no lubidá ku tin di inventarisá e
posibilidat pa registrá entre otro trein, avion i
aviashon espasial na Kòrsou.
Planifikashon Urbano
Mester bini mas klaridat riba leinan relashoná ku
Planifikashon Urbano i kaminda ta nesesario tin
Page 3
Via Transishon | Ministerio di Tráfiko, Transporte i Planifikashon Urbano
3
ku adaptá esaki pa asina por akapará
proyektonan manera Wechi i Oostpunt. Teniendo
kuenta ku mester di un vishon a largo plaso pa
desaroyá e barionan di un forma stratégiko,
efisiente, balansá, intensivo i sigur. Huntu ku
esaki tin ku hasi ehersisio pa renobá e Plan di
Desaroyo di Kòrsou (Eilandelijk
Ontwikkelingsplan Curaçao) na e nesesidatnan
aktual.
Tambe lo mester bini ku un filosofia a base di
“urban growth boundary” pa ku desaroyo
optimal di nos terenonan. Den e kuadro aki lo tin
di tene kuenta ku tantu un maneho efisiente
relashoná ku edifisionan den mal estado y lo
mester denominá un densidat mínimo pa
terenonan ku ta destiná pa desaroyo urbano i
komersial.
Ademas mester aktualisá i mehorá maneho pa
entrega di pèrmit di konstrukshon.
E maneho aktual pa kobransa di pagonan di
“huurgrond” i tereno “erfpacht” no ta optimal.
Lo tin ku bini ku un bon maneho pa hasi e
kobransanan aki mas efektivo.
Tráfiko i Transporte riba tera
E proyekto di adrès i e proyekto di mapa digital
di Kòrsou ta kana bon i pa e motibu aki tin ku
hasi lo máksimo pa finalisá e proyektonan aki.
Mester bini ku e sistema di tráfiko sigur i
duradero (“duurzaam veilig”) òf sistema sigur
(“safe system”) “engineering, education and
enforcement” pa asina realisá un tráfiko riba tera
mas sigur.
Tambe mester desaroyá un plan di maneho pa
transporte públiko ku lo tin ku inkluí un maneho
pa konvoi i bùsnan chikí pa struktura nan
rutanan mihó, hasiendo uso di por ehèmpel un
pista pa bus (“busbaan”). Pa realisá esaki lo
mester inventarisá i kaminda ta posibel lo tene
kuenta ku opinion di e personanan i
instanshanan enbolbí. Ademas mester analisá
sistema di kùrmentu di outo pa asina bini ku un
sistema mas efektivo na Kòrsou. Esaki lo mester
sosodé di un forma ku no ta afektá e presupuesto.
Proyekto “Klein Hofje”
E proyekto di purifikashon di awa “Klein Hofje”
tin su balor agregá pa nos komunidat. Pa
garantisá kontinuidat i finansiamentu di e
proyekto aki, mester realisá e proyekto
Waterplan di kua e proyekto Klein Hofje ta un
parti integral.
Koleganan ku ta forma parti di kabinèt di
minister ta:
Perry Gumbs (medewerker) Email: [email protected]
Telefon: 4651477 tst. 111
Lulu Rozendal (medewerker secret.) Email: [email protected]
Telefon: 4651477 tst. 102
Nathalie Martina (medewerker PR): Email: [email protected]
Telefon: 4651477 tst. 127
Liorgo Rosa (medewerker): Email: [email protected]
Telefon: 4651477 tst. 118
Kenneth Pieter (medewerker) Email: [email protected]
Telefon: 4651477 tst. 103
Hensley Brion (medewerker) Email: [email protected]
Telefon: 4651477 tst. 120
Si bo tin kualke pregunta, remarke òf bo kier
keda na altura kiko ta pasando, por fabor tuma
kontakto libremente ku un di e kolaboradornan
di minister i tambe bo por hasi uso di nos
facebookpage: Minister VVRP.
Page 4
Via Transishon | Ministerio di Tráfiko, Transporte i Planifikashon Urbano
4
Desaroyo di Ostpùnt
Anja pasa a tuma lugá un seshon di informashon
relashoná ku e konsepto di lei pa kambia di e
zonifikashon (EOP) di e terenonan na Ostpùnt.
Un grupo grandi di interesado tabata presente pa
skucha e ekspertonan kual a duna un splikashon
amplio di kiko eksaktamente lo por tuma lugá
riba e área aki.
Sr. Donald de Palm, Presidente di e komishon
Ostpùnt, kual ta un komishon ku gobièrnu a
instalá pa e proyekto di Ostpùnt, a splika ku den
pasado gobièrnu mester a laga hasi un estudio pa
kambio di EOP pa e área aki.
Pa por a logra haña un opinion imparsial
gobièrnu a laga un kompania djafó hasi un
estudio di kon lo por zonifika i desaroyá e área
aki. E estudio ta kla i a keda presentá na e
públiko interesá.
Sr. Ted Wolff, representante di e kompania Wolff
Landscape Architecture, a splika detayadamente
ku nan a haña e tarea pa identifiká e posibel
áreanan ku lo por keda desaroyá.
Ehèmpelnan di esaki ta na unda por bini hotèl,
unda por bini un marina, skol, misa, warda di
polis i vários otro punto mas.
Sr. Wolff a splika ku si Gobièrnu den futuro
permití desaroyo di e área, lo mester tene kuenta
ku ampliashon di e kareteranan den e área.
Riba e tereno mes tin masha hopi área ku lo tin
ku keda protehá paso nan tin karakterístikanan
úniko. Di e forma aki ta konserva i mantené un
balansa den nos naturalesa.
Otro eksperto ku tabata presente tabata Sr. Eric
Schwarz di Langan Engineering. Sr. Schwarz a
trata puntonan manera medio ambiente, awa,
koriente, telefon, desague, riolering i vários punto
mas.
Tur informashon mas detaye di e proyekto
interesante aki ta disponibel riba e website di
gobièrnu esta www.gobiernu.cw.
Page 5
Via Transishon | Ministerio di Tráfiko, Transporte i Planifikashon Urbano
5
Tinchi: Un leyenda bibu ta bai ku penshun!
37 aña pasa Sr. Edwin Julian Martines, mihó
konosí komo Tinchi, a drenta servisio di
Gobièrnu na e servisio di Domeinbeheer. Ta
impreshonante kon Tinchi a dediká 37 aña di su
bida trahando den e mesun organisashon.
Tinchi a drenta servisio di Domeinbeheer pa ta
eksakto promé di yüni 1975. Den su trayektoria,
Tinchi a pasa den diferente departamentu di
Domeinbeheer i a konosé práktikamente tur
proseso ku tin di haber ku kartografia. Ta
trayektoria di un persona ku a sa di perseverá i
ku ta fiel na su trabou!
Tinchi a atkerí asina hopi konosementu di mapa i
tereno di Kòrsou den e último 37 aña ku nos por
konsider’é un eksperto òf un ensiklopedia bibu i
andante. Tinchi konosé Kòrsou manera su plant’i’
man.
Tinchi ta un historiadó tambe, paso e por konta
historia di terenonan. E por analisá mapanan
profundamente, i splikabo tur
detaye na plaka chikí.
Tinchi ta e persona ku den silensio a salbaguardiá
archivonan ku ta tin informashon balioso, i te ku
dia di awe Domein ta hasiendo bon uso di nan.
Tinchi ta un persona noble ku semper ta para kla
pa yuda i kompartí su konosementu. Un otro
parti speshal di Tinchi ta e hecho ku e gusta
naturalesa. E ta gusta bai keiru den mondi
buskando su yerbanan kurativo. Tinchi ta un
persona di poko palabra, reserva, i te asta tímido.
Na nòmber di Gobièrnu di Kòrsou i henter
personal di Domeinbeheer nos kier gradisí Sr.
Edwin Julian Martines pa su aporte na desaroyo
di Domein.
‘’Tabata realmente un honor pa por a traha huntu
ku bo’’, tabata palabranan di Direktor di Domein
Sr. Jairo Martis.
Danki Tinchi!
Page 6
Via Transishon | Ministerio di Tráfiko, Transporte i Planifikashon Urbano
6
Space is not the limit!
For di 2014 buelonan espasial lo ta posibel for di
aeropuerto Hato. Space Expedition Corporation
lo sòru pa e buelonan aki for di un aeronave di 6
pa 8 meter. E nave aki, e Lynx MKII, ta den
desaroyo ainda i pronto e kompania merikano
XCOR lo hasi tèstnan kuné.
E nave aki lo lanta for di aeropuerto meskos ku
un avion normal pa despues sigui su biahe
manera un raket pa drenta den espasio eksterior i
lo yega na un altura di máksimo di 100 kilometer.
Den e nave tin espasio pa 2 persona, piloto i
pasahero. Despues di e biahe aki e pasahero
ofisialmente por yama su mes un astronauta.
Henter e buelo ta dura 1 ora i preis ta USD 95.000.
Siguiente fase di e proyekto ta konstrukshon di
un Space Port. E sentro aki lo tin arkitektura
manera un aeronave i lo funshoná komo un
sentro edukashonal tantu pa komunidat komo pa
turistanan.
Page 7
Via Transishon | Ministerio di Tráfiko, Transporte i Planifikashon Urbano
7
Tin diferente tareanan ku mester keda kla pa hasi
e biahenan aki posibel den 2014. Un di e
desafionan di mas grandi ta e kuadro legal. Esaki
ta algu kompletamente nobo pa mundu mirando
ku nunka niun Pais no a yega di desaroyá tipo di
leinan asin’aki. Un grupo di ekspertonan
eksterno ta trahando riba e kuadro legal aki.
Organisashon di Maneho di nos ministerio ta
kordiná tur esfuerso di parti di gobièrnu. Parti di
nan tarea ta entre otro pa desaroyá diferente
aspektonan di e maneho manera por ehèmpel
kompartí uso di aeropuerto, pèrmitnan nesesario
i tambe stipulá ken lo karga responsabilidat den
kaso di un insidente.
Na final di 2012 ta spera di tin promé
konseptonan di lei riba mesa kual lo por keda
aprobá i introdusí den
2013.
Nos ministerio banda
di esaki lo ranka sali un
kampana di
informashon pa
informá komunidat i
tur otro partner envolví
di tur loke ta bai pasa,
kiko e ta nifiká pa nos
Pais i tambe kua ta e
bentahanan i
desbentahanan di e
proyekto. Lo pone hopi
informashon
disponibel riba nos
website i tambe lo tin
diferente aktividatnan pa públiko.
Tambe tin un email adrès,
[email protected] , for di kual por
kontesta tur pregunta. Diferente gruponan di
interes manera CHATA, CTB, SXC, CAP i CAH
ta bai yuda den e parti aki.
Por último, nos ministerio lo sòru tambe pa tur
informashon yega serka tur ministerio ku, den un
òf otro forma, ta relashoná ku e proyekto aki pa
asina nan tambe ta bon informa i por kontribuí na
e desaroyo tremendo aki.
Riba e foto aki por mira kon e aeronave aki ta
lanta for di Hato, bula pa espasio i despues baha
bek pa aterisá. Esaki ta sigur sigur un proyekto
sumamente interesante i inovativo!
Page 8
Via Transishon | Ministerio di Tráfiko, Transporte i Planifikashon Urbano
8
Kobransa di Erfpacht 2011 i 2012
Domeinbeheer ta repartí fakturanan di erfpagt
2011 i 2012 i ta brinda oportunidat pa drenta
areglo di pago si ta nesesario.
Domeinbeheer su tarea prinsipal ta pa desaroyá y
manehá terenonan di gobièrnu na un manera
responsabel. Otorgashon di tereno di gobièrnu ta
tuma lugá mayoria biaha den forma di erfpagt.
Na momentu ku un kliente firma un kombenio
pa un tereno di erfpagt e tin e obligashon pa
kumpli anualmente ku su pago di faktura di
erfpagt.
Entradanan di erfpagt ta bai den kaha di
gobièrnu i pa medio di e maneho di
Domeinbeheer, ta invertí esaki bek den
komunidat den desaroyo di proyektonan. Algun
di e proyektonan aki ta entre otro plan nan di
parselashon pa bibienda, infrastruktura pa
terenonan industrial, turístiko i komersial.
Komo Domeinbeheer no a repartí e fakturanan
riba e fecha programa, e fecha di vensementu a
keda adaptá i ta (promé) 1 di febrüari 2013.
Domein ta brinda e oportunidat pa paga e
montante di e fakturanan den maksimal (6)
tèrmino, igual ku e siguiente fechanan di
vensementu, Febrüari, Mart, Aprel, Mei, Yüni, i
Yüli di 2013.
Domeinbeheer kumpliendo ku su responsabilidat
pa desaroyá tereno pa komunidat, ta trahando
duru pa mehorá su servisio i for di mart 2012 ta
kanando un trayekto titulá “Rumbo pa
ekselensia” pa alsa prestashon di e servisio.
Domeinbeheer, Rumbo pa Ekselensia!
