Tithe leh Sumpi tawh Kisai Laisiangtho Mun Pawlkhat - Zomi ...

Tithe leh Sumpi tawh Kisai Laisiangtho Mun Pawlkhat:

Piancilna 28:22 “ Keima tungah nangmah in nong piak khempeuh

sawmah khat nang' tungah kong pia kik ding hi.”

Siampi. 27:30 “Leitang panin a piang khempeuh khaici hita leh sing-

gah hita leh sawmah khat Topa-a' hi a, Topa-a' dingin siangtho hi.”

Thkna. 12:6 “..., na meihal biaknate uh leh na biakpiaknate uh, note in

na piak uh sawmah khat leh na piak thuahte uh, thuciamna biakpiakna,

utthu-a na piakna, na bawnghon tacilte uh leh na tuuhon tacilte uh tua

lai-ah na paipih ding uh hi.”

Thkna. 14:22-26 “A kum kumin na lo uhah a piang, na khaici panun a

piang khempeuh sawmah khat na pia ding uh hi. Topa na Pasian uh na

zahtak tawntungna ding uh na theihna dingun, ama min a ten'na dingin

a teelna mun Topa note' Pasian' mai-ah na an uh, na leenggahzu uh, na

sathau uh sawmah khat, leh na bawnghon uh leh na tuuhon tacilte uh

na ne ding uh hi. ... sawmah khat na paipih zawh kei uh leh, tuate sum

na suah ding uh a, a sumte tunin, Topa na Pasian un a teelna munah na

pai ding uh a, na deih peuhpeuh uh bawng ahi a, tuu ahi a, leenggahzu

ahi a, khamtheihzu ahi zongin, na duh peuhpeuh uh leina-in a sum na

zang ding uh hi. Topa na Pasian uh mai tua lai munah na ne ding uh a,

note leh na innkuanpihte uh na lungdam ding uh hi.

Thkna. 26:12 “Sawmah khat piak kum ahi, a kum thumna kumin,

amaute in na khuapite uh sungah an ne-in, gilvahin a om theihna

dingun Levi mite, peemtate, pa neilote, leh meigong numeite tungah

na piak uh, na khawhsa uh sawmah khat na piak khit uh ciangin….”

Pai. 22:29 “Na anlakna pan uh leh sathau leh leenggah na suknate uh

panin a leetkhiate piak khiat ding na zekai kei ding uh hi.”

Mal. 1:14 “A tuuhon lakah tuutal cidam nei napi-in, a kamciamsa

bangin kei tungah hong piak ciangin, a sitbaang ganhing a hong pia mi

khempeuh in samsiatna thuak ta hen. Bang hang hiam cih leh kei pen a

lian mahmah Kumpipa ka hi a, minam khempeuh in kei hong zahtak

uh hi,” a ci hi.

Lailet: Siapi Tuan Suan Kim

PASIAN MASAK:

SAWM-AH-KHAT

LEH

SUMPI HANTHOT NA

2021

52

NIPI 52 December 25, 2021

PASIAN IN NANG ONG MASAK CIANG

Tuma kum 2000 lai in, na nuntak tawn tung theihna ding in Pasian in a tapa khat

neih sun ong pia hi. Pasian om hi cih na ngawn na theihma in, Pasian in nang

ong masak hi cih Jesu suahna in ong phawk sak hi.

Lungdamna tangthu in, Pasian in a hoihzaw mun ah ong lak theih nadingin, Pasi-

an na itna tangthu hilo hi. Pasian in ong it taktak hi cih mi tampi-in up hak a sak

pen lamdang lo hi.

Lungdamna tang thu pen Na suahma nangawn a Pasian ong itna tangthu a hi.

Pasian in Nang ong masakna tang thu ahihi, Hih pen khuavan nuai khempeuh a

uk pa’n vantung nusia in tawntung nuntakna ih ngah na ding in ei tang in ong

thuakna in uphuailo phial tangthu a hihi. Lungdamna tangthu in Pa khat ii

tangthu hi: Pasian in leitung mite ong it mahmah ahih man in, Amah a um mi

khempeuh sinawn lo in tawntung nuntakna a ngah theih na ding in a tapa nei-

hsun a hong piak dong in a hong itna a hong lak hi. (John 3:16) Jesu in Pawlpi

pen a Zi(monu) in na pulaakhi. Pasian ong piak nasep pawlpi in a sepding teng a

sepzawhloh hang in, Pawlpi pen Jesu lawmnu mah hilai aih man in Jesu in a it

bangmah in en zong pawlpi ih it kul hi.Jesu in Pawlpi bang zah in it hiam cih

phawkden in, Pawlpi en bang ci bawl ih hiam cih kidop kul hi.

Jesu in a lawmnu in a nasep a zawh theih na ding in a kisapna teng sik den hi. A

lunglut huai thu khat in, Jesu in bang ci sep hiam?. Pawlpi a huhdan pen na bank

sung ah a kisamna te ong guansak in, Pasian masak in na neihsa te pawlpi tung

ah na piaksawn ding in sapna tawh huh in panpih hi.

Akician mahmah namnih om hi:

1) Azenzen in pawlpi a kicing na (vanzat) a neih kei le, khat peuh in a ma na

(van) ong kikem sak te ei ading in na kemkha himai thei ding hi.

2) Hih in banghang in Jesu in a lawmnu tungah a nate uh a piasawn, a citak mite

tung ah natampi pia hi cih ong lak hi.

Nangpen tua pawlpi na hihlam a theithei ding in ong kisam hi.Adang khat in

genleng eite pen Jesu pumpi ih hi hi, tua aih manin, ih siamnate ih zat le Jesu

pumpi a lamlam ih hihi. Cihnopna ah Khris in nang tungtawn in na kiim na paam

tawh kizom ding cih na a hihi.

Tuma kum 2000 lai Jesu ong suah in, Nang ong masak a hihna leitung khuavan

nuai ong lak hi.Tuni in Pasian in Amah a masak ding in ong kun hi.Na ngaihsut

zawhloh zah dong in thupha ong piak nuam hi. Ong tung ding kumsung ah, Ama

itna in ihnuntakna ah Amah masak ding in ong hahsawl hi. Sumdongte in sumpi

le sehsuah te ong kaihkhop laitak un Pasian masak ding in ong ki to hi.

NIPI 1 January 2, 2021

JESU IN PASIAN AMASAK CIANG

Pasian masak cih pen haksa thei hi. Tuni-in ih nuntakna ah Pasian masak zia

ding Jesu tungpan bang teng sin thei ding ih hiam?

Kumthak simin, Abeisa kum sangin ahoihzaw dingin ih lamen den hi. Athak

nakhat ngaihsutna pen lunglawp huai mahmah hi. Jesu kum 30 aphak ciang

in, Nuntakna thak khat ong kipan hi. Zawdan gun ah tui akiphum khit

ciangin Pasian nasep hong kipan pah hi. Ahih hang in tuakhit teh bang piang

hiam cih pen lamdang hi. Tua in tukum 2021 kumthak ih dawn zia ding ong

huh ding hi.

Matthai 4:1 ah, “Tua ciangin dawimangpa khemna thuakna dingin Kha

Siangtho in Jesu gampa lakah asawl hi.” Lamdang salo na hiam? Eden huan

ah Adan le Eve a khem bang in, Jesu akhem zawh nadingin Dawimang pa’n

na ngak den hi. Satan in Jesu amah le amah ki masak sak zo hile adang

khempeuh zong lel pah ding hi. Tua ahih manin Satan in an tawh ze-et masa

pen hi.

Kumtul val bang, galpa in mihing te bang kisam hiam cih pen na kan den hi.

Mathai in a-at na ah, “Jesu in nisawm li le zan sawmli an atan khit ciangin

agil kial hi” Ki tel ngel hilo hiam? Mathai in sianggen hi, banghang hiam cih

le Jesu pen za ah za mihing ahihna i-theihna ding le taksa kisapna te nei hi

cih ong lak ahihi.

Tua ahih man in amasa ze-etna in Jesu hihna lunghiang in pumpi taksa kisap-

na masak ding in zia et hi. Tukum sung tawntung na pumpi taksa kisapna

masak dingin hong ki zia et ding hi. Pasian in tateh ong ci hi, ahizong in Pa-

sian masak ding maw, i pumpi taksa deihna masak ding cih pen i teelthei den

hi. I to Jesu in bel Pasian masak hi.

Tua khit ciang in Dawimangpan Biakinn ah paipih hi. Tun ah Jesu pen Laisi-

angtho kammal tawh Pasian’ cihtakna sin ding in ze-et hi. A nihveina ze-et

na ah Ama thuakna masak ding in zia et hi. Kammal dang in gen leng, Pasian

Ama kammal bang lian in nasepsak sawm na hiam? Ahih kei leh Pasian ong

itna mit tawh muh theih pahpah ding in lahden kul na hiam? Jesu in Pasian

masak ding in teel hi.

Atawpna ah, Jesu’ sepding nasep lamdawt tawh zawhding in lak hi. Hih

athumna ze-etna pen Pasian masak lo in lamdawt totna ahihi.

Hih pen 2021 ading in sumpi le sehsuah te ong kidong masa penpen ahihi.

Jesu in Pasian masak hi, Amah ih etteh ding a hihi. Pawlpi tanu ten sum ong

donkawm in Pasian masak ding in ong ki to hi.

2

NIPI 2 Jannuary 9, 2021

ABRAHAM IN PASIAN AMASAK CIANG

Pasian masak pen haksa thei hi. Ih nuntakna ah Pasian masak zia ding Abra-

ham tungpan bang ih sin thei ding hiam?

Ama inn hoih lo hoih te le ahauhna te nusia in sehnel gam ah khualzin ding

akipat laitak in Abraham kum 80 phata hi. Pasian in sam ahihman in, Abra-

ham in Pasian masak hi. Ahihhangin kum tawmkhat khitciangin, anuntakna

huutna dingin Abraham zuau ong khem hi.

Banghang in Pasian masak ding khawl zahdong in Abram lau mawk hiam?

Ahun zui hi.

Jesu nung zuih nading in nakhempeuh i nusiat akul hun a om ngei hiam?

Tampi tak in tua bang hun tuakkha thei zel hi. Ahun hong tun taktak ciangin

ih cihtakna a ngei ong bang kik thei hi. Ih nuntakna ah Pasian anihna ah ih

koih hun ahih kei leh tua sang asukzawk hun om thei hi.

Pawlkhat in I nuntakna I lamet abatloh ciang in Pasian tungah ih lungkia thei

hi. Nung kum a, I ngimna khempeuh i tangtun kim zo hiam? Tunzo lo mai

thei hi teh. Ih lunggulhna le launa te ah tuk ding baih mahmah hi.

Abram in Pasian kamciam te atangtut sak nadingin ngen le to ngam dingin

hanna nei hi. Tuateng khit ciang in, Abram tungah leitang le suan le khak

kikhaam hi. Bangbang ahizong in, Piancil 15 ah, Abram in Pasian ong to

giap hi; “Topa Pasian aw, bang ong pia ding na hiam? Ta neilo in ka om lai

hi, ka inn aluah ding pa pen Damaskas mi Eliezer ahihi” ci hi.

Khat veivei Pasian tawh nasia takin ih kiho ding kisam hi. Vantung a om, na

Pa tungah gen ding naneih le daitak in omsuak nawnkei in. Na lungkia hiam?

Gen in. Nang tawh kong om khawm ding hi ci-in ong kamciam napi, na lung

azuang hiam? Abram bangin Amah to in.

Tua ahihman in Pasian in Abram abuuk sungpan pusuak dingin samkhia hi.

Pasian in Abram pen ama hihna pan in Pasian hihna ah tun pih hi. Na

innsungin, ka hih theihna tazo zah dingin gol lo hi ci hi. Pasian in Abram

aphawksak thu in Pasian pen Pasian hi a, Abram hilo hi, cih a hihi.

Hihpen manpha mahmah hi, banghang hiam cihle Abram in Pasian amasak

man in amin Abraham ah kikhelsak hi. A cihtaknopna lungsim in Laisi-

angtho sung a sehsuah piak masak pen naciang hong tun hi.

Abraham in Pasian masak hi. Tua I masakna in tuabang sepnopna hong

guan hi. Pawlpi tanute sumpi le sehsuah ong kaihkhop kawm in, Pasian

masak dingin ong ki to hi.

51

NIPI 51 December 18,2021

PASIAN NA MASAK CIANG

Na mailam ding kicianlo in, launa tawh kidim ta le Pasian na masak lai na phawk

hiam? Tuni ih nuntakna ah Pasian ih masak theih nadingin na tangthu pan in

bang ih sin thei ding hiam?

Jesu tawh na ki ngaih masak pen hun naphawk hiam? I vekpi in Jesu itna in ong

tuam masak hun om ciat hi. Na nuntakna ah Jesu nungzui in,na kumpi in na san-

na sang in thupi nasak zawk dang omlo hi. Sabbath na tanthei na ding in,na

khempeuh na nusia hi. An siang te ne in, Laibu hoih bek sim in, Video hoihte

bek en in, tumging hoihlo te na nial hi. Website hoihlo te na pelh a, Pasian tawh

kiho ding le thunget ding na ut zaw hi.

Kamsiatna tawh nang le na innkuan ading in, sawtvei kikhomlo mawk hi. Na

itna masa ong mual in hehpihna le kisuantakna kikal ah tuni dong in gal ong ki

pan hi. Tua itna masa na ngah kik theih na dingin bang na piak kul ding hiam? A

hunzui in, tua itna ni 40 kiim in na ngah kik theih nading in na piak ding na

pawl khat om hi. Amin in lo leng, na hun le na sum hi. Hih te in na van manpha

pen te hi a, Pasian gamah na koih masak kei le, na lungsim khempeuh Jesu na

piak theih nading lamdang omlo hi.

Jesu mahmah in a gen na ah: “Nget in ne-in a kekseu theihna, gutate in luhin a

guktheihna hih leitungah na sum uh khol kei un. Nget in a nek theihlohna, a

kekseu theihlohna, gutate in luhin a guk theihlohna mun vantungah note-a'

dingin kholzaw un. Bang hang hiam cih leh na sum omna uhah na lungsim uh

om tawntung ding hi.(Matthai 6:19-21)

Hollywood (Video bawlte) te in ih lungsim masa hi cin ong umsak uh hi.Hih in

ah, nakhat ih sepma in a sembang in ong kingaihsun sak phot hi. Sumpi le

sehsuah te ih piak tinten kei le a pia bang in ki ngaihsun thei ngeilo ding hi,

banghang hiam cih le ih hun le ih sum ih piak le bek ih lungsim Pasian kumpi

gam ah om pan ding hi.

Na itna masa na ngah kik nop le, tu ni –in na sawm-ah khat te citaktak in Pasian

pia kik in; kamciam nei inla(sumpi) tangtung sak in; Pasian kammal le thungetna

ah hunzangh in, Pawlpi nasep a kizawhna ding le, midang te thuakna te zong a

noptuam nading in na hunte zang in.Sawm-ah khat, Sumpi, Biakpiakna, Pasian

nasepna, Lainatna.Na sem nuam a, nuamkei zong in sep kipan in. Tua khitciang

in a mai kal kik lam ah, Pasian na itna bang zah khang a, Jesu nungzuih bangzah

in baih zaw hiam cih ngaihsun in.

“Na sum omna mun ah, Na lungsim om hi”

Pasian na masak hi.Na upna in eite ong tawsawn hi. Jesu in eite ong gupkhiatna

ding in na khempeuh piakhia a, Ama itna in ih nuntakna ah Ama kumpigam

masak ding in ong hahsawl hi. Decon ten sumpi le sehsuah te ong kaihkhop

laitak un Pasian masak ding in ong ki to hi.

50


FERNANDO IN PASIAN MASAK

Fernando in a mailam nuntakna kicianlo in launa kawmkal ah Pasian masak ding

in khensat hi. Ih nuntakna ah Pasian ih masak theihna ding ama tangthu pan in


Fernando pen Brazil khuapi, Brasillia ah siavuan khat hi. Ih tangthu pen Mongo-

lia gam a, eipawl Pasian nasem te innkuan video a etna pan ong ki pan hi. A mah

gamdang ah Pasian nasem suak nuam ta le, Brazil a a ki-apna in piangsak thei lo

hi.

A zi tawh kikum in Pasian nasep nading sumpi khantding ong thukim uh hi. Hih

pen a haksa khentatna khat hi mah le Pasian nasepna ding sumpi khiatna tawh

Pasian a masak na uh hang a, lungdamna mu kha ding uh hita hi. Khaguk khit

ciang in, A innkuan un Mongolia pan a ki khak video khat en ding in ong ki

khawm uh hi.Tua video ah, Pasian nasem innkuan te in amau innkuan in Pasian

nasepna ding a, a sumpi piak uh lungdam ong ko hi.A piak sumpi uh tawh kilam

Biakinn le Awkhumna ong mu hi.

Fernando le a innkuan pih te in a sumpi piakna uh tawh gamdang a Pasian nasem

mah in ki ngeihsun uh a, a ki-ap ma vua a nuntak dan te uh ngaihsun thei nawnlo

phial uh hi.

Ellen White in a genna ah: “Ih neihsate ih zattheihloh hun ong tung ding hilo

hiam? Vantung sumkholna ah khol theihna ding in na khatpeuh a sem thei ding

in Pasian in ong huh ta hen. Leitawi’ ding a ong ki ngen hilo a, Vanneipa in a

mavan ong kop te-phaltak a piak kik ding a hihi.Pasian le na vengte nang na ki-it

bang in na it taktak le, Pasian nasep na ding in phaltak in pia khia dingin kong

um uh hi. Hotkhiat ding kha tampi om a, Khris in a nuntakna a piak kha te

gupkhiatna ding in Jesu tawh sem khawm lo ding na hiam!Pasian in a min-

thanna ding in gahhoih na gah theih nadingin thupha ong pia ding hi. Kha le

Nuntakna a hi Khasiangtho, Laisiangtho a humop Khasiangtho in na lungtang

ong luah in, Ama Kammal itna ah ong kha ta hen. Kha Pasian muhtheih nading

in na mitte ong honsak ta hen. Ahang in tu hun ah biakna bil’(khangtheilo) tam-

lua hi, bang hang hiam cih le mite in cile-sa nialna le a nuntakna vuah ki apna

taktak ciang tun lo uh aih man hi.( Neihsa Kepsiamna, p.51)

Fernando le a innkuanpih te in Pasian masak uh hi. Ama upna in eite ong

tawsawn hi.Jesu in eite ong gupkhiatna ding in na khempeuh piakhia a, Ama itna

in ih nuntakna ah Ama kumpigam masak dingin ong hahsawl hi.Sumdong te in

sumpi le sehsuah te ong kaihkhop laitak un Pasian masak ding in ong ki to hi.

3


MOSES IN PASIAN A MASAK CIANG

Pasian masakpen haksa thei hi. Tuni in Pasian ih masak theih nading in Mo-

ses tung pan in bang sin thei ding ih hiam?

Moses in ama tha tawh amite hotsawm hi. Hi zolo hi. Tua sangsik in Egypt

pan in hawlkhiatna thuak in asunmang teng bei hi. Sehnel gam ah

kumsawmli val tuu cin khitciang in, ama tungah alamdang khat ong piang

hi. A khangno lai in, asunmang a hi- “Salpan Ami Israel te suahtakna mu

ding” cih pen phonglo kik ding in ong sam hi.

Moses kiging nailo hi. Hoihtak in zong pau thei nawnlo aih man in Faro to

ding in teek kisa luata hi. Hi mah hi. Mosi ading in, Pasian masak ding pen

ama hihtheihna le hatna te nial ding ahihi. Cihnopna in anuntakna bup Pasi-

an’ khutsungah ap in Pasian’ vang muanna tawh akisapna dawn ding ahihi,

ama kicinna te hilo ding hi. Paikhiatna 4:10-12 ah Ahih hangin Moses in

Topa kiangah, “Oh, ka Topa aw, tumasiah hitaleh na nasempa tungah thu na

gen a kipan hitaleh, kei thugen a siam ka hi kei hi. Ka kam pau ol-in, ka pau

awk hi,” a ci hi. Tua ciangin Topa in ama kiangah, “Kua in mipa’ kam bawl

ahi hiam? Kua in amah pau thei losak, bil ngongsak, musak, mittawsak ahi

hiam? Topa ahi keimah hi lo ka hi hiam? Tua ahih ciangin tu-in pai in. Kei-

mah in na thugenna-ah kong huh ding a, na thugen ding nang kong hilh ding

hi,” a ci hi

Mosi in Pasian masak ahihman in aminam bup un salpan in suakta uh hi.

Mosi pen kicing khinlo hi, ei zong tua bang mah ih hihi. Mosi asap bang mah

in, ih nuntakna ah Amah masak ding in ong sam lai hi. Mimal kiim in Pasian

masakna bek tawh ih zawh ding nasep ih nei hi. A haksat phial hang in, ih

sepzawh nading in Khasiangtho in hanna ong guan ding hi.

Mosi in Pasian masak hi. Tua bang mah ahih ding in Ama zia in ong kai hi.

Pawlpi tanu ten sumpi le sehsuah te adon kawm inPasian masak ding in ong

ki to hi.

4


JOSHUA IN PASIAN AMASAK CIANG

Pasian masakpen haksa thei hi. Tuni ih nuntakna sung ah Pasian ih masak

theih nadingin Joshua tung pan in bang sin thei ding ihi hiam?

Joshua pen Egypt gam ah sal in om ngei hi. Ato te un asal te uh bang ci bawl

cih pen thei mahmah hi. Ni khatni in, puteek khat Faro kumpi inn ah ong lut

in, Israel te suahtak sak ding ong gen hi. Joshua in Egypt te’ pasian te Jeho-

vah Pasian maan in a zawhthal nate mu hi. Asawt lo in, asuahtakna lampi ah

tuipi leikeu tung tawn in ong pai hi.

Joshua pen Moses nungzui ong suak ding hita hi. Sinai mual bul ah thu-

khamte apiaklai in zong zui kha hi. Tawlkhat khit ciang in, Joshua pen ama

minam aitang in Khapsa gam ah thukan dingin telna ong ngah hi. Lawp le

lau thuah khan gel ding hi.

Adang thukan 11 te tawh, aluah ding uh gam hoihna ong mu hi. Ahizongin,

ama hansanna pen tua gam a, zin ding hilo in, alawm thukan dang te tawh

kinial ding ahihna thei kha ding hi.

Thukan sawm ten zong Joshua muh teng mah mu uh hi, ahizongin athukhup-

na uh ong kituak lo hi. Kanaan mite in ong nuai mang ding uh cih lau-

mahmah uh hi. Joshua in Pasian masak in a lawmte langah ong din kul ta hi.

Kum 40 khitciang in, khapsa gamnuam ah amite makaih dingin telna angah

hangin , Joshua ading in baihlo ding hi. Ahizong in akician mahmah thukhat

in- bangbang apiang zongin Pasian masak ding cih ahihi. Hih tak ah Joshua

in amite kiang gen Joshua 24:15 kiciamteh hih bang a hihi.

Topa’ na na sepnop kei uhleh, Gun galkhat a, a na, na sepsak uh na

pu na pate uh pasian ahi a, note’ tenna gam Amor mite’ pasian ahi

zongin, a na, nasepsak ding peuhpeuh uh tuni-in teel un. Ahih hangin

kei le ka innkuanpihte in ahihleh Topa’ na ka sem ding uh hi,” a ci

hi.

Joshua in Pasian masak ahihman in Pasian amah tawh ton den hi. Amazia in

tua bang semding in ong kaai hi. Pawlpi tanute in sumpi le sehsuah te ong

kaihkhop kawm n Pasian masak ding in ong ki to hi.

49


JUNIOR LEH STEPHANIE IN PASIAN MASAK

Junior le Stephanie in a mailam ding uh kicianlo le launa kawmkal ah Pasian

masak ding khensat uh hi. Eite zong ih nuntakna ah Pasian ih masak theihna

dingin a mau tangthu tungpan in bang sin thei ding ih hiam?

Junior le Stephanie pen Jamaica gama, ansai nei te uh a hihi. Pasian tungah a

nuntakna uh ap in a nih un a kiten khit uh khakhat khitciang in ki tuiphum uh hi.

Nupa te in Pasian a masak theih nadingun a sumbawlna vuah khensatna haksa

khat nei uh hi. Tengkol le lenggahtui te a ki duh pen pen te hi a, Tuipi an

khempeuh le khamtheih zu khempeuh zuak nawnloh ding khensatna pen saikhak

ding cih hi phial mawk hi. Bektham lo in Sabbath ni sim in sai a khak uh kul lai

hi. Saitu ngeiden te in lungkim lo in, midang te sai ah a pai mai diam? Bangbang

nunggu a om zong in Pasian masak ding hanna a nei ding uh hiam?

A mailam uh launa le kiciatlohna kawmkal ah a sumbawlna vuah Pasian masak

uh hi. A masa in asai uh haksa hi.Sai hong suak zolo dektak phial uh hi.Bang

hang hiam cih le saitute atamzaw in tuipi an le zu duh uh hi. Kiginni nitak le

Sabbath ni-in mi atam pen hia, a sumlut uh kiam hi.

Upna tawh tamveipi hanciam uh a, Pasian lamlahna ciamkha uh hi.Tuni in a sai

uh khangto in, a neih ngeiloh uh lungdamna nei uh hi.A sumlut uh maan zaw in,

kuate saitu ding a zawn ding cih thei ta uh hi.

Ellen White in hihthu a gen na ah: “Leitung le Pawlpi in Pasian thukham palsat

uh aih man in vauhilh kul hi. ‘mikhat peuh in sapi le alim a biak le a taltang tung

le a khut ah ciaptehna ngah ding a, Pasian hehna lenggah zu cik dawn ding uh hi.

Hih hamsiatna te pen Pasian Sabbath nisiangtho palsatna tung ah ki nga aih man

in, Hanciam zaw le lawpzawkna lak lo ding ih hiam? Bang hangin tawmvei sung

meetnate lunglutlua in, angsung khuallua in, ngaihsut bel in ih nei hiam? Ih

lunggulhnate in Jesu tawh ong khen hiam?Thuman tawh kinailua in, a lungkim

theilo Khris nungzui te bang in ih kha ading in, zattheih dekdek ciang bek hi in,

A thupilo leitung nate lunggulh zaw ih hiam? Ih lungkim na ding in ih sum zeek

in, ih kha in Zeusu thu le thuman theilo in a sih laitak in ei deihna te bek ih sem

hi.Bangtan vei hi ci ding ih hiam? Ih vekpi in a nungta upna ih neih kul hi- itna’

sawl upna le asiangtho lungsim kisam hi.Numei le Pasal te in a ci le sa deihna

semdingin kiging den na pi, Jesu a ding le thuman theihding akisam midang te

ading in semnuam lo uh hi”.( Neihsa kepsiamna. P 51)

Junior le Stephanie te a mau le a mau masak ding in ze-etna thuak ta le Pasian

masak ding in citak uh hi.Amau upna in tuni in eite ong tawsawn hi. Jesu in eite

ong gupkhiatna dingin na khempeuh pia khia a, Ama itna in ih nuntakna ah Ama

kumpigam ih masak thei na ding in ong hahsawl hi. Sum dong te in sumpi le

sehsuah te ong dong laitak un Pasian masak ding in ong ki zawn hi.

48

NIPI 48 November 28,2021

JOE LE SUSAN IN PASIAN MASAK

Joe le Susan in a mailam ding uh kicianlo in launa kawmkal ah Pasian masak

ding in khensat uh hi. Tuni –in ih nuntakna ah Pasian ih masak theih na ding in a

mau tangthu pan in bang ih sin thei ding hiam?

Joe pen Silver Spring, Mary Land ah IT manager khat hi. Nipi khuan a vak

khitciang in, a inn ah amawtaw a koih le a SUV mawtaw sungpan in a datsi phul

khia ong mu aih man in, a lawm Eric kiang huhna ong ngen hi. Eric in a datsi

khaihna’gasket pan in datsi phulkhia ong mu aih man in, a setpi naksiat kha thei

ding hi ong ci hi. A puah phat kik na ding in US$ 3000 val bang bei thei ding ci

hi. Nupa thak a hi, Joe le Susan in bel a bank sung vuah $3000 nei uh hi. Aih

hang in a SUV puah na ding a zat ding pen Joe ong lungton hi, bang hang hiam

cih le a beisa khathum lai pan in sawm-ah khat piak ding uh zong $1500 bang

balai uhhi. Susan in kikupkup zong kul kei, “Anpal ih piak masak kul” ong ci

hi.Joe le Susan in thungen uh a, a mawtaw SUV puah ding sang in sawm-ah khat

khiat ding in ong khensat uh hi.

Hih khensat na khit ciang in, Eric in ong hopih in Datsi sai te hopih in, a datsi zat

a khualzin ma in khel ding in hanthawn hi. Datsi sai te in setbawlsiam khat Joe

inn ah sawl uh a , avel sak khit ciang in a setpi kisiatna teng tavuan ong la uh hi.

Tua Datsi saite in insurance(amahkha zyi) $3000 pia uh hi.Setbawl te in a puah

khit uh ciang in $1500 ong bei hi. Alam dang khat in, Datsi saite piak insurance

$3000 pen a mawtaw puah na ding le a sawm-ah khat loh na ding un ki cing hi.

Joe le Susan in Pasian ih masak nak le na lamdang le upmawh loh thu ong piang

thei hi cih tel uh hi.

Na lamdang kik pen in tua mawtaw mah zuak na a hihi. Kalkhat sung mah in,

Adventist Pawlpi zumpi a vanleina makai pa Wayne in ong hopih in, na mawtaw

SUV na zuak nuam ding hiam ong ci hi. “Africa a Pasian nasem khat in SUV

khat deih hi, na zuak nuam ding hiam? Ci hi. A kituak khat pia in a mawtaw Af-

rica ki puak hi.Joe ngaihsut mah bang in, SUV tung ah bang teng piang cih suan

ding in Wayne in kamciam ong pia hi. Mawtaw a kizuak lai tak in tai 40,000

kihawl khin hi. Kha 18 ong sawt khit ciang in, Wayne in tun tai 100,000 val ki-

zang khinta ei ong ci hi. Kum tawmkhat khit ciang in, Wayne in tai 300,000 val

ki hawl khinta ei ci hi.

Joe in “Pasian nasep nading a hizah akizat pen Topa’ kepna hi”ci hi.Tun ah Joe

kum 61 pha ta a, Pasian nasep masak a thupit na le sawm-ah khat khiat masak a

thupitna, a tuah khak thu in ong hilh hi.

Joe le Susan in Pasian masak hi.A upna un tuni –in eite ong tawsawn hi. Jesu in

eite ong gupkhiatna ding in nakhempeuh pia khia a, Ama itna in ih nuntakna ah

Ama kumpigam masak ding in ong hahsawl hi. Pawlpi tanu te in sumpi le

sehsuahte ong don laitak un Pasian masak ding in ong ki to hi.

5


RUTH IN PASIAN AMASAK CIANG

Pasian masak ding haksa thei hi. Tuni ih nuntakna ah Pasian ih masak

theihna ding in Ruth tungpan in bang sin thei ding ih hiam?

Ruth pen asuah tung in Israel hilo hi. Moabite te mah bangin khangkhia a,

Moabite te ngasa pasian Chemosh zong bia kha-mai ding hi. Chemosh pen

“Asusiapa” ci-in ki thei hi. 2 Kumpi 3:27 ah Moab kumpi’ pan ama tapa

gamh luahpa Chemosh tung ah sisan biakpiakna in pia hi.

Hih tawh tehkak le hang, Ruth ii teknu , Naomi in, Jehovah thugen in, Israel

te a it Pasian, salpan in suakta sak in, khat le khat ki it in kizahtak ding adei-

hpa ahihi. Ruth in hibang hamsatna atuah mapek in Jehovah Pasian bia khin

tham ding hi.

Dahna khuamial pi in hong tuam a, kumsawm sungin apasal le atate nih in

ong nusia hi. Amo te nih ahi, Ruth le Orpah lungkham mangbang in om uh

hi. Alawmpa te dam lai in zong nuntakna haksa mahmah khin a, tu in ong

suk zawsem ta hi. Naomi Israel gam ciah kik dingin ong khensat ahih manin

a mogel ciahkik dingin sawl hi. Orpah ong thukim pah hi. Ruth ahih le

ongnial ziau hi.

Hizah in anuntakna khuamialpi in atuam hangin Pasain mawhsak lo hi. Pasi-

an masak zaw in a teeknu Naomi tawh zinkhawm in Jehovah Pasian biaksuak

dingin khensat hi. Hitak ah Ruth kammal Ruth 1:16 a kiciamteh hi bang

ahihi.

Ahih hangin Ruth in, “Nang kong nusiat nading ahi a, nang zuihna panin

ka ciahkik nading ahi zongin hong cici nawn kei in; bang hang hiam cih

leh na paina-ah ka pai ding a, na giahna-ah ka giak ding hi. Na mite kei-

ma mite hi ding a, na Pasian keima Pasian hi ding hi.

Ih nuntakna ah tulai tak haksa mahmah thei mah ding hi. Pasian masak nun-

takna in ih nuntak nuam in baih dingin ong kamciam lo hi, ahizong in lung-

daihna le gupkhiatna ih ngah ding hi. Ruth in a ithuai pasal mu in Pasian mite

tawh ong kizom hi. Bek thamlo in Ruth in leitung gumpa ahi, Jesu mahmah

ong pian khiatna azahtak huai khanggui khat ong suak hi.

Ruth in Pasian masak hi. Amazia in tua bang semding in ong tawsawn hi.

Pawlpi tanute in sumpi le sehsuah te ong kaihkhop kawm in Pasian masak

ding in ong ki to hi.

6

NIPI 6 Febuary 6, 2021

HANAH IN PASIAN AMASAK CIANG

Pasian masak bel haksa thei hi. Tuni ih nuntakna ah Pasian ih masak theihna

dingin Hanah tungpan bang ih sin thei ding hiam?

Hanah in anuntakna ah alamdang nalamdang khat phukha hi. Pasian in

athungetna dawngin tapa khat pia hi. Agailam atheihteh naknuam mahmah

ngel ding hi. Tuama kha tawmno lai in, Jerusalem biakinn ah lut-in alungsim

khempeuh Pasian kiang ah sungkhia-in, tapa khat apiak le Ama nasem dingin

ap dingin zong kamciam hi.

Tu in NU khat ong hita ahih manin anuntakna ong kilamdang mahmah hi.

“Pasian in ong zakhin” cih khiatna nei min SAMUEL ci –in atapa min phuak

hi. Hanah in atapa Samuel tawikawm in Pasian thuhilh in atangthu lui te gen-

kik kik ngel ding hi. Samuel pen nalamdang khat himawk ahih manin a nu in

alungsim khempeuh tawh it hi.

Akamciam mah bangin atapa biakinn ah Pasian nasem dingin apaipih hun

ong tung ding hi ta hi. Pasian in ta dang tampi apiak hang in Samuel pen a

masa pen a hihi. Naupang laipi a Pasian kiangah ap cih pen haksa mahmah

ding hi. Pasian masak pen haksa den hi. Ahizongin Hanah kammal ngiat 1

Samuel 2:1,2 ah hibang in ki ciamteh hi:

“Topa’tung ah ka lungdam a, Topa’ hangin ka kipak hi. Nong huhna

hangin ka galte ka nuihsan hi. Topa bangin asiangtho kuamah dang omlo

a, amah simloh kuamah dang omlo a, I Pasian tawh akibang hong hu

dang om lo hi.

Samuel pen Israel mite tangthu sungah alianpen kamsang khat ong suak ding

hita hi. Amah pen Pasian mi khat hia, Saul kumpipa le David kumpipa sathau

anilhpa ahihi. A nu in Pasian na masak lo hi le hibang in ong piang hetlo

ding hi.

Nu le Pa na hih le, Pasian ih masak na in ih tate tungah bang zah huzap ne-

icih na phawkkha ngei hiam? Nu le Pa te in Pasian masak peuh le uh, hih

leitungah atate uh bangzah ciang lawngkha ding hiam cih ki genkhol theilo

hi.

Hanah in Pasian masak hi. Ama gamtat zia in tuabang mah semding in ong

kai hi. Sumpi le sehsuah te ong ki don kawm in Pasian masak ding in ong ki

sam hi.

47

NIPI 47 November 21,2021

ADVENT LAIKHETNA IN PASIAN MASAK

Advent laikhetna in Pasian masak ding khensat hi.Ih nuntakna ah Pasian ih

masak thei nadingin hih tangthu pan in bang ih sin thei ding hiam?

Advent Laikhetna pen SDA te’ neih Ghana gam a, laihawmna innpi hi. Hih

nasepna in Ghana kumpi tung ah leiba hau mahmah a, West-Central African Di-

vision ah US$ 2 million(awn 2) bang ba hi. A huang sung teng buan dim in a

setvan te zong lui lua in ap mang ta hi.Na semte khasum zong pia zo nawnlo hi.

Mitawm khat in a kisapna mu in, a siamna te uh zat ding in ong gel uh hi.

Ahih hang in hih a gelthak na vuah, nasem teng in nasia tak a kikhelna a pian

theih na ding in a mau nuntakna ah, mimal le nasepna bup in Pasian masak ding

in ong ki thukim uh hi. A leiba uh kumsawm sung loh zawh nading in ong gel uh

a, a pian zawhna ding bel nalamdang a pian kul cih bel thei uh hi. Himah le kum

sagih sung in a leiba loh zo in, tu –in Avent Laikhetna in huntomno sung in sum

lam le upna lam ah etteh taak cing ong suak hi.

Akal masa uh in, mimal kim in sawm-ah khat a haksat hang in piak na hia, a nih-

na in, Muntuam tuam ah thungen pawl koih ding ahihi. Pasian in a thungetna te

uh dawng ding hi ci-in um in muang uh hi. Adang khat in, a khasum uh a lang

dok in, hidan in kumnga sung sem ding cih a hihi.

Nesem te le thugelna khem peuh ah Pasian masak lo uh hile hibang na lamdang

piang thei lo ding hi.Lamdang tak in Pasian in a thungetna uh ong dawng hi. Mi-

mal kipiakhia khat in Sabbath School laibu teng kuater sim in khetna ding huhna

ong pia hi.Hih in laikhetna ong ki lamdan theihna khat ong suak hi.

Pasian minthan na dingin, Hih laikhetna in a kizuak mang dektak hina pi, tu-in

Africa gam a eipawl Laikhetna hoih pen le leitung bup a ding in a 13na ong

suak hi. Lungdamna thupuak ding in Valley View University ah Pastor khat huh

in, tulaitak in zong Africa a Eipawl University ah sangnaupang khat huh hi. A

setvan lui te US $ 2.5 million ( Awn 2 le lang ) man tawh ki laih khinta hi.

Huangsung buan lak te kipuah in, innpi te zong ki puahpha a, nasem te omna

ding zong inn guk kilam beh hi. Tuni in Covid 19 kawmkal a hih hang in, nasem

te khasum ding tawh ki buai lo hi. Laikhetna in vanpuakna ding mawtaw le a

kisap ciang a ding meisetpi zong nei hi.

Ataktak in,Sawm-ah khat ah cihtakna, thungetna, Ki-apna le kipiakkhiatna in

Laikhetna kaam ong khelsak hi. Advent Laikhetna in Pasian masak hi.Amau han-

na in eite ong tawsawn hi. Jesu in eite ong gupkhiatna ding in na khempeuh

piakhia a, Ama itna in ih nuntakna ah Ama kumpigam masak ding in ong hah-

sawl hi. Sumdongte in sumpi le sehsuah ong kaihkhop lai tak un Pasian masak

ding in ong ki zawn hi.

46

NIPI 46 November 14, 2021

ZUKI LE PALI IN PASIAN MASAK

Zuki le Pali te in mailam ding kicianlo le launa kawmkal ah Pasian masak

ding in khensat uh hi. Tua in a kikhel kipatna uh a hihi.Ih nuntakna ah Pasian

ih masak theihna ding in hih tangthu in bang ong hilh hiam?

Zuki le Pali tepen Afirca khanglam ah a lawhcing mahmah innlam nasep sem

uh ahihi. Pasian’ minthan nadingin SDA biakinn khat lam ding in a neihsa te

uh piakkhiat ding ong khensat uh hi. Ahih hang in tuapan in buaina khat ong

kipan hi.

Asumbawlna uh ong haksa lua mah mah aih man in amailam ding uh mukhol

thei lo uh hi. Na khempeuh a sup uh hang in, Pasian masak in Biakinn a ding

pia veve uh hi. A sitni pa uh le a sum sazian len pa un mihai te aw ci uh a,

Aih hang in tua in daltan zo tuan lo hi.

Na khempeuh a lem lai tak a Pasian masak ding pen haksa khop ve a, Na

khempeuh a lemloh lai tak a Pasian masak ding pen piang thei lo ding tawh

kibang hi. Haksakna le lungzinna kawmkal ah cihtak ding pen Khasiangtho

vangliatna bek tawh ki hih thei hi. Zuki le Pali ten Biakinn lam na ding mun

ah ong pai uh hi. “Mite nasepna mun ka tun nading un nai nih sung ka pai uh

hi Tua khit ciang in, Lungnopna ong tung a, hih in bangbang ih tuak zong in,

ih sep ding hi cih ong phawk sa hi” Zuki in ci hi.

Ahihhang in thuomzia pen lem theilo hi. Bank te in a mawtaw uh le a inn uh

ap kik ding a ni ciangtan sak khin hi. Amau bang hih ding uh hiam? Koi ah

pai ding uh hiam? Bangciang Pasian in phal ding hiam? Aneihsa te uh a ap

ding ma nithum in a sap in, Pasian in na ong sem ta hi. Africa khanglam mun

khat ah nasep lianpi khat sepding, kiciamna bawl ding sapna Zuki in ngah hi.

Tun ah Biankinn lam kizo ta a, nipi sim in ki khawm thei ta uh hi. A sum-

bawlna uh ong khangto kik a, asum haksat uh pen a beisa ong suak ta hi. Pa-

sian makaih bangbang in biakinn lamna te ah huh kawikawi lai uh hi.

Hih tawh kisai Ellen White in:“Pasian nasepna ading piakna hang in mikhat

zawnlawh le bang ci ding hiam? Khris in tawntung hauhna ah lungmuanna

na neih na ding in mizawng ong suak a,vantung hauhna kiam ngeilo hi. Na

sumte sumkholna ah koih in, inn le lo leina in na zat sang in lungmuan huai

zaw hi.nget in ne in a kekseu theilo a, gutate in a guk theihlohna, mei in a

kaat thei lohna ah ip sungah ki khol hi”(Neihsa Siamna,p.41)

Zuki le Pali in Pasian masak hi.Amau upna in tuni in eite ong tawsawn

hi.Jesu in eite ong gupkhiatna ding in na khempeuh pia khia a, Ama itna in

ih nuntakna ah Ama kumpigam masak ding in ong hahsawl hi. Sumdong te in

sumpi te ong kaihkhop laitak un Pasian masak ding in ong ki zawn hi.

7


DAVID IN PASIAN AMASAK CIANG

Pasian masak pen haksa thei hi. Tuni ih nuntakna ah Pasian ih masak theih

nading in David tungpan bang sinna ila thei diam?

Kumpi David pen Israel tangthu ah galhang pen khatin kiphawk den hi.

Aminthan laitak pen Pasian masak dinga, sapna adawn laitak a hihi. A mipih

te in Goliath ii tonate lau in alin laitak un David in Pasian amah ahu dingin

koih hi. Suangtang tawmkhat tawm in Jehovah mintawh Goliath a do pen

midang te ading in mihai tawh kibang hi. Ahizong in David in Pasian masak

in Pasian in tua gal kido na pan in honkhia hi.

A nunung lam ah, kumpi ding in sathau kinilh in, Goliath zo a, kumpi inn ah

om in, kumpipa’ tanu nangawn tenpih hi. Hih khit ciang in ong minthang

semsem ding in ngaih sun thei kha ding hi teh, tua ci lo hi. Saul Kumpi pa’ in

migilo pen pa bangin na bawlin, Goliath ii tuk amu Israel galkap te in asi a,

ahing zongin galmat dingin delh uh hi.

Bangbang ahi zong in, lungkham buaina kawmkaal ah nakhempeuhah gual

lelhna vive le Pasian in ong ompih lo abat laitak nangawn in David in Pasian

masak hi. Saul kumpipa ih mutna phual alut laitak in, hih kumpi gilopa that

in atutna luah thei hi. Ahihhang hih lo hi. Pasian in hibang a, phulak dingin

phallo ahihmanin David in Pasian masak in abukna mun ah paikik hi.

David in Pasian masak denlo hi. Amah le amah akimasakna hang in Bathshe-

ba tawh mawh in, a pasal athah sakna pan in ki theipah hi. Ahihhang in Da-

vid in amawhna vaipuak la in, kisikkik a, Pasian masak kik hi. Asih kuan

ciang in Pasian inn sangin ama inn hoih zawk ding hisa thei mahmah lo hi. A

hihtheih zah asemding in kiciam ahih mah in ama kumpi inn sangin Pasian

biakinn hoih zaw pah hi.

David in Pasian masak hi. Ei zong tua bang dingin ong kun hi. Deacon ten

sumpi le sehsuah ong don kawm in Pasian masak ding in kisin ni.

8


DANIEL LE ALAWMTE’N PASIAN AMASKA CIANG


nading in Daniel tungpan bang sinlak ih nei thei diam?

Daniel pen leitung kumpi gam lianpenpen ahi Babylon ah atun in naupang lai

mahmah hi. Nebuchadnezzar kumpi pan ama ukna gamsung a, asal matte lak

pan mipil le mi tei pen te la hi. Ama gam keekna ah aki apngiat dingin, biak-

na lam le Babylon pilna te sinsak hi. Daniel tawh khangno tulsawm val lak

pan in apil penpen te kumpi inn ah kila hi. Tua te lak ah, Daniel, Shadak,

Mesak le Abenago te kihel hi.

Amasa ze-etna in an ahihi. Pasian masak pen amau ading in akipia hamphat-

na te suplawh thei uh a, ahih kei le asukzaw, sihna ciang zong tung thei hi.

Ahihhangin hih khangno ten bangbang apiang zongin Pasian masakzaw ding

mahin ki-ap uh hi. Adangsem dingin golhguk le thatang hatthu tawh kisawl

theilo hi. A an nekna vuah citak uh ahihman in Pasian in cimna pia in, Baby-

lon sangpi ah a pilpen sangnaupang te ong suak uh hi.

Anungciang in, Babylon khuapi sung ah, Daniel pen mipil teng ii makai in

kikoih a, alawm teng thumpen khuapi uk ong suak uh hi. Hih te pen bang-

bang apiang zong in Pasian amasakna hang uh a hihi. Mi tawh kibat ding

sangin ahingtang a kikhul ding ut zaw uh hi. Daniel 3:17 ah hibang in ki

ciamteh hi.

“Meiphualpi sung panin a hong honkhia thei pasian a om le ka biak ka

pasian uh hi ding a na khutsung panin a hong honkhia ding hi.Kumpipa

aw a hong hotkhiat kei zenzen le zong na pasian lah ka bia tuan kei ding

uh a, na kham milim mai ah zongka kun kei ding uh hi, aci uh hi.

A teek ciang in zong, Daniel in zingsang thungen khawl ding sang in humpi

kua sung ki khiat ding tel zaw lai hi. Ahi zong in Pasian in na honkhia leuleu

in Pasian minphat ding le Babylon kumpi thuvanpi a suak ding in nungta hi.

Daniel in Pasian masak hi. Ama gamtat zia in tuabang mah ding in ong

tawsawn hi. Sumpi le sehsuah te ong ki don kawm in Pasian masak ding in

ong ki sam hi.

45

NIPI 45 November 7, 2021

ABRAHAM IN PASIAN MASAK

Abraham in a nuntakna ah Pasian masak ding in khensat hi. Ei zong ih nun-

takna ah Pasian in masak theih nading in ama tangthu pan in bang ih sin thei

ding hiam?

Abraham pen Tanzannia gam a mihau siampu khat a hihi. Hih Africa te pen a

bawnghon te hang un mitampin thei hi. Siampu te ading in a bawnghon sang

un a thupi zaw om lo hi. A bawngtal khat a sih ciang in a innkuan pih te sih

sang in a ngaihzaw le sawtvei mau zawkpen siampu te ngeina khat a hihi.

Bawngtal khat pen US $1000 sang tamman zaw hi.

Abraham in AWR pan in Jesu itna thu ong sinkhak ciang in bangbang

nunggu a om zong in a nuntakna ah Pasian masak ding in ong khensat a,

bawngpi 100 sawm-ah khat in khia hi.

Aveng te le alawm ten telzo lo in hi pa haita hi ci uh hi.

Abraham in bawngpi 100 sawm-ah khat a khiat khit phet in,na lamdang khat

ong piang hi. A bawngpi ten tapeeng ong nei uh hi.Bawngpi ten ta a neih

ciang in khat ta bek a neih ngeina hia, aihhang in Abraham’ bawngpi te in

nihta neih ong ki pan hi. Abraham in bawngpi 100 a piak khiat hi a, tun a

neih ngei sang in hau zaw ta hi.

Avengte’n lamdang sa in, “Na Pastor pa sam in kei zong sawm-ah khat pia

nuam ingh” a vengte khat in ci hi.A dang khat in “Ko zong bawng tapeeng

deih ungh ci uh hi.”

Abraham in Pasian thupha piak zia lamdang sa lua aih man in, sawm-ah khat

bek pia nuam nawnlo in, sawm-ah nih piak ding in khensat a, a Pastor pa a

hawh ding in sam hi.

Abraham in asia te a gancinna ah pai pih in, sawm-ah nih sim ong kipan uh

hi.1,2,3,4,5 ci-in Abraham in a bawnghon te ong sim in, 6,7,8,9, sawm ong

tun ciang in, a sawmna pen a bilna at in ,tua pen sawm-ah khat a tuam koih

ding hi,cin a huhpa sawl hi.“Tua khat pen Pasian ading”ci hi.Tua khit ciang

in 11 ong sim leuleu a, hizong abil na at in, sawm-ah nih na ding hi cin a

huhpa gen leuleu hi. Tua khit ciang in khat pan in sim kik ngek ngek hi.

Abraham in avengten a ciamnuih bawl hang in Pasian masak veve hi.Ama

hansanna in tuni in eite ong tawsawn hi. Jesu in eite ong gupkhiatna ding in

na khempeuh pia khia a, Ama itna in ih nuntakna ah Ama kumpigam masak

ding in ong hahsawl hi. Sumdong te in sumpi te ong kaih khop laitak un, ih

nuntakna ah Pasian masak ding in ong ki zawnn hi.

44

NIPI 44 October 31,2021

SARAH IN PASIAN MASAK

Sarah in a nuntakna ah Pasian masak ding in khensat hi. Tuni–in ih nuntakna

ah Pasian ih masak theih nading in ama tangthu pan in bang sin thei ding ih

hiam?

Apasal in a nusiat ciang in, a mah le amah kivak ding ong kul hi. Ahih

hangin koi ah nasep zong ding cih thei lo hi. Pasian lamlahna ding thu ong

nget ciang in, a kiimnai a om te kiang ah Pasian Kammal hopsawt ding Pasi-

an in utsak hi. India pen Kristian gam hilo aih man in, hih nasep pen haksa

hi.

Avengte kiang ah hawh ong kipan hi. “Cina t’a ding thu ka ngetsak a, dam

uh hi” ci hi. “Dawivei te ading thu ka ngetsak a, dawite tai khia hi, ta neilo

te ading thu ka ngetsak a, innkuan bucing suak thei uh hi” ci hi.

Sumlut omlo pen a lamdang kiap na hi. Ahih hang in Pasian a kisam mah-

mah mite bang ci nusiat thei mawk ding hiam? Aman Pasian masak a, Pasian

in a hun a sawt phial zong in, a kisap teng sik ding cih lamen hi.

Sarah hawh ding pawlkhat a nuam hang in pawlkhat in deihlo uh hi. Ni khat,

a pasian uh a bia laitak innkuan te kiang ong hawh kha hi. A biak pih ding un

sam a, a man nial hi. Hehsa in nungak khat in Sarah khut man in sathau sa

sung ah diah sak hi. “Thu ka ngen a, ka khut ka lakkhiat ciang in pollo hi” ci

hi.Azingciang in, tua numei nu’pa in thum ding in sam hi.Aman a gen na ah,

a tanu dan pia khin a, a innkuan a ding thungetsak ding in ngen hi. Hih inn-

kuan te ading thungetsak thei aih man in Sarah nuam mahmah hi.

“Tun amau ki khelta uh hi, Pasian sangta uh a, biakinn ah ko tawh ong ki

khawmkhawm ta uh hi” ci hi. Tua ni a liamna ding pan a, Sarah a suahtak na

teci pang innkuan nga pha a, lamdang sa uh aih man in, amau zong thu a

ngetsak ding un ngen uh hi.

Tuni –in Sarah pen leitung bup in ih piakkhiat sumpi te tawh ki huh Pasian

nasem khat a hihi.Ama nasep in mitampi tak Jesu le Ama hehpihna musak hi.

Sarah in a haksat penpen hun in Pasian masak hi.Ama hansanna in tuni in

eite ong tawsawnn hi.Jesu in eite ong gupkhiatna dingin na khempeuh

piakhia hi, Ama itna in ih nuntakna ah Ama kumpigam masak ding in ong

hahsawl hi. Sumdong te in sumpi te ong kaihkhop kawm in Pasian masak

ding in ong ki zawn hi.

9


ESTHER IN PASIAN AMASAK CIANG


nading in Esther tungpan bang sinlak ih nei thei diam?

Esther in Persia kumpinu ding kiteelna ah lutding cih athukim laitak in

alungsim sungah lung hianna tampi lut khan ngel dinghi. Amite salmat uh

hia, lamet bei uh hi. Pasian thuman ding a kisap kawm mah in Persia te thu-

khun sungah Pasian in anusia tawh kibang hi. Ahihhang in Esther’ mel hoih-

na in tua gamsung numei dang te sangin telcin zawkna ding in ong lem mah-

mah hi.

Esther pen asung apua hoih mahmah hi. Kumpi gilopa nangawn in hoihsa

ahih man in Xerxes in teel in kumpi nu suak hi. Esther in akumpi huangsung

nuamsa mah mah a, abeisa kumte, lungngaihna bek ong hilel hi.

Bangmah neilo in ih zawn ciang in Pasian masak ding haksak hi. Hauhna,

liim le vaang in zong Pasian kiang pan in ong kaikhia thei hi. Na kiim napam

ate sang in hauzaw in huzapna naneih zawk ciang Pasian bang ci bang in na

masak thei diam? Esther’ nunzia etteh in hut ding akisam mite phawk in.

Kumpi Xerxes in, Hebia mi khempeuh thah theihna ding thu piakna ah

athudotpa’ khemna ngah hi. Kumpipa’ hehpihna ngetna ding thu ah Esther

lau hi. Ama kammal Ester 4:11 na ah:

“Numei ahi a, pasal ahi zongin saplohpi-in mi khat peuhpeuh kumpipa'

omna inn sungah a va lut leh upadi khat bek om a, tua pen, thah ding ahi

hi; kumpipa in ama lamah akham kumpi ciangkhut ana zan leh tua mipa

suakta bek ding ahihna thu kumpipa' nasemte leh ama ukna gam mi

khempeuh in atheih ciat uh ahi hi. Tu-in kumpipa kiangah apai dingin

hong kisaploh zawh ni sawmthum bang phata hi,” a ci hi.

Ester launa tawh kipelh lo hi. Amel hoih zah mah in hangsan hi. Hebia mi-

nam khempeuh in thungen antang ding in asawl khit ciangin saploh pi in

kumpipa’ mai lut na tawh a nuntakna ong kham hi. Tua zah akipiak khiat

laitak in Pasian masak in, tangthu sungah akimang ngilhngeilo ding kammal”

kasih lezong asi himai ning” cih ong paukhia hi.

Ester in Pasian masak hi. Amazia in tua bang semding in ong kun hi. Pawlpi

tanute in sumpi le sehsuah te ong kaihkhop kawm in Pasian masak ding in

ong ki to hi.

10

NIPI 10 March 6, 2012

PETER IN PASIAN AMASAK CIANG


nading in Peter tungpan bang sinlak ih nei thei diam?

Jesu’ sap nungzuite’ lak ah Peter a upen ahihi. Amah pen thu khentat siamin

muanhuai hi. Huihnun ni zankhat in, tuitung dawi lampai bangin Jesu ong

kilangh hi. Peter pen tuitungah pai in, gunkuang tung pan lenkhiat ding

ahizong in Jesu tawh a-om khop nopna agenkhia masa pen a hihi. A tuikiat

dektak masiah Peter ading in Pasian masak pen baihtuak lel hi.

Tuitung ah tawmvei ong pai khit ciang in, Peter ong lunghiang hi. Huihpi

tuihual te hang in Peter tum dingin ong ki pat ciang in mihon lak akhialh

bangin maizum mahmah dinghi. Jesu kiangah huhna anget ciangin akiat lam

nungzui te in thei ding uh hi. Ih puk ciangin Pasian masak dingpen baihlo hi.

Ahizong in Peter in masak hi. Huhna anget ciang in Jesu in hon hi.

Jesu kiman in singlamteh tungah akikhai ciangin hih tangthu ong piang kik

hi. Perter in bangbang apiang zongin kong nusia ngei kei ding hi ci-in Jesu’

tungah kiciam a, Jesu in tuzan mahmah in nong lehhek ding hi cin vauhilh hi.

Peter laulo hi. Jesu ading in asidingin kiging khin hi. Hih pen Gethsemane

huan a Peter’ do na pan kimu thei hi. Galkap te in a umcih uh hangin Peter in

khat peuh mah thahsawm hi. Alungdam huai thu khatah amah pen galkap

hilo in, ngabeng na hihi. Vat khial ahihmanin abil bek sat kha hi.

Tua khitciang a Jesu nasep in Peter lungbuai sak hi. Jesu in tua pa damsak in,

nang hutding kisam keng ci hi. Bang acihnop na hiam? Peter pen kido ding

in kiging khin a, tua hangin Jesu in tai hi. Jesu’ galzuih in agenkholhna bang

mah in tua zan-in thumvei nial hi. Tua laitak in, Johan in Jesu agei tektek pan

in ahaksak thuakna le akikhailup dongzui hi. Peter puk kik leuleu hi. Tua

khitciang in bang piang thei mawk ding hiam?

Ih guallelh laitak, ih buai laitak le ih zum laitak in Pasian masak ding pen hi

theilo hi. Pasian vangliatna tungtawn in Pasian’ maisakna sanna bek tawh

kipan kik thei hi. Anungciangin, Peter pen Jesu muan cihtak a, amuang

makai hoih ongsuak hi. Abeisa in sumpi le sehsuah te ah a citak lo khat hikha

thei mai ni the, zongh tuk ngei niteh. Pasian masakna in tuni in Pasian

mawhmaisak na ngena, sanna a hihi. Cihnopna ah na neihsa te tawh Pasian

muanna kipan kik ding cihna ahihi.

Peter in Pasian masak hi. Amazia in tua bang semding in ong kun hi. Pawlpi

tanute in sumpi le sehsuah te ong kaihkhop kawm in Pasian masak ding in

ong ki to hi.

43

NIPI 43 Oct 24,2021

BRENTON JACKSON IN PASIAN MASAK

Brentonn in a nuntakna ah Pasian masak ding in khensat hi. Ei zong ih nun-

takna ah Pasian ih masak theih nading in a ma tangthu in bang ong hilh thei

din ghiam?

Brenton pen New Zealand gam ah a ithuai Adventist innkuan pan khang khia

hi. A man Jesu it a, Pasian in bang zah in ong it cih zong tel hi. Ahizong in

kum 13 a phak ciang in anu le pa ki khen uh aih man in, ama ading in leitung

ong ki lum let hi.

Hih in a nuntakna ong susia gawp in, Pawlpi taisan a, Kristian te tawh zong

kumtam pi sung ong ki zom vet lo hi.A hi zongin nasep neilo in, inn le lo

neilo in a ma mintawh sum $200 bekbek ong neih ciang in, a nuntakna ong ki

laih hi. “Bang hang hici thei hiam” cin ong ki dong phapha hi.

A tualniam penpen laitak in, a neu lai a, a tuah khak ngei Pasian itna ong

phawk kha hi. A nu apa te in ngah khat peuh a neih ciang in Pasian a masak

den nate ong phawk kik hi. Brenton in a inn vuah bang mah kisam ngeilo cih

ong theithei a, khentatna khat ong nei in, tua in a nuntakna ong khel hi.

Amailam ading in Pasian muanna tawh a neih sun $200 khuatual pawlpi tun-

gah ong pia khia hi. Laisiangtho sung a meigong nu bang in, Jesu in Brenton

in aneih khempeuh a piak en gige hi.

A ban zom pen na lamdang vive ong hihi. Brenton kisap khempeuh kisik a,

tuni dong in kisik lai hi. Breton pen a ki pumap nungzui khat hia, a nuntakna

ah Pasian masak den hi. A neih khempeuh Pasian kiang pan hi ci-in lungdam

mahmah hi.

Ellen White in ong phawksakna ah, “Pasian ih sumpi te kisam lo hi. Ih

letsong te tawh Amah ih hausak thei kei hi. Laphuakpa’n, ‘Na khempeuh

Ama kiang pan ong pai a, Na neihsate kong pia kik uh hi. Tua pi mah in Pa-

sian in Ama hehpihna ih phawk thei nadingin, ci le sa ki ap na le midang te

tung ah piak khiatna ih lah ding in ong phal hi.Hih ih Pasian ong itna le ong

hehpihna ih kilatsak theihna lampi khat bek a hihi.Adang ong pia lo hi.

(Neihsa Kepsiamna .p 18)

Brenton in a golkhit zawh Pasian ma sak hi.Ama khentatna in tuni in eite ong

tawsawn hi.Jesu in eite ong gupkhiatna ding in na khempeuh piakhia a, Ama

itna in Ama Kumpigam masak ding in ong hahsawl hi. Sumdong te in sumpi

le sehsuah ong don laitak un Pasian masak ding in ong ki zawn hi.

42

NIPI 42 October 17, 2021

LEE YOUNG CHAN IN PASIAN AMASAK CIANG

Lee Young Chan in anuntakna ah Pasian masak ding in khensat hi. Ei zong

ih nuntakna ah Pasian ih masak theih nadingin ama tangthu in bang ong hilh

thei ding hiam?

Lee pen South Korea ah kum 17 a phak in kituiphum a, a hizong in neihsa

kepsiamna in, nuntakna a khelzawhna vang a theih nading kum tawmkhat

sawt hi.Sang aman khit, nasep a ki piak a kipan Pasian masak ding in ong

khensat hi.

Sabbath ni hoihtak a tan nop man in, a nasep ong lemlo a, ahih hang in van

puak kawikawi nasep khat ong ngah hi. Lee in Pasian in a kisap bangbang

pia ding cih pen um hi. Hih upna pen Pasian in a matung ah a cihtak ciang

bek a piak ding cih bang a muanna hilo a, Pasian in thupha tampi ong pia

khin aih man in sawm-ah khat le sumpi te ah cihtak thumaan ding hi ci-in

umzaw hi.

Sawm-ah khat le sumpite ah Pasian masak cih pen thupha ong pia le ong sik-

pa in,Pasian hi cih theihpihna a hihi.

Lee in zi le ta ong neih ciang in, Pasian in inn hoih le mawtaw, a Pasian

nasep na a, zat ding in pia hi.Hih thupha te kiniamkhiat a thungetna hang hi

cin Lee in ngaih sun hi. Pasian in ama tung ah acitak lo te tung na ngawn ah,

citak a hih le Ama nungzui in, Ama ading in a ki ap mite tung ah bang zah in

citak zaw kan ding hiam! Lee tangthu in Pasian ih masak ciang in ki-apna in

khiatna le sinding tampi om a hihna ong phawk sak hi. Daniel bang in,

khangno lai a kiap na ateek dong ki apsuak thei hi cih ahihi.

Ellen White in hibang in ci hi, “Leitung a na hoih khempeuh pen mihing te

tung a ong itna lah na in, Pasian citna khut tawh ong piak hi. Mi zawng te

Ama a hi, Biakna zong Ama a ahi. Kham le ngun te zong Topa’ a hi a, a ut le

guah zu sak thei hi. A hihang in Pasian in mihing te a kem ding in bawl a,

khol ding hilo in midang te phattuam nading a zat ding a hihi. Leitung ah a

thupha te a hawm khia sawn ding in mihing te bawl hi.Pasian in citpiak zia

ding gelkhin a, mihing te a Piangsakpa a bat theih nading, deihsakna nei in,

ang sung khualna a neih loh nading le a tawpna ah, Khris tawh a tawntung in

kithuah khawm in minthanna ngah na ding ahihi.” (Neihsa Kepzia.p 15)

Lee in a gol khit nungsiah Pasian masak hi.Ama khensatna in eite ong

tawsawn hi. Jesu in eite ong gupkhiatna dingin nakhempeuh pia khia hi, Ama

ong itna in ih nuntakna ah Ama kumpigam masak ding in ong hahsawl hi.

Sumdong ten sumpi le sehsuahte ong kaih khop lai tak in, Pasian masak ding

in ong kio zawnn hi.

11


PAUL IN PASIAN AMASAK CIANG

Pasian masak pen haksa thei hi. Tu ni ih nuntakna ah Pasian ih masak theih

na ding in Paul tungpan in bang ih sin thei ding hiam?

Paul in Pasian masak den hi, ahihhang in Jesu nungzui te abawlsiat kawm in

amai athumaan mu theilo hi. Leilak ah puk in Jesu’ khuavak in amit atawt

sak ciang bek in khuamuh ding ong kipanpan hi. Paul adingin Pasian

masakna pen kiniamkhiat tak in a upmawhna te dongtel in Laisiangtho ah

ciahkik ding a hihi.

Arabia gam ah kum thum a om khit ciang in, Pasian in leitung nusia cip lo hi

cih phawkna tawh ong kileh kik hi. Jesu pen mikhempeuh ahon nuam gumpa

a hihi. Jesu’ thu tangko dingin khuapi khat pan khuapi ah, khuata khat pan

khuata ah akhualzinna ah Pasian mah masak suak hi. Tamveipi thahding

akisawm hangin bangmah in Pasian amasak ding daltan zolo hi.

Khatvei, Paul le alawm Silas in khuapi laizang ah apuante uh ong balkeek uh

hi. Ciangtawh kisak in khekol bulhsa in thong sung ah kikhum hi. Sisan nai-

san luangsa in Paul le Silas ten angaihsut ngam huailo thu ong sem uh hi, a

phunphun sangsik un Jesu ong bia uh hi. Na niamkiat penpen hun le na

khempeuh a lemloh laitak in Pasian biak ding sang a, ahoih zaw tuni in

bangmah omlo hi.

Tuakhitciang in Pasian in zinling sak hi. Thongcing pa in thongkia te taikhia

mang khn ding sa in namsau dok in amah le amah kithah sawm hi.

Thongcingpa in asatdan, abawlsiatdan le a maizumsak dan te uh Paul le Silas

in mangngilhlo uh hi. Thukkik nuam uh hi le amah le amah kithat in atuk

ngaklel ding uh hi.

Ahih hang in Paul le Silas pen Pasian a masak midikte hi uh ahih manin, tua

hun lian in thongcingpa maisak ding khentat uh aihmanin a kithat loh nad-

ingin ong awng uh hi.Ulianpa le ainn kuan te in Jesu ong mu in, tua zan bei

ciang in Kumpite’kumpipa ong bia uh hi.

Paul le Silas in Pasian masak uh hi. Amau zia in tua bang semding in ong

kun hi. Pawlpi tanute in sumpi le sehsuah te ong kaihkhop kawm in Pasian

masak ding in ong ki to hi.

12


JOHAN IN PASIAN AMASAK CIANG

Pasian masak pen haksa thei hi. Tuni ih nuntakna ah Pasian ih masak theihna

dingin Johan nuntakna pan in bang sinthei ding ih hiam?

Johan pen nungzui te lakah akhangno pen hi a, Alungsim khempeuh tawh

Jesu it hi. Jesu a kimat laitak, nungzui dang teng lau in ataikeek laitak un,

Jesu aki thusitna khempeuh ah naitak in zui titteet hi. Jesu in acihtakna

pahtawina in Amah adon penpen anu, Mary kem dingin nasep pia hi.

Ahihhangin aneu lai in Johan pen hehbaih in phula nuam hi. Jesu anial te

hehpih ding cih pen ama ading in haksa hi. Khatvei Jesu anial Samaria te

haltum dingin vanpan in mei nget ding Jesu kiang gen hi. Johan nuntakna ah

Pasian masak ding pen themvei sung hansan pak hilo hi. A nuntak sung

tawntung Jesu it bang a it ding ki-ap na ahihi.

Jesu van akahtoh khit zawh kum 70 ciang bang asihdong Jesu tungah citak

hi. Ephesa pawlpi kemsia suak in Laisiangtho thak tampi at hi, tua te lakah,

Lungdamna Johan le Mangmuhna cih te zong ki hel hi. Ahizong in pawlpi te

a laikhakna ah a pianthakna sung alianpenpen amuh khiat thu, 1Johan 4:7 ah

hibang in ki ciamteh hi.

“Ka itte aw, eite khat le khat ki it ni. Bang hang hiam cih le itna in

Pasian kiang panin hong pai a hihi”

Khat vei vei ih hehna le ih lunggulhna te ih kideek zawh loh ciangin ih lung-

kia thei hi. Ahizong in Johan in kikhelna lianpi angah na dingin nisim in Pa-

sian masak den hi. Ama sepdan in eizong tuabang dingin ong zawn hi. Sum-

dong ten sum a kaihkhop laitak un tuni in Pasian a masak ding in ong ki to

hi.

41


PAVEL LEH VALENTINA DMITRIENKO IN PASIAN MASAK

Pastor Pavel le Valentina in a haksakna kawmkal pan in Pasian masak uh hi.

Ih nuntakna ah Pasian ih masak theih nadingin hih tangthu pan in bang ih sin

thei ding hiam?

Pastor Pavel le Valentina in mite a kikhop pih nading un, tai 9 pai kul hi. Hih

lampi pen a mau a ding in gim le gilkial thuak kul hi.Abkhazia gam khen

Georgia’s khuapi, Sukhumi ah moh lei na ding sumbuk omlo hi.

1993 kum hia, Georgian te le Abkhaz te buai laitak aih man in nek le dawn

ding haksa mah mah hi. Moh sai ten zan ciang in zuak uh a, Valentina pai

sim in na bei den keii hi.

Ni khat kikhop man ciang in pawlpi mi Maya in Valentina mohlum khat pia

hi. Ahih hang in sang nuamlo hi. Maya in pia teitei aih man in Valentina in

phelnih suah in a nih un hawm uhhi. Valentina te nupa in moh a nek loh uh

kha guk sung bang sawt aih man in nuam mahmah uh hi. Niangtui lim-

mahmah tawh a meh ding ngaih sun uh hi.

Inn lam a zuat kawm un, piteek gawng puan sia nepnap khat in ka gilkial lua

si dektak ingh ci-in an ong ngen hi. Valentina in Maya tawh moh a hawm

vua, a nuamdan ong phawk kik hi. Hi bang haksak hun in hawp zawh nading

hansan na a nei mawk tam uh diam?

Valentina in a ip sung pan a moh phellang la in a nupi nu ong piak le, nuam

lua kisa in khitui luang liang in ong sang hi.

Valentina Le Pavel innlam ong ciah na vuah lungdam in maitai sa in ong pai

uh hi. Aneih sunsun uh mohphel nupi nu pia kha uh ahih man in angtang kisa

mahmah uh hi. Khat veivei, Pasian masak pen haksa pipi a ih ngah nate

midang te hawpsawtna zong kihel thei hi.

Pastor Pavel le Valentina te in ki-ap a kul hang in Pasian masak uh hi. Amau

piakngamna in tuni in eite ong tawsawn hi. Jesu in eite ong gupkhiatna ding

in nakhempeuh pia khia a, Ama itna in ih nuntakna ah Ama kumpi gam

masak ding in ong hahsawl hi. Pawlpi tanu te ing sumpi le sehsuah ong don

laitak un Pasian kmasak ding in ong kito hi.

40


ACE LE ROENNA SINTOS IN PASIAN AMASAK CIANG

Ace le Roenna Sintos te in a mailam ding uh lungzin huai le launa kawmkal

ah Pasian masak uh hi.Tua in Akikhel khit uh a hihi. Tuni in hih tangthu pan

in Pasian ih masak theih nading in bang sin thei ding ih hiam?

Ace le Roenna pen Philipines pan hi. Amau pen kumpi nasem hi in za lianpi

tawh kumtampi sem uh hi. Roenna naupaii in aomdan maanlo in natna ong

thuak ciang in, a lungmuanna uh le a nopsakna te uh ong ki sia mang ta hi.

Ace in tel ding dang nei nawnlo a, nasep khawl in a zi don ding ong hita hi.

Roenna nasem zo ding in ong dam kik ciang in, a nasepna sanglam ah ong

zom kik hi. Ahih hang in Ace in gelna dang khat nei hi. Media lam tawh hun-

bit nasem ding in Pasian in ong sam hi cih phawkna ong nei hi. Kamsiatna

tawh hih sapna thak pen a nasep luizah ngah nawnlo ong suak hi.

Ace le Roenna in a piangthei penpen ding ong tuattuat uh hang ki behlap

tuak lo hi. Media tawh Pasian nasem ding in ong ki ap le, a nuntak dan zia te

uh a kipiak khiat uh kul ding hi. Bang mah a ki cian mel a om loh hang in,

Pasian masak ding in hanna a nei ding uh hiam?

A masa in a upmawh mah bang un nakhempeuh haksa hi. A suk zaw ah a

hoihzaw a, asep theihna ding un a vanzat te uh leibeh ong kul hi. Pasian dei-

hna a sem hi ungh cih khamuanna tawh a lem bang bang in ong nungta to uh

hi. Hih in a hihtheihna khempeuh uh Pasian tungah apna ong suak hi.

Kum tampi ong pai khin a, ki khelna pen up huai lo zah ong hi hi. Ace le

Roenna a nihun Digital Pasian nasepna ah SDA pawlpi adingin hunbit nasem

in, a makai in ong om hi. A lem thei bangbang in nutalai uh a, Kumpina a sep

lai sang un bel nuam sa zaw ta uh hi. Jesu ading nasep na a, kisam vanzat

kisam teng zong nei ta uh hi.

Ace le Roenna in mailam ding lungzinna le launa kawmkal ah Pasian masak

uh hi. Amau hansan na in tuni in ei te ong tawsawn hi.Jesu in eite ong

gupkhiat na ding in na khempeuh pia khia a, Ama itna in ih nuntakna ah

Ama kumpigam masak ding in ong hahsawl hi. Deacons ten sumpi le sehsuah

ong don laitak un Pasian masak ding in ong ki zawn hi.

13


NOAH IN PASIAN AMASAK CIANG

Pasian masak pen haksa thei hi. Tuni ihnuntakna ah Pasian ih masak theih

nadingin Noah nuntakna pan bang sin thei ding ih hiam?

Pasian athudon ngiatlo mite na tuah khak le Noah thuakdan ding na theihpih

ding hi. Ataktak in, Athudon loh uh Pasian bek hilo hi. Khat le khat zong ki

thudon lo uh hi. A siatdan uh pen tua bang in gamta suak uh hi le, minam

khempeuh kisia maiming ding hi.

Tua hun laitak lian in Pasian in leitung honkhia dingin kalkhat asuan masak

hun ahihi.

Noah kiangah Pasian masak in amailam nuntakna kum zalom khat tembaw

lam ding, mi khempeuh kisik in alampi uh khel ding a, agen dingin sawl hi.

A thuhilh mite teekteek mah in zahpih in, ciamnuih bawl uh a, ahizong in

lungkia lo hi. Nisim in Noah in Pasian masak in a kihilh bang in zui hi.

Ih vekpi in ih nasep le ih geelna te masak dingin ong ki ze-et hi. Sumgum

tampi akem zong himai thei hi teh. Ahih kei le khensat ding khat peuh tawh

abuai den zong hi mai thei hi teh. Noah bang in, nisim, kalsim, khasim in

Pasian gam masak dingin ong ki to den hi. Pasian in adang nate ong piakth-

uah dingin ong kamciam hi.Pasian in a kamciam kemcing hi.

Tuiciin ong tung a, tembaw in Noah te innkuan siatcip na ding pan in

honkhia hi. Minam te ki gumkhia khin hi.

Noah hun lai mah bang in, Pasian in hilh ding a ong sawl mite in ong zahpih

in ong ciamnuih bawl maithei hi. Ahizong in nikhat niciang in, eite ong

honkhia dingin Pasian ong paikik ding hi. Pasian a masak mite in ahanciam-

na gah uh ngah ding uh hi.

Sing a sat sim in, Noah in Pasian masak den hi. Ama nunzia in tua-

bang hih dingin ong sam hi. Sumpi ong ki don kawm in Pasian masak dingin

ong ki zawn hi.

14

NIPI 14 April 3, 2021

JUDAH IN PASIAN MASAK DING ANIAL CIANG

Pasian masak ding haksa thei hi. Pasian masak ding anial Judah tungpan in


Nungzui dangte in Judah pen nungzui kician mahmah ci-in mu hi. Pil in zong

siam mahmah hi. Jesu pen Messiah hi cih zong um hi. Ahizongin, Judah in

Jesu azuihnop pen Pasian gam ah zalian angah nopman ahihi.

Kamsangnu in ong phawkkik sakna ah Gumpa in Judah lungsim asim

ciangin akhialhna athukzia pen Pasian’ hehpihna in ahotkhiat kei le Judah

tumsuak dinghi. Amah mah tawh akizopna ah nikhat khit nikhat angsung

khuallo a, itna in atuam zawhna ding mun ah koih hi. A lungsim Khris

adingin ahong hi le, Pasian hehpihna in angsungkhualna dawi suksiat sak

ding a, Pasian gam ading in zong mithupi khat hi ding hi. (Khangtawn

Lunggulh p.294)

Mitampi tak in ih nasepna le pawlpi ih makaihna ah gualzawhna ih ngahna

ding in siamna le silpiak tampi ih nei hi. Judah mah bang in, ih ci le sa tung

ah sal ih suah kawm mah in Jesu ih um thei veve hi. Judah pen sumzekna

mun ah om ahih manin piakkhiatna ii lungdamna ahoih lam in phukha, ngah

kha thei ding hi. Sehsuah le kamciam te ah Pasian masakna pen Jesu in ih

nuntakna zong ong khel theih hi cih sin theihna lampi a hihi.

Judah bang mah in, vantung ah inn lianpi ih neih theih nading a, Jesu nung

azui dingin ong ki ze-et hi. Ahizongin, Laisiangtho in hauhna te hang a van-

tung lunggulh dingin tha ong pialo hi. Judah in nungzui dingin anget lai-in

Jesu in na hici dawn hi: “Ngia in kua nei a, vasa ten zong bu nei hi, ahizon-

gin Mihing tapa in alu ngak nading zong om lo hi” ci hi (Matt 8:19,20).

Judah in Jesu nial in agui-awk lai tak in zong, ama angsung khualna in alung-

tang galdona zo lai hi. Sum in man ong nei nawnlo a, sumtang 30 zong sam-

siatna le akhialhna phawkna ong suak hi. Pasian in nang le kei ih hihna

khempeuh ah Ama gam masak dingin ong sam hi. Ih lungtang sung a, ang-

sung khualna Jesu ih zawhsak ciang in sum pen Pasian kiangpan athupha ong

hihi.

Judah in Pasian masak ding nial hi. Agu agau te pen ama ading le akiim

akiang ate adingin lauhuai hi. Tuni in Judah nuntakna in ei ading in vau-

hilhna a hih laitak in, Pasian itna in Ama gam zon masak ding in ong kai hi.

Pawlpi tanu ten sumpi le sehsuah te ong kaihkhop laitak in Pasian masak


39

NIPI 39 September 25, 2021

WILLIAM A. SPICER IN PASIAN AMASAK CIANG

William A.Spicer in leitung ah zin kawikawi in Adventist nasepna ong phut

in Pasian masak hi. Tu ni- in ih nuntakna ah Pasian ih masak theih nading in

ama nuntakna pan in bang sin thei ding ih hiam?

Spicer pen England gam ah pawlpi nasepna phut dinga, a zin in kum 22 pha

pan hi Tua pan in US ah ong ciah kik in GC ah gamdang nasepna lai-at pi

ong sem in, tulai tak a, Solusi University omna Zimbabwe leitang khawng

ong keek hi.

Pr Spicer pen tua pan in India gam ah 1898 kum in ong pai a, tua lai tak in

Southern Asia bup ah pastor thumbek a om lak ah khat a hihi. Adventist

laihawm ong phuan khia a, pawlpi khantohna ding bulkip khat ong phut hi.

1902 kum in US ah ong ciah kik a, GC ah lai-at pi ong sem hi. Lai-atpi ten

asep khat ahi Pasian nasem te puakkhiat nasep kum 20 sung bang ong sem

hi. Hih pen nasep haksa mahmah khat hi, bang hang hiam cih le a sawl ding

te innkuan le ong ciah ding te innkuan te koi gamah puak ding ah koi pan

ong ciah ding cih te vai tam mahmah hi. SDA pawlpi in ih zat theih den ding

nasep zia ding Spicer in ong phuan khia hi.

Tua khit ciang in GC president dingin Pasian in Pr Spicer kumgiat sung sam

hi. Pr Spicer in Pasian masak den hi. Kum zalom 20 lai khualzin haksat le

noplo kawmkal ah kumsim in leitung bup ah zin kawikawi in Pasian nasem

hi.

Khat veivei Pasian masakna in nasia tak in kipiak khiat kul hi. Spicer in ama

nasep na tungtawn in, Pasian masak na in bangzah in leitung phatuam sak

hiam cih ong lak hi.

SDA pawlpi in Lungdamna thu puak dingin minam kim, paunam kim le mi-

khempeuh kiang ah Pasian nasem innkuan a za a sim in huh in puak lai hi.

Spicer in hih nasep zia phuan tawm khin hi, nang le ken sumpi le sehsuah

piakna tawh ih kemcing thei hi. Ih hihna khempeuh ah Pasian masak ding

bang zah in hamphat huai hiam!

William A. Spicer in a nuntak sung tawntung Pasian masak hi. Ama thua-

kzawhna in tuni in eite ong tawsawn hi. Jesu in eite ong gupkhiatna ding in

nakhempeuh pia khia hi, Ama itna in ih nuntakna ah Ama kumpigam masak

ding in tuni in ong hahsawl hi. Decon ten sumpi le sehsuah ong don kawm un

Pasian masak ding in ong ki to hi.

38


ALBERT STAUFFER IN PASIAN A MASAK CIANG

Albert Stauffer in Pasian nasem ding in a gam nusia liangin Pasian masak hi.

Tuni-in ih nuntakna ah Pasian ih masak theih nadingin ama nuntakna pan in


Albert pen lungmuang tak le nuamtak in a inn ah om suak thei hi.

Ahihhangin Pasian masak midik khat ahih man in Brazil ah Tulai thumaan

laibu zuak ding in GC pan in sawlna ong sang hi.

1894 kum hi a, aneih laibu le laihawm te zuakna tawh nuntak ding pen

lungzin huai peuh mah hi, tua sang in asukzaw khat ah, alaibu te pen a mau-

pau Portugueses in omnai lo hi. A lungdam huai khat ah mi dang Pasian

nasem te in laikhetna na nei uh aih manin lai at in, kamlet in a thakthak ong

hawm khia hi.

Kum nih khit ciang in, Albert le a lawm laibu zuak te pen Brazil khanglam,

Parana khuapi a om Curtiba biakinn khat ah ong ki khawm uh hi. Mrs Ana

Diedrich Otto pen tua khuapi ah nausuak siamah semnuam hia, tua kikhona

ah ong ki hel hi. Kua ma theihloh khangno nih ong kikhop pen hih khua pan

hilo cih ong phawk kha hi.

A nipi kik ciangin tua khangno nih te ong kikhawm lai uh cih ong phawk kha

hi. A mau zuak laibu German pau a ki at “Jesu’ Nuntakna” cih ong lei hi.

Sunday ni kik ciang in ong kimu kik uh a tua zingsang tawntung Laisiangtho

ong sin khawm uh hi. A tawpna h Mrs Ana le a lawmpa Oscar Emilio Otto in

Adventist upna ong sang ta hi.

Lailam tawh Pasian nasem te in nuntakna a honkhia laibu te Brazil gam, Ar-

gentina gam, Uruguay gam, America khanglam gam le leitung bup ah hawm

khia kawikawi uhhi.Zingsang sim in, inn khat pan innkhat ah,a nuntakna

vuah Pasian masak uh hi. A maute lo tawh Vantungmi thumte’tangkona

thupuak tua a kizelhna gam 200 val ki zo lo ding hi.

Albert Stauffer in Lailamtawh nasem in Pasian masak hi.Ama hansan na in

eite ong tawsawn hi. Jesu in eite ong gupkhiatna ding in nakhempeuh pia

khia hi. Ama itna in Ama kumpigam masak ding in ong hahsawl hi. Pawlpi

tanute in sumpi le sehsuah ong kaih khop laitak uh Pasian masak ding in ong

ki zawn hi.

15


ADAM LE EVE IN PASIAN MASAK DING ANIAL CIANG

Pasian masak pen haksa thei hi. Anuntakna vuah athupipen hun a Pasian masak

ding anial Adan le Eve te tung pan bangsin thei ding ih hiam?

Adan le Evua in nakhempeuh nei uh hi. A inn uh hoih mahmah hi. A nasep uh

zong man nei mahmah hi. Khat le khat zong ki it mahmah uh a, leitung a, an

hoihpen te ne uh hi. Mallawh leng, Ni suah pan ni tum don,g lungnopna ngah uh

hi. Ei ngah lungnopna ciang bek hi lo in, buaina omlohna- Pasian lungnopna-

Daihna, nakhempeuh tawh ki thu hual ngiat hi.

Ih leitung ii thupitnate tel uh hi. Pasian pen na khempeuh tung a Pasian ahihi.

Mihingte-numei le pasal- leitung ii thupitna nuai ah ki lawmtak in om dimdiam

hi. Hih thuman khutnuai ah a om laiteng uh na khempeuh kicing hi. A hihhang in

ni khat Adam le Evua in hih thupitna te langpan dingin ong khensat uh a, pasi-

ante suah ding lametna tawh singgah ong ne uh hi. Hih thupitna ong kisiatna in

Lungnopna suasia in sihna dong tun hi. Laisiangtho in “mawhna” cih kammal

pen Lungnopna kisiatna lahna in zang hi.

Mikhat in na khatpeuh mihing nuntakna tawh kisai dinmun ah ong koih in, “Hih

na, lo in nungta zo kei ning ong cih ciang in” Lungnopna a susia hita a, a maban

in angsung khualna, huaihamna le sihna dong tun hi. Khamtheih khempeuh le na

deihluatna lungsim in hih namte mah hi. Midang khat la in, pasian tawh kibang

dinmun ah ih lapsang ciangin, Lungnopna asusia ih hia, lungkiatna, lungzinna le

sihna dong ong tun hi. Adan le Evua te tungpan ih sin theihthu in Pasian pen

Pasian hi a, ei Pasian hilo hi hang. Hihpen khuavan nuai ah thuman a hihi. Laisi-

angtho ih sim ciang in, "Pasian in ci hi”, Adam le Evua te bang in, thu khinkhai

ding le ei thuman zongkhia dingin, ei te ong ki ze-et den hi. Hih in mawhna hia,

sihna ong tun hi.

Pasian in sehsuah le sumpi te khia dingin ong sawl hi. Pasian pen Pasian hia, ei

Pasian hilo hi hang. Ahizong in, Adam le Evua te bang in, ei le ei Pasian in

kibawl tawmin atuampi khat sem dingin ong ki ze-et hi. Pasian in tua suahtakna

ong pia hi, ahihhang amaban thuak dingte ong lakkhiatsak lo hi. Adam le Evua

in Pasian kamciam gupkhiatna lemen kawm sa in Eden huan ong nusia uh hi.

Tuni in Jesu tungtawn in Gupkhiatna ah khamuanna ih nei hi. Ahizong in Adam

le Evua bang in, ahaksak ciang in, Pasian masak loh ding ong ki ze-et hi.

Adan le Evua in Pasian masak ding nial uh hi. Anunggute pen amau ading le

akim apam adingin lauhuai hi., Adan le Evua te in ei ading in vauna ahih laitak

in Pasian’ itna in Ama gam masak ding in ong sam hi. Sumdong te in sehsuah le

sumpite a kaih khop laitak un Pasian masak ding in ong to hi.

16


KAIN IN PASIAN MASAK DING ANIAL CIANG

Pasian masak pen haksa thei hi. Pasian masak ding anial Kain kiangpan in bang-

sin thei ding ih hiam?

Kain asuah in Adam le Evua te Eden huan sung pan in ki hawlkhia khinta hi.

Hatsakna thuak khawm uh hi. Adam in leitung in avakzawhna ding in nasep han-

ciam a, atate in zong agol uh ciang in huh uh hi.

Kain in lo khawh lam sem in, Abel in gankhawi hi. A nu le apate’ gen Pasian thu

le Eden huan tangthu te limtak in ngai uhhi. A zumhuai nate uh sitna ding le a

mawhna te uh a maina ding a Pasian in ganhing biakpiak na apiak masak thu te

zong za uh hi. Anih un Pasian bia nuam uh hi.

A khangcin uh ciang in, a nih un a mau neih lakpan ahoih penpen tuak tawh

biakpiakna pia uh hi ci-in Laisiangtho in gen hi. Abel in aganno suak masate

lakpan athaupen pia a, Kain in ahuan pan a piang ahoih pen gahmasa te tawh pia

hi. Pasian in Abel biakpiakna sang a, Kain a nolh hi. Kain heh hi. Amah le amah

tung hilo, Pasian tung zong hilo in, asanggampa Abel tung ah ong heh hi.

Nialna pen mihingte’ lettheih ziau na hilo hi. Ong ki nial ding ih ut loh man in ih

nuntakna sung ah nialna ih pelh theihna dingin na khempeuh ih sem hi. Nasep na

ih nget ciang in ong kinial loh na dingin kum tam pi lai ih sin hi. Ih ngaihte in

ong nial loh nadingin sum tampi bei le hun tampi bei in ih kizem hi. Saite in ong

nial loh nading in ih siamna te zang in ih neihsa te ih behlap hi.

Bangbang in ih hanciam zong in ong kinial lai veve hi. Hi thu ah, Kain in Pasian’

lah, santheih ding biakpiakna siangtak in nial hi. Ki niamkhiat in, asanggampa

bang in ganhing tawh biakpiakna pia kik le kilawm hi. Ahihhang pia lo hi. A

hoihpen pia khin ngawn ingh ci zong hi mai ding hi.

Sumpi ih piak ciang in zong ei utdan in ih khensat ziau thei hi. Hihpen khialhna

hi. Pasian pen Pasian hi a, ei Pasian hilo hi hang. Sumpi le sehsuah te bang ci

piak ding cih limtak ong ki hilh khin a ih zuih ding a hihi.

Khatvei a ki nial khit ciangin, Kain in a ma thanemna te ki phawklo in, Pasian a

hia, a nu apa le a sanggam pa zong hopih lo hi. Na sakluantna le thuhkikna ki

hello in Pasian in Kain huhding hanciam a, aman nial veve hi. Mawhna in a

lungsim ukcip a, a hehna te hiamgamna tawh lak hi. Kain pen tangthu ah mithat

masa penpa ong suak hi.

Kain in Pasian masak ding nial hi. A nunggute pen a ma a ding le a kimapam a

dingin lauhuai hi., Adan le Evua te in ei ading in vauna a hih lai tak in Pasian

itna in Ama gam masak ding in ong sam hi. Sumdong te in sehsuah le sumpite a

kaih khop laitak un Pasian masak ding in ong to hi.

37


GEORGE KING IN PASIAN AMASAK CIANG

Pawlpi in thugensia ding in a nial hang in George King in Pasian masak hi.Ih

nuntakna ah Pasian ih masak theihna ding in ama tung pan in bang sin thei ding

ih hiam?

George King in a nungta mihing khempeuh tungah lungdamna thupuak ding in

Pasian in ong sam hi cih um hi. 1880 kum lai hi a, James White nungta lai aih

man in King in amah dong ding in khensat hi.

James le Elen White in a inn vuah sam hi. Sanggampa King pen Pasian sapna le

Ama tung ah ki-ap hi cih pen tel uh a, ahih hang in hih khangno pa thuhilhsia

suak dingin a pilna le a siamna lunghiang pian uh hi.Kalnih khitciang in, James

White in Richard le Hulda Godsmark te kikhop tuah teh ong hopih a, a ngaihsut-

na ong gen in, Amah thugensia piak ding tawh kisai ngaihsutna khat neih ding in

ong gen hi.

George King pen Godsmark innkuan te tawh ong kikhin uh a, a inn khansung a

mau mai ah thugen sin ding in gelna ong nei uh hi. Hih pen ama ading in lung-

sim nat mahmah hun ahihi. Ama kisinna pen nisuah ma in gen kul a, khuadam

lak ah, kisin hun nai khat bek nei lai hi.

A hun ong tung a, tutphah te kigual hi. Athugen pen ong lungkiat huai mahmah

hi. Tua in amah thuhilhsia hitheilo ding cih kician sak mahmah hi.

Kisanloh pen baihlo hi. Ahihhang in George King pen adik mahmah

nakhempeuh ah Pasian masak mi khat aih man in hih akisan zawhlohna sang-

siam ding in kiniamkhiat mah mah hi. Asawtlo in George pen meiphual gei

athugen ding pa ong suak ding hita hi. Laibu angpom in, inn khat khit inn khat

lungdamna thu gen kawm in laihawmte le laibu te zuak hi. Hihpen Laibu tawh

nasepna kici a, Adventist nasepna kibangbang kik ngei nawn lo ding hi.

1906 kum a asihma, kum 30 sung bang George in West Indies, America khan-

glam le Saklam ah laibu zuak ding mi a za a sim in pattah khin hi.King’ii nasep

zia in makai masate lailam tawh nasepna ah tampi tak huzap hi. William Arnold

in Austraria ah, Abram LaRue in Hong Kong ah, Albert Stauffer in Brazil ah,

Herbert Meyers in Kawlgam ah, Robert Caldwell in Philippines ah cih bang in

nasem uh hi.1886 kum in Pawlpi nasepna a ki et ciang in leitung bup ah inn khat

khit inn khat vaka lailam tawh nasem mi 400 bang pha hi.

Thompson King in thuhilhsia ding in a ki nolh hang in Pasian masak hi. Ama

hansanna le kiniamkhitna in tuni in eite ong tawsawn hi.Jesu in eite ong gupkhi-

atna din gin nakhempeuh piakhia hi, in nuntakna ah Ama kumpigam ih masak

theih nading in Ama itna in ong hahsawl hi. Sumdong te in sumpi te ong

kaihkhop kawm in Pasian masak ding in ong ki zawn hi.

36


C.F.E.THOMPSON IN PASIAN A MASAK CIANG

C.F.E. Thompson in lungmanhuai vive adim hangin Pasian masak veve hi. Ih

nuntakna ah Pasian ih masak theih nading in ama nuntakna pan bang ih sin

thei ding hiam?

C.F.E.Thompson pen Jamaica te hia, Eipawl upna a theih khakna Sierra Leo-

ne ah pemta khat a hihi. 1907 kum in D.C Babcock in tuiphum a, Sierra Leo-

ne ah a citak pawlpi nasem khat ahihi.

A kituiphum zawh a sawtlo in, Sanggampa Thompson pen Ghana ah 1909

kum in Axim le Kickam ah Nsimbia minam te lak ah Pasian thu kikuppih

ding in tawmvei sung vazin hi.Tua kimuh khopna a man ciangin Sierra Leo-

ne ah ciah kik hi.

Ghana a omsung in ong lem mel lo hi.Pasian nasem sia Mrs French in cisa

natna tawh ong nusia hi. A lawmpa zong ciah kik in a natna a don ding in ki

hanthawn hi. Lungkiat huai mahmah khat in Ghana a a nasep a zom thei ding

mi om tuak lo hi.

Ghana gam ah kuan lungdam thupuak zelsuak ding hiam? Thompson in kei

vapai ning ci hi. Sierra Leone a, anasep nusia in Ghana gam ah French te inn-

kuan maban zom ding hi. Hih pen a haksa mahmah khensatna a hihi, bang

hang hiam cih le lungzin huai tam pi om hi.Aih hangin Thompson pen a dik

Pasian masakpa khat a hihi.

Sanggampa Thompson pen 1910 khanih kha in kumnih sung a nasepna gam

Ghana ah ong tung hi. 1912 kum hutawpna a san laitak in kum 36 pha pan hi.

1912, March 25 ni in Kalnatna tawh si hi.

Tomno sung, a nuntaksung ah Pasian amasak khit ciang in, Sanggampa

Thompson Pasian sung ah ong ihmut san ta hi. Asawtlo in ong nungta kik

ding a, amittawh Jesu nihveina ong kumkik mu thei ding hi.

C.F. E.Thompson in lungzinna in a tuam hang in Pasian masak hi. Ama han-

san na in tuni in eite ong tawsawn hi. Jesu in ong gupkhiatna ding in

nakhempeuh nusia a, ih nuntakna ah Ama kumpigam ih masak theih na ding

in a itna in eite ong hahsawl hi.Sum dong ten sumpi ong kaihkhop kawm in

Pasian masak ding in ong kito hi.

17


SAMSON IN PASIAN MASAK DING ANIAL CIANG

Pasian masak ding haksa thei hi. Pasian masak ding a nial Samson kiang pan in


Samson pen Pasian nasem dinga teltuam nam ngiat in hong piang hi. Cihnopna

ah, hoih tak a, a nuntak ding kul hi. Amasa pen in, lenggahzu, lenggahtui le leng-

gah pan a piang limlim dawnlo ding hi. Asisa luanghawm zong lawng khalo ding

a, a kitheipen khat ah, asam, amul meetlo ding cih a hihi. A khangno lai a kipan

in Samson pen a thahat le apahtakhuai khollo naupang khat hi. Ong khang cinci-

ang in, Pasian in Philistia numei khat kiangah puak hi. Tua nu a muhna hidan in

ki gen hi:

Tua ciangin anu le apa tawh Timnah-ah Samson paisuk a, Timnah

leenggui lote-ah amah tung hi. Tua lai-ah humpi nelkai khanglai khat in

amah hawksan hi. Tua ciangin ama tungah Topa’ kha khauhtakin hong

tung a, mi khat in keelno khat abalgawp bangin amah in akhut guak

tawh humpinelkai abalzan hi. Tawlkhat khit ciangin tua nu ala dingin

paikik hi. Humpinelkai luanghawm a en dingin amah lampialin a va et

leh humpi nelkai luanghawm sungah khuai hon khat le khuaizu na om

hi. Amah in akhut tawh tuate sawkin paisuak a, a paikawmin a ne hi.

(Thukhente 14:5-9)

Na phawk kha na? Samson pen amaan le a khial kikal ah a nungta tawh ki bang

hi. Pasian hilhna pen siang mahmah hi: Lenggah le siluang tawh kisawh khalo

ding. Hih tomno sung ah, hilhna anih in manglo hi. A nungciang zongh, langpan-

na lampi teel khin ahih manin, asam meet ding, phal nop sa tuam hi. Kua man

phonglo in, Pasian nial ding khensat ta hi. Pasian masak ding ih nial ciang in

khensat ding thu nengneng om hamtang hi. Ih thahatna in ong nusia lo cih ih

phawk ciangin, ei pen thumaan lampi tungah om lai hi hang cih ih ki thei hi.

Tuni in Pasian in Amah masak ding in ong sam hi, Samson bang in ih galte sa-

mat hilo hi hang.

Samson in khalam kisiatna aphawk ciangin, Pasian sam pah a Pasian in

dawngpah hi. Ataktak in Samson thungetna khempeuh kidawng hi cin Laisi-

angtho in gen hi. Pasian in Samson hehpih a, ei zong ong hehpih ding hi. Abeisa

in sehsuah le sumpi te ah ih cihtak kei khak le zong tuni in kipan kik thei hi teh.

Samson in Pasian masak ding nial hi. Anunggute pen a ma a ding le a kimapam

a dingin lauhuai hi. Samson in ei ading in vauna ahih laitak in Pasian itna in

Ama gam masak ding in ong sam hi. Sumdong te in sehsuah le sumpite a kaih

khop laitak un Pasian masak ding in ong to hi.

18

NIPI 18 May 1, 2021

ELI’ TATEN PASIAN MASAK DING ANIAL UH CIANG

Pasian masakna haksa thei hi.Pasian masak ding a nial Eli tung pan bang ih sin

thei ding hiam?

Eli pen mi lian khat hi. A siampi lian nasep bel takin sem hi. Thukhente hun

lai-in, mun khempeuh pan in Pasian bia ding in kipai hi. Eli pen biakbuk cing

ding le mite biakpiakna makaih ding in kigingsa in omden hi.

Mi tul tampi te biakinn ah kumsim in ong pai uh a Eli in na huhden hi. Ni khat

tapa angen, numei khat tawh thungen khawm uh a, Pasian in a thungetna uh

dawng hi. Tua naupang ong suah ciang in, Anu Hanah in Pasian masak ding

khensat in biakinn ah nasem dingin ong paipih hi.

Eli in siampi nasep le Pasian thu atheih khempeuh Samuel hilh hi. Tua le

nikhat, Pasian in naupang tungtawn in Eli hopih hi. Zan kim laitak in Pasian in

Samuel thumvei asapna tangthu phawk khalai thei niteh. Ih mangngilh pahpah

thu pen Pasian in ong gen saknop thupuak pen ahihi.

Eli in Israel mite bekbek ading ngaihsun ahih man in, ama tate don manlo hi.

Pasian in atate, Pasian masak ding a thupitna hilh ding Eli tung ah limtak in

gen khinzo hi. Ahih hang in, Eli in a tate thu =hilh ding le pattah ding nial hi.

Anunggu khauh mahmah hi.

Pasian masak ding anial Eli’ tate siampi ong suak uh hi. Acitak Israel ten bia-

kinn a ong ken uh biakpiakna te zahtak lo uh hi. Laisiangtho in hibang in gen

hi:

“Tua ahih ciangin TOPA’ muhna ah tangvalte’ khialhna lian mahmah

hi; banghang hiam cih le a maute in TOPA’ tungah biakpiaknate thupi

sehlo uh hi.” (I Samuel 2:17)

Hih pen mang bathuai mahmah pulakna khat a hihi. Pasian biakpiakna neu

bawl in zahpih uh a, zahtakna le lipkhapna neilo uh hi. Pasian in kangkoih lo

ahih man in anih un Philistia ten that uh hi. Eli zong thukham singkuang

kiman in ki paikhiatpih hi cih azak ciang in puksuk in tua ni mah in si hi.

Khatvei vei sumpi te le sehsuah te zahtakna zah ding le likhap huai zah ding in

ih pia kei hi. Tua te in, eite ong Piangsakpa ih zahtakna le ih kizopna te ong

lak hi.

Eli’tate in Pasian masak ding nial hi. A nunggu te pen a ma a ding le a

kimapam a dingin lauhuai hi. Tu ni in Eli’ nuntakna in ei ading in vauna a hih

lai tak Pasian itna in Ama gam masak ding in in ong sam hi .Sumdong te in

sehsuah le sumpite a kaih khop laitak un Pasian masak ding in ong to hi.

35

NIPI 35 August 28, 2021

ABRAM LA RUE IN PASIAN AMASAK CIANG

Midangte in Pasian nasem ding in teeklua a cih laitak nangawn in Abram La

Rue in Pasian masak hi. Tuni in ih nuntakna ah Pasian ih masak theih nad-

ingin Abram La Rue tung pan in bang sin thei ding ih hiam?

1883 kum in, Abram La Rue pen kum 65 apha Calilfornia a tucing le sing-

tanpa khat a hihi. Sengam ah lungdamna thu puak ding ngimna nei hi. GC te

lai a khak ciang in, ham luata teh ci uh hi. Amah paisak nading in zong sum

nei kei ung ci lai uh hi. Apai ding in khensat veve aih man in La Rue in

Hongkong a pai theih nading in tembaw tuan theih na ding ong gel hi. 1888

kum in tung a, kum 14 sung laibu zuak nasep sem hi.

902 ciang, Pa La Rue pen, Atangdin ci in kisam hi. 1902 kum khanih khani 2

ni in, Sanggam nu le sanggampa J.N Andrews le Miss Ida Thompson a huh

ding in vatung uh hi. Asawtlo in Sanggampa La Rue hanciamna hang in mi 9

thumaan ah makaih in tui ong ki phum uh hi.Sengam khuapi ah Tulai Thu-

maan puak hun hita hi.

La Rue pen Khris nungzui taktak khat hia, biakpiakna le thungetna ah a ki-ap

mahmah khat hi. A lungduai in, hehpihna nei a, thuman hi. Amah le amah in

hanciam in, gamdang ah, kum 14 sung a tangdin zawhna in madawk nasepna

ading akisam hihzawhna nei hi cih ong lak hi. Haksatna kawmkal ah La Rue

in Pasian masak hi. Asih mah deuh in, aneihsun sum te Sengam a Pasian

nasep nading in piakhia hi. A itte a ding in a neih khempeuh pia khia hi.

Abram La Rue pen kum 15 a sepna Hong Kong ah ki vui hi. Sengam lian ah

Pasian nasem in, a khe a ngak khakloh hangin a ma nasepna in Semgampi ah

kilut theih nadingin bulkip a phahphah na seplianpi a sem khat a hihi.

Abram La Rue in kuaman in a muanloh hang in Pasian masak hi. Ama han-

sanna in ei te ong tawsawn hi. Jesu in eite ong gumkhiatna dingin

nakhempeuh pia khia a, Ama itna in ih nuntakna ah Amagam masak ding in

ong hahsawl hi.Decons ten sumpi ong don kawm in Pasian masak ding in

ong ki to hi.

34


JOHN ANDREWS IN PASIAN AMASAK CIANG

John Andrew pen a hau le vangnei thei ding in siamna nei mahmah hi. Aihhang in

Pasian masak in Leitung ah Tulai Thumaan a kizelh theih nadingin ki ap hi.Tuni in

ih nuntakna ah Pasian ih masak theih nading in John Andrews tung pan in bang ih

sin thei ding ih hiam?

John Andrews pen na a hih thei mahmah khat hi. Kum 13 a phak lai in, Piangthak in

Jesu gumpa in sang hi. Aneu tung pan in Laisiangtho it ngiat ding in kipattah a, a

mah le amah Laisiangtho Hebrew, Greek le Latin pau a, asim ding in ki hilh hi.

Sabbath thu a sin khak ciang in, thumaan ong mu a, a nuntakna ah thumaan tel nad-

ing le gen khia ding in ong ki ap hi.SDA te’upna guipi le kilam zia tampi ong

mukhia hi. Pasian a masak na hang in, John Andrews in a pilna le a thatang te Laisi-

angtho’ genkholh a cianlai pawlpi te ading in ong ki ap hi.

Pawlpi in Europe gam ah pasian nasem khah khia ding ci-in ong khetsat ciang in,

John Andrews pen asem ding in a ki lawmpen ong suak hi. Azi sihna hang in a thu-

um saksik in, A neih khempeuh suplawh in tuipi gal ah a innkuan un nasem dingin

ong ki pia hi. Zawnna le natna tuah ding thei hi, a tuah ding haksakna te mukhol hi.

Aih hang in John Andrews hanciam veve hi.

1874 kum in, Atate nih, Charle le Mary tawh Europe ong zin ta uh hi. Kum 19 nuai-

siah a hih pat uh hang in leitungbup Pasian nasep laihawmkhiat a hi, Sign of the

Time, lai hawm khiat thei nading in, endik sem in, kamphen in, laikhen in gimlo

tawllo in khangno madawk te a hih uh ong lak khia uh hi. 1878 kum in, John An-

drews GC khawmpi ong kah in a tanu Mary in TB natna vei aih man in ong tonpih

hi.Battle Creek Zato ong tun phet in , alauna ong kikip sak hi. Europe gam a amah

guak a om Charles in a Pa lai khak a,”Ih ki khenna in tomvei sung bek hiding a, ih

cihtak nak le ih itte tawh ih kimu kik ding hi, tua aihman in Pa aw, lungkia kei in,

Nang a dingin thu ong nak ngetsak zaw ungh” ci hi.

John Andrews in a tanu Mary huntawpna nite ah zanhak in a lupna gei ah ngak

hi.Mary Andrews a sih in kum 17 pha pan hi.Europe gam ah kileh kik a, a sawtlo in

TB natna mah tawh si hi.

John Andrews pen Adventist Movement masa lam a ding in a pil mahmah khat le

SDA pawlpi khantoh nading in a ki ap mahmah khat a hihi. Tu ni in, Adventist pawl-

pi 162,000 val, gam 207 ah omta hi.Pasian a masak den hi pa tung ah ih lungdam

mahmah hi.

John Andrews in a sihlawh dong in Pasian masak hi.Ama hansanna in tuni in ei te

ong tawsawn hi. Jesu in ong gupkhiatna ding in nakhempeuh suplawh hi, Ama itna

in ih nuntakna ah Amagam masak dingin ong hahsawl hi. Pawlpi tanu ten in sumpi

le sehsuah ong don laitak un Pasian masak ding in ong ki to hi.

19

NIPI 19 May 8, 2021

SAUL IN PASIAN MASAK DING ANIAL CIANG

Pasian masak ding haksa thei hi. Pasian masak ding a nial Saul tungpan bang

ih sin thei ding hiam?

Saul pen amelhoih in atun sang hi. Middang te ama liangko ciang bekpha hi.

Israel te kumpi masa pen ding in akilawm pen ahihi. Saul kumpi asuah in

kum 30 phata a, kum 42 sung uk hi.

Hih hunsung tengin, Saul in na hoih tampi sem hi. Ahizong in, Pasian sawlna

manding nial tawntung hi. Saul in Pasian gen thute khatpeuh akhantoh zawk

nading in lampi dang zongin a hoihzaw athei tawh kibang hi.

Mi pawl khat te zong ei deihna te man asazaw den ding in ong ki ze-et den

hi. Pawl khat in sehsuah le sumpi piakna ah a mau utdan zuih ding paulap

hoih nei ciat uh hi. Saul ading Pasian masak ding baihlo a, ei ading in zong

baihtuan lo hi.

Pasian in Kumpi pan in anolh dong Saul in hih lampi zuisuak hi. Kha gilo in

Saul abawlsiat ciangin Pasian in akepna pan in tawkik hi. Pasian in Ama thu-

phate le Amah nialtheihna dingin deih teltheihna ongpia hi. Saul in siatna

lamzui a, acitak anasempa David delhna in aneihsa le athatang te zang hi.

David pen Saul in amuhcil in alamdang galkappa le tumtheih asiampa ahihi.

Saul tapa Jonathan pen David’ lawm hoih penpen ahihi. David in bangmah

acih loh hangin Saul in thatnuam veve hi. Ahang in: Hazatna hang a hihi.

A nuntakna nunung lam ah, Saul in Pasian’ aw zakkik ding lametna tawh

dawisate kiang ongzuan hi. Ahihhang in Pasian in Khagilote tungtawn in

thugen lo hi. Saul in Pasian kiang azuatsawm hang in, Pasian khaamna lampi

ongzang hi. Thu nengneng te ah Pasian masak ding ih nial le ih kigamla sem-

sem ding hi.

Sumpi le sehsuah te le adang na nuntakna te ah Pasian masak lo kha maithei

hi teh. Pasian in ong hehpih in namawhna uh ong maisak pah ding hi. Tuni in

Amah masak ding na kipan thei ta hi.

Saul in Pasian masak ding nial hi. A nunggute pen a ma a ding le a kimapam

a dingin lauhuai hi. Tu ni in Saul nuntakna in ei ading in vauna a hih lai tak

Pasian’ itna in Ama gam masak ding in in ong sam hi .Sumdong te in

sehsuah le sumpite a kaih khop laitak un Pasian masak ding in ong to hi.

20

NIPI 20 May 15, 2021

SOLOMON IN PASIAN MASAK DING ANIAL CIANG

Pasian masak pen haksa thei hi. Pasian masak ding anial Solomon nuntakna pan in


Solomon ading in na khempeuh ahoih in kipan hi. Angah kumpi lukhu in akisap

penpen pilna ngen sak hi. A nget ngah hi. Pasian in hauhna, cidamna le gualzawh-

na te zong piak beh hi.

Hun khat ciang in, Solomon pilna in ama hoihsakna lam ong ngatta hi.A

pilna ,atheihna te a ma ut sep in Pasian thukhamte a palsatna ki phelh na ding in

ong zang hi.

*Sololom in a kicing zaw ding ci- in zawhthawhthu tawh Pasian inn lam sak

hi.

*Solomon in agalte tawh kilemna ding ci-in gamdang kumpite’ tanute tampi

tak tenpih hi.

*Solomon in akumpi gam pan muakna in, a zite’ pasian biakna tau lam sak hi.

*Solomon in a innkuan teng a tazo ding in Biakinn sangin, a zahthum in a

golzaw kumpi inn lam hi.

Amasa lam in hih ama hoihsakna te ahi ding mahmah ong bang in a gam ah hau-

hna tampi ong tun hi. Ahizong in siah ong khang in, thumanlohna le a kilawmlo

nate in ong zui hi. Pasian in gualzawhna le lungnopna sawtpi akimang ding in thu-

kham pia hi, ahizong in Solomon in ama lungkimna ding in, apilna te ongzang hi.

Solomon in Pasian masak lo ahih man in asih khitzawh khakhat zong sawtlo phi-

al in Israel gam khen nih kisuah hi.

Tuni in zong mitampi in pilna sangpi zongin Pasian thukham palsatna ah paulap

zong uh hi. Pasian masak cihciang in Akammal te thupi ngaihsut in zuih ding

ahihi. Naupangno khat in a it mahmah anu le apa’ thu amanna pen ih hun tawpna

adingin ahoihpen ahihi. Pasian in Ama gelna bang in ih nuntakna sung ah, hauhna,

cidamna le gualzawhna ih ngah theih nading in kong hong ding in abaihsa in om

hi. Khat veivei Pasian in tua nate ngah leng ih upna le ih mailam te midang te

tawh lemtang lel ding aih manin kong ong khak saklai hi.

Pasian’cihtakna in ei dawnkikna hong kal hi. A neunono te ah ih cihtak le, alian

pipi ong lensak ding hi. Ei pen neihsakem te hihang, Ama nate limtak in kepna

tawh lungdam tak a Siapipa na sem ding te ih hihi.

Solomon in Pasian masak ding nial hi. A nunggute pen ama ading le akimapam

adingin lauhuai hi. Tu ni in Solomon’ nuntakna in ei ading in vauna ahih laitak

Pasian’ itna in Ama gam masak ding in in ong sam hi. Sumdong te in sehsuah le

sumpite akaih khop laitak un Pasian masak ding in ong to hi.

33


JAMES AND ELLEN WHITE IN PASIAN A MASAK CIANG

James le Ellen White te in Pasian masak ding akhentat laitak un khangno lai uh

hi.Aneihkhempeuh uh piak kul a, aizong in tawkik lo uh hi. Tuni-in James le Ellen

White te tung pan inih nuntakna ah Pasian koici masak thei ding cihbang ih sin thei

diam?

James White pen athugen na pan in mi tulkhat bang in Advent Movement ong zop

uh ciang in 1843 kum in Pasian nasem ding siampiza kipia hi. Jesu pen 1844 kum in

ong paikik ding hi ci-in gimtheilo liangin lungdamna thu kizelh na dingin nasem hi.

Ellen pen a neutung a tuahsiatna hang in a thaneem numei khangno khat ahihi. A inn

kuan pih te in Pawlpi ngeina le up ding sang in Laisiangtho up ding in khensatna nei

uh hi. Pasian masak uh aih man in a innkuan un pawlpi le a omna sa uh veng pan in

hawlkhiatna ngah uh hi.

James le Ellen te pen lungkiatna lianpi October 10,1844 khit in kimu uh a, 1846

kum in kiteng uh hi.Thumaan ah a ki apna uh hang in, Whites te in a kiten khit uh

kumguk sung bang inn le lo neilo in, a nu a pa te kiang peuh le a lawmte kiang ah

om uh hi. 1848 November kha in, James in leitung khempeuh khuavak a tan khit

dong in, lai a dal a hawmkhiat kipat nading mangmuhna khat Ellen tungah ki lak hi.

Lai thohkhiat pen tamman mahmah a, amau a ding in apiang theilo ding tawh ki

bang hi. Ahihhang in Pasian masak ding ong khensat uh ciang in a piangthak khin

laisim mimal te kiang pan in huhna sum ong ngah uh hi.

1849 kipat in, James in Tulai Thumaan (Present Truth) ong khenkhia hi. 1850 kum

in Review and Herald ong kici ta hi. Thu um mi pawl khenneu te ki piakkhiatna hang

in, Laisiangtho bup a huam nasepna khantoh ong kipan ta hi. 1863 kum in, GC

( General Conference of Seventh-day Adventist) ong ki phuan hi. James White in

nakhempeuh ah Pasian masak hi.Tansawm zong onglo napi laihawm namli ,

Laikhetna innpi nih le College khat ong phuankhia a, tun Andrews University ki ci

hi. Pawlpi khat ong phuan khia in, a makai le phatna lakhet ong sem hi. A hun awng

sung in sumbawl nasep sem kawm in, inn munte lei in zuak a, Mucu sang khat phuan

in Texas pan Chisholm Trail Kansas ah sakol hawl zel hi.

Ellen White in lam khat sang a tam zaw in mangmu hi. A mah pen Laisiangtho kan

khiatte kipsakna ding le makai te thahat sak in Kumkikna lamen Pawlpi a malang a,a

khan nading in kizang mahmah hi.Ahihhang in Pasian masak pen kiap kul hi. James

le Ellen White te in a tate uh nih cina in a sihsuah uh hang in tawkik lo uh hi.

James le Ellen White te in na khempeuh a suplawh uh hang in Pasian masak uh hi.

Amau hansann na in eite ong tawsawn hi. Jesu in ong gupkhiatna ding in

nakhempeuh piakhia a, Ama itna in ih nuntakna ah Ama gam masak ding in ei te ong

hahsawl hi. Sumpi le sehsuah te ong ki don kawm in Pasian masak ding in ong ki to

hi.

32


JOSEPH BATE IN PASIAN AMASAK CIANG

Joseph Bates in Pasian amasak ciangin ahai bang in kituat hi. Tua hun na-

gawn in amah dinkhawl lo hi. Tuni in ih nuntakna ah Pasian I masak theih

nading in Joseph Bate kiang pan in bang ih sin thei dinghiam?

William Miller’ thugen Khris kumkik ding thu azak in amah pen tembaw uk

a tawlngata khat ahihi. Hih thu maan hi cih ong phawk hi. Bate pen na

khempeuh ah Pasian amasak midik khat ahih man in, a sum a pai, a tha a

ngal le a inn zuak in hih Nihvei Kumkikna ding thuthak kizelh nading in

panpih hi.

Ahitei ta zongin, nakpi tak in a kipiakkhiatna hangin Bate tapa in hih lung-

damna thu nial in hehsa in innpan paikhia a tuipi tungah nasep ding kipan hi.

Bate ii lametna te deih ong batloh hang in dinkhawl tuanlo hi. 1843 ong tung

a, Jesu ong paikik lo hi. Tua khitciang in 1844 lungkiatna lianpi in Bate le

Miller nungzui te upna ong ling sak hi. A kiim apam vuah mi’ ciamnuih

bawlna ong suak uh a, zawn le ngau kawmkal ah nakhempeuh piakhia khin

uh aih man in a inn ding uh lamkik ong kul ta hi.

Bates le a lawmte in Laisiangtho thu kankik in Khris kumkikna ding lim te

ong zon kik uh hi. October 22, 1844 pen Khris vantung biakbuk ah Pa mai ah

thu-um mite tangin palai sem ding a alut ni a hihi.

Ahihhang in haksakna te om toto hi. Ni khat Bate in a inn ah neek ding

khatzong nei lo hi. Pasian kiang ong thuum a, bangbang a piang zong in citak

ding in ong kamciam hi. Tuani mah in lai-ip khat ong tunga, a nuntak na

khop ding sum ong tung hi. Pasian in Bates ki tangsap mahmah lai tak in sum

khak ding in mikhat na tawsawn sak hi.

Alawmte tawh Laisiangtho ong kankan kawm un, Bates in nisagih Sabbath

thumaan ong mukhia a, a uppih, James le Ellen White te tawh ong

hawmsawn uh hi. Hih Pawlkhen neute in a sawtlo in tuni a leitung bup a, a

khangto SDA pawl pi ong phut uh hi.

Mite in a nuihsan hang in, Bate in Pasian masak hi. A hansan na in tuni in

eite ong tawsawn hi. Jesu in ong gupkhiatna ding in nakhempeuh piakhia a,

Ama itna in tu ni in ih nuntakna ah Amagam masak dingin ong hahsawl hi.

Pawlpi tanute in sumpi le sehsuah ong kaihkhop lai tak un, Pasian masak


21

NIPI 21 May 22, 2021

ISRAEL TEN PASIAN MASAK DING ANIAL CIANG

Pasian masak pen hamsa thei hi. Pasian masak ding anial Israelte tung pan

bang sinthei ding ih hiam?

Moses in Israel te Egypt pan in suakta sak dinga, apai kik in, amaute na kiging

nailo uh cihpen ki cian mahmah hi. Kum zalom tampi sungsal in, a omna un

amau mahmah le Pasian amuhna uh siasak hi. Ahita zongin Pasian in Abraham

tung akamciam bangin honkhia hi.

Khatvei sehnel gamah, Amau bel athu in suakta ta uh hi, ahizong in asuakta

mite’ nuntakdan ding theilo uh hi. Asawt lo in, amuh theihloh uh Pasian tun-

gah kingak ding sangin salsuahna ah ciahkik ding ut zaw uh hi. Ahizong in

Pasian lungduai mahmah ahihmanin nisim in a itna mei tawh ahizongin, meii

tawh ahizong in Manna tawh ahizongin lak hi.

Pasian thukham in asuaktate nundan atheihna ding uh hilhna khat ahihi. Adi-

akdiakin Sabbath man pen, Pasian bang ci biak ding, mihing te bang ci zahtak

ding cih le piansak nate bangci zahtak ding cih ong lak suk hi. Ahizongin

khemna lianpen taktak in Sabbath le thukham te tawh kisailo hi. A ngaihsutna

le a upna uh kisit tel ding hi. Thukan 12 te Canaan leitang en dingin asawl

laitak un, athupuak te uh kitukalh lo hi. Thukan khempeuh in Leitang hoihna

thu ah ki thukim ciat uh hi. A gen bang uh linlian a hihi.

Ahihang in athu akhiat dan uh ong kilamdang hi. Joshua le Calab te in ahoih in

mu uh hi. Amau leitung avanglian pen gam pan in Pasian in ong suakta sak

khin hi cih thu ah kinga uh hi. Hih gupkhiatna pen akamciampa in ong tang-

tung sak ding hi cih pen kician mahmah hi. Amuhsa uh nate hang in Pasian

masak nuam uh hi.

Israel mipi dang teng le thukan 10 te in pumlau mang uh hi. Pasian masak ding

nial uh a, abeisa a Pasian makaih nate thu sim lo uh hi. A nunggu lungzin huai

mahmah hi. Topa in tua khangmi teng a sihdong un sehnel gam ah vakkawn

dingin khensat hi. A tate bek un Canaan gam luah ding uh hi.

Khatveivei thukan 10 te tawh kibang hihang. Sehsuah le sumpi te ah Pasian’

cihtakna mungei khin hi hangh. Khatveivei, bangbang ahizong in, thuman

nialin alau dingin ong ki ze-et lai hi. Sehsuah le sumpi piakna te ah Pasian

masak ih cih ciang in ih muhsa thu te ah muanna nei ding cih a hihi.

Israel te in Pasian masak ding nial hi. A nunggute pen a ma ading le

akimapam a dingin lauhuai hi. Tu ni in Israelte’ nuntakna in ei ading in vauna

ahih laitak Pasian’ itna in Ama gam masak dingin in ong sam hi . Sumdong te

in sehsuah le sumpite a kaih khop laitak un Pasian masak ding in ong to hi.

22

NIPI 22 May 29, 2021

PHARISEETE IN PASIAN MASAK DING ANIAL CIANG

Pasian masak na haksa thei hi. Pasian masak ding a nial Phariseete tung pan bang

sinthei ding ih hiam?

Pharisee te le thukham hilh siate pen kum zalom khat huh lai in aki zahtak penpen

mite ahi uh hi. Amau nuntakna uh Laisiangtho sinna le zuihna in zang uh hi. At-

amzaw in thukham te lot ngah in a malmal in zuih ding hanciam uh hi. Laisiangtho

ngaattak a azuihzawhna un lungmuanna le kiphatsakna guan hi. Atawpna ah, Pasian

in Ama thukham azuite thupha pia dingin kamciam hi. Jesu thuhilh ong kipat ciang

in thukham zuihdan pen azuihhak pan in, akizui theilo dingdan in ong khel hi. Jesu

in thukham deihna bul ahi itna le lainatna kawk hi. Hih pen hauhna le mun le za a

thupi sak Phariseete lim le vang beina lianpi a hihi. Khatvei Jesu in amaute maitang

ah a gen in ah:

“Mihoih akineihkhem no thukham hilh siate le Farisai mite in ginna na

thuak ding uh hi. Note in Pasian tungah lengmasel, masala, le kuimmin sing

namtui a kipanin meh namtui nam khempeuh sawm-ah-khat pia napi-in

thukham sungah athupi zaw ahi thutang, hehpihna le thumante na don keu

uh hi. Adangte nusia tuan loin hih thute na zuih ding uh a hihi. A makai

ding hinapi-in mittaw bangin bangmah tum loteng thupi ngaihsunin athupi

teng na nusiak uh a, tui tawh na dawnkhop khak loh nadingun thovai khaih

napi-in kalaoh a nawmvalh kha tawh na kibang uh hi.”(Mathai 23:23,24)

Farisai te in huan sunga lengmesel te teh bang zah pha hiam cih na ngawn sim

tanghtangh in sawm-ah-khat biak inn ah paipih uh hi. Jesu in thukham neupen te

nangawn zui napi-in, thuman, hehpihna le thukham deihna bulpi te a umlo biakna

makai te kiangah asianggen in ah: lengmesel teh te zong sim unla ahizong in thutang

le hehpihna le upna te zong zong un na cihhi. Hih tak ah na namnih te lamdang

nawnlo uh hi. A khatna ah Farisaite in Jesu athah nop na hang uh. A mau mahmah

ading a, a phuat uh lim le vang te anial asiapa uh sang zolo uh hi. A nihna ah, Mi

bang zah in Jesu nungzui cih hi nawnlo hi. Amaute pen Pasian ading in hoihzo lo uh

ahih man in paikhiat huai hi. Jesu in bang phawksak hiam cih le kuamah ahoihcing

zo omlo hi, ahizong in Pasian in a hihna bangbang uh sang a, tua khit ciangin khel hi.

Tuni in hihbang lian in pawlpi sim a muhding baihlo hi. Pawl khat te Pasian tungah

uang cihtak uh hi. Pawl khat lah hih zawh neilo leuleu hi. Pasian ong phawk kiksak

khat in, kua mah hoih kicing omlo hi. Jesu tungtawn in Pasian gam ah ong ki muak

a, a Khasiangtho in Jesu tawh kibang dingin ong khel ding hi. Pasian masak ding cih

ciang in lengmesel te zong sim in lainatna tawh gamta ding cih a hihi.

Farisaite in Pasian masak ding nial hi. A nunggute pen a mau ading le a kimapam

adingin lauhuai hi. Tu ni in Farisaite’ nuntakna in ei ading in vauna a hih lai tak

Pasian’ itna in Ama gam masak ding in in ong sam hi .Sumdong te in sehsuah le

sumpite a kaih khop laitak un Pasian masak ding in ong to hi.

31

NIPI 31 July 31, 2021

WILLIAM MILLER IN PASIAN AMASAK CIANG

William Miller in Pasian a masak ciang in mihai in kingaih sun hi.Tua hun

nangawn in a mah khawl tuanlo hi.Ih nuntakna ah Pasian ih masak theih nading

in William Miller tungpan bang ih sin thei ding hiam?

Amah pen acitak mahmah khat hi a, Laisiangtho maan ding in a um ngeilo khat

ahihi.Ahihhang in, galsung ah gentheihloh thupiang khat a tuah khit ciang in

William Miller muhna ong kiling hi. Amah le amah ong kidong a, “hih kiim le

paam thukham te in khuavannuai nasep nading atawsawn thei khat bek a hih le,

kei tawh kinai mahmah a bomp puakkham a bang hang in si lo ka hiam?” cih

ong kidong hi. Laisiangtho thuktakin sin ding ong khensat ta hi. New York ,

Whitehall a lo ah ciah kik in, Miller in hunkhat in Laisiangtho a neukhatta sim

in a tel theih nading in ong kiap hi. Hih a hanciamna kum nih bang ong sawt a,

1816-1818- tua hun sung in a gumpa Jesu Khris tawh ong ki it mahmah ta hi.

Hih hunsung a William Miller muhkhiat a minthang mahmah khat in “zingsang

le nitak” 2300 genkholhna Daniel 8:14 na a hihi. Hih genkholhna pen 1843 ahih

kei leh 1844 a ong tangtung ding cih hia, atheih thu mitam pi te kiang hawm khia

ding in kitawsawn mah le thuhilhsia hilo aihman in nial hi.

Khasiangtho in a muhkhiatthu te midang te tung gen ding in sawl teitei aih man

in, hihsapna a kitel mahmah ding in Pasian kiang ngen hi. Azenzen in mikhat

peuh in a muhkhiat thu te hawpsawtding a nget le tua pen Pasian le a ma kikal

alim hiding ahih manin ka gen ding hi, cih a hihi. Nai khat a cin ma in, innkuan

pihte khat ong tung a, a muhkhiat thu te gen ding in ong ngen hi. A masa in, Pa-

sian in hih sapna thakhat thu in sawl ahihman in, Miller heh hi. Ahihhang in a

kamciam khat a khahsuah lopa a hihi. Tuani - in William Miller in Pasian masak

in hih thuhoih te genkhiat ong kipan a, Pasian in leitung nusia lo ahih man in na

lianpi ong sem ding hita hi.

A thuhilhna in Oct, 22.1844 kum a lungkiatna lianpi ong piangsak hi. Mi a

tultampi te in tuani in Jesu kumkik ding in lam en uh a, Jesu ong pai lo hi. Van-

tung Biakbuk siangtho bel mun ah na sep a kipatna na hizaw hi. Hih lungkiatna

lianpi pan in Pasian in SDA pupite nana sam hi. Tuni in SDA te in Jesu ong

kumkik ding lungdamna thu gam 200 val ah agen laitak hi. Mi a thentampi te in

Miller in Pasian masak ding a, khentat man in lametna nei uh hi.

William Miller in a kinuihsan hang in Pasian masak hi. Ama hansan na in eite

ong tawsawn hi. Jesu in ong gupna ding in na khempeuh piakhia a, Aman itna in

ih nuntakna ah Amagam masak dingin ong hahsawl hi. Pawlpi tanu ten Sehsuah

le sumpi te ong don lai tak un, Pasian masak ding in ong ki to hi.

30

NIPI 30 July 24, 2021

WILLIAM TYNDALE IN PASIAN AMASAK CIANG

William Tyndale in Pasian a masak teh nakhempeuh sum hi.Ahihhang lungkia

tuanlo hi. Tuni ih nuntakna ah Pasian ih masak theih nading in William Tyn-

dale tungpan bang ih sin thei ding hiam?

Kum zalom 16 lai in, RC pawlpi in minautang te in Laisiangtho sim ding le

telding kham uh hi. Pawlpi thuneihna a to te, adiak diak in Pope thunial te

ading bawlsiatna hipah hi.Papal pen Laisiangtho’genkholh sapi ong suak hi.

Leitung tangthu sung a khuamial hunsung in, Wiliam Tyndale in Leitung

tangthu akikhel theih nading in Manglai a Laisiangtho hawmna tawh ahuh

khuavak ong hi hi.

Tyndale’ letkhiat Manglaisiangtho masa pen Hebrew le Greek lai ngiat pan alet

a hihi. Thupuak kizelh nadiing tua hun lai a a hoihpenpen setvan te tawh a bu a

kibawl thei masa pen pen a hihi. Hih in Pawlpi tawh buaina ong piang sak hi,

minautangte in Laisiangtho tel zawh nading siamna neilo uh ahih manin pawlpi

in a sepsak kul hi ci uh hi.

England ah tai in, Flemi te gam Catholic ukpi Charles ngana pa kiang bukna

vazong hi. 1535 kum in, Tyndale kiman in Brussels pua lam Filford thong ah

kum khat val ki khum hi.1536 kum in, Pawlpi upna lampial cih tawh mawhsak

in abawlsiat khit uh ciang in meitawh hallum uh hi. A sih kuan a, a thunget in

England kumpi’mit ki hon nading a hihi.

Athungetna ki dawng hi. Pasian amasak man a, anuntakna a piak khit a sawtlo

in Kumpi James Laisiangtho (KJV) kikai khawm in bawl ding in England kum-

pi in phalna ong pia hi. Laisiangtho in Nitumna lam ate ading in bulkip khat

ong suak a, Tyndale in mi nautang te in ateltheih nading un thumanpha te puak-

na tawh leitung kikhelna ding in a huh taktak ong suak hi.

Mite in Laisiangtho a tel theih nading, suahtakna azon theih nading, dam nad-

ing le Jesu sungah lametna a neih theih nading un eite ong kisam hi. Sehsuah le

sumpi te ah ih cihtak ciang in, Pasian ong sawlbang in leitung bup ah Vantung-

mi thumte’ tangko na a kizelhna ding in a huhhuh ih hihi. Pasian nasepna

panpihna tawh Pasian masak pen thupi hi. Ahizong in, ih kiim ih paam a te

tawh hun le sum bei kul a, Pasian itna a theih zawk nadingun ih tawsawn kul

hi.

William Tyndale in nakhempeuh a beilawh zong in Pasian masak hi.Ama han-

san na in tuni-in ong tawsawn hi. Jesu in ong gup na ding in nakhempeuh

piakhia hi, Ama itna in ih nuntakna ah Amagam masak ding in ong hahsawl hi.

Decon ten sumpi te ong kaihkhop kawm in Pasian masak ding in ong ki to hi.

23

NIPI 23 June 5, 2021

MIHAU TANGVAL PAN PASIAN MASAK DING ANIAL CIANG

Pasian masak ding haksa thei hi. Pasian masak ding anial mihau tangval pa kiangpan

in bang ih sin thei ding hiam?

Jesu mihau tangval pa tawh akimuh ciang in, nungzui te in mihau khat in ahauhna

teng tawh ong ki pawl ding cin lawp mahmah thei ding uh ih. Jesu in nakhempeuh

zuak in mizawngte pia ding in asawl ciang in, sawtkhomlo hi. Bang piang hiam cih

hiah atangthu om hi:

Jesuh in, “Mi cingtaak na hihnop leh pai-in na neihsate va zuak inla, na sum

khotte, mizawngte tungah va pia lecin, vantungah sum na hau ding hi. Tua

ciangin hong pai inla kei hong zui in,” a ci hi. Tangvalpa in hih thu a zak

ciangin, amah hau mahmah ahih manin, mai khingin a paikhia hi. Tua

ciangin Jesuh in a nungzuite kiangah, “A mantak a kong genin-ah: Mihau

khat pen vantung ki-ukna sungah a lut ding haksa mahmah ding hi. Adang

khat hong gen leuleu ning: Pasian ukna sungah mihau khat a lut ding sangin

phim bilvang sungah kalaoh khat a lut ding baihzaw lai hi,” a ci hi.

Nungzuite in hih thu a zak uh ciangin lamdangsa mahmah uh a, “Kua in

hotkhiatna ngahzo ding ahi hiam?” a ci uh hi. Ahi zongin Jesuh in amaute

enin, “Mihingte’ hihzawh ding hi lo mah hi; ahi zongin Pasian in na

khempeuh hihthei hi,” a ci hi. (Matt 19:21-26)

Mihau tangvalpa theihloh thu in bang hiam cih le: Gupkhiatna nuntakpih le Pasian

tawh kizopna cingtaak le mihing hihna in neihsa piak khiatna a hih thu a hihi. Laisi-

angtho in hih phutkhakna (nuntakna) pen Lungnopna na ci a, Kiim le pam tawh

kithukhatna, minamte tawh ki thuhualna, Pasian tawh kilemna le ki thuhualna a hihi.

Neih le lam khol ih om le, a tawm atam zong in bittak akep dingin ong ki ze-et den

hi. Hauhna in lungmuana le vang ong pia thei hi. Ataktak in, Hauhna pen Pasian

kiang pan aletsong hi a, ei hanciamna tawh ih ngahsa in midang te ih hop nop loh

ciang bek in samsiatna ong suak hi.

Hih mihau tangval pa in a hauhna masak hi.A hauhna hang in hih khangno huaiham

mihau pa in gupkhiatna ong nusiat ciang in Jesu kap hi. Pasian masak cih pen hauhna

a nihna ah koih ding cihna a hihi. Citna in Pasian gam nunzia khat a hihi.

Mihau tangvalpa in Pasian masak ding nial hi. A nunggute pen a mau a ding le a

kimapam a dingin lauhuai hi. Tu ni in Ahau tangvalpa’ nuntakna in ei ading in

vauna a hih lai tak Pasian’ itna in Ama gam masak ding in in ong sam hi Sumdong

te in sehsuah le sumpite a kaih khop laitak un Pasian masak ding in ong to hi.

24

NIPI 24 June 12, 2021

ANANIAS LE SAPPHIRATE IN PASIAN MASAK DING NIAL

Pasian masak ding hamsa thei hi. Pasian masak ding a nial Anania le Safila

te tung pan bang sin thei ding ih hiam?

Amau Pasian masak nuam takpi uh hi. Jesu um in Khasiangtho tawh ki

tuiphum uh hi. Ahihhang in Anania le Safira te in Pasian tunga kamciam kip

ding haksa sa uh hi.

Amasa in, Lozuakna pan angah khempeuh uh pia ding ci uh hi. Hihpen Pasi-

an ong nget zah val a, citpiak na a hihi. A zuak ma un, hih kamciam piak

ding nuamsa mahmah mai ding uh hi. Alawmdangte un zong a neihsa te uh

zuak in sawltak te a piak hanguh zong hithei ding hi.

Buaina pen akhutsung vuah sum ong om ciang a hihi. Huaihamna ong lutta

hi. Hih sum teng tawh bang teng leizo ding cih ong gelgel ta uh hi. Huaiham-

na in gelna ong suah a, tua gelna in sihna ciang ong tun hi.

Pawlpi te kiang ah ka upmawh sangun tawm ngah zaw ung ci akhem dingin

ong thukim ta uh hi. Tuani ong tum ciang in, Anania le Safira tenih ong si in,

kivui hi. Banghang Pasian in khauhtakin bawl mawk hiam? Sum in sihna

ding zah ciang ong tun liang hiam?

Pasian in thumaan na le cihtakna thupi sak mahmah hi. Hih in Anania le Sa-

fira te sum mah bang in tuni a ih sehsuah le sumpi kibang hi. Pasian in

khasim in sumpi ih piakzah ding kamciam pia ding in ong zawhthawh bawllo

hi. Ahihhang khatvei ih ciam khit nak le, tua kamciam a kipsak ding in ong

lam en hi.

Tua le a beisa in khialkhin leng bang cih ding? Ei le ei in Pasian khem nawn

kei ni. Tuni mahmah in ih kamciam te tung ah ih citak thei hi.

Anania le Safila te in Pasian masak ding nial hi. A nunggute pen a mau a

ding le a kimapam a dingin lauhuai hi. Tu ni in Anania le Safirate’ nuntakna

in ei ading in vauna a hih lai tak Pasian’ itna in Ama gam masak ding in in

ong sam hi.Sumdong te in sehsuah le sumpite a kaih khop laitak un Pasian

masak ding in ong to hi.

29

NIPI 29 July 17, 2021

MARTIN LUTHER IN PASIAN AMASAK CIANG

Martin Luther in Pasian amasak teh nakhempeuh sum hi. Ahihhang lungkia

tuanlo hi. Tuni ih nuntakna ah Pasian ih masak theih nading in Martin Luther

tungpan bang ih sin thei ding hiam?

Kum zalom 16 lai in, RC pawlpi in gupkhiatna le Jesu in bat theih nading in

Pawlpi kisam hi ci in mite um sak uh hi. Pawlpi thuneihna le adiakdiak in

Pope a to peuhmah ki bawlsia hi.Papal pen Laisiantho genkholh sapi ong

suak hi.

Leitung tangthu a khuamial hun sung in, Martin Luther pen RC phungzi ki-

ap mahmah khat hi. Laisiangtho ong simsim ciangin, mihing palai kullo in

mikhempeuh Pasian tawh kizom ziau thei hi cih ong mukhia hi. Laisiangtho

thuneihna nuai ah, tua hun a Khuavannuai a avanglian penpen Pope Leo

sawmna pa thuneihna ong to hi.

Luther in mawhna pan a gupkhiatna , tawntung nuntakna pen Jesu Khris

upna tungtawn in Pasian hehpihna hang in a khawn bek a ki ngah thei hi a ,

gamtak hoih tawh thalawh theih hilo hi cih hilh hi. Ama Pasian thumuhna in

Pope zumpi le thungeihna to a, Laisiangtho in thumaan theihna ding lampi

khat hi ci –in, siampi nasepna langpan in, tuiphumsa Khristian khempeuh a

siangtho siampi nam hipahpah hi ci hi.

Amah pen Rome gam le RC pawlpi pan ki hawlkhia in ki bawlsia hi. Hihte in

Pasian a masak na khawlsakzo tuan lo in a muhna ah kiptak in dingkip hi.

Ama kammal tawh, hih a gimthuakna te la in phuak a,” Avanglian Munkip”

thulu guan hi.

Tua Thu in leitung vang khempeuh tungah,

Tua te tung lungdam ken, Asungah om in;

Khasiangtho le Silpiakte te in Ei sunga om Ama tungtawn in ei a hi:

Nate le namlungsim te paikhia ni, hih a sithei nunna zong e;

Pumpi that thei ding uha, Pasian thuman teng laiveve ding hi,

Ama kumpigam in a tawntung hi.

Martin Luther in nakhempeuh a suplawh zongin Pasian masak hi. Ama han-

na in ong tawsawn hi. Jesu in ong gupkhiatna ding in nakhempeuh nusia a,

Ama itna in tuni in a Kumpigam masak ding in ong sam hi. Pawlpi tanute’n

sumpi le sehsuah te ong don kawm un Pasian masak ding in ong ki to hi.

28

NIPI 28 July 10, 2021

JOHN HUSS IN PASIAN AMASAK CIANG

John Huss in Pasian amasak ciang in a nuntakna bei hi. Tuni in ih nuntakna

ah Pasian ih masak theihna dingin John Huss tungpan in bang ih sin thei ding

hiam?

Kum zalom 14 lai-in, RC pawlpi in a itte uh tawntung gawtmun ah a om sang

in vantung ah a om theih nading un lungmuanna deih uh ahih manin

mawhmaisakna a innkuan pih te kiang vuah ong zuak uh hi. Pawlpi thunei-

hna a langpan peuhpeuh adiak in Pope a langpan te ki bawlsia pahpah hi.

Papal pen Laisiangtho sung a genkholhna sapi ong suak hi.

Leitung tangthu akhuamial hun sung in, John Huss in Czech gam Prague

khuapi ah thugen sia sem hi. Pasian kammal sung a thuman te hu a,

zuaukhemna te a langhtang in langpan in thugen hi. Mat le hen a, a om sung

in zong, Pasian masak lai veve hi.

Constance Khawmpi a kibawl ciang in, Huss zong pai in a muhna genkhia

ding in ki sam hi. A tun ciang in, na manpah uh a, thong sung ah koih pah uh

hi. Khawmpi mai ah sam veve uh a, a muhna nusiat dingin ngen uh hi. Aman

a dawnna ah, “Thumaan pan in ka tawkik ngeikei ding hi” ci hi. A nial tak

ciang in, thong ah koih kik uh hi. 1415 kum July 6 ni in, RC te thukhun te

upkhialhna tawh meikhuamtung ah ong hal lum uh hi. A kuan kawmkawm in

Phatna late sa hiauhiau lai hi.

Tuni in thumaan nial a thusimlohna lamtampi om hi. Ih upna te lamneu ,

lamlian tawh mitawh kipawl thei ding in ong ki to den hi. Bangbang a piang

zong in thumaan a kiptak a ki-ap zomsuak ding in Pasian in ong sam hi.

Khatveivei hih ki-apna in bawlsiatna le sihna dong ong tun thei ding hi. At-

amzaw in bel nuamsa khollo thei hi. Bangbang aizong in bangbang piang ta

leh, Pasian masak ding in Khasiangtho hansuahna ih neihkul hi.

Jesu piak Pawlpi nasep sem ding in leitung nopsakna te anusia numei pasal

te’ tangthu tawh thupha ong ki pia hi. Amau khentatna le hansanna te om kei

le lungdamna thute ei kiang ong tung khalo mai ding hi. Tun ah Pasian

masak in tua nasep ih zawh kul hi.

John Huss in nakhempeuh a suplawh zongin Pasian masak hi. Ama hanna in

ong tuam hi. Jesu in ong gupkhiatna ding in nakhempeuh nusia a, Ama itna

in tuni in a Kumpigam masak ding in ong sam hi. Pawlpi tanute’n sumpi le

sehsuah te ong don kawm un Pasian masak ding in ong ki to hi.

25

NIPI 25 June 19, 2021

LAODICIA PAWLPI TE’N PASIAN MASAK DING ANIAL CIANG

Pasian masak ding hamsa thei hi. Pasian masak ding a hanciam Laodicia pawlpi

tung pan bang ih sin thei ding hiam?

Laodicia pawlpi te in Pasian masak ding hanciam mahmah uh hi. Pasian nial

ngeilo uh hi, ahihhang a nuntakna vuah Pasian a masa pen hi lo hi. Jesu in a mau

om zia, sa lah salo, vot lah votlo, lumlel na ci hi. Hiah Laisiangtho gen na en ni:

“Laodisia khua pawlpi vantungmi kiangah lai gelh inla, thuman le

citakin teci a pang, Pasian’ piansakte khempeuh a kipatna ahi Amen’

thugen in: Note’ gamtatnate ka thei a, vot lah vot vet lo, sa lah sa vet

loin na omna uh zong ka thei hi. A vot na hih kei uhleh a sa hi vet le-uh

cin ka ut hi. Ahi zongin note pen vot lah vot vet lo, sa lah sa vet loin a

laklawhin om na hih manun ka kam sung panin ka hong siakhia ding hi.

Note a zawng, a mittaw, puansilh ding a nei lo, a hehpihhuai, a

lungkhamhuai na hih lamtak uh thei loin, kote hau-in ka cithei uh a,

bangmah kisapna ka nei kei uh hi, na ci uh hi. Tua ahih manin na hau-

htheih nadingun kei kiang panin kham citak hong lei-in a zumhuaipi-in

guaktanga na omna uh na kisel nadingun puanpak hong lei unla, khua na

muhtheih nadingun mit zatui hong lei un. Ka it mite thuhilhin ka taii hi.

Tua ahih manin lungsim tak tawh na mawhna panun kisik kik un.

Kongkhakah dingin kong ka hong kiu hi. Ka aw za-in kong hong honte

kiangah lutin an ka nekhawm ding uh hi. Keimah zong gualzo-in ka Pa’

tokhomah ka tutkhawm uh mah bangin a gualzote khempeuh zong kei

tawh ka tokhom tungah hong tutkhawm theih nadingun thu ka pia ding

hi. Tua ahih manin zak nading bil a neite in Kha Siangtho in pawlpite

kiangah a gen thute na za un, ci-in gen in,” a hong ci hi. (Mang 3:14,22)

Pasian in ih gamtatna le ih ngaihsutna lung himawh mahmah hi. Ih lelhna le ih

zawhna te thei hi. Jesu in a citak ih ki neih zong thei hi. Ih maituam pailet in mu

hi.Aman thei hi.

Hih in Pasian in ong nial lohna hang khat a hihi. Jesu in nisim, kalsim, kumsim

in na lungtang kong khak ong kiu kiu lai hi. Khatvei Jesu lutsak le hang, Pasian

masak ding baih ding hi.

Lodiasia pawlpi te in Pasian masak ding nial hi. A nunggute pen a mau a ding le

a kimapam a dingin lauhuai hi. Tu ni in Lodiasia pawlpite’ nuntakna in ei ading

in vauna a hih lai tak Pasian’ itna in Ama gam masak ding in in ong sam hi

Sumdong te in sehsuah le sumpite a kaih khop laitak un Pasian masak ding in

ong to hi.

26

NIPI 26 June 26, 2021

LUCIFER IN PASIAN MASAK DING ANIAL CIANG

Pasian masak ding hamsa thei hi. Pasian masak ding anial Lucifer kiang pan

bang sin thei ding ih hiam?

Khat veivei ih nuntakna ah sum le pai a kicin ciang bek in sehsuah le sumpi

te ah cihtak ding ih ngak thei hi. Ei le ei kigen in, Kiim le pam a hoih le bek

Pasian masak ding buai luat kullo ding hi. Ih za ong ki khan le, summeet ong

kiam le, Pasian tawh kinai zaw hi leng, tua ci le, tua ci le…..

A hoih penpen khat le a vangnei penpen vantung mi khat akicing kiim le pam

ah teng in Pasian nisim in mu den hi. Hih kicinna in cihtak ding huh zo tuan

lo hi. Bang hang hiam cihle hunsim in, bangmun, koi mun ah ih om zong in

ih khensat ding ei-ma tel a hihi.

Lucifer pen Pasian amasak kisial mahmah hi. Ama ngaihsutna pen tua ding

in thupi mahmah hi. Lucifer’ kisap pen thupi zaw hi. A lunggulhna in ama

pasian suah ding, ama thukhun ding aman bawl ding, Ama suahtakna buaisak

lo in Pasian lo tawh nuntak ding, banghang in Pasian in a hoih penpen piak-

biakna le sepsaknate ngah mawk ding hiam?

Hih ngaihsutna te in ih sehsuah le ih sumpi te ah Pasian ih masak ding

ahaksatna na zungpi te hi lai hi. Ih ki hihsakna le ih kisap te in ih lam ong

khak den hi. Ei le ei bek ih kingaih sun hi, pawlpi tawh tehna in sum bangzah

kisam zaw ih hiam? Hih I ci hi. “Pasian in ih sumte kisam kei. Pawlpi’n a

kicing in nei lel , kei a ding in zang lel ning” ih ci hi.

Lamkhat ah, hihpen maan hi. Pasian le pawlpi in nasum ki sam ngaungau lo

hi. Ih piak khiatnate in a kisap man hi lo a, cihtakna le kiniamkhiatna hizaw

hi. Pasian pen Pasian hi a, ei pasian hilo hihang. Pasian in sehsuah te pen ei

phat tuam nading a ong nget a hihi. Ih Sehsuah le sumpi te pen huaihamna le

angsung khualna ii gulehna lianpi a hihi.

Nakhempeuh a kicin dong ngakna pen I nuntakna ah Pasian masak ding pelh-

na a hihi. Pasian ih kihihsakna te nusia in vantung thupha kongpi te ong hon-

sak ding ih phalna ding in, tuni in ong sam hi.

Lucifer in Pasian masak ding nial hi. A nunggute pen a mau a ding le a

kimapam a dingin lauhuai hi. Tu ni in Lucifer’ nuntakna in ei ading in vauna

a hih lai tak Pasian’ itna in Ama gam masak ding in in ong sam hi .Sumdong

te in sehsuah le sumpite a kaih khop laitak un Pasian masak ding in ong to

hi.

27

NIPI 27 July 3, 2021

WALDENSES TEN PASIAN AMASAK CIANG

Waldenses ten Pasian amasak ciang un na khempeuh suplawh uh hi. Tua

nangawn lungkia lo uh hi. Ih nuntakna ah Pasian ih masak thei nading in tuni

in Waldenses te tungpan bangpeuh ih sin thei ding hiam?

Kum zalom 12 lai in, RC pawlpi in mimawkmawk ten Laisiangtho a telding le

sim ding kham hi. Pawlpi thuneihna a langpan, adiakdiak in Pope a langpan te

bawlsiatna thuak pahpah hi. Papal in Laisiangtho’ genkholh sapi ong suak hi.

Leitung tangthu a khuamial hunsung in, Peter Waldo in a hauhna te midang te

huhna ding in piakkhiat ding ong gen khia hi. Piantit gam pan in pawlpi mite

kipiak khiatna tawh leitung hauhna te nusia in Laisiangtho bang in ngaattak a

nuntak ding ong kipan uh hi. Waldenses te bulphuh pi –in Laisiangtho mikim

simtheih kampau tawh ngah theih nading a hihi.

1179 kumin,Waldo le a lawmte khat Rome gam Pope Alexander thumna omna

ah ong pai uh a, RC makai ten na muak uh hi. Ngaihsut piakna nei thei

phungzi thum mai ah a upna uh a tellah uh kul hi. A kikupna vuah khensatna

lian a om loh hang in, tua kum mah in Lateran Khawmpi thumveina ah Waldo

ngaihsutna ki mawhsak hi.

Waldo le a lawmte in a gelna uh a hih theih bang bang un zom in khua khat

pan khua khat ah a simtham in pawlneu khen Waldenses te tawh ki mu uh

hi.Tua lai ah mawhna pulakna le biakpiakna nei uh hi. Khualzin a thugen Wal-

denses te pen barba ci in ki thei hi. Barba te omna ding gelsak in khuakhat pan

khua khat a pai theihna ding un asimtham in gel sak uh hi.

Kiim le paam ah mun ngah nawnlo uh a, mualtung khawng le kuahawm

khawng a atai uh kul hi. Amuh peuhpeuh kiangah Laisiangtho hilhna tawh

Pasian a masak na uh zom suak uh hi. Amau nasep na in khuamial sung a,

khuavak bang ding cih thei uh hi. Amaute pen puahpha te ading in a madawk

te hi uh a, Pasian gam sangin a mau nopsakna masak ding anial a cianlai mite

limla uh a hihi.

Tunin numei, pasal le naupang te Pasian kammal ah citak in Pasian gam a

masak den, a cianlai pawlpi ding in ong ki sam hi.

Waldenses pen na khempeuh suplawh liang akul hang in Pasian masak uh hi.

Amau hanna in ong zo mahmah hi.Jesu in ong gupkhiatna ding in nakhempeuh

nusia a, Ama itna in ih nuntakna ah Akumpigam masak ding in ong sam hi.

Pawlpi tanute’n sumpi le sehsuahte ong kaihkhop kawm un Pasian masak

dingin ong ki to hi.

Date post:	04-Feb-2023
Category:	Documents
Upload:	khangminh22
View:	0 times
Download:	0 times

Tithe leh Sumpi tawh Kisai Laisiangtho Mun Pawlkhat - Zomi ...

Documents