Diabierna 19 April 2013

Diabierna April 19 2013 - Edicion-7 Vol.19218 Sta.Cruz#110 Tel: 585-9500 Fax:585-0951 - E-mail: [email protected] 1.50

URATACA CENTER

Grouper, Arroz, Pan Bati &

Banana

Afl. 10.00 (di 12 pa 3pm) Tel: 585-5212

Mystical Connection ta lanza nan exito nobo Let Love Reign na

TOP FM

Di MEP pa BABA y Otronan di AVP!

Klinkers y Asfalt no ta drecha calidad di bida di ningun

hende!

Segun Marlon Werleman:Mientras cu lo tin 4 barco crucero a

cancela bishita!

E aumento di turismo no ta refleha den mas actividad economico!

E contestanan di Minister Plasterk

ta confirma cu e prestamo di

Hulanda ta mara na condicionnan

Parlamentario di MEP, mr. Juan Ady Thijsen:

MinisTRO PLAsTERK TA PEgA Cu MALEzA di MiKE EMAn y TA FALTA REsPET

PA TwEEdE KAMERAbogado di Arubus, Ronnie Wix:

E sentencia di huez no ta e eindstation

Francis Jacobs ta continua cu su bishitanan den su bario di Tanki Leendert y Tanki Flip

Anochi di informacion pa

mayor y alumnonan di klas 3 di La Salle

CollegeDiamars

23 di April di 17:45 20:00

Pagina 2 Diabierna April 19 2013

STA. CRUZ -- Relaciona cu e Protocol di Diahuebs Santo cu a keda firma entre Aruba cu Hulanda, e parlamentario Hulandes Bosman di VVD a haci preguntanan oficial na Minister Plasterk di Relacionnan di Reino. E parlamentario Hulandes a cuestiona e Minister riba e preocupacion cu ta ser treci dilanti den e rapport Feestvierend ten Ondergaan di MEP y a pidi aclareacion con bin cu Hulanda ta dispuesto pa presta Aruba placa, sabiendo con e situacion financiero ta hinca den otro. For di e contestanan di Minister Plasterk ta bira bisto cu un eventual prestamo di Hulanda na Aruba ta mara na condicionnan. Tur cos ta mustra cu entre nan e criteria di e Ley di Reino pa supervision financiero lo ta aplicabel pa Aruba. E mandatario Hulandes den su contesta a ripiti locual tin poni den e Protocol bisando cu Hulanda kizas lo por fia Aruba placa pero pa esaki Hulanda lo haci un evaluacion na man di criteria di maneho sostenibel di finanzas publico y posibilidad di pago cu ta wordo aplica den Reino y tambe riba mercado i n t e r n a c i o n a l . Hulanda ta reserva e derecho pa keda sin presta placa si acaso Aruba no por cumpli cu e criteria nan aki. Den su contesta e Minister ta mustra cu den Reino, Corsou y Sint Maarten ta

haciendo uso caba di e posibilidad pa presta placa di Hulanda bou di e condicionnan regla den e Ley di Reino pa supervision financiero. Y awor hunto cu Aruba lo bay explora bao di cual condicion Hulanda lo por presta Aruba tambe placa. For di e contesta aki ta bira bisto cu e criteria di Reino a base di cual Hulanda lo evalua pa presta Aruba placa, lo ta e mesun criteria cu tin poni den e Ley di Reino pa supervision financiero cu awor aki ta conta pa Corsou y Sint Maarten. Pasobra den Reino no ta existi otro criteria pa evalua maneho sostenibel di finanzas publico y posibilidad di pago. Di e manera aki Aruba lo mester bay bao di supervision pa por yega na remarca pa haya placa di Hulanda presta. Sin control, no tin placa. Mester remarca cu no ta pa casualidad cu Aruba mester bay institui un Colegio di Conseho pa haci Supervision manera poni den e Protocol. E Colegio aki mester bay haci e

control necesario pa Hulanda mescos cu e Commissie Financieel Toezicht (CFT) ta haciendo awor aki na Corsou y Sint Maarten pa cumpli cu e criterianan poni den e Ley di Reino pa supervision financiero. Di e manera aki no ta Aruba sino Hulanda por medio di e Colegio lo dicidi con Aruba mester anda cu su finanzas publico pa asina nos por haya placa fia. Asina aki nos ta perde nos autonomia pa dicidi riba nos mesun cartera na nos mesun Pais. For di e contestanan di Minister Plasterk na parlamentario Bosman ta bira bisto cu e ponencia di Gabinete Eman y e p a r l a m e n t a r i o n a n di AVP cu no tin condicion mara na e eventual prestamo di Hulanda ta cay na awa. Pa Aruba fia placa di Hulanda nos mester bay cumpli cu entre otro e criteria di Ley di Reino pa supervision financiero cu lo hiba nos bao di supervision di Hulanda perdiendo asina nos autonomia financiero.

Parlamentario di MEP, mr. Xiomara Ruiz-Maduro:

E contestanan di Minister Plasterk ta confirma cu e prestamo di

Hulanda ta mara na condicionnan Entre nan e criteria di e Ley di Reino pa supervision financiero

lo ta aplicabel pa Aruba

STA. CRUZ -- Klinkers y asfalt por haci e aspecto of bista di e bario bunita pero e no ta bisa nada di e calidad di bida di e hendenan! Pueblo kier progreso economico duradero cu ta duna trabao y pa gobierno haci algo cu costo di bida halto cu tin! BABA y otronan di su koor no mester kere cu pueblo a lubida kico nan a priminti na 2009. 4 aa despues ta promesanan no cumpli so a keda! Anto ainda tin hopi curashi di pega sticker y bisa cu gobierno di BABA a haci Bon Trabao! Na unda e bon trabao ta? Kizas esnan cu ta cana rond di BABA y otronan cu a yena nan saco y ta probecha di e gobierno directo of indirecto por grita Bon trabou! BABA y otronan a priminti cu nan lo elimina BBO, baha prijs di awa y coriente y gasoline! Tambe lo combati pobreza, crea trabao pa nos hendenan y habri Valero bek! BABA y otronan mester puntra nan mes, prome cu e grita Bon Trabou y 4 aa mas, kico a keda di tur e promesanan aki di 2009. Y ta esaki ta loke partido AVP y Gabinete Mike Eman lo wordo recorda y huzga pe na September proximo! BABA tene cuenta cu e pueblo aki no ta lubida! We will not forget! BABA y AVP no a priminti tram, fiesta y deroche di placa di pueblo, Ni miyones den un soo berde cu green conference etc. Ni Wubbo Ockels cu su boto corda pa haci negoshi pa Hulanda! E pueblo di Aruba mester y ta den necesidad urgente di otro prioridad! Ki bal

e caminda dilanti cas ta bunita cu klinkers y paden e tata ta sin trabao y e cas ta sin coriente y awa! Pa MEP e ser humano ta y semper lo keda central y sigur klinkers no ta e prome prioridad! Tur trabao di infrastructura y drecha y asfalta caminda ta un trabao cu tur gobierno mester y semper a haci! Un mas cu otro pero semper ela sosode! Pueblo no ta spera otro di su gobierno! Ta pesey e ta paga belasting! Verf cas y drecha cas di pueblo ta tarea di FCCA y semper nan a hacie pasobra ta propiedad di FCCA e casnan ta! BABA ki dia bo gobierno ta traha 1 cas di pueblo? BABA abo y bo partido a manipula cu pueblo na 2009 cu boso tin solucion y lo habri e refineria! Pasobra ta e BBO y MEP a cere na 2008. BABA, Mike & Mike ta cu ki cara boso por drenta cas di e hendenan cu bo a gaa na 2009 y cu awe hopi a keda sin trabao y desampara! Hopi mester a bandona nan famia y nan isla pa busca trabao otro caminda! Cuanto hende y famia ta biba den situacion dificil y na margen di pobreza? Anto boso tin pudor y curashi di grita Bon Trabou y ainda falta mas? Mas pobreza y mas miseria pa pueblo mientras BABA y AVP and friends only si ta biba bon! E mentalidad di pensa cu 50 florin pa nos grandinan boso por tapa of camufla m a l g o b e r n a c i o n ? BABA y AVP mester tin bergueza di cana den pueblo y grita Bon trabou!

Di MEP pa BABA y Otronan di AVP!

Klinkers y Asfalt no ta drecha calidad di bida di ningun

hende!

Pagina 3Diabierna April 19 2013

STA. CRUZ -- Ayera mainta e homber H.M. y e persona femenino F.D.L., a presenta dilanti Huez pa scucha nan sentencia den un caso penal. Nan ta wordo sospecha di fraude di belasting y labamento di placa, mientras cu e homber H.M. a wordo haya cu arma di candela y municion. Huez den su sentencia a bisa cu e ta haya legalmente proba e fraude di Belasting y labamento di placa. Ademas Huez ta haya legalmente proba cu H.M. tabata den posesion di arma di candela y municion. Huez a bisa cu contrario na opinion di Fiscal, cu a basa su mes cu e pareha a laba placa na balor di 6 miyon florin, Huez ta calcula cu e pareha a comete fraude y laba 3.7 miyon florin. Huez a bisa e pareha cu en principio e castigo exigi pa Fiscal, ta na su lugar. Fiscal a exigi 1 aa di prison pa H.M. di cual 3 luna ta condicional cu un tempo di prueba di 2 aa y un multa di 250 mil florin y si e no paga esaki e lo mester bay 1 aa cera. Pa F.D.L., Fiscal a exigi 5 luna di prison. Huez a bisa cu sinembargo e ta tene cuenta cu ambos persona ta promer biaha cu nan ta haya nan mes envolvi den un asunto asina. Huez a tene cuenta cu e pareha a trece claridad den e investigacion y cu nan a mustra cu nan ta lamenta loke nan a haci. Ademas Huez a tene na cuenta cu e pareha a yega na palabracion cu Departamento di

Belasting pa paga bek. Tambe Huez a tene na cuenta cu e pareha a tuma medida pa evita algo asina por ripiti den futuro. Huez a bisa cu e ta tene na cuenta tambe cu Departamento di Belasting a bende pertenencianan di e pareha mas barata cu nan balor real. Huez a sigui bisa cu e ta tene na cuenta cu e hecho cu Fiscal a anuncia cu e lo bay persigui e pareha financieramente. Huez tambe a bisa cu e ta tene na cuenta cu e restaurant a sufri dao di reputacion door di publicidad di e caso. Huez a bisa cu e no ta haya cu e pareha mester bolbe bay cera, manera Fiscal a exigi. El a condena F.D.L. na 300 dia di prison, di cual 274 dia ta condicional cu un tempo di prueba di 2 aa. Ademas Huez a castiga F.D.L. na 240 ora di servicio pa comunidad. Huez a fiha un multa di 25 mil florin y si F.D.L. no paga esaki, e lo mester bay 1 aa cera den prison. Huez a bisa tambe cu tur loke a wordo confisca y cu no a wordo debolbe, mester wordo debolbi. Huez a condena H.M. na 360 dia di prison, di cual 324 dia ta condicional cu un tempo di prueba di 2 aa. Huez tambe a castiga H.M. cu 240 ora di servicio pa comunidad. Ademas Huez a fiha un multa di 50 mil florin y si H.M. no paga esaki, e lo mester bay 1 aa cera den prison. Pa loke ta e arma y municion, Huez a duna orden pa destrui esakinan.

Caso di famia Merry weather:

Huez a condena H.M. na 360 dia di prison (324 condicional) y

FDL 300 dia di prison 274 condicional)

Huez a tene cuenta cu e pareha a trece claridad den e investigacion y cu nan a mustra cu nan

ta lamenta loke nan a haci

STA. CRUZ Abogado Ronnie Wix, representante di Arubus

a comenta cu nan ta respeta e decision di huez pero esaki no ta

significa cu nan ta di acuerdo cune. Arubus tin un scala di posibilidad pa sigui cune. E sentencia aki no ta e eind station. Locual a bin dilanti ta cu e trahadornan aki a keda cu placa cu no ta di nan; algo cu nan no a desmenti te dia di awe. Cu otro palabra nan ta usa diferente argumento pa purba bagatiliza e seriedad di loke nan a haci. Tabata tin 3 trahador cu a admiti cu nan a keda cu e placa pero huez a gewoon fiets overheen, segun abogado Wix.

Abogado di Arubus, Ronnie Wix:

E sentencia di huez no ta e eindstation

Ladron a bay cu pistool Glock for di un cas

STA. CRUZ -- Presencia di polis a wordo pidi diarazon pa 1:18 di madruga, na un cas na Montaa unda ladronnan a drenta den un cas. Eynan polis a papia cu e homber, cu ta biba den e cas, kende a bisa cu desconocirnan a kibra y a bay den su cas. Segun e ta bisa cu un di e articulonan cu nan a horta ta un pistool glock 17, sin pea y municion. Polis a tuma e keho y a pone personal di T O D na haltura. E homber a declara cu e bisianan a tende e alarma, pero no a reacciona. Den e cas polisnan a mira cu e wayanan di e alarma tabata corta. E caso tin atencion di polis.


STA. CRUZ -- Mr. Juan Ady Thijsen a ricibi directamente for di Hulanda for di colega di Tweede Kamer un copia di contestanan di Ministro pa Asuntonan di Reino seor Plasterk na miembro di Tweede Kamer seor Bosman di VVD. Manera conoci sr. Bosman a manda un serie di 10 pregunta na Ministro Plasterk tocante e protocol firma door di Prome Ministro di Aruba Mike Eman y e Ministro Hulandes. E protocol ta un ehecucion di un protocol di cooperacion firma na Oktober 2011. E di dos protocol aki ta pa acorda e voluntad di Hulanda pa yuda Aruba haya placa presta riba mercado internacional. Parlamentario Bosman ta preocupa cu Aruba tin un situacion financiero precario basa riba un mal maneho financiero y ta pone Hulanda su reputacion na peliger. Parlamentario mr. Juan Ady Thijsen ta constata cu e contestanan di Ministro Plasterk no tin contenido y cu Ministro Plasterk ta falta respet na Tweede Kamer yacu e no ta contesta e preguntanan sino ta referi Parlamentario Bosman pa bay puntra

gobierno di Aruba. Segn parlamentario, mr. Juan Ady Thijsen Ministro Plasterk ta lubida cu e hecho cu Aruba no ta mara na e consensusrijkswet cu ta mara Corsou y Sint Maarten, no ta kita afor cu ainda ta existi articulo 43 lid 2 di Statuut unda ta para cu Reino Hulandes tin waarborg di principionan di bon gobernacion den Reino y ta den cuadra di esey mester mira e preguntanan di Parlamentario Bosman, kendenan a puntra claramente e opinion di Ministro Plasterk. Door di referi pa Parlamentario Bosman check cu gobierno di Aruba, Plasterk ta core pa su responsabilidad. Pa es motibo aki e contestanan di Ministro Plasterk no a cay

den bon tera den Tweede Kamer y sigur e asuntonan aki no lo bay keda te aki. Segn Parlamentario mr. Juan Ady Thijsen aki ta trata di parlamentario Hulandes di coalicion y door di esaki e ehecucion di protocolnan firma ta core peliger. Ya caba un mocion den Tweede Kamer tocante e prome protocol a ser rechaza den Tweede Kamer. Pa loke ta toca e aspecto di toezicht, segn parlamentario mr. Juan Ady Thijsen, ta importante pa remarca e referencia di Ministro Plasterk na condicionnan financiero den Reino pasobra te awor ta uno so nos conoce esta, e sistema di CFT na Corsou y Sint Maarten. Lo busca otro nomber pa e forma di condicionnan aki pero na momento di referi na condicionnan di Reino nos sa di awor aki caba cu na momento cu Aruba bay over pa pidi Hulanda subi mercado internacional pa Aruba haya un prestamo, Aruba lo ser poni bao condicionnan financiero mescos cu Corsou y Sint Maarten. Pa esnan cu ta duda tuma bon nota di esaki cu ta indica cu nos autonomia financiero ta den peligro serio.

Parlamentario di MEP, mr. Juan Ady Thijsen:

Ministro Plasterk ta pega cu maleza di Mike Eman y ta falta

respet pa Tweede Kamer

STA. CRUZ Sr. Francis Jacobs ta continua cu su bishitanan den e bario di Tanki Leendert y Tanki Flip, e bario na unda ela lanta, a wordo cria y te dia di awe ainda ta na unda e ta bibando. Tin di bisa cu Francis Jacobs ta un persona hopi conoci mes aki na Aruba pa su bon trabaonan cu ela desplega tanto ariba tereno di turismo, cultura y un parti den deporte. Francis ta un persona dinamico cu hopi talento ta wordo ricibi cu braza habri cerca su pueblo di Tanki Leendert y di Tanki Flip cu ta dune tur e respaldo pa e eleccion di e aa aki. Tin di bisa cu Francis ta un persona cu semper ta stima pa su hendenan y mucho mas awor cu ela dicidi di ta un protector, defensor y cla pa traha pa su pueblo. Durante su bishitanan, Francis a dicidi di tuma un momento pa asina bishita e hobennan pelotero ariba e tereno di Hubentud Tanki Leendert y aki Francis a wordo ricibi cu brazanan habri door di e hobennan aki. Y mester bisa cu e hobennan aki a reconoce Francis como e persona cu ta ariba defensa y alavez bringando pa e hobennan aki haya e pida tereno pa nan por yega na nan compleho deportivo. Manera mi ultimo articulo encuanto e tereno aki, mi a sugeri y urgi gobierno di Aruba, Minister President y Minister di Deporte pa yuda cu e ortogacion di e pida tereno pa comision di Hubentud Tanki Leendert pa e hobennan aki. Momento

cu Francis a yega cerca di e tereno por mira con e hobennan aki a core acerca Francis pa asina salude y varios di nan a menciona y haci pregunta, Meneer ta e persona cu ta bringa pa nos haya nos tereno, no? Aparentemente door di medionan di comunicacion e hobennan aki a waak Francis su intencion di yuda nan. Francis Jacobs a comenta, mi lo sigui cu mi bishita den mi pueblo di Noord/Tanki Leendert en especial y alavez a agrega cu e lo sigui lucha pa deporte y specialmente nos hubentud. Francis Jacobs, un persona, un tata ehemplar y sigur un persona cu curashi, respet, disciplina y positivismo a agrega, nos ta biba ariba un pais democratico y mas ainda mi ta pertenece na un partido Social Democrata cu ta Movimiento Electoral di Pueblo MEP. Na tur persona cu ta critica mi via radio, corantnan electronico, facebook etc pa e lucha pa cu mi tin pa mi pueblo di Aruba y mas ainda pa e hubentud di Aruba sin importa color, raza, color politico, religion lo no stop mi di sigui cu e lucha. Seor a trece nos na mundo pa nos por biba den unificacion y esey ta mi caminda y mi berdad. Ariba e foto adhunto por aprecia Francis para hunto cu e hobennan pelotero y cu e entrenador di cual ela elogia masha hopi mes pa su balentia, amor y dedicacion na nos hobennan. Bario di Noord keda pendiente pa bishita di Francis Jacobs.

Francis Jacobs ta continua cu su

bishitanan den su bario di Tanki Leendert y

Tanki Flip

Dia 19 di April 2013 lo aparece den Corte di

Prome InstanciaPa 8:30 am: E.A.H. ta wordo acusa cu e, conhuntamente cu un otro of otronan,

tabatin un pistool y/of bala den su poder den e periodo di 2 di November 2009

te 25 di Oktober 2012, cu e tabata tin un revolver den su poder y/of bala den e

periodo di 7 te 9 di Oktober 2012 y cu e tabatin un revolver den su poder y/of

bala riba 25 di Oktber 2012. Tambe e ta wordo acusa di tabata tin un harpoen

den su poder riba 25 di Oktober 2012.

Pa 9:30 am: R.v.d.B. ta wordo acusa di kiebro riba 21 di November 2012.

Pa 10:30 am: R.F.B. ta wordo acusa di kiebro na 2011, di ladronicia riba 22 di

Oktober 2011, di heling den e periode di 13 pa 27 di November 2012, di a kibra

ley di droga riba 7 di September 2012 y di kiebro riba 21 di November 2012.


STA. CRUZ -- Unda e turistanan di Otmar ta? Un dicho cu tur dia ta wordo scucha den nos sector di turismo y sigur cerca esnan cu tur dia ta depende di e bishita y entrada di turismo! Kier meen maske cu segun cifranan compila nos isla a haya mas bishitantenan e prome 3 luna di e aa aki, esta un aumento di 6.7% compara cu aa pasa, e cifranan aki no ta refleha den mas entrada pa nos comercio! Esnan cu ta traha directo den nos industria di turismo, den restaurant, watersport, carrental, tour- operator, etc, no a mira of sinti mas actividad cu normal cu excepcion di semana santa! Esta hopi menos entrada compara cu otro aanan! Pues si tin mas turista mes compara cu aa pasa esaki no ta wordo refleha den mas actividad economico! Simplemente e turista no ta gasta placa

manera antes y hopi no ta bandona nan hotel mas! Tin hopi tienda, mini-market y souvenirshop, estableci den nos hotelnan cu pa hopi aa a draai ariba e venta cu turistanan ultimo tempo no ta waak e turistanan cumpra manera antes! Ni e cosnan basico nan ta drenta cumpra! E restaurantnan cu ta depende ariba turista cu mester un averahe di cliente minimo pa dia pa nan por sobrevivi ta mira tur siman e cantidad di bishitantenan bira menos! Tin un temor grandi pa e (s)low season cu ya a cuminsa! E minister di Turismo ta gaba cu ela logra di haci cu Aruba lo no conoce un low season mas pa loke ta trata bishitanan di barconan crucero entre Mei y September pero asina mes no ta conoci si ta trata di e aa aki of ta na 2014. Esaki tin hopi hende y sigur comerciantenan

confundi! Pasobra otro informacionnan ta indica cu e periodo di Mei pa September di e aa aki, conoci como low season, no lo ta otro cu mescos cu aa pasa! Aki ta na unda cu e comerciantenan ta haya cu e minister di Turismo mester ta mas sincero y cuminsa papia poco berdad! Y por wel di ta bin un poco mas turista pero no ta turista cu ta gasta placa! E cifranan cu cantidad di turista a subi y cu e ADR y REVPAR tambe

a subi en realidad no ta wordo sinti tur caminda! Esaki ta e realidad cu esnan den turismo ta biba diariamente cune! Esta cu e minister di Turismo ta pinta un panorama mas bunita cu en realidad e situacion ta! Tin crisis tur caminda y esaki tin consecuencia pa e patronchi di gastamento di placa di parti di turistanan! Den hotelnan timeshare esaki ta wordo mas sinti na unda cu turistanan ta huur

menos auto y ta prefera mas tanto di cushina nan mes cuminda y keda na y rond di hotel so. Tampoco e minister di Turismo no por neglisha e parti di seguridad pa cu nos turistanan! Por constata un aumento preocupante e ultimo tempo di atraco y ladronicia ariba turistanan cu sigur lo no ta positivo mas nos pais! Cada turista cu wordo horta ta bay su lugar bek cu un mal experiencia y sigur cu mal propaganda pa nos isla! Nos pais cu semper a wordo bendi como un lugar safe y sigur no mester di e desaroyo negativo aki! Y poco ta tende di e minister di Turismo y gobierno di AVP cu nan lo kier haci algo concreto y atende e asunto aki den forma serio y structural! Turismo ta nos unico pilar economico y no conoce color politico! Nos tin cu traha pa mantene, engrandece y cuida loke nos tin!

Segun Marlon Werleman:Mientras cu lo tin 4 barco crucero a cancela bishita!

E aumento di turismo no ta refleha den mas actividad economico!


STA. CRUZ -- Amanda Maduro a ricibi su bul na Universidad di Aruba despues cu ela defende exitosamente su tesis De aansprakelijkheid van de overhead voor opstallen na Wilnis. E comision di examen cu a evalua e tesis di Amanda tabata consisti di

mr. dr. C.J.M. Bollen, mr. dr. J. Isral y mr. dr. E. Witjes. E ceremonia a tuma lugar den presencia di miembronan di famia y amistadnan di Amanda y Universidad di Aruba ta duna Amanda masha pabien cu e resultado final y ta desee hopi exito pa futuro.

Amanda Pamela Maduro a gradua na Universidad di Aruba

STA. CRUZ Segun mr. Andin Bikker, e ta kere cu tin cosnan ta pasa na FCCA cu no ta bon. Hopi hende a perde trabao den e ultimo tempo y FCCA no ta tene cuenta cu esaki den su maneho y tabelnan di entrada cu ta wordo usa cu e clientenan. Hendenan ta bay FCCA pa avisa cu nan a perde entrada pero nan no ta haya oido y FCCA a manda incassobureau pa nan. Tambe a haya carta di abogado. Lo bay haci pregunta na e Minister bao di cual e instancia aki ta cay. Personanan tin aanan ta warda riba cas pero nada. No a bin proyectonan grandi di casnan nobo tampoco. A embeyece algun proyecto pero te ey. Lo bay busca mas informacion riba e aspecto aki y haci pregunta: Cual ta e proyectonan cu a wordo ehecuta y cualnan ta na caminda? E tarea di FCCA ta pa traha casnan popular pagabel pa publico.

Sr. Andin Bikker di PDR:

FCCA no ta tene cuenta cu esnan cu

a perde trabao


MADURO HEAVY EQUIPMENT N.V.

ROOI BOSAL 49TEL.: 585-1708 FAX.:585-6299

Santo pa Basha, Santo pa Pleister, Crushed Sand, Piedra, Tera pa

Mata, Graniet. Tambe nos ta Rosa Tereno, Coba Pos y Fundeshi.

STA. CRUZ -- For di publicacionnan den Prensa nos por a tuma nota cu minister Visser lo a entrega na gobierno un business plan pa Instituto Medico San Nicolas, IMSAN. Como cu, manera ta e custumber cu e gobierno aki, Parlamento un biaha mas a keda sin ricibi copia di e business plan aki, diamars, dia 16 di April ultimo, mi a haci un peticion na Presidente di Parlamento, sr. Paul Croes, pa e obtene for di gobierno copia di tal business plan y pone na disposicion di Parlamento. Tanten cu Parlamento NO ta dispone di e copia ey, pues ami tampoco, mi mester bay tras di locual prensa ta publica, cu pues ta wordo informa door di e gobierno aki PROME cu e representacion di Pueblo, esta Parlamento, locual un biaha mas ta demostra e falta di respet di e gobierno aki pa cu e instituto Parlamento; y aki tanto Presidente como e otro 11 marionetanan den Parlamento ta keda keto; di otro banda, den caso cu nan SI a ricibi copia di e business plan, esaki lo ta otro muestra di e falta di transparencia den cua e gobierno aki ta campeon! Como minister di Salud den e gobierno anterior, na 2009 mi a laga diferente proyecto, e fondonan, pero tambe e equipo, pa minister Visser continua. Por

ehempel e proyecto di radiologie, e wondenpolie tabata ey caba! NO ta proyecto di minister Visser! Ya como minister mi a percura pa cambia e servicio di ambulance, for di un simpel transporte, pa un transporte CU cuido medico(verpleegkundige) a bordo! Pa haci como si fuera ta proyecto di Visser, ta engao (om de tuin leiden) di nos comunidad! Si mi a comprende bon, e unico cos nobo den e vision di minister Visser ta e oncologia cu mi ta apoya tambe. Mi tabata, y ainda mi ta boga pa un asina yama thema-ziekenhuis (hospital tematico) pa problemanan cardio-vascular, den cua hunto cu e aspecto curativo, e aspecto preventivo tambe lo a wordo atendi. Awor minister Visser ta haci

todo lo posibel pa hustifica su decision cu e hospital tematico aki na San Nicolas no ta bin mas. Pakico un hospital tematico? Hospitalnan generalmente ta ofrece e cuido medico hospitalario y di consultorio riba casi tur tereno specializa! Pa locual ta trata e hospital na San Nicolas, despues di hopi estudio a yega na e conclusion cu mester bin cu un thema-ziekenhuis cu un super-specialisacion di tur loke ta trata problemanan medico riba tereno di curazon y di bena, pues tur loke tin di haber cu enfermedadnan a consecuencia di obesidad. Tur hende, particularmente sr. Visser sa cu esey ta un di e problemanan di salud mas grandi cu nos tin aki na Aruba. Y nos tur sa cu e cantidad di hendenan cu tin problemanan di salud a

consequencia di sobrepeso na Aruba, ta alarmante. Teniendo cuenta cu e hecho aki, gobierno anterior hunto cu AZV a tuma e decision pa converti e Centro Medico Rudi Engelbrecht den un hospital specialisa riba tereno CARDIO-VASCULAR! Kico e hospital aki lo por ofrece? Tur hende sa cu un di e consequencianan di obesidad ta problemanan cardio-vascular. Den cuadro di esaki e plannan a inclui delaster un cuido medico cu tin di haber cu esaki. Pesey e hospital aki lo a haya: *Un diabetes-centrum.*Radiologia.*Funktiekamer, den cual tur test di cardiologia por ser haci. *Kamber di gips.*Ambulance.*Prome auxilio; sala di emergencia. *Kamber di operacion. *Cateterizacion. *Cuido intensivo. * H o s p i t a l i z a c i o n (ve r p l e e g a f d e l i n g).* Po l i c l i n i c a pa cuido di herida *Specialista di wowo. E vision aki lo mester a desemboca den hisamento di e calidad di e cuido medico aki na Aruba, y no ta manera sr. Visser kier pinta e proyecto aki manera algo cu no ta sirbi y cu no ta factibel. Aparte di e specializacion aki TUR otro operacion lo por ser haci den e hospital na San Nicolas, pasobra tin kambernan di operacion,e cuido intensivo, kambernan di enfermeria, tratamento y operacionnan cerca di famia! Esaki ta conta particularmente pa esnan cu mester ser cateteriza of haci un operacion cardiaco. Pa esakinan tur hende mester bay of Colombia of Venezuela. Naturalmente mester yega na acuerdonan cu e specialistanan local pa nan bin duna cuido na San Nicolas tambe. Varios specialista ya caba ta dunando nan servicio den e edificio aki. Cu e hospital aki tanto e pacient como e specialista por scoge unda e kier ser trata of duna e servicio. Y unda tin competencia SANO, e pacient lo sali ventahoso! Den e setting cu a scoge, IMSAN mester por funciona riba su mes, pero den un bon cooperacion cu Dr. Horacio Oduber Hospital y e specialistanan, pa di e manera ey crece bira algo di cual nos por ta orguyoso y cu por wordo maneha pa nos propio yiunan di tera. Pues no solamente e ta un hospital pa problemanan cardio-vascular, pero tambe pa TUR otro specializacion!

Drs. Booshi Wever, Parlamentario Independiente:

BUSINESS PLAN DI MINISTER VISSER UN FARCE?? MINISTER VISSER NO TA SINCERO CU

PUEBLO! HOSPITAL NA SAN NICOLAS TIN 100% DERECHO DI EXISTENCIA!! (part 1)


STA. CRUZ -- La Salle College kier a invita mayor- y alumnonan di CA1 (Klas 3) pa un anochi informativo. Esaki lo tuma lugar diamars 23 di April na La Salle College. E orario ta di 17:45-20:00 or. Na e anochi informativo aki mayornan y e alumnonan di CA1 lo haya informacion tocante e pakete di materianan cu alumnonan den CA1 por scoge y informacion sobre estudionan avanza. Pa duna informacion tocante estudionan avanza lo tey presente tur cuatro unit di EPI, Colegio Arubano y Colegio San Nicolaas. Pa purba di kita tur duda y yuda e alumno pa scohe un direccion e anochi aki ta di suma importancia. Pesey La Salle College ta organiza un anochi informativo asina importante na unda nos ta spera cu tur mayor y alumnonan lo haci acto di presencia. Nos ta conta cu boso presencia!

Anochi di informacion pa mayornan y alumnonan di klas 3 di La Salle College

Diamars 23 di April di 17:45 20:00

STA. CRUZ -- Siman pasa tabata tin veredicto den caso di Europehouse. Gabinete Mike Eman a cumpra e edificio unda e restaurant Dolce Vita tabata situa. Eyden a keda estableci e Europehouse. A resulta cu e edificio tabata tin un huurdo. No a respeta e contract di huur y e caso a bay corte. Den prome instancia y siman pasa den apelacion e huurdo a perde e caso, pero e caso ta sigui den bodemprocedure. E venta a bay segun e ABC modelo. A ta bende B y B ta draai bende C na e mesun mesa sinta. A a bende B e edificio pa 900 mil florin y B a draai bende C pa 1 miyon y 400 mil florin. B a strika den un minuut mey miyon florin. A dicidi pa deal cu A, pasobra un otro friend and family di AVP lo a hinca como su investment personal 100 mil florin den e edificio y tabata na punto di perde su placa. E persona aki B, aunke su fam ta cuminza cu C. a draai bende cu compania di gobierno. Kier meen a cumpra e edificio pa 1 miyon 400 mil florin cu placa di pueblo cu

ya ta paga prijs halto di awa y coriente. Di e mey miyon florin, probablemente B a recupera su 100 mil florin y unda e 400 mil florin a bay para? E modelo ABC ta wordo considera rond mundo como un forma di corupcion. No tabata necesario mes pa Gabinete Mike Eman a cumpra e edificio ey si e tabata kier pa Europehouse bin e eynan. Eynan mes gobierno tin tereno anto hopi mas grandi cu e tereno di Dolce Vita. A resulta awor cu pueblo a hinca 700 mil pa drecha e edificio di Dolce Vita despues di a cumpre pa 1 miyon y 400 mil florin. Kier meen en total gobierno a gasta 2 miyon y 100 mil florin den e edificio bieu y verval aki. Expertonan a calcula cu usando e suma aki di 2 miyon y 100 mil florin, por a construi riba e tereno di gobierno ey tras mes, un edificio hopi mas grandi y nobo nobo y segun e necesidadnan di un centro di conferencia manera Europehouse ta exigi. Toch a dicidi otro, pa yuda somebody. E pueblo ta paga toch!

Rudy Lampe di RED:

E berdad tras di Europehouse

STA. CRUZ -- Setar conhuntamente cu Young Blood Foundation y otro sponsornan cu tur aa ta apoya e competencianan di flie ta bay haci e celebracion di e aa aki aun mas grandi cu lo hiba e nomber: Kite Slam 2013, Oranje Boven. Sr. Richard Paesch, president di Young Blood Foundation,dirigente Lifida y alavez miembro di e comision organizador di e competencia di flie 2013 a splica cu a dedica e aa aki na Cas Real mirando cu pa aanan largo a celebra e dia 30 di April como dia di La Reina cu diferente actividad y tamba pa cu e honor na nos Mahestad Reina Beatix. Tambe a haci un apelacion pa tur hende bin bista na e color oranje na e competencia di dia 30 di April 2013 na honor di nos Reina y riba peticion di Gobernador di Aruba. Maurice Kelly, di e departamento di Corporate Communications di SETAR a bisa cu den cuadro di e celebracion di 10 aa di SETAR como NV, SETAR ta patrocina e competencianan di dia 30 di April 2013. E tema den cual tin premiacion ta: SETAR 10 aa como NV. Mirando cu e aa aki ta ultimo aa cu nos ta celebra Aa di La Reina y cu otro aa ta bira celebracion di Aa di Rey e ta dune un toke special. Nos di SETAR lo ta presente durante e competencia di hisamento di flie riba veld di Jong Aruba pa

asina disfruta tambe di e evento aki. SETAR kier a invita un y tur pa participa activamente of como public na e competencia di hisamento di flie. Sr. Anthony Koolman, secretaris di Young Blood Foundation a gradici banda di e patrocinadornan menciona tambe un y tur cu a yuda durante tur e aanan sosteniendo e competencia di flie cu nan ta organiza tur aa y cu a bira hopi grandi. E meta principal ta pa mantene e pustamento di flie na Aruba y recauda fondo pa e team di Jong Aruba Lifida Menor y mayor den AVB divisin Hubenil. Ela gradici gobierno di Aruba y Minister di Infrastructura cu a coopera cu e baricadenan. E dianan di competencia ta: Diabierna dia 26 di April 2013, cual ta un competencia cu flienan cu luz y lo ta den oranan di anochi di 7:30 pm pa 11:00 pm. Lo cuminsa

registra 6:30 pm. E categorianan: 1 pa 2.5 meter. Patrocinador pa e anochi ey ta NV ELMAR y tambe Dario. Diasabra dia 27 di april 2013, lo tin un competencia di flie den oranan di dia di 9or di mainta pa 7:30 di anochi. SETAR lo ta e patrocinador pa e dia aki cu e premionan cash y premionan apart. E categorianan lo ta: A: 0,50 m- 1,00 m; B: 1,05 m-1,50 m; C: 1,55 m- 2,00 m. E categoria Ay B lo ta 6 flie banda di otro. Categoria C lo ta 4 flie banda di otro. E patrocinadornan ta TEMPO NV y Diario cu SETAR lo duna premio apart. Diamars dia 30 di April 2013, lo tin un competencia tambe di henter dia. E ora lo ta di 9:30 am pa 7:30 pm y lo tin 3 categoria e dia aki. D : 2,50 m 3,25 m; E: 3,50 m-4,25 m; F: 4,30 m-5,00 m. Inscripcionnan a cuminsa caba y ta tuma inscripcion te cu dia 22 di April proximo.

SETAR celebrando su 10 aniversario como NV ta join

Young Blood Foundation Den competencia di Flie na honor di Cas Real dianan 26, 27 y

30 di April 2013


STA. CRUZ -- Manera menciona den un comunicado anterior e consumidor por apela riba garantia legal a base di uso normal di e producto. Si bo no ta usa un producto di manera normal y esaki ta causa cu e producto ta kibra, anto e ora bo no tin derecho riba garantia. Pues e disposicionnan di garantia legal ta basa riba uso normal. Pa por apela riba garantia legal no ta importante loke e consumidor ta considera uso normal, sino loke normanan general ta considera uso normal. Bo no mester interpreta uso normal mucho streng tampoco. Ban bisa cu bo ta cumpra un mesa di cushina. E mesa aki ta pa bo sinta na dje, pero lo bo por posiblemente para riba dje tambe pa cambia un lampi. A pesar cu bo no ta haci esaki diariamente, esaki toch lo por wordo considera como uso normal. E ta dus importante pa tene cuenta cu loke segun normanan general ta conta como uso normal.Pa reclama garantia, ta recomendabel si ta posibel, pa denter di un termino razonabel despues di compra duna di conoce fayonan den e producto. Si acaso denter di un termino relativamente cortico despues di compra di e producto surgi fayonan caba anto e ora e consumidor por asumi cu e fayo tabata existi caba na momento di e compra. E negoshi mester proba cu esaki no ta e caso. Si e no ta di acuerdo cu esaki, e lo mester proba cu e producto a kibra pasobra e no a wordo usa bon of pasobra cu e consumidor a kibre. Na Hulanda ta usa un termino di 6 luna anto den e caso ey si e fayo surgi despues di por ehempel 6 luna despues di e compra, e

consumidor mes mester proba cu ela usa e producto normal y cu e consumidor no a causa e fayo. Te hasta si e fayo surgi despues di por ehempel 4 luna, pero e consumidor haci un keho te despues cu 6 luna e lo mester prueba esaki.

Pesey e consumidor mester percura semper pa tuma contacto mas liher posibel cu e negoshi pa no perde su derecho. Con largo e garantia legal ta dura? Leynan Arubano no ta inclui e termino di garantia legal. Dus no

ta asina cu despues di 1 aa bo no tin garantia mas riba un producto. Ni con hopi un negoshi kier ponebo kere esey. E ta bay pa e expectativa con razonabelmente lo por spera riba un producto. Di un computer bo por spera por ehempel cu e ta bay mas largo cu di un pen. Manera menciona den un comunicado anterior, determinacion di e termino di e garantia legal ta depende di otro factornan tambe. Cierto producto ta rekeri pa e consumidor averigua prome cu haci un compra. Sin embargo ley no lo asumi di biaha cu mester averigua un producto. Ley ta asumi cu ta necesario pa averigua un producto mihor ora por ehempel e producto a simpel bista ta den mal condicion of cu si esaki ta asina barata cu ta

rasonabel pa averigua pakico e ta asina barata. Un producto den hopi mal condicion of cu ta hopi desgasta ta di hopi importancia pa determina e garantia legal. Algun producto mester haya mantencion frecuentemente pa mantene nan util. Pensa riba por ehempel un auto cu cada tanto tempo mester un servicio di mantencion. Dus bo mester tene cuenta cu desgaste tambe. Den un siguiente comunicado lo sali mas informacion riba producto cu ta daa y nan reparacion. E articulo aki a keda compila a base di nos leynan di proteccion di consumidor manera cu ta aparece den nos Codigo Civil y tambe a base di informacion disponibel riba www.consumentenbond.nl, w w w.consuwi jzer.n l , www.rechtsvordering.nl y www.wikipedia.nl. Na e articulo aki no por adkiri derecho, pero pa mas informacion riba leynan cu ta trata derecho di consumidor, haci un keho of registra un abuso contra consumidor yama of pasa personalmente na Dienst Huur- & Consumentenzaken na Wayaca 33, tel: 5829914, bishita nos website: www.dhc.aw , like nos of conta un anecdota riba facebook, sigui nos via twitter of e-mail nos na [email protected].

Dienst Huur- en Consumentenzaken ta informa:

Kico ley ta considera uso normal di un producto?


STA. CRUZ -- Durante un conferencia di prensa comisin Bernadina Growell hunto cu Centro di Bario Brazil a anuncia diferente actividad den bario. Presente tabata sra. Lena Orman Yarzagaray, sr. Chico Harms, sr. Persey Jeandor y sra. Mervin Wyatt-Ras. Sra. Mervin Wyatt-Ras a introduci cu comision Bernadina Growell desde aa 2011 a bin ta organiza diferente actividad cultural cu e meta principal di rindi homenahe na mama di cultura q.e.p.d. sra. Bernadina Growell Kock. E meta principal di e comision ta pa conserva tur loke mama di cultura a laga atras, comparti esaki cu nos pueblo y tambe contribui na desaroyo cultural den tur sentido di palabra. Sra. Wyattt-Ras a informa cu e comision a organiza diferente evento/ actividad. Banda di e festival, e comision a organiza actividadnan hunto cu Centro di Bario Brazil y fundacion Pro Cultura di Aruba. Intencion ta alavez pa documenta y conserva tur loke Bernadina a laga atras

como herencia cultural. Persey Jeandor a elabora ariba e di tercer festival cu e comision ta organizando, dedica na Mama di Cultura Bernadina Growell y Tata di Cultura, Padu Lampe, na cual ta en busca di 20 cantante pa participa. Nan lo ser acompaa pa e banda popular di tur tempo, esta Sensacion del Caribe. Por tuma contacto cu miembronan di e comision sr. Persey Jeandor na cell. 733- 6007, sra. Lena Orman na cell. 5651145 of tel. 5848271 y sra. Lilian Besselink na cell. 5640514. Diadomingo awor dia 21 di April na Cas di Bernadina lo tin oportunidad pa por inscribi y por scoge e cancionnan cu por ser canta. Lena Orman-Yarzagaray a trece padilanti e piezanan cu a ser registra caba, na cual e comision tambe a duna su contribucion. En total a keda registra 32 cancion na e Buro voor Intellecuele Eigendom. Sra. Orman-Yarzagaray a haci un peticin na un y tur cu ta interesa pa canta cancionnan di Bernadina y di nos tata di

cultura, sr. Padu Lampe pa yama miembronan di comision y pasa diadomingo awor na cas di Bernadina. Chico Harms a informa encuanto e actividadnan di Centro di Bario Brazil cu ta un Festival di calypso y Roadmarch pa cantantenan di e Brazil y vecindario cual lo tuma lugar dia 10 di Augustus venidero. Tambe e di dos eleccin di MOSA CULTURAL dia 24 di Augustus unda un cantidad di 10 dama por participa y cu ta priminti di ta acompaa pa shownan di halto nivel. Dia 1 di September lo tin e famoso parada cultural cu lo ta e di tres cu ta ser organiza. Aki por a nota cu cada aa e parada ta bira mas y mas grandi y cu cada aa ta keda mantene un grupo cu ta bisti trahenan tipico di antao di Brazil. Pa cu esaki tambe e inscripcion ta habri y por yama Centro di Bario Brazil y tambe Chico Harms. Un y tur ta keda invita pa bin presencia e eventonan aki masalmente y fortifica nos desaroyo cultural!

Comision Benadina Growell y Centro di Bario Brazil:

Diferente actividad cultural den Bario di Brazil

Inscripcion pa festival di cancion diadomingo awor 21 di April na cas di difunto Bernadina na Brazil

STA. CRUZ Sr. Theo Croes di Arubus a comenta encuanto e caso caminda cu 15 chauffeur di bus a entama contra Arubus. Segun decision di huez cu Arubus mester sigui paga e trahadornan nan salario. Aki ta trata di 19 trahador cu ta wordo sospecha di comete irregularidad. Arubus ta respeta decision di huez pero no ta tolera ningun tipo di irregularidad y ta analizando e siguiente paso cu lo wordo tuma. Na e momentonan aki tin 3 posibilidad: pidi permiso pa retiro di e trahadornan aki via Departamento di Labor, bay den Hoger Beroep of sigui cu un bodem procedure. E punto principal di huez tabata basa riba e parti di tourniquet, esta e mecanismo cu ta draai pa conta e pasaheronan. Huez a considera cu e puntonan presenta pa Arubus no ta suficiente pa locual ta trata e funcionamento di e tourniquet. Ponencia di e abogado di e chauffeurnan ta cu e tourniquet tin biaha ta

draai mas cu un biaha, sea intencional of no door di e pasaheronan. Esaki ta un punto cu Arubus ta acepta cu por pasa, pero no cu e ta pasa 40, 50 of mas biaha durante un dienst den e mesun bus. Mas ainda cu e ta pasa tanto biaha bao cierto chauffeurnan y despues un otro chauffeur ta cuminsa su shift den e mesun bus y e no ta pasa ningun biaha. Papiando mas specifico cu e 15 chauffeurnan involucra cu e caso, e conteo di e tourniquet no ta klop y cu e otro chauffeurnan si e ta klop. Es mas, ora a manda un carta pa stop locual ta pasando, cierto chauffeurnan a stop, mientras cu otronan a sigui. E esencia cu nan a keda cu placa cu no ta di nan, cu ta placa di compania no a bin dilanti den e sentencia. Arubus por proba a base di entre otro rapportnan cu e tourniquet ta funciona, contrario na ponencia di e chauffeurnan.

Sr. Teo Croes di ARUBUS:

Arubus por proba a base di otro rapportnan cu e tourniquet ta

funciona


STA. CRUZ -- E hospital tematico ta factibel? E pregunta no mester ta cu si e ta factibel, pero si e tin derecho di existencia! Den otro palabra, cu si nos pueblo lo beneficia di dje y si nos por paga pe sin perhudica nos pueblo mes. Nos a tuma nota cu sr. Visser tin problema pa pone apenas 9 miyon extra pa aa pa e hospital aki. Gran parti di e suma aki ya ta ser gasta na otro institutonan. Por ehempel AZV ta paga casi 5 miyon na gastonan medico pa manda pacientnan cu problema di curazon pa exterior; ya caba ta pagando pa e pacientnan diabetico cu mester dialisa, radiologia, etc., etc! Pues aki bo por papia di un verschuiving di e gastonan medico! Kico ta mas beneficioso pa e pacient: mande afo, of trate na Aruba mes? Un pacient di pariba di brug y en particular di San Nicolas cu mester dialisa, ta mande pa HOH, of e ta dialisa na San Nicolas mes? Un patient di wowo mester sigui coy tres bus prome cu e yega HOH, pa despues bay back na su specialista den Playa of na San Nicolas, of e ta wordo trata na e hospital na San Nicolas mes na unda tur cos ta bao di un dak? E contesta no por ta otro, cu e pacient lo prefera pa e haya e cuido na Aruba y na San Nicolas mes! Pues pa tanto e pacient como pa e calidad

di e cuido medico, e hospital tin derecho di existencia! Banda cu e hospital aki tin su beneficionan medico pa e pueblo di Aruba, contactonan a ser estableci cu Corsou y autoridadnan Curazoleo, y nan a mustra masha hopi interes pa laga nan pacientnan, cu awor tambe ta bay Venezuela of Colombia, bin haci e proceduranan cardiologico y operacionnan cardio-vascular na IMSAN tambe. Alavez a papia cu e autoridad Hulandes cu ta encarga cu salud publico na Bonaire, kende tambe a mustra interes. Pues mas ingredientenan cu ta haci e hospital aki uno cu lo significa algo beneficioso pa e comunidad Arubano, y cu tambe lo por tin su efecto positivo pa un desaroyo nobo pa San Nicolas. Tur esaki a ser tuma den consideracion y ta aparece den e estudio di factibilidad bao di e gobierno anterior! Turismo di Salud:

Un otro aspecto cu tambe a ser incalcula, ta e hecho cu un otro tipo di turismo por ser atrae. No solamente e turista cu tin problema cu curazon lo por scoge Aruba ora cu e sa cu na Aruba e lo por ser trata den cualkier caso di emergencia, pero tambe e lo por scoge Aruba pa haci e tratamento tambe! Ademas no mester descarta e posibilidad di atrae pacientnan di islanan Caribense cu awor no tin opcion cerca di cas. Pues contrario na loke sr. Visser ta bisa, esta cu e hospital lo ser utiliza solamente pa turista, ta un mentira flagrante. E turismo medico ta un manera di diversificacion di nos turismo, cu by the way tur hende ta papia di dje.

C o n c l u s i o n . E conclusion ta cu e hospital tematico ta un mester pa San Nicolas, no importa con sr. Visser ta trata na pinta situacion diferente.

Drs. Booshi Wever, Parlamentario Independiente:

BUSINESS PLAN DI MINISTER VISSER UN FARCE??

MINISTER VISSER NO TA SINCERO CU PUEBLO!

HOSPITAL NA SAN NICOLAS TIN 100% DERECHO DI EXISTENCIA!! (part 2)

STA. CRUZ -- Recientemente RBC Royal Bank (Aruba) N.V. a lanza su producto nobo cu yama Professional Package. Durante un conferencia di prensa sr. Pierre Rafini, Area Vice President Business Banking di RBC Royal Bank (Aruba) N.V., a indica cu e pakete aki ta ofrece condicionnan flexibel cu interes- y gastonan di administracion favorabel na un cierto grupo di profesionnan aki na Aruba. E profesionnan cu por aplica pa e pakete aki ta esnan cu ta traha of studia den e ramo di medicina manera un dokter di cas, dentista of un veterinario, pero tambe cierto otro profesionnan manera arquitecto, ingeniero, abogado, notario, optometrista y farmacuetico. Sr. Rafini a splica Tur esnan cu ta traha den e diferente ramonan menciona, tur ta pasa den varios etapa durante nan progreso y carera profesional, pesey mes RBC Royal Bank a bin cu e pakete aki cu ta consisti di tres diferente portofolio di producto. Un Portofolio pa Studiante y Stagiaire cu ta pa tur studiante cu ta studia full time y cu ta registra na un facultad profesional of cu ta core un stage

mandatorio den e ramo di medicina. Tambe tin e Portofolio Personal cu ta special pa e profesionalnan estableci cu ta ricibi un salario mensual of cu tin nan mesun negoshi. Y finalmente tin e Business Portofolio cu ta disea special pe profesionalnan cu kier establece of tin ya caba na mesun praktijk. Sr. Rafini a sigui splica Pues nos meta pa cu e pakete aki ta pa ofrece nos clientenan profesional un cantidad di producto cu ta atractivo pa sea nan negoshi of pa nan necesidadnan personal y educacional. Cu e producto nobo aki tur e clientenan profesional lo tin nan propio relationship manager cu lo traha completamente dedica pa yuda e profesional den cada etapa di nan bida. Nan lo ricibi e guia y consehonan necesario di e expertonan di RBC Royal Bank. Pa mas informacion relaciona cu e producto nobo aki of cualkier otro pregunta, por yama RBC Service Line na 588-0101 y asina por traha bo cita cu un account manager na bo branch preferi. Riba e portret adhunto por mira sr. Pierre Rafini ta duna su splikacion durante e conferencia di prensa.

RBC Royal Bank a lanza su producto nobo yama Professional Package


STA. CRUZ -- Recientemente a tuma lugar un conferencia di prensa unda The Pancake Gallery Foundation y RBC Royal Bank a firma contract unda RBC lo fungi como e Main sponsor di Art Rules Aruba 2013 pa di tres aa consecutivo. Sr. Pierre Rafini, Area Vice President di RBC Royal Bank (Aruba) N.V. a hiba palabra unda ela bisa di parti di RBC nos ta hopi orguyoso di forma parti di e programa aki cu a mustra di ta hopi exitoso y di un nivel hopi halto. RBC ta un banco cu ta aporta na proyectonan cu ta enfoca riba educacion y desaroyo di e hubentud. E programa aki ta ofrece e hoben e oportunidad pa sigui desaroya su talento y asina tambe ta participa den algo sano durante zomervakantie. Sr. Rafini a felicita e organisacion pa nan entusiasmo y e deseanan hopi

exito pa Art Rules Aruba 2013. Srta. Ira Kip di The Pancake Gallery Foundation a splica di unda e idea pa Art Rules Aruba a cuminsa y cu despues di varios aa a bira un realidad. E aa aki e programa ta bay tuma lugar na San Nicolas y lo tin busnan disponibel pa hiba e hobennan di Oranjestad pa San Nicolas. Srta. Ayra Kip a splica e detayenan di participacion y e programa. E aa aki lo tin 9 workshops: Theater, Dance, Arts & Design, Photography, Film, Street Art, Fashion, Poetry & Spoken Word, Music & Performance y DJ. E aa aki lo tin e bonus workshop Culinary Arts cu lo wordo duna pa sr. Urvin Croes, Chef di e restaurant White y sra. Heather Smith di Baltimore. Mirando cu esaki ta e di cuater aa di Art Rules Aruba e organizacion a dicidi pa haci algun cambio

pa asina e programa keda fresh y tambe inovativo. Pa e motibo aki a scoge San Nicolas como e localidad nobo unda e workshopsnan lo wordo duna. E Organizacion a keda hopi contento ora cu Minister di Husticia y Educacion, sr. Arthur Dowers, y cabezante di Abraham de Veer School a duna nan e noticia cu nan por haci uso di Abraham de Veer School pa duna tur e workshopnan. Tambe por conta cu participacion di docentenan Arubano y internacional. E final showcase lo tuma lugar dia 27 di Juli y e localidad lo wordo anuncia pronto. Un invitacion ta bay pa tur hoben entre 13 y 23 aa di edad pa participa den e tremendo programa aki cu lo tuma lugar di dia 15 di Juli te cu 27 di Juli. Awe tambe e website nobo di Art Rules Aruba a wordo lanza oficialmente. Pa mas informacion tocante e programa, participacion, e docentenan, e disciplinanan, fechanan importante y mucho mas por bishita www.artrulesaruba.com. Riba e portretnan adhunto por mira momento cu e contract a wordo firma door di The Pancake Gallery Foundation y RBC. Tambe por mira sr. Urvin Croes, docente di e Workshops Culinary Arts y sr. Robert Tromp cu e disea e website y lo ta e docente di e Workshop Photography y Film.

RBC Royal Bank y The Pancake Gallery Foundation ta firma sponsorship contract pa Art

Rules Aruba 2013

Diasabra awor un bom lo rementa den Interes di Pueblo!

Como invitado mr. Ady Thijsen lo tey pa rementa un bom, No perde!

Mr. Ady Thijsen lo elabora riba e situacion caotico den gobierno. Ady lo rementa un

bom cu lo haci AVp hopi dolor! Den di dos tanda: Mr. Xiomara Ruiz-

Maduro lo splica di con Aruba ta na rand di bancarota.

Den di tres tanda: Ing. Eddy Briesen lo trata e caso di Arubus y e abuso cometi contra e trahadornan di Arubus y yama

nan hasta ladron.

Homber cu problema kier destrui cosnan den cas

STA. CRUZ -- Asistencia di polis a wordo pidi diarazon pa 14.30 na un cas na Weg Fontein pa un pelea. Eynan e homber A.D.W. naci na Aruba di 46 aa, a bisa polis cu un dia prome ela pone su celular Blackberry na e charger di su sobrino y mainta e Blackberry no tabata eynan. E ta sospecha cu su sobrino R.D.W tin e celular, pero e subrino tabata na school.Tambe e ta declara cu e tin problema cu su ruman muher S.D.W. mama di R.D.W. E homber A.D.W. tabatin un pida hero den su man y dilanti polisnan ela menaza si e no haya su celular, e ta kibra tur cos den e cas. Polisnan a scuale riba su expresion y a mustre riba e consecuencia. Polisnan hunto cu e mama a bay busca e mucha pa tuma e celular y nan ta topa cune banda di misa di St.Theresita. E mucha a duna polisnan e celular y a bisanan cu su omo a duna su bicicleta como borg pa e haya droga. Polis a hiba e celular bek pa ADW.


STA. CRUZ -- Ayera na Top FM 95.1 a estrena un cancion nobo nobo di e reggae band di Cashero, Mystical Connection. E cancion titula Let Love Reign a ser graba ne studio di Ninjah Musiq bao produccion di e ingeniero di musica KC Dozier. Ta di remarca cu e cancion aki ta uno di alto calidad y sin laga afor un sublime zonido pa bo chill riba dje. E cancion ta obtenibel

c o m p l e t a m e n t e GRATIS ariba www.ninjahmusiq.com y tur otro paginanan electronico di ninjah musiq. Corda yama pidi pe na bo radio preferi Top FM. Pa tur e fiel fanaticonan di Mystical Connection keda pendiente cu entrante e proximo simanan e video di Let love Reign lo ta obtenibel riba youtube y Canal 22. Pa bookings email nos na [email protected]

Mystical Connection ta lanza nan exito

nobo Let Love Reign na TOP FM

Pagina 17Diabierna 19 April 2013

Pagina 18 Diabierna 19 April 2013

Suceso awe24.comDama chauffeur ta causa accidente a hit and run

E otro auto a core su tras

STA. CRUZ -- Diarazon mainta a drenta informe di un accidente estilo Hit and Run na Paradera y e chauffeur cual su auto a ricibi e sla a dicidi di core tras di esun cu a ocasiona e accidente. E auto a bin para te na Polyrama. Polis a bini na e sitio y a atende cu e dama chauggeur cu a hit and run. Afortunadamente ningun hende a resulta herida.

Na Tanki Leendert :

Pa a bay cheat den trafico un pick-up a bay dal riba

otro pick-up

STA. CRUZ -- Diarazon mainta a drenta informe di un accidentew pabao di Texaco Tanki Leendert, mesora a dirigi un patruya na e sitio. Na yegada di e patruya nan ta constata cu aki ta trata di un accidente unda un pick-up Hyundai H100 blanco cu tabata bini di pabao a bay tuma e bocht cortico pa bira y drenta e caminda pa bay Paraguana y a bay dal frontal riba e pick-up Toyota shinishi. Afortunadamente ningun hende a resulta herida.

Turista a bira malo na lamar

STA.CRUZ -- Diarazon mainta a drenta informe cu un turista lo a bira malo den lamar banda di Boca Catalina, mesora a dirigi tanto polis como ambulans na e sitio. Na yegada di e patruya nan a ser informa cu un dama turista lo a bira malo den lama y a ser treci na

tera unda ambulans a atende y a transporte pa hospital.

Alumnonan di Colegio E.P.I. a organiza un

protesta den cura di school

Ta contra extension di orario di school!STA. CRUZ -- Studiantenan di EPI a organiza un manifestacion y demostracion pa motibo di extension di orario di school ya cu nan no ta di acuerdo cu esaki pa e siguiente motibonan:No tin transport

e ora ey. Tin studiante cu ta traha y no por cambia orario di trabao zomaar paso nan tin un acuerdo cu nan hefe. Algun studiante tin yiu(nan) y nan no tin caminda pa laga e yiu(nan). Un entrevista haci cu studiantenan

di examenklas a bin saca afor cu despues di a haya les henter mainta na e oranan di merdia no tin concentracion mas di parti di e alumnonan.Pa e motibo nan ey e studiantenan no ta di acuerdo pa bay school te 4or y ta nenga di drenta les te ora nan cambia esaki manera antes. Te ainda ni Minister Dowers ni e docentenan no a haci un acuerdo cu e studiantenan di kico lo bay pasa cu e orario di school.


Suceso awe24.comDen Oranjestad:

Polis a yuda homber no mucho bon cu tabata

canado pia abao

STA. CRUZ -- Diarazon merdia a drenta informe cu lo tin un persona no mucho bon cu ta canando pia abao cu herida na braza den centro di Oranjestad, mesora a dirigi algun patruya den e area. Un rato despues un patruya a bin topa cu e persona concerni den Nieuwstraat mesora nan a atende cune ya cu e tabata cana pia abao y e tabata tin un herida sangrando na su brasa.

Ladronnan ta tur caminda:

Djiespies Place y Coffee Break a bira victima di

ladronicia atrobeSTA. CRUZ -- Diahuebs m a d r u g a a drenta informe cu ladronnan a kibra drenta horta na D j iesp ies P l a c e , mesora a dirigi un p a t r u y a na e sitio. Patruya a p r e s e n t a y a tuma

nota cu algun siman pasa nan a kibra e rolluik pa asina kibra un glas y drenta horta den Coffee Break y asina tambe drenta horta na Djiespies Place tambe. Aruba ta bao gara di ladronnan, unda cu ta y tur dia por tende nan a kibra aki nan a horta aya, en berdad tin yen di auto di polis pero ta pronk so nan ta pronk dilanti wardanan di polis. Locual cu mester ta mas patruya cu polisnan riba caminda mas personal trahando pa asina brinda nos comunidad proteccion.

Ladronicianan na Kamay ta continua:

Diahuebs madruga ladronnan a kibra drenta

horta na otro cas

STA. CRUZ -- Tur e dianan aki tin varios ladronicia tumando lugar den e area di Kamay. Tur e dianan aki net den e oranan di anochi pa madruga e ladronnan ta drentando diferente cas. Diahuebs madruga ladronnan a kibra drenta den un cas cual ta relativamente bashi y a bay cu un laptop y un telefon celular.

Na Monserat despues cu Dama ta tende cacho ta blaf:

Dama ta bin topa cara a cara cu ladron den su cas

STA. CRUZ -- Diahuebs madruga a drenta informe cu na un cas na Monserat un habitante ta topa cara a cara cu ladron den su cas, mesora a dirigi un patruya na e sitio. Segun informacion un dama drumi den su cas ta tende su cacho ta blaf masha hopi un rato despues ela tende e riet di e cortina di bao cay ora cu ela bay tira un bista ela topa cara a cara cu 2 ladron den su cas. Ela mira con e ladronnan ta y nan a bise no grita y pa laganan bay y nan a bay. E dama a duna polis e descripcion di e ladronnan y e patruya a rondea den e vecindario pero no a topa cu nan. E cacho tambe parce di ta desapareci.


A ser perdi

African Gray Congo den

vecindario di Catiri. Cualkier persona cu sa algo di e parha aki, por tuma

contacto cu Tel. 593-7051. Lo tin un recompensa.

A Ser Perdi

STA. CRUZ -- E campeonato regular di Division di Honor ta yegando su ultimo fecha y ainda tin algun asunto cu no ta cla. E Amarillo nan di Dakota ta logra un Victoria importante di 3-0 riba La Fama y ta mantene speransa di drenta den Calle 6. Cu e Victoria Dakota ta yega 17 punto y ta 3 punto tras di Riverplate y Estrella, ambos cu 20 punto. Aki ta caminda e porco su rabo ta krul ya cu ningun di tres no tin un lugar sigur ainda. Estrella ta topa Riverplate diabierna anochi den un duelo crucial pa dicidi ken ta bai ta e dos team nan cu ta sigui den e

Calle 6. Un Victoria pa Estrella lo pone nan automaticamente den e Calle 6cu 23 punto. E Naranjado nan di Santa Cruz ta esun cu ta den mihor posishon ya cu nan tin un gol saldo di +1 . Esaki ta producto di 22 gol na fabor y 21 gol encontra.

E mucha nan di Madiki SV Riverplate tambe tin 20 punto pero tin un gol saldo di -4. Esaki ta producto di 25 gol na fabor y 29 gol en contra. E Amarillo nan di Dakota tin 17 punto pero tin un gol saldo di -2, cu ta producto di 23 gol na fabor y nan a recibi 25

gol contra. E team cu tin mas preshon awor aki ta Riverplate ya cu un derota na man di Estrella lo pone nan lomba contra muraya y si Dakota por logra un Victoria contra e team di Caiquetio, esaki lo nifica cu Dakota lo pasa pa ocupa e di 6 lugar lagando e team di Madiki for di playoff. Un derota pa Estrella combina cu un Victoria di diferencia di 3 gol of mas pa Dakota lo nifica cu e team

Naranjado lo keda afor.Un empate diabierna awor entre Estrella y Riverplate lo nifica cu cada uno ta yega 21 punto y aki e storia a caba pa Dakota ya cu e no lo por alcansa ningun di dos team mas. Pero mirando cu e extra round di Calle 6 e punto nan ta sigui conta y tanto Estrella y Riverplate lo keda den desventaha ya cu nan lo ta 7 punto di e 4 lugar cu ta wordu ocupa pa RCA cu tin 28 punto y faltando un wega, pues un empate tampoco no ta combini ningun hende akin an. E wega aki lo bira e game of the week di AVB y lo wordu

transmiti via e website di WWW.AVBaruba.aw y tambe lo wordo pasa via Itv canal 49. Sigur full Dakota lo ta sinta dilanti na television diabierna anochi pa mira e wega aki y spera cu suerte por cai na nan fabor. E wega ta programa pa cuminsa 8or di anochi y tereno di wega lo ta Compleho Deportivo Guillermo Prospero Trinidad.

E wega nan ta sigui diasabra anochi ora cu e Amarillo nan di Dakota topa cu e Cacique nan di Caiquetio den loke por bira un wega importante. E team di Caiquetio a mustra bastante esprito di lucha y ta duna RCA basta dolor di cabez den e derota cu nan ta sufri na man tricolor cu score di 2-0. Pues sigur no lo bai ta un wega facil pa e team Amarillo. E wega aki tambe lo tuma lugar den Compeho Deportivo Guillermo Prospero Trinidad.

Diadumingo cos ta sigui cu dos wega basta hot caminda e team nan cu ta ocupa e promer cuatro lugar nan ta topa otro.

Pa 5 or di atardi, E dragon nan di Altovista Nacional/ Washington ta topa e tricolor nan di Solito RCA den otro gran clash.

Esun cu kere cu e wega aki ta un formalidad por wel di ta equivoca ya cu aki no tin wega amistoso. Sigur e mucha nan di Cilo Brete ta bin pa demostra cu nan tin plan serio e anja aki. Pa 7or tin e otro gran clash ora cu e puntero di e campeonato actual, E puma nan di Piedra Plat, SV Britannia topa cu e Speransa Berde di Savaneta SV La Fama. E team di La Fama tin basta leshon y e chens ta grandi cu nan lo subi cu un team basta jong pa e wega aki.

Di otro banda pa Britannia e wega aki ta Business as usual y lo sali sigur busca e 3 punto nan. Tur e dos wega nan di diadumingo lo tuma lugar den Compleho Deportivo Frans Figaroa. Sigur un invitashon pa e fanaticada di futbol pa bishita y mira e wega nan cu tin e week end aki. demostra awor!!

FUTBOL AVB SUBWAY CUP

DAKOTA TA SIGUI NA BIDA Y ESTRELLA CU RIVERPLATE TA TOPA DEN DUELO CRUCIAL


STA. CRUZ -- Diarazon atardi e weganan di Liga Hubenil di futbol di AVB presenta pa Gatorade e bebida di nos hobennan futbolista a continua cu e playoff final di Caya 6, unda nos a haya e mihor seis equiponan den Division di Mayor batayando. Na tereno di Dakota, e amariyonan a ricibi e naranhadanan di Sta Cruz cu ta Estrella, aki e equipo di cas ta logra un victoria convincente di

3 - 0. Siman pasa Dakota ta cai venci contra d RCA pero e siman aki si no tabata error. E prome gol di Dakota a ser anota na di 13 seconde di e partido, kizas e gol mas lihe den henter e campeonato di futbol na Aruba, esaki pa Iziekel Rojer, e otro dos golnan a bini di Ahton Charles y Benedicto van der Biezen. Den e otro weganan di Caya 6, RCA ta logra su di segundo victoria ora an ta bin

gana La Fama cu e score final di 2 - 0, aki Lu-Jean Bergen y Camilio Rojas. Por ultimo Nacional / Washington y Britannia ta parti punt ora cu e wega ta keda empata 1 - 1, e gol d Britannia a ser anota pa Jonathan Ruiz. Despues di dos match-days nos ta hanja RCA na promer lugar cu 6 punto.Pa mas informacion over di standings please click riba e sigiente link Standings Mayor Calle 6

Den Liga Hubenil di futbol di AVB presenta pa Gatorade

RCA y Dakota victorioso den playoff Mayor Caya 6


Tiara Air Aruba ta sigui celebra hunto cu nos chikitinnan e di 7 aniversario durante luna di April

STA. CRUZ -- Tiara Air Aruba ta sigui celebra su di 7 aniversario hunto cu nos chikitinnan. Tiara Air Aruba kier a recorda tur mayor di e campaa di pintamento pa muchanan entre 5 y 8 aa di edad. Pa participa ta facil, por hasi uso di e pintura cu ta wordo publica den corant, of por download y print e pintura di nos pagina di Facebook of por pasa busca un pintura na un di nos oficinanan di venta. E muchanan entre 5 y 8 aa di edad ta pinta esaki of tambe por crea un bunita arte y entrega esaki na nos oficina principal na Sabana Blanco 70E, Suite 1.Tiara Air Aruba ta encurasha tur mucha entre e edad di 5 y 8 aa di edad pa participa y e top 3 lo gana premionan fabuloso. Pa mas informacion por yama nos oficina na 528 -4272 of 583 - 4307. There is more to explore with Tiara Air Aruba!


TA HUURAPARTAMENTO

-STUDIO MUEBLE NA CUMANA - DAKOTA

PARIBA DI CONDEMSA PA 1 OF 2 PERSONA TA INCLUI CABLE , INTERNET + GAS

TELEFON : 6620248.

CLASIFICADO [email protected]

MARIOS SEPTIC

SERVICIO NA BO PORTA: MARIOS SEPTIC

SERVICES CLA PA BRINDABO SERVICO

PA CHICA POS , HABRI TUBERIA Y CALIDAD

CELL: 5603500

TA BENDETereno eigendom

650 m2 na Macuarima

(cerca di ex veld di Winston).

Pa informacion, please yama

5948748

1. Nos ta un compania Arubiano 2. Nos ta investiga tur cos cu bo por duda aden? 1. caso di divorcio 2. caso di maltrato 3. caso di duda aden??? 4. caso di corupcion 5. caso di ladronicia 6. caso di atraco 7. nos ta filma tambe videonan 8. nos ta graba tape di combersacionnan 9. nos ta rond mundo completo den e trabao aki 10. nos ta traha rapport tambe di tur clase 11. nos ta keda den nos sistema priva 12. nos ta saca potret tambe 13. abogadonan por contact nos tambe pa facilita nan trabao tambe

Yama nos na tel: 5684160 24 ora pa dia

Private Center Investigation Aruba

TA BENDEHaria di MAISHI RABO

100% na Natures Discount Seroe Blanco dilanti di APFA Pos Chikito dilanti di Botica

Alo Tel: 5885380 - 5840336

TA BENDE2 cas riba tereno

propiedad di 7800m2 situa na Modanza, 1 cas di 2 piso ku 4 apartamento na Tanki Leendert y 1 cas na Macuarima pa

mas informacion Yama: 5937118.

TA HUURExecutive huis 2

verdieping, 4 slpk, 3 badk was en berghok

rustig buurt, Scopetstr.7, Ponton Afl. 2750,=/

mnd zonder meubels. Afl. 3000,=/ mnd semi

gemeubileerd. cel: 561-1833 negotiable.

585-9500

PUEBLO A HAA SU PEN BEK

Pa kualkier [email protected]

of

Huiswerkbegeleiding Club

Estrella Santa Cruz!Atencion tur mayor! Ata loke boso

tabata spera pa boso yiu! Nos ta yuda e muchanan di basisschool cu nan

huiswerk di dialuna pa diabierna. Nos ta duna extra atencion tambe ariba e vaknan manera Hulandes, rekenen,

schrijven, lezen y cualkier vak cu nan ta zwak aden. Lesnan ta di 2 of 3 ora na un prijs regala!!! Yama aworaki mes na 641-2944 y inscribi bo yiu pasobra

educacion di bo yiu ta na promer lugar!!

TA BENDEUN MOTOR MARINER (

MAHATHAN) 15 H.P Y UN MACHINE PA

PISCA

YAMA 7421727 PRIJS F 3000,-.

Orange matrasOlijfistraat 23- D

588-7468 / 592-3344

Nos tin tur size di matras y box y tambe nos ta fura matras- box -set di sala-

comedor-TV chair.

Pa bo ta drumi dushi


STA. CRUZ -- Aruba Softball Bond a tene un reunion cu su miembronan diarazon 10 di April ultimo na Technical Center Angel Botta den Compleho Deportivo Frans Figaroa unda gran mayoria di representante di clubnan miembro tabata presente y a tuma diferente decision. Campeonato masculino tanto A-klas como Double A (AA) lo inicia diahuebs 16 di Mei riba veld di Kudawecha.

Equiponan ta mustra fuertemente motiva cu hopi gana pa cu apertura di campeonato. Durante reunion a trata diferente mocion pa trece cambionan den reglamento di campeonato. Competitiegeld a keda stipula na Afl.200,- pa club. Un regla importante cu a wordo ahusta di acuerdo cu un mocion ta cu un maximum di (3) hungador por tuma retiro en blok y bay pa un

otro equipo. A introduci tambe un deadline pa oveschrijving cual ta 30 dia promer cu campeonato cuminsa y lo bay na vigor desde 2014. Lo demas presidente a splica desaroyonan riba plataforma internacional hopi interesante. Aruba Softball Bond den full swing pa ranca sali cu su campeonato masculino mientras campeonato femenino ta inicia final di Augustus.

Aruba Softball Bond ta informa

Campeonato di Fastpitch ta ranca sali 16 di Mei

Un Pabien ta bay awe riba nan dia special pa e Twins nan di cas esta

Stephany & Steve

Nan ta haya pabien y cu macuto yena di brasa, sunchi y hopi bendicion di parti nan Mama, Tata, Babyboy di cas Marvick, Ruman,tanta nan,Omo nan,Welo y Wela nan,Subrina/o nan, Colega nan, Amiga/o nan, Bisia

nan y demas Famia cu ta manda bisa boso corda keda haci mes bon mucha mane semper y nos kier boloooo y laga sa unda Tripppp taHAHAHAHA

Awe nos ta di fiesta. Su mahestad Prinses EVAH SOPHIE RAS

a cumpli 3 aa!! Hiep hiep hiep hoera! Riba su dia nacional e ta haya un macuto di brasa y sunchi di su mami Evelyn, su papi Jean-Carlo, su rumannan

prins Jeannick y prins Jeadr, Evah su omanan Brenda y Yvette, opanan Ronny y Win, ompie Zion

Randall, tanchinan Sue-Ann y Diliana cu ta su madrina tambe, padrino Jobert Reyes, bisawela-, y bisawelonan, tur Evah su tanchi y omonan grandi,

primanan Sue-Gin, Ginayla y primo Leandro, prima grandi Marilyn, Tante Lili, su juffrouwnan y amiguito- y amiguitanan di Lilliputters Peuterschool y demas famia ta desea Evah un dia dushi y corda hasi bon

mucha prinses Evah.


STA. CRUZ -- E proyecto di lesamento cu Digicel ta patrocina na e diferente Centronan Traimerdia, a haya un tremendo acogida y e resultado ta uno exitoso. E necesidad pa nos muchanan haya mas atencion, guia y motivacion pa e habilidad di lesamento ta hopi grandi na Aruba y ta pa e motibo aki Digicel a dicidi pa haci algo extraordinario y di curason, pa duna sosten na un proyecto educativo na e Centronan di Traimerdia. Elaine Singh, di e departamento di mercadeo y promocion di Digicel tabata presente na e clausura y a keda encanta cu loke el a mira. Nos di Digicel ta hopi orguyoso cu e bunita proyecto di Centro Traimerdia Morgenster. Nan a scoge e tema di espacio, un tema hopi interesante y dificil, pero cu e guia, motivacion y ayudo di e groepsleiders y e centrumleiders, e muchanan a logra hinca un tremendo clausura pa nan proyecto di lesamento di 8 siman. Nos a mira un necesidad grandi den e materia di lesamento na nos scolnan basico y nan a indica na nos, cu e ta un materia interesante den enseansa y mirando e gran importancia cu lesamento tin den

bida di nos muchanan, tanto pa awo como pa futuro, nos a opta pa patrocina e materialnan como tambe algun les pe tanchinan, riba e aspecto di lesamento. Un pabien hopi grandi na tur e docentenan, e groepsleiders y e muchanan cu nan bunita y tremendo presentacion di e tema espacio. Digicel ta aplica nan slogan extraordinario den nos comunidad y pesey a percura pa cada Traimerdia scoge un tema, draai un programa intensivo di lesamento uzando e tema pa 8 siman largo y finalmente clausura e proyecto, unda cu cada centro a saca nan creatividad. E mensahe di Digicel ta Nos kier bisa tur e muchanan cu lesamento ta hopi importante y pa nan sigui lesa. Na e mayornan nos ta pidi nan pa nan yuda y guia e muchanan na cas cu lesamento, aunke cu nan ta haya esaki na scol y na traimerdia, ta di sumo importancia pa nan sigui desaroya y mehora nan habilidad nan di lesamento y crea consciencia y actitud positivo pa lesamento en general, asina Elaine Singh a termina bisando.

Aportando na educacion di nos muchanan

Digicel orguyoso di participa den proyecto di lesamento na Centro

Traimerdia na Morgenster STA. CRUZ Awe diabierna dia 19 di April 2013 The Chaz Modeling & Talent School ta cumpli su di 15 aa di existencia. Un school di Moda cu durante aanan a sa di demostra cu su alumnonan a logra pasonan grandi den e mundo di Moda y Talento tanto local como internacional. Un school cu a cuminsa cu apenas 15 mucha, awendia ta conta cu mas di 70 mucha di edad di 3 pa 19 aa. Durante e aanan e school a sa di crece y forma hopi di nos mucha- y hobennan desaroyando nan talento den diferente ramo. E school di Moda y Talento aki ta basa su mes den desaroya e talento di cada alumna/o den e ramo cu e tin e talento. The Chaz Modeling & Talent School ta sia muchanan y hobennan por ehempel: Modelahe, Baile, Speech, Cuido di Curpa, Etiquette& Protocol, Preparacion verbal pa cualkier Certamen di Beyeza, Canto, Actuacion y asina hopi mas. Tambe nos tin un Programa di Television TCC, The Chaz Club, caminda tur alumnonan ta wordo sia con pa traha cu Script, Presentacion corporal, Speech, maneho di articulacion y sigur domina nos idioma Papiamento. Durante e aanan ta hopi titulonan local y internacional e alumnonan di Chaz Models a sa di obtene; por ehempel durante Carnaval den e eleccionnan di Reina, Alumnonan a sa di gana Best Show y titulonan maximo. Den diferente eventonan di Playback shownan, durante eleccionnan di Miss Teen y diferente certamen local mas. Internacionalmente Chaz Models ta hopi bon conoci pa trece un cantidad di titulonan importante pa nos pais Aruba. Durante

11 aa consecutivo e school aki a sa di manda representantenan pa e Certamen organiza pa Agencia Agnes na Republica Dominicana, caminda tur aa Aruba su representantenan a sa di hasi un tremendo papel y trece hopi titulonan importante pa Aruba. Diferente ta e alumnonan cu a pasa dor di nos school y cu awe ta personanan cu a logra yega na un nivel mas halto den e mundo di Moda y Talento, entre nan tin Tyron de Freitas (Modelo Profesional, Cantante, Presentador di TV, Actor), Gionathan Croes (Modelo Professional), Jairo Arends (Modelo Professional, Cantante), Robert Vrolijk (Designer y Cantante), Ashley Peternella (Modelo Professional, Bailarin professional), Lynette do Nascimento (Modelo Profesional, Bailarina, Miss, Reina di Carnaval), Naomi Geerman (Presentadora TV) y asina mucho mas. Siguramente The Chaz Modeling & Talent School ta un school cu ta wordo dirigi pa su directora Chastity Kock-Hodge, un persona no desconoci den e mundo di Moda y Talento. Hunto cu Chastity tin un comision cu ta consisti di su casa Robert Kock, Mama Carla Hodge-Quant,

sra. Lourdes Nicolaas, sra. Magda Nicolaas, Consehera Geraldine Quant, Ayudante den Les di Baile Jahe Bikker, Ayudante den Les di Modelahe Dayreen Maduro. Tambe diferente mayor cu semper tey como helpers pa diferente di e actividadnan cu ta wordo realiza cu e school. Nos kier a tuma e oportunidad di gradisi un y tur cu a sa di yuda nos durante tur e aanan di nos existencia. Tambe un danki grandi na tur e sponsornan cu a kere den nos pa diferente di nos actividadnan durante e aanan y sin lubida nos medionan di prensa cu semper a sa di informa y publica nos press releasenan. Masha danki, y nos ta pidi pueblo di Aruba pa keda pendiente pa e Gran Celebracion di nos 15 aa cu lo bay bin pronto. Un biaha mas danki na un y tur cu a haci The Chaz Modeling & Talent School asina bon reconoci na Aruba como tambe Internacionalmente muy en especial danki na e mayornan cu ta deposita nan confianza den e experticio di nos school. Y cu poder di Dios nos lo tey pa hopi aa mas desaroyando e talento Arubano.

E school di Moda y Talento:

The Chaz Modeling & Talent School a cumpli su 15 aa di

existencia


TA BENDEUn quad aa 2003 marca bombardier rotax pa 6000. Pa mas informacion

7331755

TA BuscAVerpleegster Arubiana

cu 35 aa di experiencia di trabao ta verzorg patient na cas. Pa

mas informacion tuma contacto cu number di

telefon 560-7037

8376

2630

2473 7443

2979

0107 0261

3886

9116

0270

2838

7735

7013

2372

0415

4356 4675

4468

8930

2423

6510 Geminis

26 - 10 - 20 - 02 - 15

18 April 2013Dokter y Botica na

Warda pa bao di Brug:

Dokter y Botica na Warda pa riba di Brug:

Telefonnan importante:

BOTIcANAN:Maria 585-8145 Di Servicio Noord 586-4606Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupial 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253 POLIs:Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222

Fundacion:Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muherr 583-5400Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Yama na Centro Medico

524-8833

Yama pa informacion na Horacio Oduber Hospital:

527-4000

condorito

AIRcO:

Ta busca 2 airco di 5 ton, 60.000 btu pa cumpra. Den bon condicion

y na super bon prijs. Split Unit. Yama 739-0101


Presidentes llegan a Lima para cumbre urgente de

UnasurMandatarios de la regin llegaron a Per para participar en la cumbre extraordinaria ante la grave crisis de Venezuela. La reunin fue citada de manera urgente por el presidente peruano Ollanta Humala para tratar el tema de la crisis poltica que se vive en Venezuela tras las elecciones presidenciales del pasado domingo. Nicols Maduro y todos

los presidentes de la regin estarn presentes, con excepcin del mandatario de Ecuador, Rafael Correa, quien se encuentra de gira en Europa. "Yo quiero juramentarme maana, voy a Lima, Per, y vuelvo, estoy aqu en la madrugada", dijo Maduro, desde el aeropuerto de Maiqueta, minutos antes de partir. La Unasur celebra un encuentro de urgencia para analizar la situacin desatada en Venezuela luego de que el estrecho resultado de las elecciones del domingo pasado llevara a Capriles a desconocer la victoria del chavista Nicols Maduro y a pedir que se recuenten los votos. El canciller argentino, Hctor Timerman, afirm que la Unasur dar su "respaldo absoluto" a los resultados electorales en Venezuela. Los presidentes de la Unin de Naciones Suramericanas (Unasur) se reunirn en Lima antes de asistir el viernes a la asuncin de Maduro, que se impuso por menos de 300.000 votos a Henrique Capriles, en el resultado ms ajustado en una eleccin presidencial en Venezuela en dcadas. El resultado fue cuestionado por la oposicin y gener enfrentamientos que dejaron ocho muertos, segn los reportes oficiales. "Vamos a informar directamente lo que han sido los acontecimientos que nuestra patria ha vivido en las ltimas horas, los ltimos das", dijo Maduro en cadena nacional desde el aeropuerto de Caracas antes de partir a Per. "Hemos derrotado esta fase de un golpe de Estado, y digo fase porque tenemos informacin directa que la conspiracin contina", agreg. Horas despus, Maduro lleg a Lima y parti directamente al Palacio de Gobierno, sin hablar con la prensa. La cancillera peruana dijo que la meta de la reunin es buscar consensos para fortalecer la democracia en la regin y confirm la asistencia de casi todos los mandatarios sudamericanos. A travs de la red social Twitter, Capriles dijo que considera participar en la cumbre: "estamos evaluando la posibilidad de viajar a Lima y estar presente en la Reunin de Unasur, en Democracia se cuentan los votos!", escribi. El excandidato opositor asegur que haba hablado con cancilleres y jefes de Estado, que haban sido "muy receptivos" y estuvieron "de acuerdo con el reconteo de votos". Rechazo a injerencia El presidente boliviano, Evo Morales, un aliado del Gobierno de Caracas, dijo a su llegada a Lima que los mandatarios buscarn apoyar el triunfo de Maduro y rechazar las "provocaciones" de Estados Unidos. El secretario de Estado de Estados Unidos, John Kerry, dijo que an no decida si reconocera a Maduro como el presidente electo de Venezuela, lo que le vali fuertes crticas de Caracas. "Todo lo que pas desde el da lunes, martes ha sido una abierta agresin del Gobierno de Estados Unidos, pidiendo reconteo de votos, desconociendo al presidente Maduro", afirm. Antes, el canciller argentino, Hctor Timerman, haba sealado en Buenos Aires que en la cumbre se rechazarn las "expresiones extra regionales" que cuestionaron los comicios venezolanos. "Todos los pases coincidimos en la necesidad de reunirnos previamente a la asuncin de Maduro para expresar una posicin unnime del bloque en relacin a las expresiones extra regionales y a alguna dentro de nuestro propios pases que cuestionaron la legitimidad de las elecciones", dijo Timerman a una radio de su pas. La Unasur, el mayor organismo de integracin suramericano, est conformado por Argentina, Brasil, Bolivia, Colombia, Ecuador, Chile, Paraguay (suspendido del bloque actualmente), Uruguay, Venezuela, Guyana,

Surinam y Per. En un nuevo escrutinio de los comicios difundido por el Consejo Nacional Electoral (CNE), Maduro mantiene la distancia de 1,83 puntos porcentuales sobre Capriles, Maduro figura con un apoyo de 50,78 por ciento del electorado (7.575.704 votos) y Capriles con un 48,95 por ciento (7.302.648 votos), escrutadas 38.973 (98,97 por ciento) de las 39.376 actas de la votacin, detall el CNE.

Maduro advierte a medios comunicacin: "o estn

con la patria o con el golpe"

El presidente electo de Venezuela, Nicols Maduro, hizo una nueva advertencia a los medios de comunicacin en el pas pidiendo que definan de qu lado estn, advirtiendo que se est con la patria o "con el golpe". Antes de viajar a Per a la reunin extraordinaria de la Unasur para abordar

la situacin en el pas tras su ajustada victoria en la eleccin del domingo, Maduro dijo que el presidente del Parlamento, Diosdado Cabello, sostuvo una reunin con la directiva del canal privado Televen en la que le dej los puntos "muy claros de lo que es un golpe de Estado". "Diosdado les transmiti un mensaje muy claro: o estn con la patria, la democracia y la constitucin o estn con el golpe", dijo Maduro. "Yo no voy a ser un presidente dbil, se lo digo. Yo voy a ser un presidente de mano dura con el golpismo, con lo mal hecho, con la ineficiencia, con la corrupcin, con los golpistas", advirti. El lunes, el delfn del fallecido presidente Hugo Chvez hizo un llamado a la "sensatez" a los medios de comunicacin y, especialmente, a los dos canales privados con mayor audiencia en el pas: Venevisin y Televen. "Defnanse con quien estn: con la patria, con la paz, con el pueblo o van a volver a estar con el fascismo. Defnanse los medios de comunicacin!", exhort al resaltar que lleg "la hora de las definiciones" en Venezuela. Maduro afirm que el ministro de Comunicacin, Ernesto Villegas, le alert de que Televen se "encaden" el lunes cuando "hicieron el llamado al ataque que result con ocho muertes". Al menos ocho muertos y una sesentena de heridos es el saldo de incidentes registrados el lunes despus de que grupos opositores protestaran contra la proclamacin de Maduro como ganador de los comicios, pese a la peticin del lder opositor, Henrique Capriles, de que se recuenten los votos por la estrecha diferencia en los resultados. Maduro ha acusado a Capriles, candidato de la oposicin para esos comicios, de ser el responsable de esas muertes por no reconocer los resultados. "Les cabe a ustedes responsabilidad, Televen", advirti Maduro al asegurar que los ocho muertos de esos "hroes de la patria" no existen para los noticieros de la televisin, la radio y la prensa. "Televen apoy al candidato de la derecha. Est bien, para m es un honor que no me hayan apoyado ustedes. Si la alta burguesa me apoyara, yo empezara a dudar de m mismo", dijo. Pero, asegur que una cosa es la campaa electoral y "otra cosa es que ustedes se encadenen con llamados a la violencia como el lunes" Tambin acus al canal Globovisin, de lnea crtica con el Gobierno, de ser un medio "fascista". Globovisin se encuentra en un proceso de venta luego de haber denunciado su inviabilidad financiera tras las varias multas que el Ejecutivo le impuso por sus coberturas. Venezuela atraviesa un ambiente de tensin luego de los estrechos resultados de las elecciones de domingo, en las que Maduro se impuso a la mnima por un 50,78 % frente a Capriles, que logr un 48,95 % de los votos.


Multitudinaria protesta contra el gobierno de Cristina Fernndez en

Argentina Miles de personas comenzaron a manifestarse en las principales ciudades argentinas para participar en una movilizacin bautizada como 18, una expresin de protesta contra el Gobierno de Cristina Fernndez convocada a travs de las redes sociales. En

la concentracin ms numerosa, en Buenos Aires, los manifestantes recorren las principales avenidas con banderas argentinas -algunas gigantes-, pancartas y cacerolas que baten con fuerza para protestar contra la poltica del Ejecutivo. "Sin justicia no hay futuro", "Crcel para los lavadores de dinero" y "Libertad" son algunas de las consignas repetidas en las pancartas en la protesta, que concluir en la capital en la emblemtica Plaza de Mayo. La convocatoria se produce en un contexto de tensin por las restricciones cambiarias, el impulso de una polmica reforma judicial que se debate en el Parlamento y las denuncias por lavado de dinero en crculos prximos al poder. A diferencia de la ltima protesta masiva contra Fernndez, el pasado 8 de noviembre, esta movilizacin cuenta con el apoyo activo de dirigentes de la oposicin, como el alcalde de la ciudad, el conservador Mauricio Macri, quien, pese a ser uno de los ms insistentes en animar la participacin, decidi no acudir, segn confirmaron fuentes de su equipo. Otros opositores, como la diputada Patricia Bullrich y el dirigente sindical Gernimo Venegas se encuentran ya en las calles. Cristina Fernndez, que parti rumbo a Lima para asistir a una cumbre extraordinaria de la Unin de Naciones Suramericanas (Unasur), inici su gestin en 2007 y fue reelegida para un segundo mandato en 2011 con el 54 por ciento de los votos, pero su imagen positiva ha ido desde entonces en declive, segn diversas encuestadoras privadas.

El FBI muestra las fotos de dos sospechosos del

atentado en Boston El FBI mostr las fotos de dos sospechosos de colocar las bombas que hicieron explosin el pasado lunes en la recta final del maratn de Boston y causaron la muerte de tres personas y heridas a otras 176. En una rueda de prensa, el agente especial del FBI encargado de la

investigacin del atentado, Richard DesLauriers, describi a los dos sospechosos, de apariencia joven, y que visten dos gorras, una negra y otra blanca, y pidi la colaboracin ciudadana para localizarlos. En las tres secuencias hechas pblicas, se ve al sospechoso 1 con gorra negra, y al sospechoso 2 con gorra blanca, avanzar a escasa distancia uno del otro por la acera, entre el pblico. Ambos visten chaquetas deportivas y llevan maletines en la espalda. DesLauires asegur que la investigacin se va a ampliar a todo el mundo y pidi colaboracin internacional y nacional de todos los niveles. "Cualquier informacin por pequea o insignificante que parezca puede ser vital para la investigacin, afirm. Advirti que los dos individuos son considerados altamente peligrosos" y pidi a los ciudadanos que no tomen acciones por su cuenta. Si se tiene alguna pista sobre ellos, el FBI recomienda contactar con las autoridades. El agente insisti en que estas son las nicas fotos fiables, en referencia a las imgenes que se estn publicando en internet y por otros medios, que advirti que no son fidedignas. Por otra parte, subray que no hay peligro inminente de un nuevo ataque.

El nobel de literatura Mario Vargas Llosa, pidi no legitimar a Maduro en

cumbre de Unasur El escritor peruano les pidi a los diferentes jefes de estados, que participarn en la cumbre extraordinaria de Unasur, no legitimar a Nicols Maduro como presidente de Venezuela. "Legitimar un atentado contra esas instituciones (democracia y Estado de Derecho) en un pas vecino sera un acto

contradictorio contra esos antecedentes y emitira dentro y fuera del pas seales muy inconvenientes", afirm Vargas Llosa. Vargas Llosa le pidi al presidente peruano, Ollanta Humala y a sus homlogos suramericanos "actuar a favor de la democracia y el Estado de derecho". Actualmente, la oposicin venezolana, representada por el abogado Henrique Capriles, solicit un recuento de votos. El margen de diferencia entre Nicols Maduro, presidente encargado de Venezuela y Capriles, fue de 1.8 por ciento. "Las graves dudas que existen sobre el resultado oficial del proceso electoral que tuvo lugar el domingo 14 de abril y la hostilidad desatada contra una oposicin que, segn el propio recuento oficial, representa por lo menos a una mitad de los venezo

Date post:	01-Mar-2016
Category:	Documents
Upload:	solo-di-pueblo
View:	239 times
Download:	0 times

Diabierna 19 April 2013

Documents