تذکرہ امام احمد رضا خان
Tazkirah-e-Imam Ahmad Raza Khan
TAZKIRAH IMAM
AHMAD RAZA KHAN
Ye Risala Shaykh-e-Tareeqat Ameer-e-Ahl-e-Sunnat Bani-e-
Dawat-e-Islami, Hazrat Allamah Maulana Abu Bilal Muhammad
Ilyas Attar Qadiri Razavi nay tehreer farmaya
hay, Majlis-e-Tarajim nay isko Roman-Urdu mayn compose
kiya hay. Agar is may koi kami-bayshi payen to Majlis-e-
Tarajim ko aagah kar key Sawab kay haqdar baniye.
Majlis-e-Tarajim (Dawat-e-Islami)
Aalami Madani Markaz, Faizan-e-Madinah, Mahallah Saudagran,
Purani Sabzi Mandi, Bab-ul-Madinah, Karachi, Pakistan
UAN: +92-21-111-25-26-92 – Ext. 7213
Email: [email protected]
www.dawateislami.net
ii
�
Kitab Parhnay ki Du’a
Deeni Kitab ya Islami sabaq parhnay say pehlay zail mayn di
hu’i Du’a Parh Lijiye jo kuch parhayn gay yaad
rahay ga. Du’a ye hay:
Tarjuma
Ay Allah hum per Ilm-o-hikmat kay darwazay khol day aur
hum par apni rahmat nazil farma! Ay Azmat aur Buzurgi walay!
Note: Awwal akhir ayk ayk bar Durood-e-Pak parh layn.
www.dawateislami.net
iii
Kitab Parhnay ki Du’a ................................................................ ii
Durood Shareef Ki Fazilat .............................................................. 1
Wiladat-e-Ba-Sa’adat....................................................................... 1
A’ala Hazrat ka san-e-wiladat ........................................................ 2
Hayrat Angayz Bachpan ................................................................. 3
Bachpan ki ayk hikayat ................................................................... 4
Peyhla Fatwa ..................................................................................... 6
A’la Hazrat Ki Riyazi Dani ............................................................. 6
Hayrat Angez Quwwat-e-Hafiza ................................................... 8
Sirf Aik Maah Mayn Hafiz-e-Quran ............................................. 9
Ishq-e-Rasool .......................................................................... 10
Hukkam Ki Khushamad Say Ijtinab ........................................... 10
Baydari May Dedar-e-Mustafa ............................................. 12
Seerat ki Ba’z Jhalkiyan ................................................................. 14
Doran-e-Milad Bethnay ka Andaz .............................................. 15
Sonay Ka Munfarid Andaz ........................................................... 16
Train Ruki Rahi .............................................................................. 17
Tasaneef .......................................................................................... 18
Tarjama-e-Quranay Kareem ........................................................ 19
Wafat-e-Hasrat A’yaat .................................................................. 20
Darbar-e-Risalat May Intizar ....................................................... 21
Tip1:Click on any heading, it will send you to the required page.Tip2:at inner pages, Click on the Name of the book to get back(here) to contents.
www.dawateislami.net
1
�
TAZKIRAH IMAM
AHMAD RAZA KHAN
Shaytan laakh susti dilaey magar ye risala niyyat-e-sawab pura
parh kar apni dunya-o-aakhirat ka bhala kijiye.
Durood Shareef Ki Fazilat
Rahmat-e-A’lam, Noor-e-Mujassam, Shah-e-Bani Adam, Shafi’e-
Umam, Rasool-e-Akram ka farman-e-Shafa’at
nishan hay: ‘Jo Mujh per durood-e-pak parhay ga Mayn uski
shafa’at farmaon ga.’
Wiladat-e-Ba-Sa’adat
Meray Aaqa A’ala Hazrat, Imamay Ahl-Sunnat, Wali-e-
Ne’mat, Azeem-ul-Barakat, A’zeem-ul-Martabat, Parwana-e-
Sham-e-Risalat, Mujadid-e-Den-o-Milat, Hami-e-Sunnat,
www.dawateislami.net
Tazkirah-e-Imam Ahmad Raza Khan
2
Mahi-e-Bid’at, A’alim-e-Shari’at, Bais-e-Khayr-o-Barakat, Hazrat
A’llama Maulana Al-Haj Al-Hafiz Al-Qari Shah Imam Ahmad
Raza Khan ki wiladat-e-Ba-Sa’adat Bareli Shareef
kay mahalla Jasoli may 10 Shawwal-ul-Mukarram 1272 Hijri
Baroz hafta ba-waqt-e-zuhur mutabiq 14 june 1856 ko hui.
San-e-Paydaish kay a’tibar say aap ka naam Al-Mukhtar (1272
Hijri) hay.
A’ala Hazrat ka san-e-wiladat
Mayray Aaqa A’ala Hazrat nay apna san-e-wiladat
parah 28 Surat-ul-Mujadalah ki aayat number 22 say nikala
hay. Is A’yat-e-karima kay Ilm-e-Abjad kay ay’tibar kay
mutabiq 1272 a’dad hayn our hijri saal kay hisab say yahi apka
san-e-wiladat hay. Chuna-chay Maktabat-ul-Madina ki Matbu’a
malfozat-e-A’ala Hazrat safha 410 per hay: Wiladat ki
tarekhiyon ka zikar tha our is per (Sayyadi A’ala Hazrat
) nay irshad farmaya: mayri wiladat ki
tareekh is a’yat-e-karima may hay:
Tarjama-e-Kanz-ul-Imaan: Ye hayn jin kay dilon may Allah
nay emaan naqsh farma diya our apni taraf ki rooh say un
ki madad ki.
www.dawateislami.net
Tazkirah-e-Imam Ahmad Raza Khan
3
Apka Naam-e-Mubarak Muhammad hay our Apkay dada nay
Ahmed Raza kah ker pukara our isi naam say mash’hor huway.
Hayrat Angayz Bachpan
U’momam her zamanay kay bachon ka wohi haal hota hay jo
aaj kal bachon ka hay kay saat (7) A’ath (8) saal tak to unhen
kisi baat ka hosh nahi hota our na hi wo kisi baat ki tayh tak
pohanch saktay hayn, Magar A’ala Hazrat ka
bachpan bari ahmiyat ka hamil tha. Kam sini, khurd Sali (ya’ni
bachpan) our kam umri may hosh mandi our quwwat-e-hafiza
ka ye a’alam tha kay sarhay chaar saal ki nanhi si umar may
Quran-e-Majeed nazira mukamal parhnay ki nay’mat say
baryab ho gay.
Chay Saal kay thay kay Rabi-ul-Awal kay Mubarak mahenay
may mumber per jalva-Afroz ho kar Milad-u-Nabi
kay mozo’ per aik bohat baray ijtam’a may nihayat pur
magaz takreer farma ker u’lamaye kiraam our Mashaykh
‘Uzzam say tehseen-o-afreen ki dad wusool ki. Usi umar may
Ap nay Baghdad Shareef kay baray may simt ma’loom kar li phir
tadam-e-Hayat baldah-e-mubarika Ghaus-e-A’zam
(ya’ni Ghaus-e-A’zam kay Mubarak shahar) ki taraf pa’aon na
phaylaye. Namaz say to Ishq ki had tak lagao tha chuna-chay
Namaz-e-panjgana ba-jama’at takbeer-e-ola ka tahaffuz kartay
huwey masjid may ja kar ada farmaya kartay, jab kabhi kisi
www.dawateislami.net
Tazkirah-e-Imam Ahmad Raza Khan
4
khatoon ka samina hota to furan nazrayn neechi kartay huwey
sar jhuka liya kartay, goya kay Sunnat-e-Mustafa
ka Ap per ghalaba tha jis ka izhar kartay huway Huzoor Pur
Noor ki khidmat A’aliya mey youn salam pesh
kartay hayn:
A’ala Hazrat nay larakpen may takwa ko is qadar
apna liya tha kay chaltay waqt qadmon ki A’ahat tak sunnae na
deti thi. Saat saal kay thay kay Mah-e-Ramazan-ul-Mubarak
may rozay rakhnay shuru ker diye.
Bachpan ki ayk hikayat
Janab-e-Sayad Ayub Ali Shah Sahib farmatay hayn
kay bachpen may Ap ko ghar per aik Moulvi Sahib
Quran-e-Majeed parhanay aaya kartay thay. Aik roz ka zikar
hay kay Moulvi Sahib kisi Aayat-e-karima may bar bar aik lafz
Ap ko batatay thay magar Ap ki zaban
Mubarak say nahen nikalta tha wo ‘Zabar’ batatay thay Ap
‘Zayr’ parhtay thay ye kayfiyat jab Ap
kay Dada Jan Hazrat Raza Ali Khan Sahib nay dekhi
to Huzoor (Ya’ni A’la Hazrat) ko apnay pas bulaya our Kalam-
www.dawateislami.net
Tazkirah-e-Imam Ahmad Raza Khan
5
e-Pak mangwa ker dekha to us may katib nay galti say zair ki
jaga zabar likh diya tha, ya’ni jo A’la Hazrat ki
zaban say nikalta tha wo sahi tha. Ap kay Dada nay
pucha kay betay jis tarah Moulvi Sahib parhatay thay tum usi
tarah kuyon nahi parhtay thay? Arz ki: Mayn iradah karta tha
magar zaban per qabo na pata tha. A’la Hazrat khud
farmatay thay kay meray ustad jin say Mayn ibtada’e kitab
parhta tha, jab mujhay sabaq parha diya kartay, aik do martaba
mayn dekh ker kitab band ker deta, jab sabaq suntay to haraf
ba-haraf lafz ba-lafz sunna deta. Rozana ye halat dekh ker
sakht ta’jub kartay. Aik din mujh say farmanay lagay kay
Ahmed Miyan! Ye to kaho Admi ho ya Jin? kay mujh ko
parhatay dayr nahi lagti hay magar tum ko yad kartay dayr
nahi lagti ! Ap nay farmaya kay Allah ka sukar hay mayn
insan hi hon haan Allah ka Fazul-o-Karam shamil-e-Hal
hay.
Allah ki un per rahmat ho our unkay sadqay hamari be-
hisab maghfirat ho.
www.dawateislami.net
Tazkirah-e-Imam Ahmad Raza Khan
6
Peyhla Fatwa
Mayray Aaqa A’la Hazrat nay sirf terah (13) saal
dus (10) mah chaar (4) din ki umer may tamam Muraweja
u’loom ki takmeel apnay Walid Majid Raees-ul-Mutakallimeen
Moulna Naqi Ali Khan say ker kay sanad-e-faraghat
hasil ker li. Usi din Ap nay aik suwal kay jawab may
peyhla fatwa tahreer farmaya tha. Fatwa sahi paa ker Ap
kay Walid-e-Majid nay Masnad-e-Ifta Ap
kay supurd ker di our akhir waqt tak fatwa tahreer farmatay
rahay.
Allah ki un per rahmat ho our unkay sadqay hamari bay-
hisab maghfirat ho.
A’la Hazrat Ki Riyazi Dani
Allah Ta’ala nay A’la Hazrat ko bay-andazah u’loom
jalila say nawaza tha. Ap nay kamo-baysh pachas
u’loom mayn qalam uthaya our qabil-e-qadar kutub tasneef
farmayen. Ap ko her fun may qafi dastaras hasil thi.
Elm-e-toqeet mayn is qadar kamal hasil tha kay din ko suraj
our raat ko sitaray dekh ker ghari mila letay. Waqt bulkul sahi
www.dawateislami.net
Tazkirah-e-Imam Ahmad Raza Khan
7
hota our kabhi aik minute ka bhi farq na huwa. Elm-e-Riyazi
may Ap yagana-e-rozgar thay. Chuna-chay Ali-Garh University
kay Voice Chanceller Doctor Ziya-u-din jo kay riyazi may gair
mulki digriyan our tamgha-jaat hasil kiye huway thay. Ap
ki khidmaat may riyazi ka aik mas’ala puchnay Aey.
Irshad huwa : Farmaiey ! Unhon nay kaha: wo eysa mas’ala
nahi jesay itni asani say arz karon. A’la Hazrat nay
farmaya: Kuch to farmaeye. Voice Chanceller Sahib nay suwal
pesh kiya to A’la Hazrat nay usi waqt iska tashafi
bakhsh jawab day diya. Unhon nay intahae herat say kaha kay
mayn is mas’alay kay leye jana chahta tha ittifakan
hamaray Diniyat kay Professor Moula Sayed Sulayman Ashraf
Sahib nay meri Rayhnuma’e farmae our mayn yahan hazir ho
gaya. Youn Ma’loom hota hay kay Ap isi mas’alay ko kitab
dekh rahay thay. Doctor Sahib Ba-sad farhat-o-Musarrat
wapas tashreef lay gaey our Ap ki shakhsiyat say is
qadar Mutassir huway kay darhi rakh li our Soom-o-Salat kay
paband ho gaey. Allah ki un per rahmat ho
our un kay sadqay hamari bay-hisab maghfirat ho.
E’lawa Azen Meray Aaqa A’la Hazrat Elm-e-Takseer, Elm-e-
Hayet, Elm-e-Jafar waghera may bhi qafi maharat rakhtay thay.
www.dawateislami.net
Tazkirah-e-Imam Ahmad Raza Khan
8
Hayrat Angez Quwwat-e-Hafiza
Hazrat Abu-Hamid Sayed Muhammad Muhaddis Kacho-chwi
farmatay hayn kay jab Dar-ul-Iftah may kam karnay
kay sil-silay may mera Berayli Shareef may qiyam tha to raat
din esay waki’at samnay aatay thay kay A’la Hazrat ki hazir
jawabi say log heran ho jatay. unki hazir jawabiyon may herat
may dal denay walay waqe’at wo e’lmi hazir jawabi thi jis ki
misal suni bhi nahin gae. Maslan Istifta (Suwal) Aaya, Dar-ul-
Ifta may kam karnay walon nay parha our esa ma’lom huwa
kay nae qisim ka hadisa daryaft kiya gaya (ya’ni nae qisim ka
mua’mila pesh aaya hay) our jab jawab juziyya ki shakal may
na mil sakay ga Fuqaha-e-Kiram kay usool-e-A’mma say
istinbat karna paray ga. (ya’ni fuqaha-e-kiram kay
bataey huway usolon say mas’ala nikalna paray ga). A’la Hazrat
ki khidmat may hazir huway, Arz kiya: A’jab naye naye qisim
kay suwalat aa rahay hayn! Ab hum log kiya tariqa ikhtiyar
Karayn? Farmaya: ye to bara purana sawal hay. Ibn-e-Humam
nay ‘Fatah-ul-Qadeer’ kay fulan safhay may, Ibn Abideen nay
‘Rad-ul-Muhtar’ ki fulan jild our fulan safha per (likha hay).
‘Fatawa-e-Hindiya’ may ‘Khairiya’ may ye ye ibarat saf saf
mujod hay ab jo kitabon ko khola to safha, satr our bataye gaye
ibarat may aik nuqtay ka farq nahi. Is Khuda-dad Fazul-o-
Kamal nay U’lama ko hamesha herat may rakha.
Allah ki un per rahmat ho our un
kay sadqay hamari bay-hisab maghfirat ho.
www.dawateislami.net
Tazkirah-e-Imam Ahmad Raza Khan
9
Sirf Aik Maah Mayn Hafiz-e-Quran
Janab Sayed Ayoub Ali Sahib ka bayan hay kay aik
roz A’la Hazrat nay irshad farmaya kay baaz na-
waqif hazrat meray naam kay aagay Hafiz likh diya kartay
hayn, halankay mayn is laqab ka ahal nahi hon. Sayed Ayoub
Ali Sahib farmatay hayn kay A’la Hazrat
nay isi roz say dour shuru ker diya jis ka waqt galiban E’sha ka
wuzu farmanay kay b’ad say jama’at qaim honay tak makhsos
tha. Rozana aik para yad farma liya kartay thay, yahan tak kay
teesven roz teesvan para yad farma liya.
Aik Mo’qay per farmaya kay mayn nay kalam-e-Pak bil-tarteeb
ba-koshish yaad kar liya our ye is liye kay in bandgan-e-Khuda
ka (jo meray naam kay aagay hafiz likh diya kartay hayn)
kehna ghalat sabit na ho. Allah ki un per
rahmat ho un kay sadqay hamhari bay-hisab maghfirat ho.
www.dawateislami.net
Tazkirah-e-Imam Ahmad Raza Khan
10
Ishq-e-Rasool
Meray Aaqa A’la Hazrat Ishq-e-Mustafa
ka sarta-paa namuna thay, Ap ka
na’tiya dewan ‘Hadaiq-e-Bakhshish Shareef’ is amar ka shahid
hay. Aap ki Noq-e-Qalam balkay Gehra’e qalb say
nikala huwa her misr’a Mustafa Jan-e-Rahmat
say Ap ki bepayan A’qedat-o-Mahabat ki shahadat
deyta hay. Ap nay kabhi kisi dunyawi tajdar ki
khushamad kay leye qaseeda nahi likha, is liye kay Aap
nay Huzoor-e-Tajdar-e-Risalat ki
eta’at-o-ghulami ko dil-o-jan say qabool ker liya tha. Our us
may martaba-e-kamal ko puhnchay huway they, is ka izhar Ap
nay aik shay’r may is tarah farmaya:
Hukkam Ki Khushamad Say Ijtinab
Aik martaba riyasat nan-parah (zila bahraich yupi Hind) kay
nawab ki madah (ya’ni ta’reef) may shu’ra nay qasaid likhay.
Kuch logon nay Ap say bhi guzarish ki kay Hazrat
Ap bhi nawab sahib ki madah (ta’reef) may koi qaseeda likh
dayn. Ap nay us kay jawab may aik na’at shareef
likhi jis ka matla’e1 ye hay:
1 Ghazal ya qaseedah kay shuru ka shay’r jis kay dino misron may qafiye hon wo
matla’ kahlata hay.
www.dawateislami.net
Tazkirah-e-Imam Ahmad Raza Khan
11
Mushkil alfaz ki ma’ani: Kamal=Pura hona Nuqs= Khami
Khaar= Kanta
Sharah-e-Kalam-e-Raza: Meray Aaqa Mehboob Rab-e-Zul-
jalal ka husun-o-jamal daraja-e-kamal tak
puhanchta hay ya’ni her tarah say kamil-o-mukamal hay is
may koi khami hona to door ki baat hay, Khami ka tasavur tak
nahi ho sakta, her phool ki shaakh may kantay hotay hayn magar
Gulshan-e-Amina ka aik ye he Mehekta phool
eysa hay jo kanton say pak hay, her sha’ma may ye a’aib hota
hay kay wo dhuwan chorti hay magar Ap bazm-e-risalat ki eysi
roshan sha’ma hayn kay dhuwan ya’ni her tarah kay a’aib say
pak hayn. Our makta’e1 may “nan para” ki bandish kitnay
lateef isharay may ada kartay hayn:
Karon Madah-e-Ahl-e-Duwal Raza Paray is Bala May mayri
bala
Main gada hon apnay kareem ka mayra deen “para-e-nan”
nahi
Mushkil Alfaz ki Ma’ani: Madah=tareef duwal=dolat ki jam’a
para nan= roti ka tukra
1 Kalam ka Akhari shay’r jis may shay’r ka takhallus ho maqt’a keyhlata hay.
www.dawateislami.net
Tazkirah-e-Imam Ahmad Raza Khan
12
Sharah-e-Kalam-e-Raza: Mayn Ahl-e-Dolat Sarwat ki madah
sara’e ya’ni tareef-o-toseef kuyun karon! Main to apnay Aaqa-
e-Kareem, Rauf-ur-Raheem kay dar ka faqeer
hon. Meyra deen ‘Para-e-nan’ Nahi. ‘Nan’ ka ma’na roti our
‘para’ ya’ni tukra. Matlab ye kay meyra deen ‘roti ka tukra’
nahi hay kay jis kay leye maaldaron ki khusha-mdayn karta
phiron.
Baydari May Dedar-e-Mustafa
Meray Aaqa A’la Hazrat dosri bar hajj kay leye hazir
huway to Madina Munawwarah may Nabi-e-
Rahmat ki ziyarat ki A’rzo leye Roz-e-Athar
kay samnay dayr tak salat-o-salam parhtay rahay, magar peyhli
raat qismat may ye sa’adat na thi. is moqay per wo ma’roof
na’atiya gazal likhi jis kay matlay’ may daman-e-rahmat say
wabastagi ki umeed dikhae hay.
Sharh-e-Kalam-e-Raza: Aey Bahar jhoom ja! Kay tujh per
baharon ki bahar anay wali hay. Wo deykh! Madinay kay
Tajdar suey lala zar ya’ni janib-e-gulzar
tashreef la rahey hayn!
www.dawateislami.net
Tazkirah-e-Imam Ahmad Raza Khan
13
Maktay may bargah-e-risalat may apni A’jizi our bay-maeegi
(ya’ni miskeeni) ka naqsha youn khencha hay:
(A’la Hazrat nay misra’-e-sani may ba-tor-e-A’jizi
apnay leye ‘Kutay’ ka lafz istemal farmaya hay magar adban
yahan ‘shayda’ likha hay).
Sharh-e-Kalam-e-Raza: Is Maktay’ may A’shiq-e-Mah-e-Risalat
Sarkar A’la Hazrat kamal-e-inkisari ka izhar kartay huway
apnay Ap say farmatay hayn: Aey Ahmed Raza! To kiya teri
haqiqat kiya! Tujh jesay hazron sagan-e-Madina galiyon may
youn phir rahey hayn!
Ye gazal arz ker kay dedar kay intizar may muadab bethay
huway thay kay qismat angra’e lay ker jag uthi our chashma-e-
sar (ya’ni sar ki khuli a’ankhon) say beydari may ziyarat-e-
Mehboob-e-Bari say musharaf huwey
Allah ki un per rahmat ho our un kay sadqay hamari
be-hisab maghfirat ho.
! Qurban jaeye un A’nkhon per kay jo A’lam
beydari may Janab-e-Risalat ma’ab kay dedar
say sharaf-yab huwen. kuyun na ho kay Aap kay
www.dawateislami.net
Tazkirah-e-Imam Ahmad Raza Khan
14
andar Ishq-e-Rasool kot kot ker bhara huwa
tha our Aap “Fina Fir-Rasool” kay A’la mansab per
faiz thay. Aap ka na’tiya kalam is amar ka shahid
hay.
Seerat ki Ba’z Jhalkiyan
Meray Aaqa A’la Hazrat farmatay hayn: Agar koi
meray dil kay do turkay ker day to aik per our dosray
per likha huwa paye ga.
Tajdar-e-Ahl-e-Sunnat Shehzada-e-A’la Hazrat Huzoor Mufti-
e-A’zam Hind Moulana Mustafa Raza Khan
‘Saman-e-Bukhshish’ may farmatay hayn:
Mashaikh-e-zamana ki nazron may Ap wake’e Fana
Fir-Rasool thay. Aksar Firaq-e-Mustafa may
ghamgen rehtay our sard Aaheyn bhara kartay. Peyshawer
gustakhon ki gushtakhana e’barat ko dekhtay to a’nkhon say
a’ansoon ki jhari lag jati our Piyaray Mustafa
ki himayat may gustakhon ka sakhti say rad kartay ta-kay wo
www.dawateislami.net
Tazkirah-e-Imam Ahmad Raza Khan
15
jhunjhala ker A’la hazrat ko bura kahna our likhna
shuru kardayn. Aap aksar is per fakhar kiya kartay
kay Bari Ta’ala nay is dor may mujhay Namos-e-Risalat Ma’ab
kay leye dhal banaya hay. Tareeq-e-Iste’mal ye
hay kay bad-goyun ka sakhti our teez kalami say rad karta hon
kay is tarah wo mujhay bura bhala kahnay may masroof ho
jaeyn. Us waqt tak kay leye Aaqa-e-Do Jahan
ki shan may gustakhi karnay say bachay rahayn gay. Hadaiq-e-
Bakhshish shareef may farmatay hayn:
Ghuraba ko kabhi khali hath nahi lotatay thay, hamesha
ghareebon ki imdad kartay rahtay, balkay A’khiri waqt bhi
A’zeez-o-Aqarib ko wasiyat ki kay ghuraba ka khas khayal
rakhna. Un ko khatir-dari say achay achay our lazeez khanay
apnay ghar say khilaya karna our kisi ghareeb ko mutlaq na
jherakna.
Ap aksar tasneef-o-taleef may lagay rehtay. Panchon
namazon kay waqt masjid may hazir hotay our hamesha namaz
ba-jama’at ada farmaya kartay, Ap ki khorak bohat
kam thi.
Doran-e-Milad Bethnay ka Andaz
Meray A’la Hazrat Imam Ahmed Raza Khan
www.dawateislami.net
Tazkirah-e-Imam Ahmad Raza Khan
16
Mehfil-e-Milad Shareef may zikr-e-wiladat shareef kay waqt
salat-o-salam parhnay kay leye kharay huway baqi shuru say
a’khir tak adben do-zano bethay rahtay. Youn hi Wa’z
farmatay, chaar (4) panch (5) ghantay kamil do-zano hi
member shareef per rehtay.
Kash! hum ghulaman-e-A’la Hazrat ko bhi Tilawat-e-Quran
kartay ya sunntay waqt nez Ijtama-e-zikr-o-Naat sunnaton
bharay ijtama’at, madani muzakirat, dars-o-madni halqon
wagherah may adben do-zano bethnay ki sa’adat mil jay.
Sonay Ka Munfarid Andaz
Sotay waqt hath kay angothay ko shahadat ki ungli per rakh
letay takay ungilyon say lafz ‘Allah’ ban jaey. Ap
peyr phela ker kabhi na sotay balkay dahini (ya’ni sidhi)
karwat layt ker dono hathon ko mila ker sar kay nichay rakh
letay our Paaon Mubarak samayt letay, Is tarah jisim say lafz
‘Muhammad’ ban jata.
ye Allah kay chahinay walon our Rasool-e-Pak
kay sachay A’shiqon ki adayn.
www.dawateislami.net
Tazkirah-e-Imam Ahmad Raza Khan
17
Train Ruki Rahi
Janab Sayed Ayub Ali Shah Sahib farmatay hayn
kay meray Aaqa A’la Hazrat aik bar Peli Bhayt say
Bareli Shareef Ba-zarya-e-Rail ja rahay thay. Rastay may
nawab-gunj kay station per jahan gari sirf do minutes kay leye
thayherti hay, Magrib ka waqt ho chukka tha, Ap
nay gari thay-hertay hi Takbeer Aqamat farma ker gari kay
andar hi niyyat bandh li, galiban paanch shakson nay iqtada ki
un may mayn bhi tha lekin abhi shareek jama’at nahi ho nahi
paya tha kay meri nazar ghayr-muslim guard per pari jo plate
form per khara sabz jhandi hila raha tha, Main nay khirki say
jhank ker dekha kay line clear thi our gari choot rahi thi,
magar gari na chali our Huzoor Hazrat nay ba-itminan tamam
bila kisi iztirab kay teenon farz rak’atayn ada ki our jis waqt
dayen janib salam phera tha gari chal di muqtadiyon ki zaban
sey be-sakhta Subhan-Allah, Subhan-Allah, Subhan-Allah nikal
gaya.
Is karamat may qabil-e-ghor ye baat thi kay agar jama’at plate
form per khari hoti to ye kaha ja sakta tha kay guard nay aik
buzrugh hasti ko deykh ker gari rok li ho gi eysa na tha balkay
namaz gari kay andar parhi thi. is Thoray waqt may guard ko
kiya khabar ho sakti thi kay aik Allah ka mehboob banda
fariza-e-Namaz gari may ada karta hay.
www.dawateislami.net
Tazkirah-e-Imam Ahmad Raza Khan
18
Allah ki un per rahmat ho our un kay sadqay hamari bay-
hisab maghfirat ho.
Sharh-e-Kalam-e-Raza: Jo koi Sarkar-e-Namdar, Madinay kay
Tajdar ka muti’e-o-farman bardar huwa
makhloq-e-parwerdegar us ki eta’at-guzar ho gai our jo koi
darbar-e-Huzoor-e-Pur-Noor say dor huwa
wo Bargah-e-Rab-e-Gaffor say bhi dor ho gaya.
Tasaneef
Mayray Aaqa A’la Hazrat nay mukhtalif u’nowanat
per kam-o-beysh aik hazar kitabeyn likhi hayn.Youn to Ap
nay 1286 hijri say 1340 hijri tak lakhon fatway diye
ho gay, Lekin Afsos! Kay sab naqal na kiye ja sakay, jo naqal
ker leye gaye thay un ka nam ‘ ’ rakha
gaya. Fatawa-e-Razaviyah (Mukharajah) ki 30 jaldayn hayn jin
kay kul 21656, kul sawalat-o-jawabat: 6847 our kul rasail: 206
www.dawateislami.net
Tazkirah-e-Imam Ahmad Raza Khan
19
hayn.
Quran-o-Hadith, Fiqa, mantiq our kalam wagherah may Ap
ki wus’at-e-nazri ka andaza Ap kay fatawa
kay mutal’ay say he ho sakta hay. kuyun kay Ap kay
her fatway may dala’il ka samunder moj zan hay. Ap
kay saat rasail kay nam mulahiza hon:
(1) Sachay Khuda per jhoot ka
bohtaan baandh-nay walon kay Red may ye risala tehreer
farmaya hay jis nay mukhalfeen kay dam tor diye our qalam
nichor diye (2) (3) (4) (5)
(6) (7)
Tarjama-e-Quranay Kareem
Meray Aaqa A’la Hazrat nay quran kareem ka
tarjama kiya jo urdu kay mojudah tarajim may sab per faiq
(ya’ni foqiyat) hey. Tarjama ka nam “Kan-ul-Emaan” hay jis
per Ap kay khalifa Hazrat Sadr-ul-Afazil Maulana
Sayed Muhammad Naeem-u-Din Muradabadi nay
ba-naam ‘Khazain-ul-Irfan’ our Mufassir-e-Shaheer Hakeem-
www.dawateislami.net
Tazkirah-e-Imam Ahmad Raza Khan
20
ul-Umat Hazrat Mufti Ahmad Yar Khan nay
‘Noor-ul-Irfan’ kay naam say hashiya likha hay.
Wafat-e-Hasrat A’yaat
A’la Hazrat nay apni wafat say 4 mah 22 din pehlay
khud apni wisal ki khabar day ker para 29 surat-ul-dahar ki
aayat 15 say saal-e-Intiqal ka istikhraj farma diya tha. Is aayat
shareefa kay Elm-e-Abjad kay hisab say 1340 adad bantay hayn
our yahi hijri saal kay aytibar say sann-e-wafat hay. Wo A’yat
Mubarika ye hay:
Tarjama-e-Kan-ul-Emaan: Our un per chandi kay bartanon
our kuzon ka dor hoga.
25 Safar-ul-Muzaffar 1340 hijri mutabik 28 Octomber 1921 ko
Jummat-ul-Mubarak kay din Hindustan kay waqt kay mutabiq
2 baj ker 38 minute (our Pakistani waqt kay mutabik 2 baj ker
8 minutes) per ‘ayn A’zan-e-jummah kay waqt A’la Hazrat,
Imam-e-Ahl-Sunnat, Wali-e-Ney’mat, Azeem-ul-Barakat,
Azeem-ul-Martabat, Perwana-e-Shama’aye-Risalat, Mujaddid-
e-Din-o-Millat, Hami-e-Sunnat, Mahi-e-Bid’at, A’lim-e-Shari’at,
Peer-e-Tariqat, Bais-e-Khair-o-Barakat, Hazrat A’llama Maulana
Al-Hajj, Al-Hafiz Al-Qari Shah Ahmed Raza Khan
nay Da’eye Ajal ko labbaik kaha . Ap
www.dawateislami.net
Tazkirah-e-Imam Ahmad Raza Khan
21
ka Mazar pur Anwar Madina-tul-Murshid Bareli shareef may
aaj bhi ziyarat-gah khas-o-A’am hay. Allah ki un per
rahmat ho our un kay sadqay hamari bey-hisab maghfirat ho.
Darbar-e-Risalat May Intizar
25 Safar-ul-Muzafar 1340 hijri ko Bayt-ul-Muqaddas may aik
Shami Buzrug nay khuwab may apnay aap ko
Darbar-e-Risalat may paya. Sahaba-e-Kiram
Darbar may hazir thay, lekin majlis may sukoot tari
tha our eysa ma’loom hota tha kay kisi aanay walay ka intizar
hay, Shami Buzrug nay Bargah-e-Risalat
may arz ki: Huzoor! meray maa baap Ap per
qurban hon kis ka intizar hay? Sayed-e-A’lam
nay irshad farmaya: Hameyn Ahmed Raza ka intizar hay.
Shami Buzrug nay Arz ki: Huzoor! Ahmed Raza kon hayn?
Irshad huwa: Hindustan may bereli kay bashanday hayn.
Bedari kay b’ad wo Shami Buzurg Maulana Ahmed
Raza ki talash may Hindustan ki taraf chal paray
www.dawateislami.net
Tazkirah-e-Imam Ahmad Raza Khan
22
our jab wo bareli Shareef Aaey to unhen ma’olom huwa kay us
A’shiq-e-Rasool ka usi roz (ya’ni 25 safar-ul-Muzafar 1340
hijri) ko wisal ho chukka hay. Jis roz unhon nay khuwab may
Sarkar-e-A’li Waqar ko ye kahtay sunna tha
kay ‘Hameyn Ahmad Raza ka intizar hay’.
Allah ki un per rahmat ho our un kay sadqay hamari bey-
hisab maghfirat ho.
Sag-e-Ghaus-o-Raza:
Muhammad Ilyas Qadiri Razavi
25th of affar-ul-Mu affar, 1393 Hijri
31-03-1973
www.dawateislami.net