3
PRO BISTA Partisipashon Fundashon Pro Bista Kòrsou Siman 33 / Ougùstus 2015 -1/2 PALABRA DI DIA Immortality is to live your life doing good things, and leaving your mark behind. UN SELEKSHON DI NOTISIA SEMANAL DI FUNDASHON PA HENDE KU LIMITASHON VISUAL DEPARTAMENTU SOSIAL REKREATIVO LUNA DI BUZON Di parti di komishon Buzon ta buskando kliente i boluntarionan ku ke yuda kolekta ku intekenlijst. Esaki ta un formulario ku bo por pasa ku n’e serka tur bo konosínan i nan ta yena e montante ku nan ta koperá ku n’e den nos luna di Buzon. Bo ta rekohé tur e donashonnan aki i bo ta entregá esaki na final di luna. Pasa inskribí na bali serka Marelva. Tur esnan ku kolektá mas di 200,- florin riba nan intekenlijst lo risibí un bunita tas di Fundashon Pro Bista. ANTONIA’S KITCHEN Antonia’s kitchen riba tur djarason tin su plato delisioso. Pa djarason 19 di ougùstùs e plato ta: Aros bruá ku bakijou, banana hasa i rauwkorst. Si bo ta deseá di hasi pedido di e delisioso kuminda ta yama sra. Antonia na tel: 521-6163 I hasi bo pedido. E kuminda ta kosta 10 florin. DEPARTAMENTU DI REVALIDASHON PURBA NOS iPHONE Departamentu di revalidashon ke informá tur kliente ku nan por pasa serka Ruben den kòmpiuter kamer si nan ke purba e i-phone i wak kon esaki ta funshoná. Pasa serka Ruben i traha un sita. PROYEKTO DI LABA I STRIKA PAÑA Departamentu di labor ke stimulá tur kliente, boluntario i trahadó pa hasi uso di nos servisio di laba i strika paña. Si bo tin pensá di hiba bo paña un waserèt pa laba òf strika paña, bo por trese serka nos na Fundashon mes. Tambe bo por bisa bo famia ku nan por hasi uso di nos servisionan. E servisio ta bon i e preis ta mas barata ku tur kaminda! KNOCK OUT DOMINÓ Djadumingu dia 23 di ougùstùs tin e tradishonal Knock out di Domino en konekshon ku nos luna di Buzon. E aña aki lo tin karaoke tambe aserka. Esaki ta tuma lugá den sala Corri Fundashon Pro Bista Kòrsou, Corrieweg 16, Tel: (+5999)737-9222, Fax: (+5999)737-9728, Email: [email protected], Website: www.probista.com Van Putten, na Fundashon Pro Bista. Ora ta 10 or di mainta pa 6 or di atardi. Bar i kushina lo ta bon surtí. Bin ku henter famia bin pasa un dia kontentu ku nos aki na Pro Bista. FAKANSI Pa e programa titulá “Fakansi” ku ta keda presentá pa Glenn Thomas ta buskando 2 persona pa partisipá den e kwes aki. Lo tin 5 pregunta. E partisipante ku kontestá tur e 5 pregunta korekto lo gana un ticket pa bishita e pais ku lo ta e tópiko di e edishon ei. Bin pasa un ratu gezellig huntu i gosa di e pasapalunan di Gilbert Catering. Si abo komo kliente ke partisipá òf boluntario pasa inskribí serka departamento SR. BO TA SIGUR Pa e programa titulá “Bo ta Sigur” ku ta keda presentá pa Lila Poula. Ta buskando 3 persona sea ta kliente, boluntario òf personal pa partisipá den programa aki. Ban wak ken ta papia bèrdat. E ta un programa ku kada biaha ku nan duna un kontesta lo krea duda ku si nan ta papia bèrdat. Intenshon ta pa e televidente nan saka afó ta kua ta papia bèrdat. Si bo ta interesá inskribí serka departamento Sosial Rekreativo. E programa ta wòrdu grabá na Pro Bista mes. AMBIENTE RIBA BRIONPLEIN Aki bo ta haña un impreshon di e ambiente ku tabatin djasabra dia 15 di ougùstùs riba Brionplein. Tabata un atardi hopi agradabel kaminda ku nos Orkesta di Pro Bista i nos grupo di Baile a duna un tremendo presentashon.
