2
PRO BISTA Partisipashon Fundashon Pro Bista Kòrsou Siman 39 / September 2015 -1/2 PALABRA DI DIA Success is simple. Do what’s right, the right way, at the right time. UN SELEKSHON DI NOTISIA SEMANAL DI FUNDASHON PA HENDE KU LIMITASHON VISUAL DEPARTAMENTU SOSIAL REKREATIVO KAMBIONAN Den siman ku a pasa departa- mentu di trahadó sosial i di sosial rekreativo a duna un presentashon tokante e kambionan ku nos ta bai introdusí pa ku aktividatnan di klientenan. Meta di esaki ta pa e klientenan ta mas aktivo den nan revalidashon. Ta bai parti nos klientenan den grupo abase di kategoria di edat. Kada grupo ta enkargá pa realisá aktividatnan pa nan koleganan di nan kategoria di edat pero naturalmente tur kliente por partisipá na tur aktividat. Nos lo keda duna mas informashon di esaki tur siman den nos partisipashon. SIMAN DI KULTURA Otro siman nos di Pro Bista tambe lo selebrá siman di kultura. Henter siman tin aktividat den kuadro di siman di kultura. E programa ta pendiente ainda. Den kuadro di siman di kultura tin un kompetensia di kuenta i poesia ku Kas di Kultura ta organisá. Tur kliente ku ta interesá pa partisipá por inskribí na departamentu sosial rekreativo. KOR PRO BISTA I RITMO Dia 2 di òktober Kor Pro Bista i ritmo a haña invitashon pa kanta na SVB pa un atardi di orashon. Esaki lo ta 5 or atardi. DEPARTAMENTU DI REVALIDASHON: BUKI DI BRAILLE: Nos a risibí donashon di algun buki di Braille. Ta partinan di beibel na Spañó i Ingles. klientenan ku ta interesá den e buki nan por pasa na biblioteka serka Edsel. KUENTA HABRI Nos ke pidi tur Kliente ku tin un kuenta habri na departamentu di revalidashon pa por fabor pasa i kanselá esaki mas pronto ku ta posibel. Fundashon Pro Bista Kòrsou, Corrieweg 16, Tel: (+5999)737-9222, Fax: (+5999)737-9728, Email: [email protected], Website: www.probista.com I tin un espasio pa un persona mas. Abo Dama òf kabayero kliente di Pro Bista, Bo ta sinti ku bo tambe ke duna bo aporte pa ku e proyekto aki? Pasa inskribí òf tuma informashon serka Roethleen (Jobcoach) di departamentu di labor. KEHO Nos a tuma nota ku delaster tempu tin hopi hende ku tin algun remarke i inkietut pa ku nan revalidashon i/o fundashon su funshonamentu. Nos ke stimulá di e manera aki tur hende ku tin un keho, remarke òf mal kontentu pa trese esaki dilanti. Nos ke kòrda tur hende ku nos tin diferente manera ku bo por trese bo keho o remarke. Nos tin nos Kedea, i tambe tin nos komishon di keho (klachten commissie). Tambe semper bo por aserka e persona ku bo tin konfiansa den dje i duna bo keho o remarke. Nos ke konsientisá tur hende si ku si bo no bai serka e persona ku por hasi algu pa ku bo keho, ta difísil pa e wòrdu remediá. Pues hasta e hende di kon- fiansa mester tin e kurashi pa sigui hiba e inkietut na un solushon. Ta huntu nos por solushoná tur kos i sigui traha komo un famia pa nos Fundashon sigui krese. INTAKENLIJST Nos ke gradisí tur kliente, boluntario i trahadó ku a kolekta durante luna di Buzon ku nan intakenlijst. Boso aporte ta hopi balioso pa nos. Tur persona ku a kolekta mas ku 200 florin a risibí un bunita tas serka nos. DIA DI STOKI E aña aki atrobe nos ta organisá un aktividat pa selebrá dia di stòki. Tur kliente ku ke partisipá por pasa inskribí serka Marelva na Bali. E aktividat ta un sorpresa manera tur aña. Keda pendiente pa mas informashon. PURBA NOS iPHONE Departamentu di revalidashon ke informá tur kliente ku nan por pasa serka Ruben den kòmpiuter kamer si nan ke purba e i-phone i wak kon esaki ta funshoná. Pasa serka Ruben i traha un sita. CORRIEWEG Geeta i Sammy tabatin un kombersashon ku UOOW ántes DOW, tokante e adaptashonnan na Corrieweg. Nos tabatin un kombersashon i tambe a manda un karta pa e Direktor kaminda nos a puntra e posibilidat pa pone un zebrapad òf drèmpel riba Corrieweg dilanti òf den besindario di e kaya promé ku bo yega e hanchi pa bai Fundashon Pro Bista. Aki den nos a indiká ku outomobilistanan ta kore ku un velosidat haltu riba Corrieweg i ku nos klientenan no por subi riba kaya di un manera seif. Nos a risibí un karta kaminda UOOW a indiká ku nan tin un plan pa ku esaki i lo bai ehekutá e plan. Dia 8 di sèptèmber 2015 UOOW a indiká di inisiá e rekonstrukshon di Corrieweg ku un durashon di 3 luna. PROYEKTO DI LABA I STRIKA PAÑA Departamentu di labor ke stimulá tur kliente, boluntario i trahadó pa hasi uso di nos servisio di lab a i strika paña. Si bo tin pensá di hiba bo paña un waserèt pa laba òf strika paña, bo por trese serka nos na Fundashon mes. Tambe bo por bisa bo famia ku nan por hasi uso di nos servisionan. E servisio ta bon i e preis ta mas barata ku tur kaminda! Nos di departamentu di labor kier a gradisí Sildra Joseph pa tur e tempu I energia ku el a depositá den e proyekto di laba paña. Nos Ta deseá Sildra tur klase di éksito pa futuro. Un kaluroso Bon bini ta bai pa Zoraida ku a skohe pa duna un man pa engrandese e proyekto. Sildra a habri e oportunidat pa Zoraida por forma parti di e proyekto
